تقرير مصور مدينة الأبراج في بريطانيا

روكا

روكا

رحالة
21 نوفمبر 2018
1,001
0
36
34
#1

السلام عليكم
كيفكم يا شباب ويا شابات
جلست الصيفية هذي في بريطانيا مدة شهر , وبكتب لكم عن هذه الزيارة بشكل متقطع بمواضيع منفصله
ولكن حبيت أبدا بمدينة أكسفورد الصغيرة والثرية والجميلة واللي يسمونها مدينة الأبراج .. وعرفت ليش يسمونها بهذا الإسم بعد مازرتها
الحلقة الأولى من موضوع اكسفورد بخصصه للفنادق .. لأني كسول ومالي بكتابة التقارير
لكن أحسن انها دين علي لازم اقدم شي لهذا الصرح الكبير وأفيد المستخدم المسافر
مدينة الأبراج في بريطانيا 503558 المسافرون العرب


مدينة الأبراج في بريطانيا 503559 المسافرون العرب


الطيران كان على الخطوط القطرية اللي أعطيها 5 نجوم
عشقي لهذا البلد خلاني أحب حتى طيرانهم
سعر التذكره 2800 ريال تقريبا
طرنا من مطار الكويت لأنه أقرب لي من الرياض
مدينة الأبراج في بريطانيا 503560 المسافرون العرب


مدينة الأبراج في بريطانيا 503561 المسافرون العرب


وهذا هو مطار الكويت .. نسيت أصور ولكن لقيت هذي الصوره الوحيده عندي بالكاميرا
بتاريخ 10/7/2016 الساعه 10.30 صباحا
وصلنا لدوحة الخير الساعه 11،45 تقريبا
كان الترانزيت تقريبا 3 ساعات ومر بشكل سريع

مدينة الأبراج في بريطانيا 503562 المسافرون العرب


وطرنا من الدوحة الساعه 3 العصر ووصلنا هيثرو الساعه 8،30 ليلا
عملنا تشيك أوت بسرعه وبدون تأخير مع العلم بأن المطار كان مزدحم لكن هذا هو مطار هيثرو
تلقا زحمه لكن تخلص بدقايق
وبسبب الشغل الضروري لصاحبي قررنا الذهاب الى اكسفورد على طول وبعدها نتجول بانحاء بريطانيا
أخذنا تاكسي وكان فان ب120£ مادري ليش صاحبي صمم على الفان
مدينة الأبراج في بريطانيا 503563 المسافرون العرب
مع العلم أننا 2 بس
وهي تبعد 75 كم ووصلناها بساعه تقريبا

مثل ما قلت لكم اليوم بكتب عن الفنادق .. وان شاء الله أكتب عن باقي رحلة اكسفورد متى ما حصلت لي فرصه

مدينة الأبراج في بريطانيا 503564 المسافرون العرب


حجزنا اون لاين في فندق Travelodge Oxford Abingdon Road
لمدة 5 ليال وكان سعر الليله 96 £
مددنا ليله اضافيه 106£ اون لاين ايضا لان الحجز من الفندق على الدسك كان ب 116£
والمجموع 586 £
صار لنا موقف مع هذا الفندق اذكره لكم في آخر الموضوع موقف يضيق الصدر
ماعندهم غرفه توين .. اللي عندهم دبل فقط
طلبنا منهم سرير اضافي جابوه لنا وكان مكسور
قلنا لهم كافي الفراش والغطاء والمخده أخذوا سريركم المكسور ما نبيه
مدينة الأبراج في بريطانيا 503565 المسافرون العرب

الفندق عبارة عن دورين أو ثلاث والمطعم بالدور الأرضي بجانب الاستقبال

مدينة الأبراج في بريطانيا 503566 المسافرون العرب


لاحظ بالصورة اللوبي وفي آخره المطعم
اللوبي صغير والغرف وسيعه نوعا ما ( اللي راح بريطانيا يعرف وش أقصد
مدينة الأبراج في بريطانيا 503567 المسافرون العرب
)
وهذي الغرفه

مدينة الأبراج في بريطانيا 503568 المسافرون العرب


مدينة الأبراج في بريطانيا 503569 المسافرون العرب


طبعا شغل عزابيه .. أنواع الفوضى ,, المشكله ان صاحبي عايش جو انه مرتب
مدينة الأبراج في بريطانيا 503570 المسافرون العرب
مدينة الأبراج في بريطانيا 503571 المسافرون العرب
مدينة الأبراج في بريطانيا 503572 المسافرون العرب
وانا ارفع له
الفندق نظيف كحال فنادق بريطانيا وأوروبا عموما
الواي فاي مجاني لمدة نصف ساعه فقط كل يوم
بعدين تقدر تشتريه اليوم ب 3£
الفطور كان بوفيه فطور بريطاني ( فاصوليا و بيض و فطر و نقانق خنزير طبعا وبعض المرات يحطونه خضار و خبز وزبد وكورن فلكس )
مثل ما قلت لكم فطور وبريطاني 100%
اذا ما كان حجزك مع الفطور راح تدفع تقريبا 8£
تقدر تطلب أدوات الكوي كاملة من الاستقبال ويجيبونها لك مجانا
مكان هذا الفندق جنوب اكسفورد على شارع Abingdon Road وبجانبه مباشره red bridge staition Park and Ride
الفندق يبعد عن السنتر نص ساعه مشي و10 دقايق بالباص
وكنا نروح بالباص ونرجع مشي يوميا
كان رقم الباص 300 و X3 و X13

الفندق الثاني
مدينة الأبراج في بريطانيا 503573 المسافرون العرب


jurys inn WOLVERCOTE سكنا فيه 5 ليال
سعر الليله بدون الافطار تقريبا 110£
مددنا ليله سادسه ب 113£
مجموع 663£
أيضا ما عندهم غرف توين .. عطونا مزدوج وطلبنا سرير اضافي وجابوه
الفندق عبارة عن دور واحد فقط كبير جدا والمطاعم والبارات فوق
اللوبي كبير وفسيح ويشرح الصدر والواي فاي موجود ومجاني ومرتب أكثر من فندقنا السابق
الغرف مثل ترافلودج تقريبا ولكن الحمام أوسع مره

مدينة الأبراج في بريطانيا 503574 المسافرون العرب


مدينة الأبراج في بريطانيا 503575 المسافرون العرب


أدوات الكوي كلها موجوده من غير طلب
فطورهم ايضا بوفيه بريطاني مثل أغلب فنادق بريطانيا .. فطورهم واحد
وفيه حمام سباحه للنزلاء
مكانه عكس فندقنا السابق ويقع شمال اكسفورد في منطقه WOLVERCOTE .. موقف الباص اسمه Millway Close ورقم الباص اللي يوديك للسنتر 6
وهو أبعد من الفندق الأول بالنسبة للسنتر

الفندق الثالث
رجعنا لصاحبنا الأول Travelodge Oxford Abingdon Road
وسكنا فيه حجزنا 3 ليالي الليله 93£
وكان المجموع 279£
يعني مجموع جلستنا في اكسفورد 15 ليله ب 1528£
بعد ما كنا مقررين نجلس فيها ليلة وحده بس
مدينة الأبراج في بريطانيا 503576 المسافرون العرب

أما الموقف اللي حصل لنا في هذا الفندق بعدما رجعنا له المره الثانيه
طلبنا سرير اضافي فقالوا لنا ما عندنا سرير اضافي !!
قلنا لهم حنا كنا قبل اسبوع تقريبا عندكم وجبتوا لنا سرير اضافي وكان مكسور
قالت الموظفه بابتسامه صفرا وديناه للتصليح
قلنا ماعندنا مشكله
عطونا الماترس مع الغطاء بس
قالت راح مع السرير للتصليح !!
كنا ننتكلم معاهم بذوق ولكن غيرنا نبرة الصوت ولكن بأدب
قلنا كيف فندق ما فيه سرير اضافي !! بنمشيها ولكن كيف مافيه ماترس أو غطا اضافي
فرضا لو طفل بلل فراشه أو شخص كب قهوه على الفراش وش العمل !!
ردت المديره قالت قلنا لك مافيه
قلنا لها هذي وقاحه .. هل حنا غير مرحب فينا بالفندق ؟؟
صعدنا فوق ونمت على الأرض هذيك الليله
مدينة الأبراج في بريطانيا 503577 المسافرون العرب

ودخلنا موقعهم وكتبنا شكوى باللي صار
وكان ويك اند
بعد الويك اند كنا في لندن وطلعنا من اوكسفورد .. جانا ايميل من الشركة يعتذرون ويقولون احنا اسفين ونعتذر لكم عن وقاحة الموظفه ولك فاوتشر 100 £ ردينا عليهم
قلنا مابي الفاوتشر نبي تعاقبون المديره الوقحه .. وهم يدرون اننها تقصد اننا عرب ومسلمين لكن ما يقدرون يقولون
وبنفس اليوم ردوا لنا بايميل يقولون ولكم ايضا 70 £ والمديره حولناها التحقيق
قلنا لهم شكرا لكم
بالسفره هذي عرفت الشعب البريطاني على حقيقته بعد ما نزعت نظارة الاعجاب والانبهار
شعب نصاب ولكن بطرقة ذربه
محترمين بحدود القانون ولكن بدون القانون يبقون ينظرون لنا نظرة دونيه
ولكن القانون هو اللي واقف لهم
لا يغرك اسلوبه أو اتيكيته ... تراهم يحاولون ينصبون عليك زي ربعنا العرب اذا سافرنا لهم
مدينة الأبراج في بريطانيا 503578 المسافرون العرب

اتكلم من واقع خبره يا ناس من واقع انبهار
والحلقة الجاية بتكلم عن الاماكن اللي تستحق الزياره باكسفورد والقرى الي حوالينها
وان كنت ارى انها كلها عبارة عن كنز أثري وعبق التاريخ يفوح منها

اخوكم صلاح (سفير جوجل)





 

روكا

روكا

رحالة
21 نوفمبر 2018
1,001
0
36
34
#2
الجزء الثاني من رحلتي لاكسفورد
السلام عليكم يا شباب ويا شابات
مدينة الأبراج في بريطانيا 503579 المسافرون العرب

أعتذر عن تأخري في كتابة الجزء الثاني
لأني مثل ما قلت لكم كسول جدا في الكتابة ولكن في القراءة لا .. شي ثاني
مدينة الأبراج في بريطانيا 503580 المسافرون العرب


ذكرت لكم الفنادق اللي سكنتها وبعض الملاحظات البسيطه
واليوم بالجزء اثاني بتكلم عن الأماكن اللي استهوتني في اكسفورد مدينة الأبراج التاريخية
أنا مدحتها لأني وجدت فيها ضالتي وهي السياحة التاريخية والمتاحف والمباني الأثرية والقرى الصغيره الريفية
وش اسوي هذا اللي احبه
كل مرحلة عمرية لها اهتماماتها
بالمرحلة من عمري هذا اللي الله قدرني عليه
مدينة الأبراج في بريطانيا 503581 المسافرون العرب

ما علينا ,,,
طبعا أول شي سويناه لما قررنا الجلسه باكسفورد اننا أخذنا بطاقة اسبوعية للباص
زي أويستر اللي يعرفونها أهل لندن
وكان سعرها 40£ لجميع الخطوط والشركات
كأنها كانت تصلح للسمارت وزن .. وش حدود السمارات زون ؟ .. علمي علمكم
مدينة الأبراج في بريطانيا 503582 المسافرون العرب
المهم
انها تودينا لكل المناطق اللي رحنالها بدون اي مشاكل
وأذكر كان فيه شركة رخيصه اسمها Magic على ما أظن .. كنا ناخذها مرات ب 1£
اذا نسينا البطاقه مثلا .. أما باقي الشركات فكانت ب 1.80 و 2.10 على حسب الوقت .
على فكره المدينه عبارة عن جامعة مقسمة لعدة كليات وبعدها بنوا حولها المدينه ... مو العكس
فلا تستغرب لو كل شوي أقولك كلمة كلية .. والكليات أغلبها كانت دينية .
سنتر أوكسفورد الرئيسي هو ألتقاء 3 شوارع هي
ٍSt. Aldate`s
Queen St
High St
هذا هو السنتر
المطاعم والمقاهي والمحلات والزحمة والفله
خليط عجيب من الأمم اللي أغلبهم جاييين يدرسون لها في مكانها الصحيح
لكن الأكثر هم الصينيين .. اللي لاحظته عليهم ان ماعندهم أتيكيت أو ذوق .. فعلا همج بالنسبة لباقي السواح
وكثرة الطليان أيضا .. فرق بينهم وبين الصينيين .. الطليان يسوون جو للمكان اللي يجونه
أول يوم وصولنا باستكشاف المدينه .. تمشينا في شارع High St
لقينا University Church
كنيسة الجامعة .. وهي كلية بنيت عام 1200 تقريبا
كان الدخول لها ب 4£
وكان فيها برج عجيب تشوف فيه أطراف اكسفورد .. الصعود له عن طريق سلم تقريبا رأسي ويكفي شخص واحد بس
صعوده متعه ,, اللي نازل يوفق ويعطيك ظهره وانت تنحشر وتطوفه .. مع الابتسامات طبعا
وما أنصح اللي وزنه زايد أنه يصعد السلالم .. لكن أنا وصاحبي ضعاف ونصعده بدون مشاكل
وفيه كنيسه أيضا ومقهى تبع للكنيسه .. تحرجنا أننا نشتري منه .. لأننا مو من الضرورات أننا نشتري
وفيها مبني دائري يسمونه THe camera أو القمره وهو اسم عربي وكان مكانه بنص الكنيسه
وهذا هو البرد اللي كلمتكم لكم عن صعوده

مدينة الأبراج في بريطانيا 503583 المسافرون العرب


وهذا مبنى القمره

مدينة الأبراج في بريطانيا 503584 المسافرون العرب


بعد ما طلعنا من الكلية كملنا بطريقنا الى أن وصلنا جسر في آخر الشارع
وكان تحته محل صغير لتأجير القوارب
كان مكانه تحت هذا الجسر

مدينة الأبراج في بريطانيا 503585 المسافرون العرب


القوارب 3 أنواع :
مجداف
وقارب زي قوارب البندقيه
وقارب البدالات أو الدواسات
أخذنا قارب البدالات
وكان سعرهم موحد ..
مع السايق 30£
من غير سايق 22£
وطبعا قارب البدالات من غير سايق
والأسعار بالساعه
قلت لصاحبي النص ساعه الأولى انت ارتاح
وعليك النص ساعه الثانيه
لما انتهت النص ساعه لقينا بنات ماخذين قارب زي قوارب البندقيه اللي واحد يوقف بالخلف ويجدف بعمود
ومن غير سواق !!
ومتوهقات وصايرات بعرض النهر ولا يقدرن يطلعن يمين أو يسار
والوقت قرب المغيب
لما قربنا عندهم صاحت وحده أرجوكم شوفولنا حل
صدمناهم خفيف وعدلنا وضعهم قلت لها امشوا على طول ... صارت تفتر بمكانها
قلت لها تبين نسحبك .. قالت يا ليت ونكون شاكرين
وما كانا حنا اصلا بعيد عن المرسى.. شغلة ربع ساعه
صرنا قدامهم وصاحبي ورا مقابلهم وماسك العصا حقهم وانا اسوق
نسحبهم بعصاهم ... لما مشينا استانسوا وكانو متروعات
وصلنا تقريبا أخر ناس
مدينة الأبراج في بريطانيا 503586 المسافرون العرب

وما قدرت أنزل تعوقت من كثر الدوس
مدينة الأبراج في بريطانيا 503587 المسافرون العرب

من كثر الأماكن اللي نشوفها قلنا باليوم الواحد ندخل مكان أو مكانين بس
ماودنا نحرق الديره .. وجهزنا ترمس شاي واشترينا فرشه صغيره واشترينا شاي أكياس
فصرنا أي جلسه حوالين النهر .. بسطنا فراشنا وجلسنا إلى ما نمل ولا عمرنا ملينا
مدينة الأبراج في بريطانيا 503588 المسافرون العرب
لكن نقوم نروح كافيه ناكل أو نشرب قهوه نرجع ناكل مره ثانيه
مدينة الأبراج في بريطانيا 503589 المسافرون العرب

انا اذا سافرت يزيد وزني من كثر الأكل
مدينة الأبراج في بريطانيا 503590 المسافرون العرب


فيه كليه ثانيه اسمها
Balliol College
بنيت تقريبا عام 1263
والدخول لها 2£
فيها كنيسه صغيره وأمكان الدراسه القديمه وصاله كبيره فيها لوحات قديمه لأشهر الذين تخرجوا منها على مر العصور
وبالنص فيه حديقه جميله ومرتبه ترتيب مو طبيعي وفيها مقر الطلاب
وهذي صورها :

مدينة الأبراج في بريطانيا 503591 المسافرون العرب


مدينة الأبراج في بريطانيا 503592 المسافرون العرب


مدينة الأبراج في بريطانيا 503593 المسافرون العرب


مدينة الأبراج في بريطانيا 503594 المسافرون العرب


مدينة الأبراج في بريطانيا 503595 المسافرون العرب


معلش لا تدققون بالصور
يعني بسوي نفسي مصور وآخذ لقطات أقلد صاحبي
مدينة الأبراج في بريطانيا 503596 المسافرون العرب

أصور أي شي وأقوله شرايك بالزاويه
مدينة الأبراج في بريطانيا 503597 المسافرون العرب
مدينة الأبراج في بريطانيا 503598 المسافرون العرب


وهذا اللي قدرت أتكلم فيه اليوم
وان شاء الله اقدر اكتب الجزء الثالث من رحلة اكسفورد اللي فيه فعاليات أكثر







 
روكا

روكا

رحالة
21 نوفمبر 2018
1,001
0
36
34
#3
السلام عليكم
اليوم بعد ما رجعت من صلاة الجمعة حسيت إن فيني كتابة عن رحلة أكسفورد
فقلت خلني أكمل اللي اقدر عليه قبل ما يروح الحماس
في الجزء الثاني ذكرت لكم عن زيارة كنيسة الجامعة وزيارة كلية Balliol
ورحلة تجديف ورمت برجولي
مدينة الأبراج في بريطانيا 503599 المسافرون العرب
في نهر التيمز
على فكره سمعت ان منبع نهر التيمز مو بعيد عن اكسفورد وما ادري عن صحة هالمعلومه
من كثر ما مترنا اكسفورد اكتشفنا بالصدفه كشك أو بالأصح سيارة تبيع مأكولات خفيفه وكان اللي يبيع شاب مغربي اسمه أحمد
وأكله طبعا حلال , تعرفنا عليه وصرنا كل يوم نجيه وارتاح لنا
فصار يتفنن في تحضير الأكل لنا ,, طبعا الأكل على الواقف ,, مأكولات الشوارع
وكنت أسميه أكل المسلمين
مدينة الأبراج في بريطانيا 503600 المسافرون العرب

وكان فيه كشك ثاني أو سياره ثانيه مو بعيده لواحد ايطالي حاط فرن خشبي داخل السيارة ويسوي بيتزا ولكنها من أفضل البيتزا اللي أكلتها
تنافس البيتزا اللي أكلتها في روما
وكنت أسميها أكل الكفار
مدينة الأبراج في بريطانيا 503601 المسافرون العرب

المشكله ان صاحبي كان يحب أكل الكفار
مدينة الأبراج في بريطانيا 503602 المسافرون العرب
أنا كنت شاك فيه بصراحه
مره أكل عنده لما تغيرت ملامح وجهه وصرت ما أعرفه من كثر ما أكل بيتزا وكان من كثر وناسته عيونه قامت تصفر من الفرحه .
كان سعرها 9£ للحجم الكبير
و 5£ للحجم الصغير
وأحمد المغربي كان يسوي دجاج مسالا ب 4£ ولكن مثل ما قلت لكم كان يحب أكل الكافرين
مدينة الأبراج في بريطانيا 503603 المسافرون العرب

ولقيت لكم هذي الصوره لسيارته اللي كانت توقف من 7م إلى 3ص كل يوم

مدينة الأبراج في بريطانيا 503604 المسافرون العرب


زرنا Christ Church وهي عبارة عن كلية فيها بالطبع كنيسه ومعرض صور وصالة الطلاب
وموجوداتها من لوحات وتحف ثمينه كلها تستطيع الدخول لها ب 9£
واذا كنتم عائلة تتكون من زوجين وطفلين الدخول يكون ب 22£
وتفتح الى الساعه 5 العصر
والأجمل هو اللي حوالين الكنيسه من حدايق وساحات خضرا وممرات نهرية
تلقى الجميع متسدح فيها والأطفال يلعبون .. كنا نجلس فيها ونسوي الشاي والفله ومرات كانت تمطر ونخلي أغراضنا ونجلس تحت شجره
لحظات ويوقف المطر ويرجع كل شي طبيعي .

مدينة الأبراج في بريطانيا 503605 المسافرون العرب


مدينة الأبراج في بريطانيا 503606 المسافرون العرب


مدينة الأبراج في بريطانيا 503607 المسافرون العرب




وبجنبها للي يحبون يشوفون الأزهار .. حديقة الأزهار Botanic Gardens
الدخول لها 5£ وفي آخرها تلقا النهر ومكان استئجار القوارب النهرية

مدينة الأبراج في بريطانيا 503608 المسافرون العرب


مدينة الأبراج في بريطانيا 503609 المسافرون العرب


دخلنا قلعة اكسفورد ب 11£ وفيها فندق مكان السجن اللي كان بالقلعه
والغرف هي زنزانات

مدينة الأبراج في بريطانيا 503610 المسافرون العرب


مدينة الأبراج في بريطانيا 503611 المسافرون العرب


وفي يوم من الأيام لقيت لوحة بالشارع باللون البني .. وأي لوحة باللون البني تعني مزار تاريخي او سياحي ومكتوب عليها
blenheim palace وكان يبعد 10 كم

صوره من النت

مدينة الأبراج في بريطانيا 503612 المسافرون العرب


معلومه عن هذا القصر :
هذا القصر بني قبل 300 سنه وهو هديه من ملكة بريطانيا يمكن اسمها ان ما ني متأكد الى دوق مارلبورو واالي ساكنه للحين الدوق رقم 12
وهم أهل ونستون تشرشل رئيس وزراء بريطانيا ايام الحرب العالميه الثانيه
وأهل الأميره ديانا
دخلت قوقل مابز وطلعت رقم الباص اللي يروح له وقلت لصاحبي اليوم بوديك لمكان ما راح تحلم فيه
وافق ابو الشباب لأنه يثق فيني... المشكله إني ما أعرف هالمكان ولا مره سمعت عنه .. بس شفت لوحة بالشارع وتوقعت انه شي يسوى
مدينة الأبراج في بريطانيا 503613 المسافرون العرب

قالي تدله
قلت افا عليك
هذا اصلا أشهر مكان في اكسفورد واللي ما يعرفه ما يعرف اسكفورد صح
قال توكل على الله
ركبنا الباص ومشينا .. طلعنا من اكسفورد وتعدينا المطار .. ووصلنا لقرية Woodstock ولا فيه سور كبير وبجنبه محطة باص صغيره
انا لما دخل صاحبي .. قلت للسواق واللي يرحم والديك اذا وصلنا لقصر بلنهايم قولي
مدينة الأبراج في بريطانيا 503614 المسافرون العرب

أشر لي قالي تراكم وصلتوا يا شيوخ العشيره
مدينة الأبراج في بريطانيا 503615 المسافرون العرب

شفت السور العالي وبعدين بوابة كبيره .. قلت أكيد هذي البوابه ودخلنا
طلع صح هذي البوابه .. لكن اللي أذهلنا وخلانا نناظر بعض .. بعد البوابه فيه ساحه كبيره جدا ومنبسطه وكلها خضرا
وهناااااك قصر رائع كأنه من قصور دزني .. هنا انا تنفست الصعداء
مدينة الأبراج في بريطانيا 503616 المسافرون العرب
قلت هالمره نجيت من خويي الظالم
مدينة الأبراج في بريطانيا 503617 المسافرون العرب

صراحة شي ولا أروع مشينا تقريبا 5 - 10 دقايق متجهين للقصر ولقينا قدامنا كشكين صغار
واحد للسيارات وواحد مو للسيارات
مدينة الأبراج في بريطانيا 503618 المسافرون العرب
هههههه للمشاة
حق التذاكر .. سعرها 25£ للفرد واذا عندك سياره فالمواقف مجانيه مع التذكره
ومشينا ايضا 10 دقايق الى ان وصلنا لبوابة الدخول للقصر
طبعا واحنا نمشي الحدايق على يميننا ويسارنا نشوف أولها ولا نشوف آخرها
الحديقة اللي على اليسار فيه داخلها قطار صفير طبعا يوديك للحديقه ب 1£ وهو يحرك كل نص ساعه
واسمها Pleasure Gardens
واللي على اليمين ساحات خضرا ونهر وفيه نصب تذكاري
تقدر تاخذ تور بدراجات ناريه او بقيات ب 3£
المفاجئة قبل الدخول قالولنا تقدرون تمددون التذكره وتخلونها لمدة سنه ومجانا
مدينة الأبراج في بريطانيا 503619 المسافرون العرب

ويسمونها Annual Pass Adult

مدينة الأبراج في بريطانيا 503620 المسافرون العرب


قلنا ما عندنا مشكله .. قالت الموظفه عب الاستماره .. عبيناها وقالت وقفوا نصوركم
مدينة الأبراج في بريطانيا 503621 المسافرون العرب

صورتني عطتني كرت بصورتي واسمي وحتى صاحبي زيي
وقالت تقدرون تدخلون الآن مجانا ولمدة سنة
وتقدر تدقع لنا الحين 5£ على شان يشملك خصم 15% للمطاعم والكافيهات اللي داخل
اما القصر من الداخل فحدث ولا حرج عن التاريخ والأبهه
مقسمين التور للقصر على هيئة غرف
كل غرفه لها اسم ولون ولوحات خاصة فيه
اترككم مع الصور

مدينة الأبراج في بريطانيا 503622 المسافرون العرب


مدينة الأبراج في بريطانيا 503623 المسافرون العرب


مدينة الأبراج في بريطانيا 503624 المسافرون العرب


مدينة الأبراج في بريطانيا 503625 المسافرون العرب



وبعدين فيه مطاعم وكافيهات تريح فيها أو تاكل .. لأن الرحله هذي ما يكفيها يوم
عني أنا رجعت للقصر بلحالي مرتين .. يعني حللت التذكره ولا قدرت أشوف كل مرافق القصر كالحدايق والشلالات وغيرها
وأنا اعتبر زيارة هذا المتحف درة تاج رحلتي
مدينة الأبراج في بريطانيا 503626 المسافرون العرب

سبحان الله .. مرات تجي معاك على البركه وتصير هي أفضل السفره .. ومو اللي انت مخطط له أصلا

ودي أكتب لكم عن زياراتي للقرى اللي حولين اكسفورد لكن أعتقد اني مصختها حبتين
ولكن لا زم اذكر لكم هذي القريه اللي زرتها مشيا على الأقدام
مدينة الأبراج في بريطانيا 503627 المسافرون العرب
من فندقنا الى هذي القريه بدون اي تخطيط
شفتها بقوقل مابز فقلت لازم اشوفها
قلت صاحبي تعال .. المسكين ماكان فاضي لي .. كان ياكل بيتزا
مدينة الأبراج في بريطانيا 503628 المسافرون العرب

لما ارسلت له فيديوات .. دقايق ولا هو صاف سرا وراي يصور
مدينة الأبراج في بريطانيا 503629 المسافرون العرب


القريه اسمها كننقتون kennington

مدينة الأبراج في بريطانيا 503630 المسافرون العرب


قرية رايقة وشكلها حقت ناس مرتاحين
يوجد فيها شارع واحد رئيسي واسمه
kennington rd ثم يصبح اسمه افنيو رود
فيها 3 بقالات تبيع كل شيء
وتعتبر هي البريد
وهي توزيع الطرود
وفيها مركز صحي
وعياده خاصة واحده
فيها مركز شرطه
وكنيستين
وقبل الدخول لها يوجد egrove park
حركة المشاة فيها قليلة جدا اما حركة السيارات فهي اقل من الطبيعي بسبب قلة سكانها
ما لفت نظري
كثرة كبار السن ولا شفت أطفال فيها ونظافة الخارجية للبيوت والاعتناء فيها كان شي مميز
وفيها منطقه استرخاء كبيره لاهل القريه وهي عباره عن مساحات خضراء جلسنا فيها , كأننا عايشين في فيلم كرتوني
سنجاب يطلع من هنا .. وفراشه تطير .. وبطه تسبح ولا تسأل فيها
عني أنا قلت الحين نشوف سنان
مدينة الأبراج في بريطانيا 503631 المسافرون العرب
مدينة الأبراج في بريطانيا 503632 المسافرون العرب
منو اللي يذكر سنان
وهذي الصور من القريه

مدينة الأبراج في بريطانيا 503633 المسافرون العرب


مدينة الأبراج في بريطانيا 503634 المسافرون العرب


مدينة الأبراج في بريطانيا 503635 المسافرون العرب


مدينة الأبراج في بريطانيا 503636 المسافرون العرب


مو هذي كل فعاليات السفره لكن هذا اللي تذكرته واللي قدرت اذكر
بعض الأمور تبقى للأصدقاء فقط
بعد 15 يوم قررنا انا نروح لندن 5 أيام وبعدها ليك دستركت 5 أيام وبعدين نرجع لندن 5 أيام وبعدها للملكه
المضحك اننا رحنا لندن بالقطار وكان ويك اند !!!
بقينا واقفين من اكسفورد الى لندن بادنقتون ومو بس واقفين ,, منحشرين ما تقدر تلفتت من الزحمه ..
وكان سعر التذكره
25£ رايح
اذا رايح وراجع 27
واللي الشي الجديد ان تذكرة ارجعه تقدر تستخدمها ثانيه مو شرط رجعه .. تقدر تاخذ القطار مره ثانيه من اكسفورد الى لندن
كذلك الباص ولكن سعره
23£ رايح
اذا وايح وراجع 25
ان شاء الله ماكنت ثقيل عليكم و يمكن اكتب موضوع مستقل عن ليك دستركت او عن امبلسايد خصوصا .. اذا كان عندي وقت

والسلام عليكم