تقرير مصور متحف بيت ديكسون

جواهرر

رحالة
إنضم
27 ديسمبر 2018
المشاركات
1,002
مستوى التفاعل
0
النقاط
36
العمر
35

بســم اللــه الـرحمــن الـرحيـــم

سويت جدول لمده تقريبا 15 يوم ادري وايد بس تقدرون اتقلصونه .. يعني تقدرون اتقسمون الايام ويصير عندكم جدولين او اتنقون منه الايام اللي تبونها وعاجبتكم
وحسب وقت وجودكم في الكويت اذا مواسم او شتا او صيف

بسم الله نبتدي

arabtrvl1440675967452.jpg


ابراج الكويت ولابد من زيارتها

arabtrvl1440675967483.jpg


وهذي عملتنا اليديده
من فئة 20 الى 1/4 ربع ..
1 دينار = فيه 10 ( 100 فلس ) الخرده الحديد
5. نص دينار = فيه 5 ( 100 فلس )
25. ربع = 250 فلس فيه ( 200 فلس و 50 فلس )

arabtrvl144067596741.jpg

اليوم الاول: يوم الوصول

اذا قلنا وصلتوا الصبح ورحتوا الفندق وريحتوا وصليتوا الظهر تطلعون وتروحون اتغدون في احد المطاعم اللي تحبونها وتبون اتجربونها..

بعد الغدا لو قلنا انكم في منطقة شرق تقدرون تروحون سوق شرق اتمشون واتسوقون فيه وتقعدون في الكافيهات اللي على المرسى وعقب تطلعون منه وتروحون ..

متحف بيت ديكسون ( بيت المقيم السياسي البريطاني في الكويت ) منطقة شرق مقابل وزارة الخارجيه وبجانب وزارة التخطيط ، يعني اذا طلعتوا من سوق شرق اخذوا يمين وراح تلقونه على ايدكم اليسار ..

تقرير متحف بيت ديكسون


وبعده متحف بيت السدو على شارع الخليج العربي رقمهم 22432395 ، وبعدين ترجعون الفندق اتريحون بو ساعه وتطلعون على مارينا مول اتمشون و تحجزون فيلم وقت متأخر تدشون بعد العشا ..

العشا في احد المطاعم في مارينا ويفز تطلع من جسر مارينا مول يوديك على جهة المطاعم على البحر في مكان بالنص شكل خيمه بنص البحر في جم مطعم اهناك او المطاعم اللي عالمرسى ..



وبعدين تدشون الفيلم اللي حجزتوا له ..

بيت ديكسون

arabtrvl144078914631.jpg


arabtrvl144078914655.jpg


سوق شرق والمرسى

arabtrvl1440789146474.jpg


arabtrvl1440789146413.jpg


اليوم الثاني

الصبح على ال 9 اتريقون في اي مطعم ، وبعد الريوق اتروحون مدينه الكويت وتروحون سوق المباركيه بما ان الجو حلو ويحتوي على كل شي ( الذهب ، الملابس ، البشوت ، سوفنير ، المسابييح ، العطور ، المكياج ، الخضار ، الفواكة والخ .... ) بعد ما اتخلصون تسوق وتمشي زيارة مسجد الدوله الكبيرة وانصح في زيارته وهذا تقرير عنه​

و اتغدون في احد المطاعم الشعبيه اكلهم ترا واااااايد حلو ( الشمم ، دلق سهيل ، السيخ البحريني والخ ... من مطااعم ) .. عندكم وفي ساحه يديده اسمها سومو الحلوه القعده فيها تكون ورا العماره البيضا واغلبها محلات ومطاعم شباب كويتيين...
العصر تروحون متحف طارق رجب : عنوانهم الجابريه ، قطعه 12 ، شارع 5 ، اوقاتهم من 9-12 الظهر ومن 4-7 المسا تليفونهم 25317358 او 25339063.
بعد المتحف المغرب تروحون سوق السالميه الاحمر مكانه عند دوار الجوازات الدائري الخامس اتسوقون واتمشون فيه ..
وبعدها تقضون وقتكم في منتزه بوليفارد مجابل السوق الاحمر منتزه يديد وجميل وتعشون فيه ..​

او العشاء في احد المطاعم في السالميه على البحر ..
المبـــــاركيـــــة​



arabtrvl1440675967575.jpg


arabtrvl1440675967626.jpg


arabtrvl1440675967689.jpg


arabtrvl1440675967524.jpg


اليوم الثالث

الصبح اتريقون على 9:30 او 10في مول 360 في جنوب السره (منطقة الزهراء ) على الدائري السادس مطاعم عالمية ومحليه ولا احلى وبعد الريوق اتمشون واتسوقون في المول بس لاتكشخون في هاليوم واايد وراكم لعب عقب ما اتخلصون سوق وتمشي واتغدون عقب اتصلون العصر في المول..
وتتجهون منطقة صبحان المنطقه مقابله لمنطقه جنوب السره وتروحون نادي الصيد والفروسيه ترمون اشوي وتركبون الخيل الدائري السادس بجانب منتجع صحارى
او تحضرون سباقات الخيول اذا كان في​

تقرير نادي الفروسية وحضور بطولة​

مركز ميادين للرماية​

تقرير عنه​


Mayadeen

وبعدين المنطقه اللي بجنب صبحان والمطار منطقه الضجيج تروحون وتسابقون سيارات

Welcome to prokartkw بروكارت

بعد ما اتخلصون تروحون الفندق تريحون وبعد صلاه العشا تروحون منطقه البدع ، شارع التعاون عند الفنادق موفنبيك وشيك وريجينسي قعدات خارجيه كافيهات ومطااعم اتعشون في اللي يعجبكم .. او اوربيلا بجانب فندق النخيل مكان وايد حلو وفيه مطاعم وكافيهات عالمية ومحلية او سكاي لاونج في فندق راديسون او ذي سبوت مجمع مطاعم صوب فندق الجميرا

مول 360

arabtrvl144079011011.jpg


arabtrvl1440790110132.jpg


arabtrvl1440790110163.jpg


اربيلا

arabtrvl1440791837364.jpg


arabtrvl144079043761.jpg


اليوم الرابع​


الصبح اتريقون في الفندق اتسون ريوق بيتوتي
نخي وباجيلا وخبز تنور جبن وخيار وزيتون من هالسوالف على اذان الظهراتصلون واتوكلون على الله
منطقة الدوحه ( المدينه الترفيهيه ) لي المغرب يعني لي 5 ( بما انها مغلقه حاليا البديل عنها زيارة احدى المزارع مثل البحيرة او باب دكاله او ختيار ثاني زيارة دار الاوبرا مركز الشيخ جابر الثقافي في مطاعم ونافوره وكافيهات و طبعا عروض وحفلات وامسيات والخ تقدرون تحجزون لها عن طريق الاونلاين مركز جميل لابد من زيارته) ..

وهذا موقعهم


العروض يتم ذكرها في موضوع الانشطة
تقرير محمية باب دكاله




تقرير مركز الشيخ جابر الثقافي (دار الاوبرا)

وبعدها تردون الفندق اتريحون ساعه او ساعه ونص ،، وتوكلون على الله باتجاه مجمع الافنيوز على الدائري الخامس اتسوقون واتمشون فيه ..​

تقضون فيه باجي اليوم وبعد العشا تدخلون السينما باليل ..​


الترفيهية (تم اغلاقها في 2017 للتجديد والصيانة)​


arabtrvl1440790904435.jpg


arabtrvl1440790904374.jpg


الافنيوز

arabtrvl1440790904312.jpg


arabtrvl1440790904281.jpg


arabtrvl1440790904343.jpg


arabtrvl1440790904456.jpg


اليوم الخامس

الصبح الريوق على 9 في احد المطاعم على الخط الساحلي الخليج العربي او البدع كيفكم

بعد الريوق تروحون حولي اتسوقون في اسواقها اذا تبون شي عملي او للحفلات مجمع المهلب (شارع بيروت ) مجمع النقره الجنوبي والشمالي (شارع بيروت ) مجمع العثمان (شارع بن خلدون ) .. مجمع البروميناد وايد حلو ويديد وفيه صالة تزلج
واماكن لعب للاطفال - مقابل منطقة القادسية
عقب ماتخلصون في بحولي متحف من احلى المتاحف في الكوت واهمها ( متحف بيت العثمان ) انصح الكل يزوره​



تقرير عن متحف بيت العثمان

بعد الغدا تروحون الفندق اتريحون وتطلعون على 4 تروحون الابراج وبعدين تلعبون
حرب الاصباغ اللعبه واايد حلوه اذا كنتوا قروب تلعبون ضد قروب واذ شخصين تقدرون تدشون مع قروب هذا سايتهم



وبعد صلاه العشا تختارون تروحون مسرحيه او حفله .. وراح تلقون في السوشال ميديا والمنتدى والجرايد اليوميه الفعاليات والامسيات والحفلات والندوات الدينيه
واذا ماتبون جذي تقدرون تروحون مجمع الصالحيه راقي وكله ماركات في مدينه الكويت شارع الجهراء اتمشون فيه وبعدين اتعشون في المطاعم اللي برا مع اللي عند النافوره اوداخل المجمع
بعض مطاعم وكافيهات البدع

arabtrvl1440791837343.jpg


المهلب
arabtrvl1440791837322.jpg


البروميناد

arabtrvl144079183731.jpg


متحف بيت العثمان

arabtrvl1440792394511.jpg


arabtrvl1440792394542.jpg


بينت بول (حرب الاصباغ )​

arabtrvl1440792394635.jpg

arabtrvl1440792394676.jpg


اليوم السادس
الصبح 9:30 الريوق اي مكان حابين ..

بعدين زيارة مركز الشيخ عبـــدالله الســـالم الثقــــافي ( افتتح في مارس 2018 ) في منطقة الشعب البحري على شارع الخليج العربي
عباره عن 6 متاحف رئيسية وانصح بزيارته وااااايد حلووو للكبار و الصغاار راح تحبونه منها : التاريخ الطبيعي - علوم الفضاء - العلوم الاسلامية العربية - ومتحف العلوم ومبنى للوثائق شي جمييل ..

الانستغرام : ascc_kw


تقرير عن المركز


وبعدها تروحون السالميه شارع سالم المبارك واتمشون واتسوقون في هالمجمعات ( السلام - ليلى غالاري ، البستان ، الفنار، سنتر بوينت ، مركز سلطان سوبرماركت حلوو ، مجمع زهره ، مجمع مريم ، مجمع الثريا وتقعدون في احدى الكافيهات اللي على الشارع وكلهم مشي يم بعض ..

الغدا : على راحتكم وعلى اختياركم..

بعد صلاه العصر تروحون متحف بيت الكويت للاعمال الوطنية ، عنوانهم منطقة الشويخ ، قطعه 7 ، شارع 7 بجانب المسرح العام ، فيلا 32 ،، تليفون 24846336.

بعد المتحف تروحون مجمع الرايه راقي وهدووء ، منطقه شرق ، شارع الشهدا ، مقابل المطافي اتسوقون وتقعدون في كافيهاته او مطاعمه

والعشا في منطقة شرق مقابل قصر السيف ، من بعد دوار مسيد الدوله الكبير اتكملون سيده تكون مطاعم على ايدكم اليسار في خوش مطاعم ..

السالمية
مجمع اولمبيا

arabtrvl1440793289892.jpg


arabtrvl1440793289851.jpg


ومجمع ذي كيوب المربع فتح

arabtrvl1440794139441.jpg


مجمع الرايه منطقة شرق

arabtrvl1440793289933.jpg


اليوم السابع

الصبح الريوق مارينا ويفز السالميه اي مطعم على المرسى ،، بعد الريوق اتروحون المركز العلمي على شارع الخليج اذا خليتوا مارينا مول يمينكم كملوا سيده تلقون المركز العلمي على ايدكم اليسار لي وقت صلاه الظهر مثلا ..​


بعدين اتروحون اتغدون في منطقه الشعب البحري على شارع الخليج العربي في مكان اسمه ملتقى الشعب في مطاعم او تبون تروحون صالة التزلج لمحبين التزلج وتصلح للكبار والاطفال في منطقة المرقاب داخل الكويت على شارع السور

تروحون الفندق واتريحون اشوي بعد ماتصلون العشا تروحون يوم البحار مكان العاب وقعدات شعبيه واكل شعبي ،، او اتعشون في المباركية اذا تبون الاشياء الشعبيه ..

اذا ماتبون شعبي تروحون منطقه الخط الساحلي الجنوبي من بعد المسيلة الى منطقه الفحيحيل كلها اماكن حلوه وفيها مطاعم وقعدات خارجية
مثل ( ذي فيلج وديفون في منطقة و ذي ليك و ذي سبوت في ابو الحصاني والمسيله ) - (سبونز وليفلز وسي فيو ومنيوز وميرال من الفنطاس الى بوحليفه) ومن كويت ماجيك مول الى الكوت ..

مارينا مول ومارينا كريسنت

arabtrvl1440794139482.jpg


arabtrvl1440794139513.jpg


المركز العلمي

arabtrvl1440794139544.jpg


arabtrvl1440794139585.jpg


حديقة الشعب

arabtrvl1440794139626.jpg


arabtrvl1440794139677.jpg


arabtrvl1440795432358.jpg


ليفلز وسي فيو

arabtrvl1440794139738.jpg


arabtrvl1440794139769.jpg


arabtrvl14407941397810.jpg


اليوم الثامن :

الصبح اتريقون في the gate mall واتسوقون لي حزه الظهر وفي سينما غراند وهو مول يديد ووايد حلو وفي مجمع البيرق من المجمعات الحلوه والمنطقه حواليه بعد فيها اسواق شعبيه واقمشه والخ طبعا في منطقة العقيله​


،، بعدين تروحون منطقه الفحيحيل مجمع الكوت واتمشون في مجمع الكوت على المسيان تقعدون في وحده من الكافيهات اللي يطلون على النافووره المكاان واايد حلووو ..

واتمشون في اسواق فحيحيل الشعبيه وبعدها اتعشون في مجمعات مطاعم ومنها spoons - ليفلز - سي فيو - ميرال والخ من اسامي لمجمعات المطاعم الاماكن وايده باتجاه ابراج غاليه وعاليه اذا خليتوا مجمع كويت ماجيك يمينكم كملوا سيده تلقونهم اختاروا المكان اللي يعجبكم..​

او حديقة بوتانيكال جاردن في قصر بيان​

وهذا تقرير عنها تفتح فقط كل يوم خميس للزوار الفترة الصباحية


arabtrvl1440795432285.jpg


arabtrvl1440795432254.jpg


الكوت

arabtrvl1440795432172.jpg


arabtrvl1440795432131.jpg


arabtrvl1440795432223.jpg


سبونز

arabtrvl1440795432337.jpg


اليوم التاسع :

الصبح الريوق في مجمع الافنيوز واتمشون اشوي مو وايد لان وراكم روحه الفروانيه مجمع العربيد في دراريع (الجلابيات) ومجمع مغاتير والحمرا مول ،، اتخلصون من الفروانيه تروحون السالميه اتغدون اهناك في مثلا مجمع the cube من المجمعات اليديده على البحر ..
موجوده صورته فووق

وبعدين على 5 بعد ماتريحون تروحون متحف القرين (بيت الشهيد بدر العيدان ) عنوانهم : القرين ، قطعه 4 ، شارع 3 ، منزل 59 .. تليفونهم 25430343 ..

او اذا ماتبونه خلوه وريحوا وشوفوا لكم مسرحيه او حفله ، واذ ماتبون مسرحيه او حفله تقدرون تروحون سوق السالميه الاحمر او ارض المعارض في منطقه مشرف اذا كان في معرض او المعارض الصغيره اللي يم المستشفى الاميري منطقه شرق مثل ( fa gallary، بيت ديفا والسدره موجودين مطقه شرق ، 52 degrees موجود في الشويج مجمع التلال والمعارض اللي اعلاناتها في الجرايد والخ ... ) .

او تروحون حديقه الشهيد من الحدايق الحلوه في الكويت ووممتازه لزيارتها وفيها جزء الجزء الثاني نافورة ومجسمات عن الكويت قديما و حاضر وايضا يتم فيها عروض ثقافيه للاطفال والكبار .. وبعدها العشا في اي مطعم داخل الحديقة او احد الابراج اللي حوالين الحديقة ..​


متحف شهداء القرين​


arabtrvl1440796117056.jpg


حديقة الشهيد على الدائري الاول من احلى الحدايق انصح في زيارتها

arabtrvl1440796116922.jpg



arabtrvl1440796116953.jpg



arabtrvl1440796117087.jpg



arabtrvl1440796117015.jpg



اليوم العاشر :

OPEN DAY

اليوم الحادي عشر:

الصبح اتريقون في مطاعم اللي مجابله قصر السيف منطقة شرق عقب دوار المسيد الكبير اتكملون سيده اتشوفون المكان على ايدكم اليسار المكان كله مطاعم .. او اتريقون في المباركية وياسلام على ريوق المباركية ..


بعدين يمكم متحف الكويت الوطني24565342 او 22451195 من ضمنه ( دار الاثار الاسلاميه 22400992 ، ومتحف التراث الشعبي 22429158 ) ويم المتحف بيت البدر واهو من اقدم البويت الكويتيه 22429158 ، ويمهم مكتبة الكويت الوطنية .

بعد ما اتخلصون من المتاحف تتجهون السالميه عند المارينا ويفز تحجزون على عباره ام الخير وتتجهون على جزيره فيلجا (فيلكا) واتمشون فيها واتشوفون اثارها وترجعون الديره على 5 او 6 المغرب ..
او اذا معاكم اطفال اتودونهم مول ديسكفري مول عائلي من الدرجة الاولى على الدائري الاول بجانب صالة التزلج . او صاله التزلج تقضون باجي اليوم معاهم.​


وبجذي انتهى يومكم الاثري بما انه كله اثار ومتاحف.

التأجير للرحلات البحرية من مارينا كريسنت​




arabtrvl14407969286.jpg



arabtrvl1440796927975.jpg



arabtrvl1440796927934.jpg



arabtrvl144079692793.jpg



arabtrvl1440798909997.jpg



arabtrvl1440798910028.jpg



arabtrvl1440798910049.jpg



اليوم الثاني عشر:

بعد الريوق اتروحون رحله بحريه عندكم مكتب سلسان لتأجير اليخوت هذا سايتهم

Home


مكانهم شارع الخليج بجانب مطعم مركز سلطان اتأجرون بروحكم من 1 – 4 على كيفكم جم ساعه تبون وتقدرون تروحون وتشوفون الجزر الكويتيه او يتمشى فيكم في الديره على الخليج انتوا اللي تختارون.
او تاخذون الطراد اللي من المارينا يكون فيه بوفيه غدا او عشا ويتمشى فيكم ..
وزيارة لعبة الفندق الغامض في سيمفوني السالمية
وبعد الرحلة ممكن زيارة سوق اليمعه للي يحبون هالاسواق ..

او تشوفون فريق الطيارات الورقيه وين يكون عرضهم​


او تجربة الطيران
او زيارة مزرعة البحيرة الزقاء او محمية باب دكاله في العبدلي​


او تروحون السينما ..
لكم حرية الاختيار
انتيك من سوق اليمعه

arabtrvl1440798909851.jpg



arabtrvl144079953424.jpg



arabtrvl1440799534265.jpg



arabtrvl144079953436.jpg


تأجير الرحلات البحرية

arabtrvl1440796927821.jpg


تجربة الطيران اما على الخليج او على الخط الساحلي للشاليهات

arabtrvl1440797729311.jpg



arabtrvl1440797729383.jpg



arabtrvl144079772944.jpg



arabtrvl1440797729435.jpg


الطيارات الورقيه اماكنها ( شاطئ شويخ - المسيلة - بنيدر )

arabtrvl1440797729466.jpg



arabtrvl1440797729517.jpg


البحيرة الزرقاء : راح تفتح من 3 ايام عيد الاضحى 2015 - من 9ص الى العشا .. دخول المحميات .. موسمية راح اعلن عنها في موضوع الانشطة

arabtrvl1440797729558.jpg



arabtrvl1440797729589.jpg



arabtrvl14407977296110.jpg



اليوم الثالث عشر:

بعد الريوق تتجهون منطقة العميريه على الدائري الخامس Kuwait zoo وبعد ما اتخلصون zoo تروحون منطقه الشويخ حلبة سرب في سباق سيارات ووناسه للي عندهم صبيان

وبعدها تروحون جمعيه الشاميه منطقه الشاميه اتمشون فيها لان هذا الشي مو موجود عندكم اهو سوبر ماركت وسوق وكل شي فيها ، او جمعيه الروضه ( منطقه الروضه ) ..

بعد ما اتخلصون من الجمعيه اتروحون منطقه الجابريه ( متحف محمد الشيباني ، منطقة الجابريه قطع 5 شارع 3 تليفون 25320901 .. او تمرون الجهراء وتروحون القصر الاحمر ومنها تشوفون الجهراء.

اتخلصون من المكان اللي اخترتوه اتروحون مقهى شعبي سليمان الشميمري منطقه شرق يم سوق شرق واتعشون فيه او اذا تبون مجمع اولمبيا على شارع الخليج العربي بعد مارينا مول باتجاه المركزالعلمي.

اومروج فيه مطاعم وكافيهات وصالة تسلية في منطقة صبحان على الدائري السادس يم منتجع صحارى

مروج


arabtrvl1440798909913.jpg


arabtrvl1440798909986.jpg



arabtrvl1440798909924.jpg



arabtrvl1440798909882.jpg


حلبة سرب

Sirbb Circuit | Start your engines

arabtrvl1440799534111.jpg



arabtrvl1440799534142.jpg



arabtrvl1440799534173.jpg



اليوم الرابع عشر و الخامس عشر:

تقدرون تحجزون شاليه لمده ليلتين او ليله وهذيل اسامي الشاليهات :

1- شاليهات الوطنية - منطقه الخيران- طريج 290 جنوب الكويت- تليفونهم 22425211.
2- منتزه الخيران- منطقه الخيران- طريج 278 جنوب الكويت- تليفونهم 23951122.
3- منتزه خليفه - منطقه جليعه- طريج 240 جنوب الكويت- تليفونهم 23280144 او 232407262.
4- شاليهات صالح شهاب- منطقه جليعه- طريج 245 جنوب الكويت- تليفونهم 23280573 / 23280571 / 23280865.
5- فندق ومنتجع سيشل - منطقه جليعه- طريج 245 جنوب الكويت- تليفونهم 1844444.
6- شاليهات الجون - منطقه جليعه - طريج 245 جنوب الكويت- تليفونهم 23281801 / 23281897.
7- فندق ومنتجع هيلتون- منطقه المنقف- جنوب الكويت خط فحيحيل الساحلي- شاليهات عاديه وشاليهات بحوض سباحه خاص- تليفونهم 22256222 / 23725500 / 23724348.
8- منتجع سفير الدانه - منطقه الفنطاس- طريج 209 جنوب الكويت خط فحيحيل الساحلي- تليفونهم 23902760.
9- فنادق ومنتجعات - موفنبيك ، شيك ، رمال ، النخيل - منطقه البدع - شارع التعاون.
تليفوناتهم : النخيل 25646266 / 1824060 ، موفنبيك : 22253100 ، شيك : 25725050.
10- منتجع صحارى- منطقه صبحان - على الدائري السادس بجانب نادي الصيد والفروسيه- شاليهات عاديه وشاليهات بحوض سباحه خاص - المنتجع واايد راقي واايد هادي - تليفونهم 1840084.
11- منتجع سليل الجهراء-منطقه الجهراء - شمال الكويت- تليفونهم 24575901 / 24567444.​
- 12 منتجع وفندق الجميرا - منطقة المسيلة -شارع التعاون​


ملااحظــــــــــات :​


- حديقه الشعب تصلح للكبار والاطفال​

.(تم الاغلاق في 2017 للصيانة والتجديد)

- المدينه الترفيهيه تصلح للكبار والاطفال
.(تم الاغلاق في 2017 للصيانة والتجديد)​


- لعبة المتاهة لعبة الالغاز trapped inn - escape game
من الالعاب اليديده وانصحكم اتجربونها وااايد حلوه
موجوده في مجمع سيمفوني السالمية بجانب فندق ميسوني ويفضل مو اقل من شخصين اللي يلعبونها.
وهذا موقعهم

الانستغرام : @trapped_inn

- زيارة مزرعة ياسمين من المزارع الجميلة (مصنع كامل من منتجات البان وعسل والخ)
في منطقة الوفره
لعمل جولة بالمزرعه التنسيق مع / بدر الايوبي
00965-99888912
ايميل : bader.alayoubi@kuwaitagro.com
الانستغرام : @yasminfarms
الانستغرام : @albandairy

- مزرعة باب دكاله ( محمية جميلة جدا تهتم بالطيور والحيوانات الاليفه )
مفتوحة للزوار بنهاية عطلة كل اسبوع ( موسمية ) يتم الاعلان عنها في موضوع الانشطة.
الانستغرام : @bab_dokalh


- مزرعة البحيرة ( محمية جميلة تهتم بالورد والنباتات وبعض الحيوانات )
مفتوحة للزوار بنهاية عطلة كل اسبوع ( موسمية ) يتم الاعلان عنها في موضوع الانشطة.
الانستغرام : albohayra


- مزرعة سدير ( محمية جميلة جدا تهتم اكثر بالمزروعات وفيها انشطة مثل حجز مكان للشواء ويسون ايام فيها طبخ من شيف كويتين
ومن منتجات المزرعة وايد حلوه )
مفتوحه للزوار بنهاية عطلة كل اسبوع ( موسمية ) يتم الاعلان عنها في موضوع الانشطة.
الانستغرام : sadeer_farms


-PRO KART تصلح للكبار والاطفال .

- حلبة سرب تصلح للكبار والاطفال.

- المركز العلمي يصلح للكبار والاطفال.

- PAINTBALL تصلح للكبار والاطفال .

- المجمعات كلها فيها اماكن خاصه للاطفال.

- المتاحف تصلح للكبار والاطفال.

- نادي الصيد والفروسيه يصلحون للكبار والاطفال .

- اماكن للطائرات الورقيه في منطقه المسيله بجانب قريه المسيله المائيه او في منطقه بنيدر منطقه شاليهات .

- مجمع ديسكفري مدينه الكويت على الدائري الاول للاطفاال.

- مجمع الخليجيه منطقه شرق للاطفال.

- حديقة حولي بارك منطقه حولي للاطفال.

-المسرحيات في للاطفال وفي للكبار والحفلات والامسيات والندوات (موسم مهرجان هلا فبراير- مواسم الاعياد- المواسم الثقافيه في مركز الشيخ جابر الثقافي - وحديقة الشهيد والمجلس الوطني للثقافه ) ( نعلن عنها في موضوع الانشطة والفعاليات )

- حديقة بوتانيكال قصر بيان كل يوم خميس الصبح

- مخيم وزارة الدفاع اعتقد في منطقه صبحان ( فيه انشطة ترفيهيه) .

- مخيم شركة نفط الكويت اعتقد في منطقه جليعه جنوب الكويت (انشطه ترفيهيه).

-القصر الاحمر منطقه الجهراء.

- مزارع الوفره ( منطقه الوفره جنوب الكويت )

- الاكوا بارك مائيه ( في الصيف ) منطقه شرق تحت الابراج.

- قريه المسيله المائيه ( منطقه المسيله )في الصيف
.(مغلقه من يوليو 2018 للتجديد و الصيانه)

- ملاعب الصابون كوره القدم (في الصيف).

- ارض المعارض الدوليه في مشرف ( نعلن عنها في موضوع الانشطة والفعاليات )

- معارض الازياء والكماليات ( نعلن عنها في موضوع الانشطة والفعاليات )

- الشاليهات والمنتجعات ..

اتمنى يعجبكم الجدول وما اكون قصرت فيه واتمنى اني غطيت اغلب الاماكن في ديرتي الغالية الكـــــــويت وان شاء الله اي شي يديد راح اضيفه على هالموضوع
واي استفسار بالخدمه​
 

المواضيع المشابهة


أعلى