معلومات عامة مكتب التأشيرات الموحد للشنغن الفرنسية

ياراا

:: الأعضاء ::
إنضم
15 يناير 2019
المشاركات
1,000
مستوى التفاعل
2
النقاط
36
العمر
35

السلام عليكم ورحمة الله وبركاته
بالبداية طبعا دخلت ع رابط المواعيد يوم الجمعة ولقيت المواعيد متوفرة ولله الحمد
وحجزت موعد على يوم الأثنين اللي هوا اليوم
واليوم الصباح طلعت جدة ووصلت قبل فتح المكاتب بـ 5 دقائق تقريبا ( 8:55 ص )

طبعا تلقى الطابور أمام البوابة قبل فتح المكاتب .. تقدم ورقة الموعد للسيكورتي عند فتح البوابة .. مهمة جدا
بعدها تدخل وتلقى الاستقبال قدامك مباشرة تكلمهم وتطلب منهم رقم وتقوله على اي سفارة تبغى تقدم
واذا كنتم مجموعة مع بعض مايحتاج كل واحد رقم .. رقم واحد للجميع يكفي
طبعا بعدها تروحون تجلسون بصالات الأنتظار وتصبح كونترات الموظفين أمامكم وخلفكم مكاتب التبصيم .. كل كاونتر مكتوب فوقه مخصص لـ أي سفارة
انتظر الى مايجي رقمك باللوحة العلوية وادخل على نفس الكاونتر المكتوب باللوحة
يتم تشييك الأوراق والختم على ورقة الموعد وتدفع على كل جواز 360 ريال وبعدها تروح تبصم ومايأخذ التبصيم منك الا دقيقتين فقط
وبعد خروجي من عندهم بساعة ونصف تقريبا تم ارسال رسالة
arrow-10x10.png
ع الجوال تفيد بأنه تم ارسال الأوراق الى القنصلية




طبعا انا جبت كل شي معايا تحسبا لـ أي طلب منهم
وتم ارجاع كشف الحساب وماحتاجوه
(47).gif




الأوراق اللي أخذوها مني

1 _ حجوزات طيران
arrow-10x10.png
وفنادق < واضحة أعتقد
2 _ ورقة تعريف من العمل
arrow-10x10.png
< أهم شي تكون باللغة الأنجليزية أو ترجمتها بأحد المكاتب وارفاقها مع الأصل باللغة العربية
3 _ ورقة الموعد < بعد حجزك للموعد تطلع لك وتطبعها
4 _ النموذج بعد تعبئته < سهل جدا 33 فقرة تقريبا وتلقونه فوق بالمواضيع المثبتة للعضو أخر فرصة جزاه الله خير
5 _ تأمين طبي < تقدرون تسوونه عن طريق النت أو تطلبه من أي شركة
arrow-10x10.png
معتمدة .. سهل جداا
6 _ صورة
arrow-10x10.png
من أول ورقة بالجواز اللي فيها اسمك وبياناتك + التوقيع بالمكان المخصص له في الصفحة الثالثة من الجواز الأصلي < مافي أسهل منها وماتأخذ ثواني
7 _ صورتين شخصية < خلفية بيضاء وبدون أي تعابير للوجه < مجرد ماتروح محل التصوير وتقوله للشنغن الفرنسية راح يعرف


وبسس هذه الطلبات اللي أخذوها مني


وبالنهاية أي شخص ناوي يسوي الفيزا عن طريق مكتب
arrow-10x10.png
.. أقوله تراك غلطان
أنا ماكنت فاهم شي ومع ذلك خلصت وعبيت النماذج وجهزت أوراقي وأوراق اللي معايا
ترى أصعب شي يسويه لك المكتب يحجز لك الموعد ويعبي لك النموذج بسس < ماشوف فيها صعوبة
وبيأخذ منك ع الجواز الواحد أقل شي 200 ريال اذا ماكان طماع .. صحيح أننا بنصرف أضعاف هالمبلغ بالسفرة
بس وربي الشغلة مو مستاهلة مكتب
arrow-10x10.png
طالما المشوار والتبصيم فيك فيك
كل الأمور سهلة وموضحة بالمواضيع المثبتة



حبيت أذكر تجربتي لعلي أفيد بها أحد وأسعد بدعواته
وربي يسهل الأمور وأستلم الجواز ع خير والفيزا تزينه
دعواتكم لي ولوالدي تكفيني
(125).gif
 


أعلى أسفل