معلومات عامة تجديد الفيزا الفرنسيه

ياراا

:: الأعضاء ::
إنضم
15 يناير 2019
المشاركات
1,000
مستوى التفاعل
2
النقاط
36
العمر
35

السلام عليكم ورحمة الله وبركاته

اخواني في البدايه حاب اشكر القائمين على هذا المنتدى

واليوم اطرح لكم تجربتي في تجديد الفيزا الفرنسيه لكي يستفيد الجميع انشاء الله

طبعاالفيزا حقتي باقي عليها شهرين وتنتهي وسفرتي ان شاءالله بعد شهر وشوي

كنت مقدمها عن طريق مكتب سياحي

المره هذي كلمت المكتب على التجديد لانه ماكان عندي نسخه من بينات الابلكيشن السابقه

لكن في الآخر قررت اني اقدمها بنفسي وافتك من جشع المكاتب

طبعا اللي شجعني اني اقدم بنفسي هو مساعدة الاخوان هنا في استخراج الفيزا البريطانيه

بعد مااستخرجتها ولله الحمد جاتني الشجاعه اني اقدم على الفرنسيه بنفسي

ولله الحمد تم التقديم يوم الاحد 24 - 4 - 2016 واستلمتها اليوم الاربعاء 27 - 4 - 2016

اعطوني مدة سنتين لان صلاحية الجواز كانباقي فيها سنتين و 11 شهر تقريبا


الخطوات


الاشياء اللي اخذتها معاي

1- عبيت الابلكيشن ( اخذته من موقع السفاره بجده وكان 3 اوراق )

طبعا استفدت من الموضوع المشروح هنا بالمنتدى والمثبت لاخونا آخر فرصه

الف شكر له

2- حجز طيران مؤكد

3 - حجز فنادق

4 - تامين التعاونيه

5- خطاب تكفل بالمصاريف ( لاني اعمل لحسابي الخاص بدون سجل تجاري )

6 - خطاب تعريف بالراتب للزوجه

7- صور شخصيه

8 - صور من الجواز + التاشيرات

9 - حجز موعد



حجزت موعد يوم الاحد 24 - 4

كان موعدي الساعه 30 : 10

تم الحضور الساعه 10 ودخلت دون مشاكل

ماكان قدامي احد

اخذ جميع الاوراق مني ورجع لي حجوزات الطيران والفنادق


الاوراق اللي طلبوها

1- الابلكيشن ووقعت عنده على ورقة التعهد

2- التامين الطبي

3 - خطاب تكفل بالمصاريف

4 - صور الجوازات والتاشيرات

5 - الصور الشخصيه

( قدمت له صوره للزوجه رفضها لان مو واضح منابت الشعر بس الحمد لله كنت عامل احتياطي بوحده غيرها قبلها )

6 - تعريف الراتب


سالني اذا ابي توصيل الجواز بحكم اني خارج مدينة جده طبعا وافقت طبعا الجواز 40

دفعت 586 ريال رسوم الفيزا + توصيل ارامكس لجوازين


بعدها اعطاني الاوراق وقال روح اعطيها غرفة التبصيم

رحت سلمتها وما بصمونا ولا صورونا لانه مبصمين من قبل والفيزا كان مكتوب عليها VIS


خرجت الساعه 30 : 10

الساعه 30 : 12 وصلتني رساله تفيد بانهم ارسلو الجوازات للسفاره

يوم الثلاثاء الساعه 4 وشوي وصلتني رساله ان الجواز جاهز للاستلام

اليوم ولله الحمد تم الاستلام من ارامكس



سامحوني على الاطاله كنت ابي الكل يستفيد بشرح وافي

وياليت اني رجعت جزء بسيط لهالمنتدى

كلنا هنا اخوه نستفيد ونفيد


ملاحظه :

كنت متوقع ان التاشيره تكون فوق القديمه لكن القديمه ختموا عليها وحطو الجديده صفحه ثانيه

بالنسبه للصوره اللي في التاشيره القديمه توقعت انها نفسها لكن طلعت نفس الصوره اللي انا قدمتها لهم

يعني اللي بيجدد الله الله بالصوره احتمال تكون هي نفسها اللي بيحطونها في التاشيره مثل ماحصل معاي


الحمد لله الامور سهاله وياليت ان كل واحد يعتمد على نفسه ويحتفظ بنسخه من الابلكيشن

تحياتي للجميع
 


أعلى