معلومات عامة السفارة الامريكية بالرياض

رقية يوسف

رحالة
إنضم
21 يناير 2019
المشاركات
250
مستوى التفاعل
0
النقاط
16
العمر
35

السلام عليكم ورحمة الله وبركاته

اليوم كان موعدي بالسفارة الامريكية بالرياض


701366 المسافرون العرب السفارة الامريكية بالرياض
701367 المسافرون العرب السفارة الامريكية بالرياض
701368 المسافرون العرب السفارة الامريكية بالرياض
701369 المسافرون العرب السفارة الامريكية بالرياض



هذه المره الثاني لي المره الاولى كانت في عام ٢٠١٠ فيزا طالب F1 والحمدلله اخذت الفيزا

المره هذي كانت فيزا سياحيه B2

ارجعو للموضوع المثبت في هذا القسم للكاتب " مسافر معكم " الله يجزاه خير كان مرجع لي في ترتيب اوراقي والتقديم للفيزا


موعدي الساعه ٧٬٤٥ ص

كانت الحركه في شوارع في الرياض سلسله ولا يوجد زحام ابد

وصلت حي السفارات وعديت نقاط التفتيش على مدخل السفارات من دون يستوقفني احد


وكنت معتمد على قوقل ماب للذهاب الى موقع السفارة

والحمدلله وصلت المواقف الساعه ٧:٣٥

حطيت كل اغراضي من جوال وساعه ونظارات ومفاتيح في السياره اخذت معي فقط ريموت السيارة

كانت المواقف شبه فاضيه تقريبا

مشيت الى ان وصلت البوابه قابلني عسكري سعودي عسل الله يسعده طلب مني صوره لورقة تاكيد اللي فيها صورتي ds 160 + ورقه الموعد+ جواز السفر ووضع الاوراق دخل الجواز ووجهني للكاونتر حق البوابه

ملاحظه :- شفت ناس جايين بدري مواعيدهم ٨ ونص ٩ ومخلينهم في لاين ثاني بنتظرون حتى يجي الوقت ويدخلونهم

لذلك تعالو في نفس موعدك بالضبط
701370 المسافرون العرب السفارة الامريكية بالرياض
ولا راح تنتظرون عند البوابه

سلمتهم ريموت السيارة

بعدين دخلت بوابة زي تفتيش المطار كاشف المعادن

وعديت منها بعدين دخلت على ساحه كبيره فيها عساكر اجانب ماسكين اسلحتهم واشكالهم والله تخوف وتجيب التوتر
701371 المسافرون العرب السفارة الامريكية بالرياض
701372 المسافرون العرب السفارة الامريكية بالرياض


مريت من الساحه اللي فيها نافوره الين وصلت قسم التاشيرات

دخلت عطوني رقم انتظار للتبصيم كان قدامي تقريبا ٣٠ شخص


وانواع التوتر والاراق والمغص وكل شي كاني داخل امتحان نهائي
701373 المسافرون العرب السفارة الامريكية بالرياض


بعد نص ساعه تقريبا جا دوري

طلب مني جواز السفر بعدين بصمت وقالي خلاص روح الحين لاين ١٢ لتاكيد البصمه
701374 المسافرون العرب السفارة الامريكية بالرياض


رحنا لاين ١٢ وقابلتني امريكيه طلبت جواز السفر بعدين بصمت ثاني


قالت خلاص انتظر ينادونك علشان المقابله

جلست في القاعه

واشوف في امريكان معاهم مسدسات يدورون في القاعه !! والله رعب ياجماعه

انا هنا وصلت قمة التوتر والضغط النفسي مع اني مافي شي اخسره يعني انا مقدم كذا لا وراي لا حجوزات ولا شي مدري ليش كنت متوتر
701375 المسافرون العرب السفارة الامريكية بالرياض


انتظرت تقريبا بحدود الساعه او اقل بشوي بعدين جا دوري في المقابله

طلب مني جواز السفر فقط

بعدين جلس يشتغل بالكمبيوتر

وقالي Sir what you will do in the US ?

"ماذا سوف تفعل في امريكا" ؟

قلت for my vocation so its tourism

"انها اجازتي لذلك هي سياحه"

قعد يناطر في شاشه الكمبيوتر ويهز راسه شكله كان راضي عن الابلكيشن حقي !!

قالي your visa is approved

تم قبول طلب التاشيره


قالي انتظر اتصال من ارامكس علشان يوصلون جوازك

انا كنت جايب تعريف عمل وكشف حساب وايصال سداد و وجوازات قديمه وصور شخصيه ماطلبها مني ولا شافوها حسافه هالاوراق اللي طبعتها بس
701376 المسافرون العرب السفارة الامريكية بالرياض




طلعت من السفاره تقريبا ٩ و٢٠ دقيقه وانا طالع اشوف زحمممه غير طبيعيه حتى بالمواقف امتلت سيارات

حتى مدخل حي السفارات كان زحمه

لذلك توفقت بختيار وقت مقابلتي الصباح بدري 7:45




ابرز الملاحظات اللي شفتها

#في عوائل رفضو يعطونهم الفيزا وحتى اشخاص شفتهم قدامي رجعولهم جوازاتهم و اغلبهم غير سعوديين من جنسيات عربيه


#مابين ٢٠١٠ و ٢٠١٧ الاجراءات اصبحت اكثر والتشديد الامني اصبح ملاحظ بشكل كبير



#الامريكان مبالغين صراحه في اجراءات الدخول والخروج والاجراءات بعكس السفارات الاوربيه
 

المواضيع المشابهة