مطاعم ومقاهي حلى 17 كافيه ومطعم ممكن تزوره فى الاسكندرية للاستمتاع بجمال البحر والهواء الطلق

hearty

مراقب عام
طاقم الإدارة
إنضم
24 سبتمبر 2012
المشاركات
244
مستوى التفاعل
4
النقاط
18
العمر
58
الإقامة
united arab emirates

احلى 17 كافيه ومطعم ممكن تزوره فى الاسكندرية للاستمتاع بجمال البحر والهواء الطلق

بقلم شيماء صالح

708128

والنهاردة من خلال موضوعنا حاولنا نجمع لكم مجموعة كافيهات ومطاعم في اسكندرية تقدر تروحها مع اصحابك او عيلتك في الويك اند وتنبسط فيها.

1- كافية اوبا Opa cafe
من الكافيهات المميزة جداً في ديكوره، بيقدم أحلى أكلات وأطباق من المطبخ اليوناني بشكل خاص، ومشروبات وأكلات من المطابخ المختلفة.
العنوان : ميراج ميني مول - الداون التاون - أمام كارفور - الإسكندرية
التليفون : 01062233669

708129


2- Ocean Cafe
مطعم وكافي اوشن، مكان مريح بديكورات بسيطة، أسعاره معقولة جداً، بيقدم جميع المشروبات والمأكولات بمختلف أنواعها.
العنوان : شارع الجيش - المندرة - بحري بجوار كافية سانتوس على البحر - الإسكندرية.
التليفون : 01014974031

708130


3- كازينو الشاطبى - Casino Al Shatby
كازينو الشاطبي من أقدم الأماكن في إسكندرية لكن بعد التجديدات بقى أحلى بكتير جداً وبيضم مجموعة من المطاعم والكافيهات، وأكيد مش هنحكي على الفيو بتاعه أنك بتبقي قاعد في نص المية والبحر حواليك من كل مكان، والمطاعم والكافيهات المتاحة حالياً هناك.
نعنع ودة مطعم وكافية لبناني - Crave - Aroma Lounge - OPA Lounge
وممكن تعرفوا أرقام التليفونات والمنيو وكل حاجة عن المكان عن طريق الصفحات الخاصة بكل مطعم منهم

708131


4- Zanilli's
مكان ممتاز جداً وخدمة مميزة، بفيو على البحر على طول، بيقدم كل أنواع المشروبات والمأكولات بمختلف أنواعها، والشيشة بمختلف أنواعها.
العنوان : داخل حدائق المنتزة.
التليفون: 035479935 - 01020299499

708132


5- Taverna Cafe & Restaurant
كمان من الكافيهات المميزة جداً اللي بتبص على البحر على طول، بيقدم جميع المشروبات وأطباق من المطبخ الايطالي، أسعاره معقولة جداً، ومتوفر فيه ركن كيدز اريا او ركن خاص بالأطفال.
العنوان : كليوباترا - سيدي جابر - طريق الجيش - الإسكندرية.
التليفون : 01116222300.


6-Blue Cafe Agamy
بلو كافية هو مطعم وكافية قعدته على الشاطيء على طول، بيتعمل فيه حفلات لايف وعروض راقصة من التراث الشرقي يوم الخميس والجمعة من كل اسبوع، متوفر فيه شاشات عرض، دي جي، واي فاي وكيدز اريا، والمنيو بتاعه متنوع من كل الأطباق والأكلات المختلفة.
العنوان : بجوار شاطيء ميكا - العجمي - البيطاش.

708133


7-AlFresco
لو عايز مكان للاسترخاء في الهواء الطلق الفريسكو كافيه هيكون اختيارك الأول لأنه جوه هادي حتى بديكوراته، والكافية بيقدم أطباق من المطبخ الايطالي بالإضافة لأطباق من مختلف المطابخ العالمية والمشروبات.
العنوان : طريق القاهرة الاسكندرية الصحراوي - كينج مريوط.
التليفون : 01111141970

708134


8- Galila - جليلة
الكافية ديكوراته مميزة جداً بألوان مبهجة أوي ومريح أوي، بيقدم جميع المشروبات ووجبات فطار وغدا وعشا، عاملين كمان في المكان كيدز اريا يقدروا الأطفال يرسموا ويلعبوا فيها بالبلاي ستيشن.
العنوان : ميراج مول - الداون تاون - الكيلو ٦ طريق إسكندرية القاهرة الصحراوي - امام كارفور.
التليفون : 033854058 – 01113330588

708135


9- 7Sky
الكافية ده مكانة مميز جداً على البحر على طول بفيو على قلعة قايتباي مباشرة، بيقدم جميع المشروبات، والمأكولات المختلفة، بالإضافة لأطباق السوشي المميزة جداً عندهم.
العنوان : راس التين - قسم الجمرك.
التليفون : 01000911730

708136


10- Blue Harbor Roof Cafe @ Paradise Inn - Windsor Palace Hotel
بلو هاربر هو كافية ومطعم هادي جداً، معمول على الطراز القديم,،بيطل على البحر على طول، بيقدم جميع المشروبات والمأكولات والأطباق المختلفة.
العنوان : ١٧ شارع الشهداء - متفرع من طريق الجيش - محطة الرمل - داخل فندق ويندسر بالاس
التليفون : 034808700

708137


11- La Sirene @ Sangiovanni Hotel & Restaurant
ده المطعم والكافيه اللي داخل فندق سان جيوفاني، الفيو بتاعة على كوبري ستانلي على طول، بيقدم جميع المشروبات والمأكولات من المطبخ الإيطالي بالإضافة لأطباق من المطاعم العالمية المختلفة.
العنوان : كوبري ستانلي - 205 شارع الجيش - داخل فندق سان جيوفاني.
التليفون : 035467775

708138


12- Olive Island Greek Club, Alexandria
بيتميز بطلة حلوة أوي على البحر مباشرة، بيقدم طبعاً أطباق الأسماك المميزة جداً، بالإضافة لأطباق من المطابخ المختلفة، وجميع أنواع المشروبات.
العنوان : النادي اليوناني - ٦٣ شارع الإسكندر الأكبر - بحري - الإسكندرية.
التليفون : 01119306664

708139


13- Carlos Cafe

كارلوس كافية من الكافيهات المعروفة جداً في إسكندرية وليه أكتر من فرع في شارع الجيش في سيدي جابر على البحر - وفي لوران - وفي سيتي سنتر.
التليفون : 01228555908

708140


14- Jungle Restaurant & Cafe
چانجل كافية جوه مختلف جداً هتحس أنك قاعد وسط غابة حواليك خضرة وبحيرة بجع، وأسماك ملونة، المكان مريح جداً للأعصاب. وهتقضوا فيه وقت حلو اوي، بيقدم جميع المشروبات والمأكولات الشرقية والغربية، ويوم جمعة بيعملوا يوم مخصص للأطفال بيبقى فيه مهرج والعاب، ورسم، ومتوفر فيه كمان حفلات أعياد الميلاد.
العنوان : شارع اكاسيا خلف الحديقة الدولية - بجوار مدخل فندق اكاسيا.
التليفون : 01001250917

708141


15- Latino Cafe & Restaurant
لاتينو كافية من الكافيهات المميزة جداً بفيو حلو اوي على البحر على طول، ديكوراته مميزة جداً معمولة بالخشب هتاخدك في جو تاني، متوفر فيه شاشات عرض كبيرة، وكمان متوفر فيه بلاي ستيشن تقدر تستمتع فيه باللعب مع
اصحابك، متوفر فيه خدمة واي فاي، كمان في ركن خاص للأطفال عشان يلعبوا بعيد عن الاسرة المنيو بتاعة منوع جداً وبيقدم جميع المشروبات والأطباق والسندوتشات المختلفة، ومتوفر فيه شيشة بجميع نكهاتها، واسعاره معقولة
جداً ومش غالي.
العنوان : شارع الجيش - جليم الإسكندرية
التليفون : 035849660

708142


16- Portofino Restaurant & Cafe
مطعم وكافية مميز جداً بفيو علي البحر، أسعاره معقولة جداً وخدمته ممتازة، عامل ركن هادي فيه للي حابب يروح يذاكر هناك على موسيقى هادية تساعدك على التركيز، في ركن للبلاي ستيشن، بيقدم جميع المشروبات، المأكولات، الحلويات، وليه اكتر من فرع.
العنوان : فرع لوران ٤٤١ طريق الجيش - الكورنيش

708143


17- Teatro Eskendria - تياترو إسكندرية
تياترو يعتبر كافية ثقافي، بيقدم أنشطة كتير ما بين عروض فنية، وحفلات، وحوارات ونقاشات مفتوحة مع الشباب، والديكور بتاعه معمول بالارابسيك على طراز العصر الفاطمي، وبيتكون من دورين الدور الأول المطعم والكافية، والدور التاني هنلاقي فيه جاليري بتتباع فيه حاجات هاند ميد، واكسسوارات بالخرز والنحاس، وفي جزء من الكافية عبارة عن ممر لو حابب تقعد في الهوا الطلق وتستمتع بالمكان، بيقدم مشروبات وأطباق شرقية، ومتوفر فيه شاشة عرض كبيرة.
العنوان : ٢٥ شارع فؤاد - قريب من سينما ريو.
التليفون : 033901336

708144



ا
 

المواضيع المشابهة


أعلى