أماكن سياحية الاسعار والعناوين.. تعرف معنا على 18 خروجة شبابية غير تقليدية فى القاهرة

hearty

مراقب عام

الاسعار والعناوين.. تعرف معنا على 18 خروجة شبابية غير تقليدية فى القاهرة

بقلم شيماء صالح

31498552_1217531885080335_583800666473906221_n.jpg

لو زهقت من الخروجات المعتادة وعاوز تجرب اماكن جديدة مع اصحابك ومحتار تروح فين .. احنا فى ترافيليو جمعنالك فى المقال دة اماكن جديدة ومختلفه عشان تختار منها اللى يناسب ذوقك

اليكم افضل دليل للخروجات الغير تقليدية فى القاهرة


1-المكان اسمه فجنون

اختصار الكلمه فن و جنون
يوم روعه و مجنون هيجمعلك بيين جمال و روعه الطبيعه و الجنان ف العاب كتيير موجوده كلها اكشن و بهدله بس بجنان علشان كدا تجيب معاك طقم تاني للبهدله - هتلاقي عندهم ركوب خييرل و حمير و حرب الوان والعااب تانييه كتييره جداا بس للمجانين
انشطه تاني فنيه كتيير بيقدمها زي صناعة الفخار والرسم واللحام و غيره كتيير
رقمهم 01006818790
عنوان فجنون : طريق سقارة، 12.5 من طريق الأهرام, المريوطية - جيزة, القاهرة, مصر.
المواعيد من 10 صباحا ل 8 مساء
31117939_1701966573228644_1756868774293043851_n.png


2-لعبة Verticality Zorbing Park واسعارها

العرض 100 جنيه للفردين لمرة واحدة زوربينج من اي نوع (يعني 50 جنيه الفرد) او 100 جنيه للفرد لمرتين زوربينج من اي نوع (يعني 50 جنيه للمرة الواحدة)
150 جنيه للفردين لمرة واحدة مع FastTrack (تعالى براحتك وادخل إلعب على طول)
150 جنيه للفردين لمرة واحدة مع تصوير جوه الكورة
200 جنيه للفردين لمرة واحدة مع FastTrack و تصوير جوه الكورة
رقمهم للحجز 01200455245
عنوان Verticality Zorbing Park : ميدان فيكتوريا المعادي داخل نادي the field الرياضي
27540906_1994730330765669_5446982824289917121_n.jpg


3-المكان اسمه رفاهية

يعتبر رفاهية من أماكن الخروج غير التقليدية، حيثُ يقبل الشباب على هذه الأنواع من الألعاب كحروب الألوان " paintball" بسعر 60 ج، 50 طلقة، كرة قدم الفقاعات "Pubble soccer" 40ج لمدة 30 دقيقة للفرد، كما يمكنك التمتع بالانزلاق والسقوط على ملعب كرة الصابون "SOAP SOCCER"، إضافة إلى ممارسةألعاب الفيديو جيم والإكس بوكس والبلاي ستيشن على ضفاف النيل.

عنوان رفاهية : 17 شارع البحر الأعظم بعد نقطة شرطه ابو النمرس بجوار. فيلا أندراوس الجيزه
رقمهم 01113121312-
01000673675
31206141_1701963576562277_4581346043558487586_n.jpg


4-المكان اسمه Smart Camp

المكان حلو جدا وممكن تطلع فيه طاقة رهيبة بانك تتزحلق على الرملة مع اصحابك وتلعب كرة الصابون وتركب خيل وحاجات تانية كتير زي حرب الالوان والرماية ويوم تحفة من الاخر بتقضي يومك هناك من الساعة 10 الصبح لحد الساعة 4 العصر
ولو حابين تكملوا اليوم للساعة 6 المكان بيعملك نار علشان تقعد وتتجمع حواليها وتاكل بطاطا وشاي بدوي و بيقا جو ويوم تاني خالص
ويشترط الحجز المسبق ولازم عدد المجموعة متقلش عن 30 فردًا، وسعر الفرد بيبقا ف حدود 150-200 حسب العدد ولو حابين تزودوا للساعة 6 كل فرد بيدفع 30 جننيه زيادة و تقضو يومكو ف القعده العربي
عنوان سمارت كامب : طريق الإسماعيلية الصحراوي، خلف كارفور العبور، جمعية أحمد عرابي (بوابة 5).
التليفون: 01002009167.
31131678_1701963359895632_2853324633016628301_n.jpg


5-المكان اسمه ** Dodge arrow **


اول لعبه للقوس والاسهم في مصر بتجربها مره بتيجي و 10 لا :D بتبقا كلها جري و هروب و فرهده انت و اصحابك
اسعارهم بتبقا في حدود من 50 ل 100 حسب العدد
عنوان dodge arrow: ملاعب هاف تايم خلف كوستا النادى الأهلى
رقمهم 01212335662
31163157_1701963006562334_8802428418527808094_n.jpg


6-المكان اسمه Ski Egypt**

اكبر مكان للتزحلق علي الجليد ف مصر
المكان بالكامل بيتغطي بالتلج وبتعيش هناك تجربه ولا اروع داخلمول مصر
اسعارهم بتبقا ف حدود 300 للفرد
31277485_1701963163228985_6728666326735691706_n.jpg


7-المكان اسمه Iceland فى كايرو فيستيفال سيتي مول

تجربه تزحلق حلوه اوي وهتنبسط فيها لو انتو شباب او لو فيه اطفال معاكو واسعارهم بسيطه جدا التلت ساعه ب50 جنيه بس ولو رايحين خمسه واحد بيبقا free
بيسلموك الخوزه و الجزمه وانت انطلق وبيبقا معاك حد لو ملكش فيها زيينا يساعدك
مواعيدهم من الساعه ١٠ صباحا للساعه ١٢ بليل
عنوان ايسلند كايرو فيستيفال مول _ منطقه النافوره - بجوار كاربتشو كافية
تليفون : 01157825090
31190026_1701963173228984_8312281484535352714_n.jpg


8- المكان اسمه Autovroom

اول مسار للسباق الدولي في مصر
بيتم إدراج المتسابقين في برنامج اللياقة البدنية مرتين في الأسبوع للعمل على: المرونة واللياقة البدنية الهوائية واللاهوائية، سترينت العضلات والقدرة على التحمل، والانتعاش والراحة والتغذية والمكملات، والعلاج، رد فعل والتركيز، والتركيز على السائقين انضباط
العضوية عندهم بداية من 8 سنين إلى 23 سنة
شغالين يومياً من 3 العصر لحد 12 بليل معادا الـ weekend بيقعدو لـ 1
والمكان منه فيه كافية عشان القاعدة ..
عنوان autovroom مدينه العبور بجوار ستار هاوس
والاسعار ف حدود ١٠٠ الصبح و ١٥٠ بالليل للفرد
رقمهم 01200004485
32187291_1273600782777489_7470705821635051520_o.jpg


9- *ماجيك بلانت *

ماجيك بلانيت هو مكان ترفيهي للأطفال في أثناء التسوق بداخل المولات الكبيره ذي المعادي سيتي سنتر "كارفور المعادي ومول مصر وكايرو فيستيفال، يوجد به عربات تصادمية، مراجيح وألعاب فيديو، مواعيده في العيد من الساعة العاشرة صباحًا وحتى الواحدة من صباح اليوم التالي، يمكنك شراء كارت ألعاب صالح لمدة عام بقيمة 5 جنيهات ويتم شحنه بأي مبلغ،
31277585_1701963323228969_9200755831731167371_n.jpg


10- تجربه التجديف

هناك في حمامات لاستحمام و تغيير الملابس خد مايوهاك و لبسك و انت متطمن. ،، الموضوع ينفع بنات و اولاد و مختلف الاعمار حتي لو عندك ٨٠ سنه
العنوان : نادي يخت الجيزه لو راكب المترو انزل محطه الاوبرا و اول ما تطلع من المحطه امشي لحد فندق شيراتون و اول ما توصل لفندق اديله ضهرك و عدي الشارع اسال علي نادي يخت الجيزه هتلاقيه معروف جدا سيبك من اول بوابه و ادخل من البوابه التانيه عشان المكان ليه بوبتين و قول لامن كابتن جوده.
-علامه مميزه لمكان: جنب كافيه seagull و لاتينو كافيه.

31150247_1701963363228965_6204927453812617983_n.jpg


11- البولينج
خروجه حلوه و بفلوس قليله هتستمتع بيها جدا مع صحابك او مع عيلتك بالالعاب الموجوده هناك
المكان** المركز الدولي للبولينج
الGame هناك بيبقا ب 20 جنيه وبيبقا فيه 20 راميه يعني براحتك لو مجتش من اول كام مره
الخروجه دي بتبقا اجمد لو فيه لمه كبيره وكله عاوز يكسب
المكان كمان بيبقا فييه بلياردو و بينج و العاب للاطفال موجود اسعارها ف الصور
مواعيدهم يومياً من 11 ص وحتي 1.30 بعد منتصف الليل
* رسم الدخول 15 جنيه للفرد
*جيم البولينح 20 جنية للفرد
* جراج ب 5 جنية
** عنوان المركز ألدولي للبولينج : صلاح سالم - شارع الاستاد البحري خلف بانوراما أكتوبر
31131211_1701963419895626_5287462084764268359_n.jpg


12- المكان اسمه ** GRAVITY CODE **

هتقضي في المكان دا اجن وقت ممكن تقضيه تنطيط و لعب فيه العاب كتير ممكن تلعبها انت و اصحابك في المكان من ضمنها كورة السله و غيرها وكلها بالتنطيط و ممكن ترقص مع صحاب بردو بالتنطيط
عنوان جرافيتى كود : شارع التسعين - التجمع الخامس - 3 سكايز بلازا خلف امريكانا بلازا
رقمهم 01066116733
31100461_1701963456562289_6203926002904197080_n.jpg


13- المكان دا اسمه ** Faby Land FEC **

المكان دا محتاجله خروجه لوحده
رقمهم**0222692258
عنوان فابي لاند **الفرع الاول Porto Cairo mall علي الطريق الدائري بعد اكاديميه الشرطه وقبل فندق جي دبليو ماريوت التجمع الاول .. رقمه01145211610
الفرع التاني جوا Dandy mall ف اكتوبر

رقمه 01124494658
31189834_1701963436562291_826428772917244837_n.jpg


14-المكان اسمه** Air Force Museum **


العنوان صلاح سالم قاعدة الماظة الجوية
امام الكلية الحربية بجوار مجمع الجلاء الطبي
مواعيدهم من الساعة ال10:00 صباحاً و اخر معاد للدخول الساعة 3 مساءاً
مواعيد حفلات العرض
حفلة الساعة 10:30 صباحاً
حفلة الساعة 12:00 ظهرا
حفلة الساعة 1:30 ظهرا
و فى قاعة 9D وقاعة محاكي الطائرة F -16
اسعار التذاكر بها منفردة
فى هناك لغات
العربية - الإنجليزية - الفرنسية
دي ارقامهم لو فيه اي الإستعلام ٠١٠٦٠٨٢١٨٦٠ & ٠١٠٢٤٠٢٨٢٧٠ & ٢٤٠٢٤٧٣٦
31301797_1701963593228942_1791148939436150566_n.jpg


15- السيرك القومي - العجوزة

يتضمن برنامج السيرك أكثر من 13 فقرة، ويختتم بفقرة استعراض الأسود والنمور، ويقدم حفل واحدة في أول أيام عيد الأضحى المبارك، في الساعة الثامنة مساءً، أما باقي أيام العيد فيقدم حفلتين الأولى في الخامسة مساء، والثانية في الساعة التاسعة مساء، أسعار التذاكر 75،50،30،20 جنيه.. تذكرة كاملة للأطفال اعتبارًا من سن 3 سنوات.
13095995_1154497907914170_7308962276480966462_n.jpg


16-المكان اسمه أدرينالين بارك

مكان مفتوح على مساحة 22000 متر مخصص لالعاب كتير زي Paintball و ال Aqua Fight وال Laser Tag وحروب الألوان و ....، بين فرق مختلفة مكونة من 8 أفراد على الأقل لجميع الاعمار من سن 3 سنوات.
عنوان ادرينالين بارك : حوض 8 او حوض3– منطقة الحزام الأخضر – الشيخ زايد.
التليفون:01110014177 - 01225001008
31179561_1701970916561543_9222967320517286169_n(1).jpg


17-المكان اسمه ** Kidzania **

متنزه عالمي للتعليم الترفيهي للأطفال، مصمم بالمحاكاة مع المدن الحقيقية لتوفير فرصة للأطفال من سن 4 إلى 14 لمعايشة الحياة المهنية مثل الكبا، ولكي تكتمل التجربة، فإن الطفل يقوم بنفسه بكل المعاملات المالية مقابل قيامه بالعمل أو التسوق أو الترفيه مستخدما عملة خاصة بمدينة كيدزانيا وتسمى "كيدزوس". يتم استخدام الكيدزوس لشراء المنتجات والخدمات والبيع.
عنوان كيدزينيا : شارع التسعين، داخل كايرو فستيفال سيتي مول.
المواعيد: تستقبل المدينة زائريها مرتين في اليوم من الساعة الحادية عشر صباحا وحتى الرابعة مساء، أو من الخامسة مساء وحتى العاشرة مساء.
أسعار التذاكر: الأطفال أقل من 4 سنوات 100 جنيه، من 4 حتى 14 سنة بتبقا ف حدود 130 جنيها، المرافقين البالغين 85 جنيها
رقم التلفون 16593
31175651_1701970949894873_2015804644949274401_n.jpg


18-مرصد *القطامية الفلكى *

المكان دة حلو جدا وخروجة مختلفة
و دا يعتبر اكبر تليسكوب موجود ف الشرق الاوسط بيخليك عايش في قلب الخيال و سط النجوم والمجره سواء مهتم بمجال الفضاء او لا ف اكيد هتستمتع جدا باللي هتشوفه
لو هتروح ماينفعش لوحدك لازم مجموعه بس اخرجكو 50 فرد مثلا و بتنسقو مع قسم الفلك بحلوان بيبقا فيه حجز بمبلغ بس تكلفه الفرد العادي ب 70 جنيه و لو عايز تبات هناك للصبح و تشوف الشروق بتبقا 100 جنيه للمصري
22538927_1093996834100508_6528286016500727644_o.jpg

 

أعلى