تقرير مصور سعار قضاء داى يوز رائع فى العين السخنه وافضل الفنادق الموجوده بالسخنة

hearty

مراقب عام
طاقم الإدارة
إنضم
24 سبتمبر 2012
المشاركات
244
مستوى التفاعل
4
النقاط
18
العمر
58
الإقامة
united arab emirates

اسعار قضاء داى يوز رائع فى العين السخنه وافضل الفنادق الموجوده بالسخنة
قبل السفر للعين السخنه ترافيليو بتقدملك تقرير شامل بأسعار الفنادق والمنتجعات هناك ولو رايح داى يوزممكن تقضيه فين وبأرخص الاسعار؟ وكمان هنكلمكوا عن رحلات اليخت ورحلة الغواصة واسعار التليفريك فى السخنه
بقلم شيماء صالح

اسعار قضاء داى يوز رائع فى العين السخنه وافضل الفنادق الموجوده بالسخنة


العين السخنة .... Ain Sokhna

=============================================
يرجع أصل التسميه لكثرة العيون الكبريتية الساخنة بها
والتي تستخدم للاستشفاء وبها شواطئ غير صخرية ذات رمال بيضاء
كما أنها تعتبر مصيفا ومشتا ايضا
ويوجد بها عدة مناطق وقري سياحية تحوي فنادق وشاليهات
ودي اسعار أفضل الأماكن والرحلات الموجوره هناك

منتجع موفنبيك السخنة .. Mövenpick El Sokhna

==================================================
الكيلو 64 شارع الزعفران العين السخنة
الأسعار من 1430 الي 3546 للفرد
و في أيام العيد بيكون 1600علي حسب ما انت
عايز امكانيات الغرفة
الخدمات حمام السباحة وموقف سيارة مجاني
و مركز لياقة و أنشطة للأطفال

فندق ستيلا دي ماري جراند .. Stella Di Mare Grand

================================================
به خدمة واي فاي و حمام سباحة
و موقف سيارة مجاني و مركز لياقة و أنشطة للأطفال
و الأسعار 1648 الي 3564 المكان عـ البحر
والبحر هناك فوق الممتاز والأكل كمان حلو
بورتو السخنه .. Porto Sokhna
==================================
بورتو يعني التليفريك يعني الممشي
يعني مرسي اليخوت يعني البراشوط

و الأسعار : شالية 1200 يخت 1400
تليفريك 60 براشوط 800 للساعة
و ممكن تأجر ياخت من المارينا من الصبح الساعة 5
والي غاوي صيد وادخلو بي لي بورتو سعرة 1300

بالميرا بيتش ريزورت .. Palmera Beach Resort

================================================
دة فندق من اروع الاماكن الي هناك في خدمة واي فاي
و حمام سباحة وموقف مجاني للسيارة وبه مركز لياقة
مطل علي الشاطئ
الغرفة 2 سرير و سرير اضافي يطل عـ الحديقة
والأسعار حوالي 980 لـ 2 ليلة و داي يوز بي 280

ستيلا دي ماري سي كلوب .. Stella Di Mare Sea Club

====================================================
الكيلو 64 العين السخنة
يوجد به خدمة واي فاي و حمام سباحة وموقف سيارة مجاني
وبه منتجع صحي و ملعب تنس
و الأسعار بتبدأ من 1500 الي 4500 شامل الأفطار والعشاء

فندق تيدا سويس ان بلازا .. Teda Swiss Inn Plaza

================================================
لو معاك أطفال هينبسطوا اوي حمام السباحة كويس
وحمام ألاطفال كمان حلو اوي الالعاب المائية روعه
يوجد باص بيروح البحر كل ساعة والاكوا حلوة
الفندق هاف بورد و في ميني ديسكو باليل
الفندق مناسب للاسرة وقريب من القاهرة

قرية روكت تبع القوات المسلحة

================================
الحجر من القاهرة من دار المدفعية
اسعاره كويسة و حمام السباحة و ملاعب للأطفال
شاليهات تبدأ من 300 وفلات 1000
وشقق 600 و الداي يوز 125

كانكون cancun beach resort

======================================
ودة الفندق الوحيد الي في حمام سباحة خاص
الجو حلو والأطفال بتستمع جدا بالالعاب
وممكن تاجر مركب وبيتحضر فيها غداء
علي المركب
الأسعار حوالي 1800 الليلة شامله فطار وعشاء
و فيها kids club و بيتش باجي و في حافلات بعد العشاء علي 9 و جيت سكي و جاكوزي

جاز ليتل فينس .. jaz little venice

==================================
فندق راقي جدا واكله ممتاز وحمام سباحة نضيف جدا
والبحر تحفة مفيهوش مد وجزر
المشكلة الوحيدة ان الغرف مش عـ البحر
بتروح البحر بعربية الجولف

اللي حابب يطلع داي يوز

==============================
في مثلا سيرينا 230 للفرد بالغداء
و فندق رومانس 200 بالغداء ولو هتستخدم أكوا بارك 250
وفي كمان مارينا 250 للفرد بالغداء
وفي بالميرا 280 للفرد بالغداء
بورتو 1000 للفرد
و في اميجو كمان 150 للفرد

أما بالنسبه لـ رحلات البحر والصيد في العين السخنه

===============================================
ايجار اليخوت في العين السخنة بتوفرلك رحلة من 6 صباحاً حتي 5 مساءاً
في وسط المياه مدة الرحلة 11 ساعة و تقدر تبات في المياه علي حسب الطلب
سواء 24 ساعة او 36 ساعة او 48 ساعة...
اليخت ببكون شامل :
٣ غرف ⁃ ٨ سراير⁃ حمام او ٢ حمام ( حسب حجم المركب )
مطبخ ⁃ تليفزيون ⁃ عدة صوت (sound system ) تعمل بفلاش او AUX
و طاقم المركب بيكون الريس والطباخ
لو عايز تصطاد بتأجر السنارة ب ٢٥ جنية ..
و طبق طعم ( جمبري او كاليماري ) ١/٢ كيلو ب ٥٠ جنية
لو عايز تشوي علي المركب بتأجرالشواية ب ٥٠ جنية و بتجيب الفحم معاك
يوجدر من المراكب :
⁃ مركب ١٠ افراد
⁃ مركب ٢٠ فرد
⁃ مركب ٣٠ فرد
سعر ال١٠ افراد في وسط الإسبوع ب1500
جمعة او سبت ب 2200
سعر ال١٥ فرد في وسط الإسبوع ب 2200
جمعة او سبت ب 3200
سعر ال٢٠ فرد في وسط الإسبوع ب 2700
جمعة و سبت ب 3200
الأسعار دي تشمل الـ ١١ ساعة فقط
البيات تزود 1000 جنيه
وكمان ممكن تعيش تجربة رحلة رويال سى سكوب
واللى هتقدر فيها تتفرج على كل حاجه تحت البحر الأحمر
"كائنات بحريه - شعاب مرجانيه - أسماك بألوانها وأشكالها "
فى دور مكيف تحت الميه على عمق 3 متر
وفيه كل وسائل الراحه والأمان ومناسب لكل الأعمار
وده سعر الفرد فيه حوالي 180 جنيه شامله الأنتقالات
والأستمتاع بمشاهده الشعاب والأسماك لمده ساعه ونص .

ودلؤقتى نسيبكوا تشوفوا الصور :




















 


أعلى