مواصفات الزوج الخائن

الموضوع في 'أخبار المسافرون العرب' بواسطة الجوال ب, بتاريخ ‏3 مارس 2011.

  1. حلوة هذي للنسوان فقط!!!


    أقرؤها وسوف لن تندموا!!!!



    ((شبابنا بدون زعل منكم ))



    أولاً

    موبايله دائما مقفول بكلمة سر (باسوورد)...وإذا عنده موبايلين فاثنينهم مقفولات بنفس كلمة السر.. وإذا تسأليه عن السبب يكول: (حتى من يضيع لو ينباك محد يكدر يستعلمه)

    ثانياً
    كل ما اتخابريه يطلعلك (انتظار)... أما بالبيت فنادراً ما يدك... لييييييييييييش؟؟.. محد يدري

    ثالثاً
    من يوصل للبيت يخلي موبايله على (الصامت)... والله شنو... ما اريد أحد يزعجني!!!... عليييييينه

    رابعاً
    إذا طلع من البيت للشغل لو للسوق لو يم جماعته ونسه موبايله... يرجع للبيت وره دقيقتين مثل (الطللللللللللقة) وياخذ الموبايل... صح لو لا؟؟

    خامساً
    إذا جان نايم يقفله للموبايل... كلشي يصير... إحتمال يدك لو تجيه رسالة وهو نايم وميدري... واتروحين (من باب الفضول) اتشوفين منو لو تقرين الرسالة (كاررررررررثة موووو!!!!).

    سادساً
    عنده (ردود استباقية).. يعني إذا دك موبايله.. يرفض المكالمة ويكول:... (آآآآهووووو، والله ثبرني فلان.. صار خمسين مرة يدك عليه... ما أريد اجاوبه)... زين إنت منو سائلك؟؟ حتى اتبرر.. لو يلي بعبه معزة يمعمع

    سابعاً
    أكو (إرتباط شرطي) بين المسج أو المسكول... وبين طلعته من البيت.... مدري شنو العلاقة بحيث أول متجيه المسج يتحجج بأي حجة علمود يفر ويله ويطلع من البيت

    ثامناً
    يسولف بالموبايل من أماكن غريبة... مطبخ.. حمام.. حديقة.. طرمة.... المهم ماكو أحد يمه يسمع سوالفه ويه منو... فديري بالج

    تاسعاً
    الأسماء في موبايلة غريبة مثل
    أبو غادة... يعني غادة
    عنتر... يعني عبير
    أنور... يعني نورا
    الفيترجي... التنكجي... أبو المولدة... أبو الحصة
    يعني أزهار... هناء... فائزة... ميسون

    عاشراً
    إذا جنتي وياه بالسيارة... يكولك فد دقيقة أريد أشتري جكاير... وينزل من السيارة ويطب لأبو سوبر ماركت ... عشر دقائق علما يرجع... والله شنو.. إزدحام... لا ومرات وره هالتأخير يكول... (والله ماعنده جكاير من الأريدها)

    أحد عشر
    فجأة يصير وياج رومانسي جداً ويحبج ويتغزل بيج وبدون سبب او سابق إنذار..... هاي يسموها عقدة الذنب

    إثنى عشر
    ما يمنعك من الروحة لأي مكان... للسوك، للنادي، يم صديقاتج... المهم متبقين يمه حتى ياخذ راحته... وإنتي كمش متصدكين.. راساً تتطلعين

    ثلاثة عشر
    كلما يجيب طاري الجهال يكول: (جهالج)... وميكول (جهالي) لو (جهالنا)... شي لا إرادي تسبق عملية اي زواج ثانية

    أربعة عشر
    إذا رحتي لبيت أهلج يخابرج ويكول:... (إذا متونسه خليج يمهم، وباتي همين إذا إتريدين)... وإنتي طبعاً ما اتصدكين وتسمعين كلامه...... خليج خليج.. خلي يفدوج أهلج إذا اتزوج عليج

    خمسة عشر
    يسولف بالأمور النسائية بشكل تفصيلي (حمل، مكياج، أظافر، رجيم، ميش)... بحيث تستغربين منين جايب هالمعلومات التفصيلية؟؟... يرادلها روحه للقاضي... من عندها غير

    ستة عشر
    من يكون عنده موعد وياها... يسويله أي مشكلة وياج ويتعارك.. ويطلع من البيت... حتى أخاف اتخابرين عليه ميجاوبك.. والله شنو!!!!... زعلان منج.


    سبعة عشر
    من يوصل للبيت بالسيارة.. يبقى كاعد بيها فد عشر دقائق.. وراها يطب للبيت... مو تدرون... السوالف بالأخير على الموبايل إتكون حلوة وما تتعوض.

    ثمانية عشر
    كل كلامه ويه جماعته بالألغاز... لأن كلهم على شاكلته.. كل مواضيعهم عن بنات


    الخلاصــــه :

    اذا توفرت في زوجك 3 حالات من الحالات السابقة:
    تره إنتي تتوهمين تعوذي من الشيطان الرجيم بس انتبهي

    اذا توفرت في زوجك 6 حالات من الحالات السابقة:
    خافي على زوجك وابدي شكي بتصرفاته

    اذا توفرت في زوجك 10 حالات من الحالات السابقة:
    اكيييد انه يخونك لو يريد يتزوج عليج

    اذا توفرت في زوجك 15 حالة من الحالات السابقة:
    اقطع إيديناتي الاثنين اذا ما كان خاين أو متزوج بوحده لخ



    أما إذا اتوفرت كل الحالات الـ 18 بزوجك
    عيوني.. لمي غراضك وروحي لبيت اهلك... حالة زوجك ميؤوس منها

     

مشاركة هذه الصفحة

  • ماذا تقدم لكم منتديات المسافرون العرب ؟

    منتديات المسافرون العرب منتدى سياحي من الاخوة العرب المسافرون يهتم في المقالات السياحيه و عرض تقارير مصورة صور و فيديو للسياحه الداخليه و الخارجيه و نقاشات في كل مايتعلق السياحة والسفر. كما يشمل موقع المسافرون العرب على اقسام متخصصه حول أهم الوجهات السياحية التي يقصدها المسافرون العرب.
  • المسافرون العرب العرب المسافرون السياحة في جورجيا المسافرون العرب منتدى المسافرون العرب المسافر السياحة في تركيا السياحة في دبي عروض سياحية hglshtv المسافرون العرب تركيا لنكاوي السياحة في البوسنة السياحة في الفلبين البوسنة سياحة السياحة في اسبانيا السياحة في المغرب السفر الى تركيا السفر الى جورجيا شركة المسافر السياحة في جورجيا السياحة في ماليزيا منتدى المسافر جورجيا سياحة مسافرون العرب السياحه في تايلند
جاري تحميل الصفحة...