رحلتي الى تايلند للتسوق ( بانكوك ) - تايلند بالصور

الموضوع في 'بوابة السفر الي تايلاند' بواسطة اصيل, بتاريخ ‏17 يونيو 2012.

هوتيل فور ارب | Hotel For Arab

دليل ماليزيا

  1. اصيل

    اصيل رحالة

    إنضم إلينا في:
    ‏8 يونيو 2012
    المشاركات:
    45
    الإعجابات المتلقاة:
    0
    أَعْجَبَ:
    0
    Dislikes Received:
    0
    نقاط الجائزة:
    6
    تايلند بالصور , صورالمسافرون العرب , التسوق فى تايلاند
    تايلند بالصور , صور , المسافرون العرب , التسوق فى تايلاند

    عند وصولنا الى مطار بانكوك الدولي هالمطار الكبير جداً واللي يشاهد فيه المسافر العديد من المحلات التجاريه والعلامات والماركات الغنيه عن التعريف خصوصاً ( بالسوق الحره مالتهم ) فيه اشيه جميله جداً وبأسعار متوسطه تلبي حاجيات المشتري ۔
    وشي طبيعي عند النزول من الطائره الشخص المسافر يكون تعبان وايد وأول ما يفكر فيه النووووم العميق واخذ قسط من الراحه لان السفر لمده طويله بالجو مرهق جداً ويكسر العافيه ان صح التعبير ، وانه كنت حزتها ضايع بهالمطار الكبير ما ادري وين ابتدي وما ادري وين انتهي ومو عارف شسالفه اصلاً !!!!
    المهم لقيت لي كذا شخص بحريني الحمد لله وكذا واحد من دوله الكويت الشقيقه بالمطار وسألتهم شنو الإجراءات اللي نسويها الحين ؟ وكان ردهم حالنه من حالك احنه بروحنه ضايعين بالطوشه !!! {$title}
    فما كان منه الا أنه نستعين بواحد من أمن المطار او احد المرشدين عشان يوجهنه الوجهة السليمه لعمل الجيك إن وتختيم الجوازات ووووو ... إلخ ۔
    والحمد لله بعد بحث وتحري ومناوشات مني ومناك طلع لنه واحد ( من أهل تايلند ) فهيم ما شاء الله عليه ويفهم يازعم انقليزي (( يس ونو وذيس وي وذات ووي )) !!
    زين جان اكرمتنه بسكوتك من اولها جان ما تعرف شي ، وتمينه نتفاهم وياه بلـغه الصم والبكم ( لغه الإشارات ) لين وصلنه لي مكان تختيم الجوازت وفحص الأمتعه والشنط وأخذها من المطار والتوجه للفندق ۔
    قبل كل هالأشياء تذكرت كلام اصحابي يوم قالوا لي اول شي مفروض تسويه إذا نزلت بمطار بانكوك اشتر لك بطاقه موبايل مدفوعه الأجر (( شحـن )) وقيمتها حوالي 1000 بات = 12 دينار بحريني = حوالي 120 ريال سعودي ، وهالبطاقه يقدر الواحد يشحنها بـ 100 بات يعني دينار و 200 فلس بحريني = 10 ريال سعودي ،، وفيها مميزات حلوه جداً اولها ان النت مفتوح على طول وسريع جداً مقارنه بدول الخليج وخصوصاً للبلاك بيري والآي فون ممتاز للغايه وكذلك الإتصال الدولي للدول الخليجيه او الخارجيه يكون جيد ايضاً ويفيد جداً للتواصل بداخل تايلند مع الأصحاب او الأحباب ۔
    وتم شراء البطاقه والتوجه للتكسي او الباص اللي بيوصلنه للعاصمه بانكوك بوسـط السوق (( للتسوق )) لان فندقي راح يكون موقعـه بوسط الحي العربي وكلشي قريب مني ، ورحت اكلم الموظفه اللي على الرسبشن ( الإستقبال ) عن سعار التكاسي والتوصيل لي الفندق المذكور وهو فندق (( مونوكو بانكوك )) وقالت لي التوصيل بـ 500 بات تايلندي حوالي 6 دينار بحريني = 60 ريال سعودي والمده راح تكون تقريباً نص ساعه لي الفندق ، وتم اخذ التاكسي والتوجه للفندق بتمام الساعه الـ 8 ونصف صباحاً على حسب توقيت تايلند ۔
    واول صدمه انصدمت فيها اول ما نزلت للفندق المذكور هو ان حجزي يبتدي الساعه 12 الظهر وانه وصلت الساعه 9 الصبح تقريباً فقلت الحين شهالحيله وشالتصرف !!!
    فما كان لي اني ان انزل السوق لانه قريب جداً واشتري بعض الأشياء البسيطه وعقبها بارجع الفندق عشان اريح شوي ، وللأسف الشديد اول ما توجهت رحت للحي العربي (( سوي 3 )) قاصد المجمع اللي هناك وفيه مطاعم وايد مثل مكدونالدز + برجر كينق وغيرها من المطاعم الصينيه واليابانيه والسي فود ۔
    وخذت لي وجبه خفيفه من الصبح وهي ( فطيره جبنه تايلنديه لذيذه + حليب تايلندي اول مره اذوق حليب بهاللذه + بسكوت ماعرف اسمه ) وعقبها قلت باطلع اجوف السوق مالهم لان باقي عن الظهر ساعتين وبعدها باروح الفندق ، اول ما طلعت من المجمع مال المطاعم مالهم رحت سوق طويل بحي ( نانا ) وهو ملاصق للحي العربي اللي تكثر فيه البضايع العربيه والصراريف + الدهن عود والعـود بكافه انواعه والكثير من البضائع الحلوه والرخيصه والمتوسطه والغاليه ۔
    وكنت بشتري العديد من الأشياء اول ما وصلت بس قلت خل اتصبر شوي وأأجل هالشي لي بعدين لاني ما ادري شيصير !!
    ولفت انتباهي شي غريب جداً بأحد الأسوقه عندهم وهو ( يعـرضون عليك افلام اباحيه بوسط السوق وأمام مرأى الجميع وهم يضحــكون ولا كنه صاير شي ) !!!!!! {$title}
    وثاني شغله اكتشفتها ان الحي العربي هو أغلى من باقي الأحياء وبقيه المطاعم المجاوره له وما ادري ليش هالمبالغه مثلاً هل لانه بديره غربه ويستغلون اخوانهم الخليجين بهالطريقه ،،، الله العالم !!!
    وعقبها قلت بارجع فندق لان صارت الساعه 12 بالضبط ولكـن لسوء الحـظ ضيعت الدرب !!
    ووقفت تاكسي حاولت اكلمه وما فهم لي ابداً فقلت استخدم وياه لغه الإشاره وبعد ما فاد وياه {$title}
    اساله خذ البطاقه اللي بيدي وفيها عنوان الفندق يقولي (( تبي مساج )) !!! ههههههههههه لا حول الله !!
    المهم واصلت الدرب وحضرته وصلني سوق ثاني وبعيد جداً عن منطقتي المذكوره وخذت بعدها حوالي اربع تكاسي وبالهيصه والميصه والتعب طلع آخر واحد يفهم وقالي ما عليك من التكاسي ياخذون عليك دبل اذا جافوك سائح ووصلني ما قصر بمبلغ زهيد ،،، وهذي ثاني صدمه كانت لي لان مجموع المبالغ اللي دفعتها بس حق التكاسي من أول ما وصلت تقريباً 850 بات يعني 10 دينار بحريني = 100 ريال سعودي وهالمبلغ جداً كبير على التكاسي لان التوصيل يكون فقـط بـ 1 دينار يعني 100 بات تايلندي ۔
    وعقبها الحمد لله وصلت للفندق وصليت الظهر ولله الحمد لان جدول مواقيت الصلاه مضبطه من البحرين ۔
    وبعدها قلت بنام شوي وبالليل يحلها الف حلال ، وفعلا خذتني نومه عميقه ما حسيت بروحي الا الساعه 8 الليل !!
    صور للفندق اللي سكنت فيه واسمه (( موناكو بانكوك )) وموقعه جداً ممتاز وراقي وبعيد عن الضجيج والإزعاج ويبعد عن السوق حوالي 10 دقايق مشي ۔

    {$title}
    رحلتي الى تايلند للتسوق ( بانكوك ) - تايلند بالصور

    {$title}
    رحلتي الى تايلند للتسوق ( بانكوك ) - تايلند بالصور

    {$title}
    رحلتي الى تايلند للتسوق ( بانكوك ) - تايلند بالصور

    {$title}

    وهذا عنون الفندق والتفاصيل عنه
    www.monacobankok.com
    ارقام الإتصال + 66026569877
    موبايل + 660839217773
    وسعر الليله الوحده للغرفه المكونه من ( حمام + سرير لشخصين + تلفزيون إل سي دي + خدمه وفي للنت + بلكونه + سائق خاص يوصلك لي السوق اللي تبيه وانت تتصرف بالرجعه ) = 2700 بات يعني بالبحريني 32 دينار بحريني ومع العرض الخاص مالهم الليله تصير 1900 بات يعني بالبحريني = 23 دينار بحريني ما يعادل 230 ريال سعودي ۔
    صور لوسائل النقل الموجوده عندهم
    التاكسي العادي ويفضل للراكب انه يقول لسائق التاكسي افتح العداد عشان يطلع له ارخص وبدايه العداد تكون بسعر 30 بات يعني 400 فلس بحريني ويعتمد على المسافه المطلوبه ۔


    {$title}


    الوسيله الثانيه والأرخص والأسرع هي ( التك تك ) ابو ثلاث عجلات وهو مثالي للتنقل من سوق لي سوق واوفر وارخص وما يكلف الا القليل على حسب المسافه ۔


    {$title}


    وصلنه لي سباتي العميق اللي استغرق حوالي 7 ساعات بالفندق المريح والسرير الاريح اللي من تخــلي راسك عليه على طول تنام بدون وعي !
    وعقب هالنومه الطويله بعد عناء السفر ومشقته صحيت وعلى طول اتصلت في الأصداء المتواجدين في بتايا وكانوا سابقيني بأسبوعين لانهم حصلوا الإجازه قبلي واستثمروها وعلى طول قرروا يروحون تايلند ، وسألتهم متى بتلاقوني وتمروني بانكوك فكان جوابهم : ( اشبع تسوق بعدين بنلاقيك ) !!!
    شدعووووه شهالربع إللي هالنمونه هذول ! {$title}
    ما علينه المهم قلت دام الوقت ليل والحياه توها مبتديه عند الأخوه ( التايلنديون ) ليش ما اروح اكتشف لي سوق آخر بعيد شوي عن الحي اللي انه ساكن فيه ، فقمت وفتحت الجدول اللي سواه لي المرشد واللي اشكره من اعماق قلبي على تكفله بتضبيط هذي الرحله الشخصيه لي ، ولقيت قائمه طويله بأسماء الأسواق والمحلات اللي تصلح ( للشوبينق )
    وحددت لي وجـهة معينه وهو سوق باتونام - بانكوك وهالسوق هو سوق شعبي فيه كل الأشياء الحلوه واللي ما تخطر على بال أحد من ساعات + اكسسوارات + ثياب + شورتات + احذيه وغيره ...۔ ألخ ۔
    فعلى طول قمت واستعديت للرحله وكلمت سائق الفندق الخاص انه يوصلني لي الشارع الرئيسي ومنها اجوف لي تكسي يوصلني للسوق المذكور أعلاه ۔

    وعلى طول من نزلت من التك تك الخاص بالفندق توني حاط رجلي على الارض الا اجوف التكاسي تهل علي من كل جانب (( مثل المطر من كل صوب ))
    وهذا يقول سبايدي كاب وذاك يقول هاو آر يو وذاك مادري شيخربط بالتايلندي وياني واحد منهم يقولي : هلوو آآآراب !! يعني حيا الله العرب !!
    وعلى طول ضحكت بويهه لان لهجته مضحكه وايد وقلت هذي اللي بيونسني طول الدرب وخبرته انه باروح سوق الباتونام ، وشفته على طول كشر بوجهه !!
    قلت عسا ماشر بعد شسالفه وشصاير وشحاصل ؟؟
    يقول : باتونام كلوز كلوز !! مسكر السوق الحين الساعه 9 وهم بيسكرون !!
    قلت افااا ما في نصيب اليوم ، سألته عن سوق ثاني او مجمع او اي مكان يبيع بضاعه زينه فقالي بكره بوديك وعطاني رقم تلفونه الموبايل وقال اتصلي بكره الصبح بوديك كذا مكان وانت اختار اللي تبي ۔
    قلت طيب مو مشكله ننتظر لي بكره ، بس الحين وين اروح ! خطر ببالي اني ارجع مره ثانيه (( سوي 3 )) الحي المشحون عرب واقعد لي في قهـوه او ما شابه ذلك عل وعسى القى احد اعرفه لاني كنت شبه ضايع يومها !!!
    ولحسن الحظ الدرب اللي مشيته كان شارع مشحون عرب كويتين + سعوديين + اماراتيين + قطريين + عراقيين + عمانيين وغيره من الجنسيات العربيه الشقيقه ، فقعدت وياهم وتبادلنه اطراف الحديث وسؤال ورى سؤال وسالفه ورى سالفه لين صار الوقت الساعه 3 الفجر وما حسيت بروحي ابد !!! كل ساعه يطلبون لي قهوه وكوفي وشاي ولا على حسابهم بعد (( ما قصروا الشباب )) ۔
    فقلت لهم احين باترخص يا جماعه الخير والقاكم يوم ثاني ، ومشيت عنهم بعد سهره حلوه وقعده ما تنمل مع الأخوه العرب الأشقــاء ۔
    رجعت الفندق وكان الجوع هو العنــوان الرئيسي حزتها فإتصلت في الإستقبال من غرفتي وسألتهم شعندكم عشـه حزتها الا يقولي الموظف : المطعم مال الفندق مسكر !!
    لوووووووووول شهالحاله البطن يصاوي والحاله حاله ولازم آكل لي وجبه وقعدت ادور احاوس يمين يسار لين لقيت ( لسته بالطاوله مالت الفندق ) بأسماء المطاعم المجاوره للحي اللي ساكن فيه وما لقيت الا مطعم مكدونالدز لانه مفتوح 24 ساعه فخبرت الرسبشن يطلب وجبه ماك جكـن على قوله اخوانه التايلنديون (( ماااق جقــن )) {$title}
    وتفاجأت ان دوام الأول خلص ويلس محله واحد ( دبدوب ) وحبوب جداً ووايد لبق مع زباين الفندق فقلت له ابي هالوجبه يقول انتوا العرب كله تحبون الدجاج وما تاكلون لحوم بتايلند اقول بقلبي " وشدرانه ان اللحم مو لحم خنزير " !!!
    وتم الطلب ووصل الأوردر (( الماااق جقـــن )) على قولتهم وكلته كله كأني اول مره اكل وجبه بحياتي وعلى طول وبدون وعي وشعـور نمت نومه اخس من اللي قبلها من الساعه 4 ونص تقريباً لي الساعه 2 الظهر اليوم الثاني !!
    لا حووووووول وفاتني السوق من الصبح وضاع وقتي كله بالنوم ، الظاهر مخليين شي بالـ (( مااااق جقـــن )) مالهم وخدرني ، المهم صليت صلاه الظهر وبعدها على طول خبرت السايق يوصلني لأقرب مكان عشان اتغــدى لاني باروح السوق العصر ، فخذني بالتك تك ماله ووداني مطعم سي فــود ( أكلات بحريه ) وقالي شرط يعجبك ، قلت مو مشكله نجرب شورانه دامها اول مره يلا ناكل اكلكم يا ( التايلنديون ) وقال انه باروح وبارجع لك عقب نص ساعه لان زباين الفندق يبون توصيل ، قلت له مو مشكله عزيزي مرخوص ، وحضره العامل اللي يشتغل بالمطعم ياب لي اللسته مالت الطعام واللي فيها جميع الأكلات البحريه الغريبه والعجيبه واللي اول مره اجوفها بحياتي كلها مثل ( سلطاعون بالروب ) !!!
    ( سمك زبيدي مشوي مع صلصه الكريب مادري شسمها ) !!
    ( سلطه تونا مع محار ) !!!!
    شدعووووه خب احنه مب متعودين ناكل هالأشيه حدنه مجابيس وغوازي ، فقلت يلا نجرب السمك الزبيدي مع الكريب عل وعسى اكتشف شي يديد بحياتي {$title}
    وفعلاً كلته وياريتني ما كلته اول ما حطيت اللقمه الأولى بحلجي على طول ياتني اللوعه قلت شنو هالأكل الغريب !!! لووووووول

    رحلتي الى تايلند للتسوق ( بانكوك ) - تايلند بالصور

    {$title}


    السمك صحيح مشوي بس بدون بهارات شكله طالع على طول من البحر لي الشوايه قلت له تعال بس مابي بغير الطلب ، يقول اوكي بس بحسبه عليك ، وطلبت شي ثاني وهوالربيــان المشوي وكان لذيذ وحلو شكلاً وطعــماً بس الغريب في الأمر ان الدوخه ياتني مره ثانيه !!!!
    يعني الظاهر اني باروح الفندق وبكمل نومه البارحه السعيده هههههههه
    ولسوء الحـظ خذتني نومه عميقه ثانيه من العصر لي المغرب الساعه 7 ونص ، ويوم قلت شهالحاله بس شكلنه بنقزرها بس اكل و نوم ولا بنتسوق يعني !!!
    والفلوس شكلها بطير كلها على هالسبه !!!!
    ولكن بعدها نزلت صوب التكاسي ( الحراميه ) قلت لهم ابي اروح سوق ليلي واسمه ( بات بونغ ) وهو عباره عن سوق ليلي يفتح من الساعه 8 الليل إلى 2 منتصف الليل ووداني حضره التاكسي بمبلغ 100 بات = 12 ريال سعودي = 1.200 دينار بحريني ونزلت اتسوق وفعلاً السوق كان جميل جداً وعجبني على الآخر من ناحيه البضائع الموجوده وخصوصا الساعه ( الكوبي ون ) فيه مالذ وطاب وبأسعار تبدي من 1500 بات وتنتهي بـ 3000 بات حوالي (( 20 دينار بحريني إلى 30 دينار )) والساعات بكل أمانه تسوى اكثر من هالمبلغ لاني اشتريها بالبحرين بمبالغ خياليه ، ويوم جفت جوده التقليد والماركه بطلت عيوني على الآخر وقلت شالفرق الحين بينها وبين الاصلي !!!!
    فخذيت لي اربع ساعات دفعـه وحده بدون الإلتفات للمبلغ اللي حامله وياي ومثل ما يقولون (( كني مو جايف خير من قبل )) !!
    تميت الف السوق يميناً وشمالاً ، شرقاً وغرباً وفيه بعض المناطق الخطره على العزاب امثالي ........ مثل الديسكوات وبنات آخر الليل ووووو ... ۔
    ولكن انه بعيد عن هالسوالف الحمد لله وسفرتي كانت كلها للترفيه عن النفس والتسوق واكتشاف الجديد ۔
    المذهل في هالسوق الليلي وهو ( البات بونـغ ) انك لازم تمتلك وتتعلم مهاره جديده الا وهي مهاره (( المكاسر - المقاصص )) بلغتنه العاميه فمثلاً : إذا قالك البائع هالشي بعشره دينار تقوله ابيه بـ 5 دينار يعني طيح نصف السعر وعطه ظهرك وهو بنفسه اذا جافك معاند معاه بيوافق ، بس انه للاسف اثناء شرائي للساعات ما انتبهت لهالنقطه الا عقب ما جفت كذا واحد يساوم وياهم على الآخر وينشف ريجهــم ۔
    فقلت مو مشكله الأيام بيننا يا ( التايلنديون )
    وبعدها رجعت الفندق بساعه متأخره من الليل وانتهى ثاني يوم ۔
    بعض الصور من السوق المذكور وهو
    البـــات بونغ - السوق الليلي

    {$title}

    رحلتي الى تايلند للتسوق ( بانكوك ) - تايلند بالصور
    {$title}

    رحلتي الى تايلند للتسوق ( بانكوك ) - تايلند بالصور
    {$title}

    رحلتي الى تايلند للتسوق ( بانكوك ) - تايلند بالصور
    {$title}
    رحلتي الى تايلند للتسوق ( بانكوك ) - تايلند بالصور

    {$title}
    رحلتي الى تايلند للتسوق ( بانكوك ) - تايلند بالصور

    {$title}

    رحلتي الى تايلند للتسوق ( بانكوك ) - تايلند بالصور

    {$title}


    رحلتي الى تايلند للتسوق ( بانكوك ) - تايلند بالصور
    {$title}
    رحلتي الى تايلند للتسوق ( بانكوك ) - تايلند بالصور

    {$title}

    رحلتي الى تايلند للتسوق ( بانكوك ) - تايلند بالصور

    {$title}


    وهالأخ التايلندي الحبيب اللي شريت منه الساعه وكله كان يقول ( انت وايد هيلووواه ) قصده اني وايد حلو والساعات حلوه ههههههه

    {$title}

    هالحذاء الجميل دش بالي ولكن قيمته غاليه جداً وهو صناعه يدويه من جلد التمساح تكلفته حوالي 12000 بات اي ما يعادل بالبحريني 146 دينار = 1460 ريال سعودي تقريباً

    رحلتي الى تايلند للتسوق ( بانكوك ) - تايلند بالصور

    {$title}


    واخيراً مع المتحري ( سينشي كودو ) كونان على كبر وهالشخص ما قصر وياي خبرني عن السوق من أوله لي آخره فله جزيل الشكر واسمه الحقيقي ( تيونان براتونغ سنغ )

    {$title}



    رحلتي الى تايلند للتسوق ( بانكوك ) - تايلند بالصور
     

    الملفات المرفقة:

    آخر تعديل بواسطة المشرف: ‏30 ديسمبر 2012
  2. ام تركي

    ام تركي مسافر

    إنضم إلينا في:
    ‏30 يوليو 2014
    المشاركات:
    8
    الإعجابات المتلقاة:
    0
    أَعْجَبَ:
    0
    Dislikes Received:
    0
    نقاط الجائزة:
    1
    رد: رحلتي الى تايلند للتسوق ( بانكوك ) - تايلند بالصور

    يعطيك العافيه