1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.

رحلتى الى ماليزيا - رحلتى الى ماليزيا بالصور - صور رحلتى الى ماليزيا

الموضوع في 'العرب المسافرون ماليزيا' بواسطة wtscett, بتاريخ ‏28 نوفمبر 2012.

هوتيل فور ارب | Hotel For Arab

دليل ماليزيا

  1. wts

    wtscett مسافر جديد

    إنضم إلينا في:
    ‏28 نوفمبر 2012
    المشاركات:
    2
    الإعجابات المتلقاة:
    0
    أَعْجَبَ:
    0
    Dislikes Received:
    0
    نقاط الجائزة:
    1
    الحمد الله أن ربي ييسر لي وحقق لي أمنيتي بالرجوع الى ماليزيا أنا وحدة أعشق ماليزيا

    عشتقها من زيارتي السابقه لها ب سنة 2006

    أي أحد يسألني أي أحلى مكان سافرتي له أقولهم ماليزيا

    أي أحد يسألني وجهه للعرسان أقولهم ماليزيا


    لأني صج حسيت بالمرة الأولى اني ما شبعت من ماليزيا

    و كانت ماليزيا هاجس بالنسبه لي


    طوول هالفترة وانا كنت حاطه ببالي أني لو فكرت وصارت لي فرصه أخطط لسفر في يوم من الأيام




    راح تكون وجهتي الأولى مكان وااحد بس وهو طبعا عشقي ماليزيا

    [​IMG]

    طول هالمده وأنا ابغي اللحظه اللي اركب فيها الطيارة وتكون وجهتي الى كوالالمبور



    والحمد الله ربي يسر لي ورجعت لعشقي الأبدي ماليزيا


    بس للأسف الشديد هالمرة المده المحدده لي بالسفر مده قليله

    11 ليلة بس وكان خاطري ألــف ماليزيا كلها

    وبنفس الوقت بعد خاطري اجوف تايلند لأني


    سمعت ووايد ناس يقولون تايلند حلوة وسوق بانكوك أحلى وأرخص من ماليزيا فقسمت الأيام بين ماليزيا و تايلند عشان ما يطوفني السوق

    وبنفس الوقت سمعت عن الفانتزي شووو في بوكت


    وناس وايد قالوا لي اللي ما يروح الفانتزي شو كأنه ما راح تايلند !!!

    صرت في حيرة من أمري أزيد وأزيد أروح تايلند والا اشيلها من البرنامج

    وآخر شي توكلت على الله وقلت بخصص 4 أيام لتايلند


    2 ليلتين بوكت وهدفي من بوكت فقط الفانتزي شوو اللي كل الناس تتكلم عنه


    و2 يومين تسوق في بانكوك اللحين بتقولون وايد تنقلات

    صح وايد تنقلات بس ما خليت مكان بخاطري ما رحته وهذا أهم شي


    ولأن المده اللي راح أقضيها بماليزيا قليله فكنت محتارة ووين اروح وشلون أرتب الأماكن

    فرتبتها على حسب ميولي الشخصيه فبرنامج رحلتي متعب


    وما ينفع لناس يروحون الي ماليزيا لأول مرة

    لأن أماكن سياحيه بالهبل ما رحنا لها ولا قربنا صوبها


    تقريري فيه ظلم لـ ماليزيا وجمال ماليزيا لأنه مثل ما يقولون مختصر مفيد


    برنامج رحلتى الى ماليزيا

    ليلتين منتجع صن واي لاقون ريزورت 5 نجوم
    سعر الليله للغرفه المزدوجه مع الأفطار 68 دينار


    ليلتين جنتنغ فندق مكسيمس 5 نجوم سعر الغرفه المزدوجه مع الأفطار 52 دينار


    ليلة كوالالمبور فندق جراند ميلينيوم 5 نجوم سعر الغرفه المزدوجه مع الأفطار 58 دينار

    ليلتين بينانغ فندق شنغريلا قولدن ساندس 4 + نجوم سعر الغرفه المزدوجه مع الأفطار 63 دينار

    ليلتين بوكت فندق بانتاي بيج ريزورت 4 نجوم +سعر الغرفه المزدوجه مع الأفطار 44 دينار


    ليلتين بانكوك فندق نوفوتيل سيام سكوير 4 نجوم + سعر الغرفه المزدوجه مع الأفطار 45 دينار


    طبعا راح تقولون حراام البرنامج مضغوط وما شبعتو ا من كولالمبور اي والله ما شبعنا

    بس لضيق الوقت ولأني فضلت ان بدل ما اقعد الفترة الباقيه في كوالالمبور وأروح أماكن انا رحتها بالمرة اللي قبل فضلت اروح بينانغ

    لأن كان بخااطري اروح بينانغ من ذيج المرة ما شبعت منها

    فكنت افكر ان لالالازم بينانغ تكون بالمخطط طبعا اخترت الفنادق بعضها على اساس اني مجربتها من قبل

    وأعرف مستوى الفندق والبعض لأن سمعت واايد مدح عليهم
    والبعض لأن شفت صوور للفندق وعجبني من الصور والموقع
    بالنسبه للحجوزات لأن ما كان في وقت حجزت قبل السفر بمده قصيرة فكانت حجوزاتنا أغلبها عن طريق مكتب سياحي بس فندق جنتنغ اللي ما حصلت حجز بالمكتب
    وحجزت بروحي بالأنترنت سريع سريع عن طريق موقع آسيا رومز الموقع آمن وسهل الأستخدام بأقل من دقيقتين والحجز مؤكد عندي قبل السفر بيومين رحت وصرفت فلوس لـ ماليزيا ولتايلند قلت ما أبغي ادوش عمري بمكاتب الصرف هناك




    [​IMG]




    واللحين نجي لترتيب الحجوزات والأوراق الضروريه رتبت الظروف خصصت كل ظرف فيه شي

    مثلا بأول ظرف تذاكر الطيران الدولي

    [​IMG]


    2 ظرف كان فيه فوتشرات الفنادق لماليزيا بالترتيب


    كل فندق حسب ترتيب الرحله يعني اول ما افتح الظرف القى فوتشر فندق صن واي لاقون بعدها جنتنغ بعدها

    جراند ميلينيوم بعدها الشنغريلا قولدن ساندس بالترتيب

    3 ظرف كان مخصص لتذاكر الطيران الداخلي
    فاير فلاي من بينانغ لبوكت


    [​IMG]

    4 ظرف مخصص لفنادق تايلند
    بعد نفس الشي بالترتيب أول شي فندق بوكت وبعدها فندق بانكوك

    و5 ظرف تذاكر الطيران الداخلي بتايلند من بوكت لحد بانكوك عن طريق تاي اير

    [​IMG]
    طريقه ترتيب الظروف بهالشكل مضبوطه 100 %

    صج صج هالطريقه مفيده وسهله وارتب طبعا الظروف كتبت عليهم كل واحد

    اسمه أو شنو محتواه بس بعد ما صورتهم لكم

    لأن خطي مأساة ما أبيكم تتطنزون على الخط العجيب هههه


    [​IMG]

    يوم السفر الى ماليزيا


    قبل موعد الرحله الى ماليزيا ب 3 ساعات ونص طلعنا من البيت


    وكانت وجهتنا طبعا مطار البحرين الدولي

    طلعنا قبل بوقت طويل لأن خفنا لو تجد ظروف بالطريق والا يصير الشارع ززحمه ونتعطل


    فقلنا نطلع قبل بوقت احسن لنا وهالصورة خذتها من الطريق للمطار


    [​IMG]




    الحمد الله يومها ما كان في زحمه ووصلنا المطار بكل سهالاات

    أول ما وصلنا المطار دخلنا الشنط وخذنا البوردنغ


    الطيران الناقل طيران القطريه


    وعلى ما خذت وجبه أطفال من ماكدونالز فرع المطار

    لبنتي ورجعنا صوب البوابه الا صار وقت الدخول للطيارة

    دخلنا الطيارة وكان وقتها وقت صلاة المغرب

    [​IMG]



    قلنا أول ما نوصل مطار الدوحه ان شاء الله بنصلي هناك بس أول ما وصلنا مطار الدوحه

    الا أصلا النداء الأخير لطيارتنا لـ كوالالمبور !!! فـ على طووول ركض للبوابة وركبنا الباص


    وصلنا الطيارة طبعا صج ركضه و حسينا بربشه

    بس صراااحه ما حسينا بالوقت الا واحنا بطيارة كوالالمبور

    ما تأخرنا بالترانزيت والهالحركه كانت جدا مريحه لنا

    انا جربت قبل سافرت على طيران الأمارات

    بس كان وقت الترانزيت ثقيل بالنسبه لي

    تمشيت بالسوق الحرة وكلت بكوفي شوب وصليت وووو




    وايد أشياء سويتها و بعد تمللت بالمطار مع ان مطارهم ما ينمل منه

    بس بعد الواحد لحظات الأنتظار دايما يحسها ثقيله ففضلت طريقه الترانزيت مع القطريه

    واايد مريحه ما حسينا أصلا ان مرينا ترانزيتأخف وكل شي سريع سريع

    طيران القطريه ممتاز من كل النواحي الخدمه الطيارة المواعيد الأكل برامج الترفيه بالطيارة كل شي 10 /10


    بس عيب واحد بس


    مب مخصصين مكان للصلاة في الطيارة ما فيها مكان شوي وسيع الواحد يقدر يصلي فيه !!

    ويوم رحنا بوقت صلاة الفجر للصلاة بآخر الطيارة المضيفات
    كان مب عاجبهم ان أحنا نصلي هناك


    هالصورة خذتها قبل الأقلاع بشوي

    [​IMG]



    بعد الأقلاع بشوي وزعوا الألعاب للأطفال شنطه وفيها دفتر تلوين وستكرات سبونج بوب معشوق الجماهير

    [​IMG]



    طريقه أهتمامهم بالأطفال جدا مميزة كل شوي المضيفه تسأل أذا بنتي تبي أي شي

    وأن كل شي تمام وطبعا وجبات الأطفال وزعوهم عليهم قبل الكبار


    حبيت طريقه أهتمامهم بالأطفال بعدها قلت خل أنقي لي فيلم اجوفه

    طبعا أحترت شنو أجوف وشنو أخلي قائمه الأفلام طويله عريضه

    حتى افلام كلاسيكيه مصريه كوميديه قديمه لأسماعيل يس


    في طارت ساعه وانا للحين ما أخترت فيلم

    فكنت محتارة وآخر شي قعدت اشوف فيلم أجنبي

    وما عجبني وغيرت شفت لمصري

    [​IMG]



    وزعوا علينا وجبه العشا


    [​IMG]



    صورتها بعد ما فتحتها بس مادري وين الصورة !! شكلي مسحتها بالغلط


    المهم ان الأكل كان منوع ويشبع ولذيذ

    حتى أتذكر الخبز أو الصموناللي بالصورة كاان حااااار ولذيذ أول ما مسكته بالصدفه

    حسيته حار فقلت أذوقه وبس بعدين كلته بدون شعور خخخخ


    علي بالعافيه طبعا عقب الفيلم المصري كنت بشوف بعد فيلم أجنبي غير

    بس حسيت روحي نعسانه لأن الطيارة كلها ظلام والناس راقدين

    فـ أستلمت للنوم والصبح يابو لنا وجبه أفطار

    بس للأسف الصورة شكلها أنمسحت مع اللي قبلها

    وصلت الطيارة ماليزيا ولأن موقع الكرسي بالوسط ف ما قدرت أصور شي


    بس هالصور خذتهم لكم أول ما نزلنا من الطيارة ووصلنا مطاار كوالالمبور


    مطار كوالالمبور جدا متطور وحلو وكبير

    [​IMG]


    رحلتى الى ماليزيا - مطار كوالالمبور​

    [​IMG]

    رحلتى الى ماليزيا - مطار كوالالمبور

    وفيه قطار يوصل من قاعه القادمون لحد قاعه ثانيه فيها استلام الأمتعه

    القطار اللي يوصل لقاعه استلام الأمتعه

    [​IMG]


    وهالصورة خذتها من القطار بالطريق لقاعه استلام الأمتعه
    [​IMG]



    وقبل ما نروح نستلم الأمتعه شفت كاونتر لشركات الأتصالات وأخترت شركه سيليكوم
    [​IMG]


    ووقفت وخذت شريحتين تيلفون وحده مع خدمه بلاك بيري لمده أسبوع والثانيه بدون خدمه بلاك بيري


    الشريحتين ب37 رنغت وبعد ما ضبطنا الشريحتين

    رحنا صوب استلام الأمتعه وخذنا الشنط أول ما طلعنا شفنا مكتب المطار للتاكسي

    [​IMG]


    أول ما توصل عند الكاونتر يسألونا عن عدد ألأشخاص وعدد الشنط وأسم الفندق

    خذنا سيارة من المطار لحد فندق صن واي لاقون ريزورت ب 64 رنغت

    وهالصور للطريق الي فندق صن واى لاجون فى ماليزيا
    [​IMG]


    رحلتى الى ماليزيا - صنواى لاجون
    [​IMG]



    رحلتى الى ماليزيا - صنواى لاجون
    [​IMG]



    صن واي لاقون ريزورت
     
    جاري تحميل الصفحة...
  2. wts

    wtscett مسافر جديد

    إنضم إلينا في:
    ‏28 نوفمبر 2012
    المشاركات:
    2
    الإعجابات المتلقاة:
    0
    أَعْجَبَ:
    0
    Dislikes Received:
    0
    نقاط الجائزة:
    1
    حقق لي أمنيتي بالرجوع الى ماليزيا أنا وحدة أعشق ماليزيا

    أول ما وصلنا منطقتنا صن واي لاقون

    صور فندق صنواى لاجون - ماليزيا

    [​IMG]

    صور فندق صنواى لاجون

    [​IMG]

    صور فندق صنواى لاجون

    [​IMG]

    صور فندق صنواى لاجون

    [​IMG]

    صور فندق صنواى لاجون

    اللوبي جدا فخم وديكوراته حلوة


    [​IMG]

    صور فندق صنواى لاجون

    [​IMG]


    صور فندق صنواى لاجون

    طبعا اجراءات الدخول جدا سهله وخذت منا تقريبا من 5 الى 10 دقائق

    طلبوا منا تأمين للغرف 200 رنغت دفعناهم كاش طبعا

    سلمونا مفتاح لغرفه والغرفه ال2 قالو لنا بعد شوي تجهز

    قلنا مب مشكله ناخذكم اللحين بجوله بالفندق


    الممرات بين الغرف
    وساحوني اذا بعض الصور مهزوزه خبركم هالحزة أصور بسرعه بسرعه


    [​IMG]


    صور فندق صنواى لاجون
    الغرفه

    [​IMG]

    صور فندق صنواى لاجون


    [​IMG]



    صور فندق صنواى لاجون - ماليزيا


    [​IMG]

    صور فندق صنواى لاجون - ماليزيا


    [​IMG]

    صور فندق صنواى لاجون - ماليزيا


    [​IMG]


    صور فندق صنواى لاجون - ماليزيا


    [​IMG]


    صور فندق صنواى لاجون - ماليزيا




    [​IMG]


    صور فندق صنواى لاجون - ماليزيا




    [​IMG]


    صور فندق صنواى لاجون - ماليزيا


    [​IMG]

    صور فندق صنواى لاجون - ماليزيا


    [​IMG]
     
  3. loving Malayia

    loving Malayia رحالة

    إنضم إلينا في:
    ‏17 نوفمبر 2012
    المشاركات:
    63
    الإعجابات المتلقاة:
    0
    أَعْجَبَ:
    0
    Dislikes Received:
    0
    نقاط الجائزة:
    6
    رد: رحلتى الى ماليزيا - رحلتى الى ماليزيا بالصور - صور رحلتى الى ماليزيا

    [font=&quot] رائع[/font]
    [font=&quot]نظرا ل[/font][font=&quot]حالة الإعفاء من الرسوم الجمركية فلابوان مكانا رائعا للتسوق [/font]- [font=&quot]يمكنك الحصول على[/font][font=&quot] عروض رائعة [/font][font=&quot]من[/font][font=&quot] الهدايا مثل الشوكولاتة[/font]