1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.

تقريري اليوم بيكون عن فندق برج العرب

الموضوع في 'بوابة السفر إلى الإمارات' بواسطة مصباح33, بتاريخ ‏15 ديسمبر 2012.

هوتيل فور ارب | Hotel For Arab

دليل ماليزيا

  1. مصباح33

    مصباح33 رحالة

    إنضم إلينا في:
    ‏14 ديسمبر 2012
    المشاركات:
    342
    الإعجابات المتلقاة:
    2
    أَعْجَبَ:
    0
    Dislikes Received:
    0
    نقاط الجائزة:
    18

    تقريري اليوم بيكون عن فندق برج العرب

    Burj Al Arab

    [​IMG]

    إضغط هنا لمشاهدة موقع فندق برج العرب عن طريق قوقل أيرث

    يصنف فندق برج العرب من فئة السبع نجوم
    [​IMG] [​IMG] [​IMG] [​IMG] [​IMG] [​IMG] [​IMG]

    بغض النظر عن سعر الفندق ... انا أخترته عشان أحتفل بذكرى زواجي واللي ابيها تكون ليلة لا تنسى

    وبالفعل كانت ليلة لا تنسى بكل ما تحمله الكلمة من معنى

    كنت متردد أي جناح آخذ ... هل الجناح العادي "ديلوكس" ... او الجناح البانورامي
    والفرق بالسعر بينهم تقريبا 900 ريال

    الجناح البانورامي يتميز بكبر المساحه بين 225 - 315 متر مربع ... واجهه بانوراميه زجاجيه للدورين
    اما الجناح العادي "ديلوكس" ... مساحته 170 متر مربع ... والواجهه الزجاجيه فقط للدور الاول
    سعر الجناح البانورامي 5400 ريال شاملة الضرائب مع الإفطار
    سعر الجناح العادي "ديلوكس" 4300 ريال شاملة الضرائب مع الإفطار

    وبعدين قررت اني اخذ الجناح البانورامي ... وطلبت ان واجهة الجناح تكون مطله على مدينة جميرة والبحر ... بحيث يكون الجناح بزاوية البرج
    والحمدلله كان اختيار موفق سواء للجناح او اطلالة الواجهه وتم الحجز عن طريق الهاتف

    اخترت آخر يوم قبل العودة للسعودية ... عشان تكون توديعه حلوه للإمارات
    طبعا لما حجزت قالولي ان وقت الدخول للفندق الساعه 3 العصر والخروج الساعه 12 الظهر كلمت مدير الحجوزات عشان وقت الدخول والخروج وضبطها لي وحطها من الساعه 12 الظهر لين الساعة 3 العصر باليوم الثاني

    أول ما دخلت الفندق .. كان ترحيبهم واستقبالهم رائع للغاية ... جلسونا باللوبي وقدموا لنا القهوة وبعدين اخذونا للجناح
    طبعا كل دور له مكتب استقبال ... ويسوون اجرائات الدخول والدفع بداخل الجناح
    لما دخلنا الجناح ... كان فيه بالداخل عدة موظفين قاموا باستقبالنا داخل الجناج وقدموا لنا العصير ... طبعا هم عرفوا اننا مسلمين عشان كذا ما جابوا خمر
    وذكروا النقطه هذي واللي تدل على اهتمامهم بكل تفاصيل النزلاء

    بعد كذا اعطونا جوله بالجناح ومميزاته والخدمات الخاصه اللي فيه ... بعدين يحددون خادم خاص فيك يكون تحت امرك تحت اي وقت
    مساحة الجناح كانت كبيرة جدا لشخصين وانا ما اعتبرها جناح ... اعتبرها فيلا
    الجناح كان يتكون من الآتي:

    الدور الأول:

    مكتب بكامل تجهيزاته من فاكس وطابعه ولاتوب وانترنت مجاني
    طاولة طعام
    جلسه جاانبيه مطله على مدينة جميرة
    صالة كبيرة
    بار
    غرفة تخزين
    حمام ضيوف

    الدور الثاني:
    جلسه جانبيه
    سرير
    حمام رئيسي مع جاكوزي
    غرفة تغيير ملابس

    الصور اللي كنت اشوفها بالانترنت عن الفندق كانت حلوه بس من جد ما تعكس الواقع
    لان الواقع اجمل بكثير من اي صورة

    معاملة الخادم الخاص فيك لا توصف ... لدرجة ان الخادم اللي كان عندي يقولي اي شي تبيه انا حاضر اسويه لك
    حتى لو تبي تشرب المويه والكاس قدامك ... دق علي عن طريق الريموت كنترول وانا اعطيك اياه ههههههههههههههههههههههه

    قلت بنفسي ... هذا وانا دافع 5400 ريال .. عاد كيف لو اخذت الجناح الملكي؟
    خدمة رااقيه جدا بشكل ما اقدر اوصفه ... وقالي راح اجيبلك كل الجرايد السعودية عشان تحس انك في بلدك مو مغترب
    وبالفعل جابلي كل الجرايد السعودية خلال 10 دقايق

    قعدنا في الجناح من الظهر لين قبل المغرب .. طلبنا سيارة عشان نروح الممشى اللي في الجميره وكانت السياره لكزس إي 350 ... وتكلفة المشوار مثل أي تاكسي بدبي ... على العداد
    صراحه خدمة كانت ممتازه جدا من الفندق
    بعد ما رجعنا للفندق ... لقينا باقة ورد و كرت تهئنة وهدية من مدير الفندق وكانوا مضبطين اجواء رومانسيه بالجناح

    اليوم الثاني ... افطرنا بمطعم باب اليم وكان لذيذ وجلساته رووعه على البحر
    وعلى الساعه 3 العصر طلعنا من الفندق وتوجهنا للمطار وكانت ليلة ولا اروع
    مستحيل انساها وراح اكرر التجربه من غير اي تردد

    الحين اترككم مع الصور اللي اخذتها بكاميرتي مع تعليق على الصورعلى فكره قليل من الصور اخذتها من النت ... بس الاغلبية من تصويري

    صورة خارجية لبرج العرب

    [​IMG]

    صورة من قوقل ايرث لبرج العرب

    [​IMG]

    سيارات الفندق ... يقال انها تكاسي هههههههههههههه

    [​IMG]

    صور لزايد بمدخل الفندق

    [​IMG]

    هذا مكتب استقبال الضيوف والكونسيرج

    [​IMG]

    صور من زوايا أخرى للوبي

    [​IMG]

    صور لسقف الفندق من اللوبي

    [​IMG]

    [​IMG]

    صورة للنافورة اللي بواجهة اللوبي

    [​IMG]

    [​IMG]

    [​IMG]

    جلسة باللوبي اللي بالدور الثاني

    [​IMG]

    صورة تبين الدور الاول والثاني للوبي

    [​IMG]

    صورة للوبي من الاعلى

    [​IMG]

    النافورة اللي بواجهة اللوبي من الأعلى ...تدرج اللوان تفتح النفس

    [​IMG]

    على اليسار جنب العمود فيه فرقه موسيقيه ... تجلس وتروق على الموسيقى

    [​IMG]

    [​IMG]

    لوبي المصاعد اللي يطلع للأجنحة

    [​IMG]

    المصعد اللي يطلع للأجنحة

    [​IMG]

    صورة لمدخل الدور وتشوفون قدام مكتب الاستقبال اللي متواجد بكل دور

    [​IMG]

    صورة داخليه للجناح البانورامي ... على اليمين درج يطلع لجناح غرفة النوم ... وبالامام المكتب

    [​IMG]

    صورة للمكتب ... فيه لاب توب وفاكس وطابعه ... واكيد كرسي هههههههههههههه

    [​IMG]

    المنظر الخلفي يطلع على مدينة جميرة

    [​IMG]

    الدولاب اللي على اليمين ... فيه ماكينة نيسبريسو للقهوة وفيها الشاهي والعدة اللازمة ... وطبعا مجاني

    [​IMG]

    الجلسة الجانبية وخلفها طاولة الطعام

    [​IMG]

    صورة للعصير اللي قدموه لنا ... طبعا خالي من الكحول بحكم اننا سعوديين

    [​IMG]

    الجناح جاي بزاوية الفندق مثل ما تشوفون

    [​IMG]

    صورة للصالة الرئيسية للجناح

    [​IMG]

    صورة للبار

    [​IMG]

    العصير مقدم منهم هديه

    [​IMG]

    بالداخل .. اول باب هو غرفة التخزين ... والباب اللي بعده هو حمام الضيوف

    [​IMG]

    صورة للصالة الرئيسيه

    [​IMG]

    صورة تبين المساحة الكبيرة للجناح ... وعلى الطبيعه اكبر من الصورة

    [​IMG]

    كل شي مذهب عندهم ... ما يعترفون بالنيكل ههههههههههههههه

    [​IMG]

    الريموت اللي تقدر تسوي منه اشياء كثير

    [​IMG]

    صورة اقرب للريموت تقدر تطلب الخادم من خلاله تقدر تفتح الباب بضغطة زر - تقدر تفتح الستاير وتقفلها - تقدر تحط حالة عدم الإزعاج عند الباب
    لما احد يدق جرس باب الجناح ... على طول تطلع شاشه بالتلفزيون توريك مين عند الباب وانت قاعد بمكانك
    واذا تبي تفتحله الباب ... تضغط الزر من الريموت كنترول

    [​IMG]

    جهاز تحكم بالغرفة كامله ... موجود عند البار ... تقدر تستعرض القنوات الموجوده وتغير منهاتقدر تتحكم بسماعة الاي بود اللي موجوده خلفها ... يعني تقدر تسوي كل شي منها وانت قاعد على البار

    [​IMG]

    صورة لحمام الضيوف

    [​IMG]

    صورة لداخل البار

    [​IMG]

    صورة للسرير

    [​IMG]

    منظر رااائع لغرفة النوم ... على اليمين بحر وقدامك الجميره

    [​IMG]

    [​IMG]

    منظر ولا اروع وانت بالسرير

    [​IMG]

    شاشة التلفزيون لغرفة النوم ... مع كيبورد لا سلكي لتصفح الانترنت وانت على السرير

    [​IMG]

    صورة للحمام الرئيسي

    [​IMG]

    عطور من ماركه تيري ديهرمس ... مجموعه كبيرة من العطور موجوده بداخل دورة المياه للرجل وللمرأة
    يحق لك تاخذها مجانا وانت طالعو يقولون لك الشيء هذا اول ما يستقبلونك ويعرفونك بالجناح انها مجانيه وهي هديه من الفندق

    [​IMG]

    طبعا داخل الحمام ... تقدر تتحكم بالايبود اللي تحت ... او بقنوات التلفزيون

    [​IMG]

    صورة للجاكوزي

    [​IMG]

    صورة لمنظر الواجهة البانورامية من الدور العلوي

    [​IMG]

    باقة ورد اهداها لنا مدير الفندق بمناسبة ذكرى الزواج

    [​IMG]

    الكرت اللي لقيناه مع البوكيه ... هديه من مدير الفندق

    [​IMG]

    صور ليلية للجناح

    [​IMG]

    [​IMG]

    [​IMG]

    [​IMG]

    [​IMG]

    [​IMG]

    [​IMG]

    [​IMG]

    [​IMG]

    [​IMG]

    [​IMG]

    [​IMG]

    [​IMG]

    [​IMG]

    [​IMG]

    طاولة الافطار بالفندق ... اطلاله رائعة على البحر واكل لذيذ

    [​IMG]

    قلط معنا عصفور الفندق وقام يفطر معنا ... يمووون هههههههههههههههه

    [​IMG]

    صورة للحرامي بعد ما اكل فطورنا

    [​IMG]

    مهبط الهيلوكبتر بأعلى الفندق

    [​IMG]

    أتمنى اني أكون وفقت بالتقرير ... وان شاء الله انه أعجبكم
    وما راح تكون الزيارة الأخيرة للفندق ان شاء الله

    لمعرفة أفضل الأسعار للفندق برج العرب ... إضغط هنا


     
    جاري تحميل الصفحة...