1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.

رحلتى الرائعة الى اوربا ( رحلة بحريه ) صور رائعة

دليل المسافر العربي قبل السفر

الموضوع في 'بوابة السفر إلى ايطاليا Italy' بواسطة مصراويه, بتاريخ ‏13 يناير 2013.

هوتيل فور ارب | Hotel For Arab

دليل ماليزيا

  1. مصراويه

    مصراويه رحالة

    إنضم إلينا في:
    ‏19 ديسمبر 2012
    المشاركات:
    124
    الإعجابات المتلقاة:
    0
    أَعْجَبَ:
    0
    Dislikes Received:
    0
    نقاط الجائزة:
    16

    رحلتى الرائعة الى اوربا ( رحلة بحريه ) صور رائعة



    كانت هذي الرحلة بشهر العسل وابتدت بعد العرس بثلاث أيام :

    الباخرة كانت تبع شركة
    ( The Royal Caribbean )

    وهي من أشهر الشركات التي تنظم رحلات الكروز وتتضمن عدد كبير من الباخرات الفخمة وجداول رحلاتها متعددة في مناطق مختلفة من العالم مثل رحلات اوروبا ورحلات امريكا وكندا ورحلات شرق اسيا ورحلات استراليا ونيوزلندا بأوقات مختلفة من السنة يعني خيارات عديدة ومتنوعة حتى عدد ايام الرحلة عندج خيارات وايد من 4 و5 ايام او اسبوع او اسبوعين او شهر.

    باخرتنا العزيزة (اشتقتلها ) اسمها
    ( The voyager of the seas )

    هذي صورتها بالليل..

    [​IMG]

    كانت انطلاقة هذي الباخرة من برشلونة باسبانيا وسافرنا احنا لها على متن الخطوط الجوية الهولندية وكان ال
    Check in
    كالعادة الساعة 2 بس دشينا قبلها وسلمونا بطاقتين لي ولزوجي حق غرفتنا ونستعملها بنفس الوقت اذا بغينا نطلب شي زيادة ويخصمونها بعدين من الكريديت كارد .. يعني نفس نظام الفنادق بالضبط..
    الغرف طبعا كانت تختلف في السويت وفي الغرف المطله على البحر عن طريق البلكونه (نفس غرفتنا) وفي الغرف اللي تطل لداخل الباخرة وهذي صور الغرف..

    الغرفة اللي تطل على الداخل

    [​IMG]

    السويت

    [​IMG]

    الغرفة اللي تطل على البحر

    [​IMG]

    وهذي كانت غرفتنا وبصراحة كانت مريحة وحلوه وانا وزوجي كلما تحركت السفينة ركضنا صوب البلوكة عشان نشوف المنظر لانه صج خيااااااال

    الباخرة بشكل عام روووووعة نفس (التايتانيك) فخمة وفيها مطاعم وكافيهات وايد ومسارح وعيادة (وتعرفون الاجانب مايستغنون عن البار والديسكو وصالة قمار) وطبعا سوق (عندهم مثل الشارع وفيه محلات) انا وريلي نسميه شارع سالم المبارك ...وفيه صالة فيديو جيمز هذا غير ملعب التنس وملعب جولف وحمامات سباحة وجاكوزي وسبا (بس طبعا ماجربتهم لانها مختلطة) غير جذي رحنا لكل مكان عالباخرة...ونااااسه

    وانتي على الباخرة تنسين اصلا انج في البحر ودوار البحر ماتحسين فيه الا في البداية اشوي بس وفي ناس مايحسون فيه ابد لكن على فكرة اهم يوفرون حبوب للدوار..

    الوجبات الثلاث اليومية مجانا (الريوق والغدا بوفيه والعشا بمطعم فاخر على طاولة وقائمة تختارين منها وممكن يكون معاكم علة نفس الطاولة عايلة ثانية : كانوا معانا عايلة هندية كشخة مسلمين وعايشين بجنوب افريقيا ! ) والله لي الحين انا متواصلة بالمسجات معاهم حبوبين وكل جمعة يدزون لي مسجات (جمعة مباركة)

    العشا ممكن يكون الساعة 7 او 8 او 9 (انتوا تحددون من البداية أي وقت تبون) لان لكل وقت مطعم معين بس تقريبا نفس القائمة يوفرون...القوائم تتغير يوميا وكل يوم في شي جديد...دلع دلع

    وفي مطاعم ثانية لكن بفلوس مثل مطعم هندي ومطعم ايطالي ومطعم فاست فود للتغيير (جوني روكيتس)
    وفي كافيه مجاني يوفرون قهوة وشاي وحليب مع معجنات وحلويات 24 ساعة ...
     
    جاري تحميل الصفحة...
  2. مصراويه

    مصراويه رحالة

    إنضم إلينا في:
    ‏19 ديسمبر 2012
    المشاركات:
    124
    الإعجابات المتلقاة:
    0
    أَعْجَبَ:
    0
    Dislikes Received:
    0
    نقاط الجائزة:
    16
    رد: رحلتى الرائعة الى اوربا ( رحلة بحريه ) صور رائعة

    الباخرة تروح من برشلونه الى :

    اليوم الاول : جنوب فرنسا ( فيلا فرانش) ومنها لموناكو وكان

    اليوم الثاني : ايطاليا : ليفورنو (اللي فيها برج بيزا المائل)

    اليوم الثالث : ايطاليا : سيفيتافيتشيا (اللي منها رحنا لروما )

    اليوم الرابع : ايطاليا : نابولي (موطن البيتزا )

    اليوم الخامس : ايطاليا : صقليه , باليرمو (موطن المافيا )

    واليوم السادس كله في البحر لان الباخرة ترجع لبرشلونه

    اليوم السابع : في برشلونه...نطلع من الباخرة

    هذي صورة خط سير رحلتنا

    [​IMG]

    البرنامج اليومي : من 7 الصبح الى 7 المغرب تكون الباخرة واقفة وتبدأ تمشي للمحطة القادمة من بعد ال7 وهكذا..
    الباخرة توفر رحلات جماعية كثيرة ومتنوعة لكل محطة واسعارها حلوة وممكن اذا ماتبون الرحلة تنزلون للمنطقة وتتمشون فيها على راحتكم وترجعون قبل ال7 طبعا للباخرة (لكن انا انصح بالرحلات لانهم يوفرون الوقت ويودونج لاهم الاماكن السياحية) 

    وبعد الساعة 7 تقضون وقتكم بالباخرة (تسوق ...مطاعم...عروض مسرح....رياضة...فيديو جيمز) عروض المسرح حلوة حيل وكان في عرض الرقص على الثلج رووووعه حتى ان احنا رحنا له مرتين مع انه نفس العرض

    وعلى فكرة الرحلة تبدأ وتنتهي بكرنفال في شارع التسوق (يونس)
    ويكون في يومين في الاسبوع ملابس العشا فيه لازم تكون رسميه..اول يوم مارحنا تعشينا بمطعمنا رحنا لجوني روكيتس لان زوجي ماكان عنده بدله رسميه بس اليوم الثاني شراله بدله رسميه وكان الجو يونس الكل لابس رسمي والحريم سواريه واكيد بتسالون انا شنو لبست ؟ انا لبست تنوره وبلوزه كشخه بحكم اني متحجبه
    [​IMG]


    والحين بقولكم عن الدول والمناطق اللي زرناها بس للاسف ماعندي صور لاول محطه (فيلافرانش) بفرنسا لان ماكان معانا كاميرا وصورنا جم صوره بالموبايل بس ماقدر احطهم لانها شخصيه بس بصراحه فيلافرانش احلى منطقه زرناها رووووووعه وودونا لموناكو صغيرونه بس حلوه وشنو طبيعه روووعه

    وهم ثاني منطقه اللي اهيا ليفورنو بايطاليا ماكان عندنا كاميرا ...رحنا للمنطقه الللي فيها برج بيزا وبعض المتاحف يمها ...اكتشفت ان برج بيزا صغير مو طويل وايد بس صج صج مايل والمصيبه ان في ناس صاعده ونازله مادري اشلون يتجرؤون يصعدون يماي!! يخرع

    المحطة الثالثه كانت منطقة قريبه من روما.. ووقتها شرينا كاميرا اخيرا [​IMG] وبحطلكم بعض الصور
     
  3. مصراويه

    مصراويه رحالة

    إنضم إلينا في:
    ‏19 ديسمبر 2012
    المشاركات:
    124
    الإعجابات المتلقاة:
    0
    أَعْجَبَ:
    0
    Dislikes Received:
    0
    نقاط الجائزة:
    16
    رد: رحلتى الرائعة الى اوربا ( رحلة بحريه ) صور رائعة

    اول صوره في روما اهي لنافورة التمني اعتقد كلكم تعرفونها تقطون قطعه نقديه في البحيره وتتمنون
    طبعا انا وزوجي سويناها من باب الضحك

    [​IMG]

    [​IMG]

    وهذي منطقة اثرية ..

    [​IMG]

    وهذا تمثال ليوليوس قيصر

    [​IMG]

    وهذي صور لأطلال منطقة اثرية من عصر قيصر..


    [​IMG]





    مناطق اثرية بعد..

    [​IMG]

    [​IMG]

    وهذا القوس يشبه قوس النصر اللي بباريس..

    [​IMG]

    وهذي صورة اقرب..

    [​IMG]

    وهذا الكولوسيوم الغني عن التعريف اللي صورو فيه فيلم (the gladiator)
    فعلا كان عجيب..

    [​IMG]

    [​IMG]

    صج تاااااريخ مادري انا بالنسبه لي اموت على الاماكن التاريخية اكثر من السوق
    [​IMG]
     
  4. مصراويه

    مصراويه رحالة

    إنضم إلينا في:
    ‏19 ديسمبر 2012
    المشاركات:
    124
    الإعجابات المتلقاة:
    0
    أَعْجَبَ:
    0
    Dislikes Received:
    0
    نقاط الجائزة:
    16
    رد: رحلتى الرائعة الى اوربا ( رحلة بحريه ) صور رائعة

    رحلة روما وكانت اخر محطة فيها الفاتيكان

    [​IMG][/IMG]

    [​IMG][/IMG]

    وهني من داخل

    [​IMG][/IMG]

    [​IMG][/IMG]

    [​IMG][/IMG]

    وهذا بابا محنط اعوذ بالله شكله يخرع

    [​IMG][/IMG]


    صور رحلة نابولي ..

    الرحلة كانت جولة بالمدينه وزيارة لمتحف وبعدها ودونا مطعم تقليدي عشان ناكل بيتزا لان نابولي معروفه بانها موطن انطلاقة البيتزا الايطاليه..

    هذي صور لبعض معروضات المتحف..

    [​IMG]

    [​IMG]

    [​IMG]

    [​IMG]

    [​IMG]

    وهذا مجسم بلاستيكي لمدينة بومبي التي كانت تقع بالقرب من نابولي وكانت مدينة لها تاريخها لكنها تدمرت بالكامل بسبب زلزال عنيف صاب المنطقة

    [​IMG]

    [​IMG]

    وحسافة كان في رحلة من ضمن الرحلات لاثار منطقة بومبي لكن احنا اخترنا رحلة المتحف
     
  5. مصراويه

    مصراويه رحالة

    إنضم إلينا في:
    ‏19 ديسمبر 2012
    المشاركات:
    124
    الإعجابات المتلقاة:
    0
    أَعْجَبَ:
    0
    Dislikes Received:
    0
    نقاط الجائزة:
    16
    رد: رحلتى الرائعة الى اوربا ( رحلة بحريه ) صور رائعة

    والحين رحلة اليوم التالي (باليرمو) في صقليه (بلد المافيا )

    الرحلة كانت عبارة عن جولة في المدينة لزيارة معالمها بس ودونا بالباص فوق جبل وان كنت ميته من الخوف لان الباص كان يمشي بطرق ضيجه حيل وتلف حول الجبال بس صج المناظر كانت فضيييعه
    واتذكر ان الرحلة ماكانت طويلة عشان جذي لما رجعنا الباخرة ريحنا ورحنا نتسوق في سوق كان قريب من المينا..

    وهذي صور باليرمو..

    [​IMG]

    [​IMG]

    [​IMG]

    [​IMG]

    [​IMG]

    [​IMG]

     
  6. مصراويه

    مصراويه رحالة

    إنضم إلينا في:
    ‏19 ديسمبر 2012
    المشاركات:
    124
    الإعجابات المتلقاة:
    0
    أَعْجَبَ:
    0
    Dislikes Received:
    0
    نقاط الجائزة:
    16
    رد: رحلتى الرائعة الى اوربا ( رحلة بحريه ) صور رائعة

    صور من داخل الباخرة..

    هذي من عروض المسرح..

    [​IMG]

    [​IMG]

    وهذا عرض التزلج..

    [​IMG]

    وهذا كرنفال الوداع كان يشبه كرنفال البداية بعد وكلهم كانوا في شارع التسوق بالباخرة..كان يونس بصراحه

    [​IMG]

    لاحظو بهالصورة من ورا طوابق الباخرة وبعض الناس قاعدة تتابع الكرنفال من فوق..
     
  7. مصراويه

    مصراويه رحالة

    إنضم إلينا في:
    ‏19 ديسمبر 2012
    المشاركات:
    124
    الإعجابات المتلقاة:
    0
    أَعْجَبَ:
    0
    Dislikes Received:
    0
    نقاط الجائزة:
    16
    رد: رحلتى الرائعة الى اوربا ( رحلة بحريه ) صور رائعة

    صور الكرنفال..

    [​IMG]


    [​IMG]


    [​IMG]


    وباجي الصور شخصية ماقدر طبعا احطهم بس بحطلكم صور من سايتهم

    هذا بنهاية شارع التسوق وعبارة عن كافيه

    [​IMG]

    وهذا مكان الجاكوزي وقريب منه حمامات السباحة

    [​IMG]

    هذي صالة الجيم

    [​IMG]


    والمكان هذا روووعه باللييل رحنا له انا وزوجي وصعدنا فوق

    [​IMG]هذه الصورة تم تصغيرها. اضغط هنا لعرض الصورة الكاملة. حجم الصورة الأصلي 800x600 و مساحتها 64كيلوبايت.[​IMG]


    وهذا المسرح (طبعا الصورة هذي احسن من الصورة اللي حطيتها لكم [​IMG] )

    [​IMG]هذه الصورة تم تصغيرها. اضغط هنا لعرض الصورة الكاملة. حجم الصورة الأصلي 800x600 و مساحتها 76كيلوبايت.[​IMG]
     
  8. مصراويه

    مصراويه رحالة

    إنضم إلينا في:
    ‏19 ديسمبر 2012
    المشاركات:
    124
    الإعجابات المتلقاة:
    0
    أَعْجَبَ:
    0
    Dislikes Received:
    0
    نقاط الجائزة:
    16
    رد: رحلتى الرائعة الى اوربا ( رحلة بحريه ) صور رائعة

    هذي حمامات السباحة

    [​IMG]هذه الصورة تم تصغيرها. اضغط هنا لعرض الصورة الكاملة. حجم الصورة الأصلي 800x600 و مساحتها 89كيلوبايت.[​IMG]


    هذا شارع التسوق

    [​IMG]هذه الصورة تم تصغيرها. اضغط هنا لعرض الصورة الكاملة. حجم الصورة الأصلي 800x600 و مساحتها 80كيلوبايت.[​IMG]


    هذا منظر عام من فوق

    [​IMG]


    وهذي صور متفرقه

    [​IMG]


    [​IMG]


    [​IMG]

    [​IMG]هذه الصورة تم تصغيرها. اضغط هنا لعرض الصورة الكاملة. حجم الصورة الأصلي 705x481 و مساحتها 70كيلوبايت.[​IMG]


    [​IMG]


    [​IMG]هذه الصورة تم تصغيرها. اضغط هنا لعرض الصورة الكاملة. حجم الصورة الأصلي 705x480 و مساحتها 80كيلوبايت.[​IMG]


    وبس هذي الصور اللي قدرت احصلها بالنت للباخرة بس طبعا الصورة خاصة بال
    voyager of the seas
    باخرتنا لان في باخرات ثانيه غير