1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.

أماكن سياحية أماكن هتلاقي فيهم سلامك الداخلي والراحه والسكينه

دليل المسافر العربي قبل السفر

الموضوع في 'بوابة السفر إلى مصر Egypt' بواسطة menna, بتاريخ ‏11 يوليو 2016.

هوتيل فور ارب | Hotel For Arab

دليل ماليزيا

  1. men

    menna رحالة

    إنضم إلينا في:
    ‏18 يونيو 2016
    المشاركات:
    874
    الإعجابات المتلقاة:
    1
    أَعْجَبَ:
    0
    Dislikes Received:
    0
    نقاط الجائزة:
    18
    الجنس:
    أنثى
    الإقامة:
    cairo
    [​IMG]
    كتير بنحب ناخد جنب من الدنيا وننفصل عن كل اللي حوالينا علشان ناخد فرصة نسمع صوت الدوشة اللي جوانا ونحل مشاكلنا معاها، نفك اشتباك زحمة الأفكار في عقولنا، ونفهم تداخلات المشاعر جوة قلوبنا، ونسيب نفوسنا تحس بوجودها، لكن للأسف الرغبة في تهدئة الزحمة الداخلية دي دايمًا بتصطدم بوجودنا وسط الزحمة الخارجية اللي دايمًا بتربكنا أكتر ومش بتسمح لنا بممارسة أي طقس من طقوس الصفاء.

    ومن هنا بتيجي الحاجة لوجود مكان هادي وبراح، نحس فيه أن مافيش حاجة هتقطع علينا طريق الوصول لحالة السكينة الجوانية دي، ولا في سقف هيقف قدام طيران أرواحنا لسابع سما، في الواقع عندنا أماكن كتير تصلح لأداء الغرض ده لكننا إما ما نعرفهاش، أو ما جربناش نستفيد منها بالشكل الأمثل، هنقول لكم منهم على أكتر 5 أماكن مميزة والوصول لها سهل والتواجد فيها مش مكلف، وهنقول لك كمان على مجموعة نصائح تخليك تستفيد من الأماكن دي بشكل كويس.



    جامع الحاكم بأمر الله
    كتير بنحب ناخد جنب من الدنيا وننفصل عن كل اللي حوالينا علشان ناخد فرصة نسمع صوت الدوشة اللي جوانا ونحل مشاكلنا معاها، نفك اشتباك زحمة الأفكار في عقولنا، ونفهم تداخلات المشاعر جوة قلوبنا، ونسيب نفوسنا تحس بوجودها، لكن للأسف الرغبة في تهدئة الزحمة الداخلية دي دايمًا بتصطدم بوجودنا وسط الزحمة الخارجية اللي دايمًا بتربكنا أكتر ومش بتسمح لنا بممارسة أي طقس من طقوس الصفاء.

    ومن هنا بتيجي الحاجة لوجود مكان هادي وبراح، نحس فيه أن مافيش حاجة هتقطع علينا طريق الوصول لحالة السكينة الجوانية دي، ولا في سقف هيقف قدام طيران أرواحنا لسابع سما، في الواقع عندنا أماكن كتير تصلح لأداء الغرض ده لكننا إما ما نعرفهاش، أو ما جربناش نستفيد منها بالشكل الأمثل، هنقول لكم منهم على أكتر 5 أماكن مميزة والوصول لها سهل والتواجد فيها مش مكلف، وهنقول لك كمان على مجموعة نصائح تخليك تستفيد من الأماكن دي بشكل كويس.

    جامع الحاكم بأمر الله هو المعنى الحقيقي للبراح اللي مالوش حد، موجود في أول شارع المعز من ناحية بوابة الفتوح، جمال المكان هناك في مساحته الكبيرة، وتصميمه المعماري المميز جدًا، والستاير الخضرا اللي بين العواميد أول ما تدخل هتديك إحساس غير مفهوم بالراحة الشديدة، والقعدة اللي هتبقى متحاوط فيها برفرة الحمام من كل ناحية.. جو مثالي للاسترخاء والتصفية.

    لكن خلينا نقولك على كام حاجة كده علشان ماتبقاش زيارتك الأولى مخيبة للآمال، أولها اوعى تروح في يوم أجازة، المكان بيبقى زحمة جدًا جدًا ومش هتعرف تاخد راحتك خالص. ثانيًا أكتر وقت بيبقى المكان فيه زحمة هو الوقت اللي بين العصر والمغرب حاول تبعد عنه قدر المستطاع، ثالثًا لو عرفت تروح يوم وقت الفجر كده وتقعد تشوف شروق الشمس من هناك هتنبسط جدًا المكان بيبقى هادي جدًا والهوا في الوقت ده ما يتعوضش، وأخيرًا العمال بتوع المسجد طيبين جدًا لكن التعامل معاهم صعب شوية، حاول ما تحتكش بيهم علشان ده ما يسببلكش ضيق يعكر عليك صفو الزيارة.



    منطقة مصر القديمة

    تاني مكان هنتكلم عليه هو منطقة مجمع الأديان ومعاها جامع عمرو بن العاص في مصر القديمة، هناك هتعيش دنيا تانية، حالة من التقاء أفكار ومعتقدات مختلفة وانصهارهم في كتلة واحدة تقدر تشوف فيها سعي الإنسان كإنسان نحو العثور على غاية حقيقية يقدر يعيش علشانها دنيته، كل المباني الأثرية من كنائس أو أديرة أو معابد أو مساجد أو حتى ساحات مقابر بتحكيلك حكاية الإنسان كروح وعقل وجسد في مشاهد متتالية سريعة جدًا، وبتختصرلك الوجود في لقطات! مش هتلاقي أحسن من كده مكان تحاول تفهم فيه حقيقة نفسك وتجاوب فيه على الأسئلة اللي أنت شايفها كبيرة!



    السلطان حسن والرفاعي

    المكان التالت هو منطقة جامع السلطان حسن ومسجد الرفاعي، وده من الأماكن اللي روحها حلوة بدرجة غير عادية حتى لو اعتبرت أن الأماكن التانية تتفوق عليها في جمال المعمار أو سعة المساحة، لكن المكان ده روحه تكسب وبجدارة، لكن خد بالك أن السلطان حسن في الغالب بيقفل على بعد العصر بشوية كده فيستحسن تكون زيارتك ليه صباحية، وبلاش الجمعة علشان تتجنب الرحلات الكتير اللي بتطلع لهناك، وعلشان كمان المسجد بتقام فيه صلاة الجمعة فبيبدأ يتزحم من بدري وبيفضى متأخر.



    دير سمعان الخراز في المقطم

    وده مكان هيبته تاخد روحك كده، طول ما أنت جوة هتحس بضآلة حجمك وضعف نفسك، غير أنك طول الوقت هتفضل حاسس أن في شيء خفي بيكلمك، الكلام الموجود على الجدران أو المحفور في الصخور هتحس وأنت بتقراه أنك سامع صوت عميق بيردده في ودنك وبيهز بيه كيانك، مش مجرد سطور صامتة، لكن المكان مشكلته أنه في منطقة ملاصقة لمنطقة شعبية صعب التعامل مع أهلها شوية فخد بالك من عربيتك مثلًا لو رايح بعربية.. وهكذا.



    مسجد بن عطاء الله السكندري وخلوة السيدة نفيسة

    المكان اللي نختم بيه بقى ناخده في طريق المقطم برضه لكن من ناحية تانية، وهو منطقة مسجد بن عطاء الله السكندري وخلوة السيدة نفيسة وبقية المساجد والمقامات الموجودة هناك واللي هتحسسك بحال سكون وصفو عجيب طول ما أنت موجود هناك، واحرص دايمًا على الالتزام بالآداب اللي هيقولك عليها أهل المكان علشان ماتضايقش حد منك أو تخسر تعاون الناس..

    ده كده مرور سريع على شوية أماكن ممكن تبسط فيهم روحك وتصفي نفسك
     
    جاري تحميل الصفحة...