1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.

مطاعم ومقاهي أنكل لويجي - Uncle Luigi

دليل المسافر العربي قبل السفر

الموضوع في 'مطاعم مصر' بواسطة menna, بتاريخ ‏12 يوليو 2016.

هوتيل فور ارب | Hotel For Arab

دليل ماليزيا

  1. men

    menna رحالة

    إنضم إلينا في:
    ‏18 يونيو 2016
    المشاركات:
    874
    الإعجابات المتلقاة:
    1
    أَعْجَبَ:
    0
    Dislikes Received:
    0
    نقاط الجائزة:
    18
    الجنس:
    أنثى
    الإقامة:
    cairo
    [​IMG]
    شارع 10 - المتفرع من شارع دمشق, توصيل الطلبات فقط
    المعادي, القاهرة, مصر.
    إيطالي, بيتزا

    مفتوح
    12
    أكثر حيرة بـ تصيب كثير من الناس، هي حيرة هـ يأكلوا إيه النهارده؟ خاصة لو دليفري، وأكثر سؤال بـ يستفز أي أم، لما تسأل أولادها تحبوا تأكلوا إيه بكره فـ يقولوا لها أي حاجة! بس مع المكان اللي جربناه النهارده الموضوع مختلف، لأنه مطبخ إيطالي بـ يقدم لك كل اللي تحتاجه بأسعار مناسبة.

    إحنا عادة ساعات كثير بـ نفضل الأكل الدليفري لأنه بـ يوفر لنا وقت، لكن بـ يبقى فيه مجازفة كبيرة خاصة لو بـ تجرب المحل لأول مرة، لكن أنكل لويجي – Uncle Luigi أثبت لنا أن الموضوع يستحق المجازفة.

    المنيو كله إيطالي إلا حاجتين بس فضلنا مش فاهمين إيه اللي دخلهم المنيو ده وهم ورق العنب والكبيبة! نفسنا نفهم بجد إيه علاقة ورق العنب والكبيبة بالمكرونة والبيتزا والرافيولي! لكن بشكل عام المنيو متنوع جدًا بالذات في أنواع البيتزا والمكرونة والسلاطة، لدرجة أنك تبقى محتار مش عارف تطلب إيه ولا إيه؟

    طلبنا مكرونة فيتوتشيني بالمشروم (38 جنيه)، ورافيولي بالجبنة (42 جنيه)، وسلاطة لويجي (36 جنيه)، وتيراميسو (25 جنيه)، وأخيرًا عصير ليمون بالنعناع (10 جنيه)، إحنا طلبنا الطلب من بدري احتياطي برغم أنهم زي أي مكان لتوصيل الطلبات بـ ياخدوا 45 دقيقة، وفعلًا الأكل وصل في الميعاد المحدد، وصل سخن ومغلف بطريقة مناسبة.

    أول حاجة لفتت نظرنا هي السلاطة المفروض أنها مكونة من جمبري وخس وجزر، بس الحقيقة حجم الجمبري كان أشبه بعقلة الأصبع، كان صغير زيادة عن اللزوم، والصوص اللي معاه كان عبارة عن زيت وثوم بس، ما شجعناش خالص أننا نستخدمه.

    لكن المكرونة الفيتوتشيني بالمشروم كانت رائعة، ومتبلة كويس، كمان الرافيولي كان طعمه حلو جدًا بس كان محتاج يبقى أسخن من كده شوية، لكن اللي كان صعب بالنسبة لنا التيراميسو لأن حجمها كان صغير، ده غير أن البسكويت كان غرقان قهوة، وهو المفروض يبقى كمية خفيفة تعطيها طعم بس، كمان كنا طالبين 2 عصير ليمون، لكن تفاجئنا أنهم جابوا لنا واحد بس، فـ طلبنا من الشخص اللي جاب لنا الأكل يجيب الثانى وبالفعل بعد حوالي 15 دقيقة جابوه لنا، وطعمه كان معقول لولا أن كمية النعناع كانت زيادة شوية.
     
    جاري تحميل الصفحة...