1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.

مطاعم ومقاهي هاوس أوف كوكوا - House of Cocoa

الموضوع في 'مطاعم مصر' بواسطة menna, بتاريخ ‏14 يوليو 2016.

هوتيل فور ارب | Hotel For Arab

دليل ماليزيا

  1. men

    menna رحالة

    إنضم إلينا في:
    ‏18 يونيو 2016
    المشاركات:
    874
    الإعجابات المتلقاة:
    1
    أَعْجَبَ:
    0
    Dislikes Received:
    0
    نقاط الجائزة:
    18
    الجنس:
    أنثى
    الإقامة:
    cairo
    مؤخرًا انتشرت أوي أماكن عمل الحلويات بس، وخاصة الشوكولاتة، وبقى فيه ماركات عالمية متخصصة في تقديم أفضل أنواع الحلويات اللي تخليك مش عارف توصف جمالها ولا السعادة اللي بـ تخليك تشعر بها من احترافيتها وطعمها، وده اللي حصل لنا في هاوس أوف كوكوا – House of Cocoa.
    [​IMG]

    أول ما دخلنا لاقينا المكان زحمة جدًا لدرجة أن كان فيه ناس واقفة بره الكافيه، ولما أخيرًا وصلنا للجرسون كنا رقم 5 في قائمة الانتظار، ففضلنا نتفرج على أنواع الشوكولاتة المعلبة وعلب الكاكاو بنكهاته المختلفة والشاي كمان واللي كانت معروضة للبيع، بعد حوالي ربع ساعة قعدنا أخيرًا وشفنا المنيو اللي كنا تقريبًا حافظينه، والمنيو غالب فيه مكون رئيسي وهو الشوكولاتة طبعًا.

    إحنا سمعنا كثير عن الـ Hot chocolate spoon، واللي كنا رايحين مخصوص علشانها بس للأسف كانت خلصانة وقت زيارتنا ولسه ما جاتش من بره مصر، المنيو فيه أنواع قليلة تتاكل بس كلها تهدف لهدف واحد أنها تدخلك مملكة كاملة من الشوكولاتة اللذيذة، إحنا كنا حاسين أننا دخلنا فيلم Chocolate factory، وكان ناقصنا بس نسلم على ويلي وانكا، برغم الزحمة الشديدة وصعوبة الوصول للجرسون، طلبنا أخيرًا، مولتين كيك مع الآيس كريم (42 جنيه)، وFondue set بـ ( 100 جنيه)، وكافيه Chocolate Mocha بـ 25 جنيه، وكنا هـ نموت ونجرب الوافلز أو الكريب لولا أننا خفنا ما نعرفش نروح من كمية السكر والشوكولاتة.

    أول حاجة جاءت لنا كانت المولتين كيك، في صورة بركان خامد صغير من السعادة، جاء لنا المولتين كيك مغطى بحمم بركانية شوكولاتية، فوقها بولة آيس كريم فانيليا، وعلى جنب بولة ثانية، ومع أول معلقة بـ ينفجر البركان ده مع أجمل صوص شوكولاتة بلجيكية ممكن تذوب فيها وتذوب فيك، لدرجة أننا حسينا أن فمنا وريقنا بقى بطعم الشوكولاتة دي، حاجة كده عبارة عن جرعة سعادة كاملة الدسم، وطعم الآيس كريم كان خفيف ورائع، من أحسن أنواع آيس كريم الفانيليا اللي ذوقناها، برضه الكافيه شوكولاتة موكا كان رائع، ومتوازن جدًا وحجمه كبير.

    أما بقى قصة الحب اللي من طرف واحد هي الـ Fondue Set، الطبيعي أنها بـ تُقدم مع مارشميلو وفراولة وموز وكيوي، بس لاحظنا الفراولة والمارشميلو كانوا خلصانين هناك، ولازم نذكر أننا كنا 3 أفراد بس وإحنا بـ نطلب طلباتنا من الجرسون، كان فيه نظرة تعجب كبيرة على وشه من الحاجات اللي طلبناها، ما كانش يعرف أن كان في نيتنا نطلب أكثر، بس لما وصل الـ Fondue Set، فهمنا هو كان ليه مستغربنا، وهي بالنسبة لنا كانت قصة حب من طرف واحد، اللي هو طرفنا إحنا طبعًا لأن حلاوتها ما كانتش طبيعية يا جماعة كانت هـ تموتنا وإحنا مش قادرين نخلصها، صحيح حجمها صغير جدًا بالنسبة لسعرها، بس طعمها حكاية، وكانت سميكة جدًا وتحت الشوكولاتة شمعة مولعة علشان تفضل الشوكولاتة سايحة، حاجة كده ولا في الأحلام، كان نفسنا نمسح الطبق، بس معدتنا خانتنا.
     
    جاري تحميل الصفحة...