ر حلتى الى مصر ام الدنيا ( مدينة شرم _ القاهرة) صور رائعة

الموضوع في 'بوابة السفر إلى مصر Egypt' بواسطة محبة للسفر, بتاريخ ‏14 يناير 2013.

هوتيل فور ارب | Hotel For Arab

دليل ماليزيا

  1. محبة للسفر

    محبة للسفر رحالة

    إنضم إلينا في:
    ‏16 ديسمبر 2012
    المشاركات:
    377
    الإعجابات المتلقاة:
    0
    أَعْجَبَ:
    0
    إبداءات عدم الإعجاب المتلقاة:
    0
    نقاط الجائزة:
    16
    ر حلتى الى مصر ام الدنيا ( مدينة شرم _ القاهرة) صور رائعة


    الرحله كانت لمدة 9 ايام 4 بشرم و5 بالقاهره وبصراحه ماشبعنا وتمنيت انها كانت شهر و اسبوع ونص
    رحله شبابيه بس انا واختي وخواني

    طرنا من الكويت على طيران الجزيره س 12 الظهر وصار عالطياره تاخير ساعه كامله
    تريقنا بالمطار وركبنا طيارتنا
    تذاكرنا كانت 210 دينار

    [​IMG]


    الطيران عادي واكلهم ماعجبني صمون بارد وعصاير
    والرحله كانت 3 ساعات...قزرتها سوالف لان الفيلم اللي حاطينه بايخ

    وصلنا مطار شرم...درجة الحراره كانت 35
    [​IMG]


    وااااااااااااااااااااو مو مطا رالكويت الارف شوفو مطارهم
    هدوء وذرابه

    [​IMG]

    [​IMG]


    والزرع شوفو شلون مهتمين

    [​IMG]


    ركبنا تاكسي متجهين لفندقنا

    [​IMG]


    فندقنا تروبيتال نعمه بي
    حجزنا 4 ليللي مع الافطار وبس مره نزلنا تفطرنا لان تدرون كويتيين مانقعد الا 12 وورى

    [​IMG]


    خمس نجوم..حلو فيه مسبحين واحد تحت بحط صورته لكم
    والثاني فوق كبيره وفيه زحاليق بس للاسف ماصورته
    وللاسف ماتسبحنا بالمسابح مالت الفندق..لان فينا نقص بحر ..فتلاقونا كله شايلين قشنا ورايحين البحر
    ماننلام شوفو بحرهم بباقي اجزاء التقرير


    صور غرفة الفندق

    [​IMG]

    يبطون جبدي بتلفزيوناتهم شخباري

    [​IMG]


    غرفة التبديل حيلل اعجبتني شالة ملابسنا وجواتينا وانتم بكرامه الوسيف بوكس

    [​IMG]

    [​IMG]

    الحمام وانتم بكرامه

    [​IMG]

    [​IMG]



    بلكونتنا صبح وليل البلكونه كبيره مشتركه بينا وبين غرفة خواني

    [​IMG]

    [​IMG]

    شوفو اطلالة البلكونه على المسابح الارضيه

    [​IMG]

    جو المسابح بليل روووووووووعه وصوت اغاني من مقهى الفندق

    [​IMG]

    الفندق فيه مثل ماقلت لكم مسبحين واحد تحت اللي مصورته لكم والثاني فوق الجبل اللي جمب فندقنا لان فندقنا مبني على جبل

    وفي مقهي ومطهم داخلي وخارجي فيه حفلات بليل ورقص..ماحضرنا فيه شي مارضو خواني

    فيه نايت كلب..وسبا وجيم وكافيه انترنت



     
    الوسوم:
  2. محبة للسفر

    محبة للسفر رحالة

    إنضم إلينا في:
    ‏16 ديسمبر 2012
    المشاركات:
    377
    الإعجابات المتلقاة:
    0
    أَعْجَبَ:
    0
    إبداءات عدم الإعجاب المتلقاة:
    0
    نقاط الجائزة:
    16
    رد: ر حلتى الى مصر ام الدنيا ( مدينة شرم _ القاهرة) صور رائعة

    هذا فندقنا بليل ..موقعه حلو يمه الصيدليه والسوق والبحر والمطاعم والقهاوي

    [​IMG]

    هذي بطاقه عطوها لنا وحده للغرف والثانيه حق الشاطئ عشان اذا رحنا نبرزها ويعطونا فوط وكراسي عالبحر

    [​IMG]


    السبا
    [​IMG]

    [​IMG]

    الجيم
    [​IMG]

    ومثل ماقلت لكم ان فندقنا على جبل وهذا المنظر للمواقف والمطعم
    [​IMG]



    تعشينا بفرايدز يم يم اكلهم لذييييييييييييييذ
    [​IMG]

    منظر من فرايدز للشارع
    [​IMG]

    وسهرنا لي س2 بقهوه اسمها فيروز ..راقيه وطق عصي على مانلاقي طاوله فاضه
    يحطون اغاني فيروز ورومانسيه
    [​IMG]

    [​IMG]


    والحين بتجول فيكم بشرم شوي

    السوق.فيه انتيكات للبيت روعه
    [​IMG]

    القهاوي
    [​IMG]

    المول
    [​IMG]

    سرداب المول
    [​IMG]

    ماك حبيبي
    [​IMG]

    شوارع الداخليه
    [​IMG]

    مطعم سمك
    [​IMG]

    [​IMG]

    قهوه قعده ارضيه
    [​IMG]
     
  3. محبة للسفر

    محبة للسفر رحالة

    إنضم إلينا في:
    ‏16 ديسمبر 2012
    المشاركات:
    377
    الإعجابات المتلقاة:
    0
    أَعْجَبَ:
    0
    إبداءات عدم الإعجاب المتلقاة:
    0
    نقاط الجائزة:
    16
    رد: ر حلتى الى مصر ام الدنيا ( مدينة شرم _ القاهرة) صور رائعة

    ياحلو مصر وايامها اي والله
    دوله فيها حياة وجوها حلو حتى بالصيف
    وممتعه اتوقع محد يمل منها



    بكمل لكم اليوم باخذكم برحلتي للبحر
    ثاني يوم قمنا وشلنا قشنا والتان ورحنا البحر ..شريت مايوه اسلامي من النصر الرياضي حلو حتى خواني امدحوه ولقيت اغلب المحجبات هناك لابسين منه

    طبعا انا ماعرف اسبح لكن بس طبيت البحر صرت ازبيديه وقعدت اسبح واخواني ماقصرو علموني
    البحر بااااااااااااارد معننا س2 الظهر والماي صافي
    اخليكم مع الصور

    الحين احنا قاعدين نمشي رايحين للشاطئ مشي عادي قريب..قلت لكم موقع فندقنا عجيب

    [​IMG]

    اهني مدخل شاطئ فندقنا بالاحمر

    [​IMG]

    طبعا هناك كل فندق له مدخل وكل فندق يحط نشاطاته
    في هناك تبع فندقنا مقهي ومحل مشويات ومسابقات كرة طائره ولنجات وطوافات وطبعا كراسي بس ماصورتها
    وفي حمامات للتبديل ولوكرات لحفظ الممتلكات

    الشطىء يسون سبور على صوت الديجي داخل البحر

    [​IMG]

    [​IMG]

    اهني ركبنا لنج بنروح رحلة غوص..رحنا هالرحله مرتين من كثر ماهي ممتعه مره بلنج خاص لنا وبعدها ركبا الموزه ومره الثانيه رحنا مع قروب بلنج كبير

    [​IMG]

    هذا لنجنا
    [​IMG]

    واهني وقف اللنج
    [​IMG]

    نزلنا يمكن على عمق اكثر من 5 امتار اذا مو اكثر وتحتنا الشعب المرجانه والسمج يمنا يسبح
    [​IMG]

    [​IMG]

    الموزه ركبناها ونااااااااااااااااسه
    [​IMG]

    والبارشوت ماركبته خفت بصراحه

    [​IMG]

    مناظر للبحر
    [​IMG]

    [​IMG]



    مناظر للشعب المرجانيه من ارضية النج
    ارضيه قزاز

    هذي اسمها المخ لان شكلها جنها مخ وكبيره حيل
    وبس في منها بمصر و بدوله اجنبيه ماذكر اي دوله قال

    [​IMG]

    [​IMG]
     
  4. محبة للسفر

    محبة للسفر رحالة

    إنضم إلينا في:
    ‏16 ديسمبر 2012
    المشاركات:
    377
    الإعجابات المتلقاة:
    0
    أَعْجَبَ:
    0
    إبداءات عدم الإعجاب المتلقاة:
    0
    نقاط الجائزة:
    16
    رد: ر حلتى الى مصر ام الدنيا ( مدينة شرم _ القاهرة) صور رائعة

    ردينا تغدينا بمطعم عيوش رهيب اكلهم لذيذ

    [​IMG]

    [​IMG]



    وبعدها رحنا رحلة سفاري ببر سينا

    هالرحله فيها نوعين الرحلة الصغيره اللي احنا اخترناها بس نتمشى بالبر ونشرب بارد
    والثانيه يكون فيها رقص وسهره وعشا خروف مشوي مثل اللي تشوفونهم بالافلام
    اشوه اننا ما خذيناها لان كان ودي بس تخلص الرحله وارد اتسبح من الغبره

    الرحله جدا بايخه وما انصح احد فيها
    تملينا غبار وذبحنا العطش ومشينا مشي بالبقيات لين انقطع حيلنا
    كنا نمشي خط سير واحد وممنوع احد يطلع عن خط السير..ا فوق 15 نفر
    بعدها ودونا جلسة عريش عند بدو سينا وشربونا بارد وشاي
    هذا خط سير البقيات

    [​IMG]

    منظر للبر صج هدوء وبراد

    [​IMG]

    اهني قعدت العريش

    [​IMG]

    رديناا تسبحنا وريحنا وبليل رحنا تعشينا بمطعم مشاوي اسمه سيدي وديع..مشاويه زبده والتبوله عجيبه

    واي مت جوع


    [​IMG]

    نظره من المطعم لي تحت

    [​IMG]
     
  5. محبة للسفر

    محبة للسفر رحالة

    إنضم إلينا في:
    ‏16 ديسمبر 2012
    المشاركات:
    377
    الإعجابات المتلقاة:
    0
    أَعْجَبَ:
    0
    إبداءات عدم الإعجاب المتلقاة:
    0
    نقاط الجائزة:
    16
    رد: ر حلتى الى مصر ام الدنيا ( مدينة شرم _ القاهرة) صور رائعة

    قعدنا مبجر عشان رحلة الاكوابارك


    تريقنا ببوفيه الفندق

    [​IMG]

    رحنا بباص سياحي لان الاكوابارك شوي بعييده بو مشوار 20 دقيقه

    حيااااااااااااااااااااااااااااااااااااااكم قمة الاستمتاع

    المدخل

    [​IMG]

    [​IMG]

    طبعا اكواباركهم مدينه شكبرها..وترى في امكان واجد ماصورتهم لان خشينا الكامره باللوكر ..
    زحاليق انواع اشكال

    وللاسف ما اكشتفت انهم يبيعون كامره ضد الماي سعرها يمكن ب5 دنانير فيها فيلم الا بعد ما خلصنا..الحلو فيها تقدرين تصورين تحت الماي وماتنكسر

    شريتها بعدين وصورت بالبحر تحت الماي والصور كانت حلوه


    وفيها شاليهات تحجزين فيهم وتقعدون بالايام اذا حبيتو

    [​IMG]

    [​IMG]


    فيها كافيهات ومطاعم ومحلات للتسوق وصالة بلياردو وحديقة غولف

    [​IMG]

    [​IMG]

    [​IMG]

    [​IMG]

    وعطونا وجبه همبرجر مجانيه ..يعني تذكرتنا شامله الوجبه بس هذي التذكره قصيناها من عند محل حجوزات عالبحر لان اذا رحتو الاكوابارك بتلاقون تذكرتها اغلى وماتشمل الوجبه

    [​IMG]

    خشينا اغراضنا باللوكرات ورحنا نتزحلق ونسبح

    الحلو ان هناك عند كل زحلاقيه تلاقين مصور يصورج وفي استديو يطبع الصور
    يعني يصور لج احلى القطات وانتي توج طايحه من الزحلاقيه بالماي
    واذا ماتبين الصور انتي حره يمسحها


    اللي بالدائره مجسم ديناصور كبير

    [​IMG]

    حوض الاطفال والعابهم شحلاتهم

    [​IMG]

    مناظر عامه
    [​IMG]

    [​IMG]

    [​IMG]

    ردينا ريحنا وبليل طلعنا انتمشى و تعشينا بسبارو واجواء كس العالم حوالينا والمشجعين تونس

    [​IMG]

    باقي لنا بشرم بس رحلة لمدينة الف ليله وليله...انتظرووها

    طبعا في فعاليات مارحنا لها للاسف لضيق الوقت
    مثل حوض الدلافين
    حفلة نانسي عجرم بمجمع سوهو
    رحلات لجزيرة تريان


    انا سمعت قبل ان شرم كافي عليها 3 ايام بس اللي شفته ان 5 ايام حلوه لها ويمكن ماتشبعون
    احنا 4 ايام وما شبعنا
    لان الواحد يرد من البحر حيله مهدود ووده بالراحه
    احنا كنا ضاغطين عمرنا رحلتين باليوم..يعني الضحىى بحر والعصر رحلة فكنا بليل ما نقدر نسهر مع الناس بالقهاوي وانام حول ال2 او 12 ونقعد ثاني يوم غصب
    كويتيين نموت عالنوم

     
  6. محبة للسفر

    محبة للسفر رحالة

    إنضم إلينا في:
    ‏16 ديسمبر 2012
    المشاركات:
    377
    الإعجابات المتلقاة:
    0
    أَعْجَبَ:
    0
    إبداءات عدم الإعجاب المتلقاة:
    0
    نقاط الجائزة:
    16
    رد: ر حلتى الى مصر ام الدنيا ( مدينة شرم _ القاهرة) صور رائعة

    اليوم الرابع والاخير لنا بشرم[​IMG][​IMG][​IMG]


    رحنا رحلة غوص مره ثانيه من كثر ماهي ممتعه كررناها
    وبحرهم اصلن يهبل بعز الظهر الجو براد والماي بارد


    وبعدها رحنا مطعم ابو السيد اكلنا كشري يم يم
    مايصير نطب مصر وما ناكل كشري
    المطعم حلو وهادي بس يطولون على ما يجيبون الطلب
    ماصورت الاكل لان من الجوع هجمنا وقضينا عليه

    [​IMG]

    القعده الخارجيه للمطعم وشوفو مبين فرايدز يمه عاليمين

    [​IMG]

    ردينا بدلنا وريحنا شوي
    وبعدها رحنا رحلة لمدينة الف ليله وليله تبعد 20 دقيقه عن البحر
    حلوه حق اللي يحب القعده والشيشه والرقص الشرقي والتهييص

    [​IMG]

    هالمدينه كبيره ومقسمه اكثر من قسم
    فيها سووقه ومسرح DJ للرقص وبلياردو ومطاعم
    فيها فعاليات.. القريه الفروعونيه وقاعة على بابا و الف ليله وليله للرقص الشرقي....حسافه كان ودي احضرها بس خواني دقو الثقل وارفضو وخلونا نمشي قبل لا تبتدي الحفله[​IMG]

    التصوير مو ذاك الزود لان ما ضبطنا التصوير الليلي بالكامره للاسف

    [​IMG]

    [​IMG]

    [​IMG]

    المسرح عليه دائره صفره

    [​IMG]

    قاعة على بابا

    [​IMG]

    ردينا لمينا قشنا عشان باجر طيارتنا س10 الصبح بنروح القاهره
    بليل نزلنا تسوقنا وشرينا هدايا بسيطه من هالمحل حلو حيل ورخيص وفيه كل الشغلات اللي ممكن تقدمينها هديه

    [​IMG]

    باختصار شرم روعه واحلى شي البحر ما ينمل منه وقعدت القهاوي بلليل
    وتصلح لشهر عسل



    باااااااااااااااااااااااااي احنا فوق اجواء البحر الاحمر..طيارانا الداخلي عالمصريه
    الاقيكم بالقاهره المدينة التي لا تنام
     
  7. محبة للسفر

    محبة للسفر رحالة

    إنضم إلينا في:
    ‏16 ديسمبر 2012
    المشاركات:
    377
    الإعجابات المتلقاة:
    0
    أَعْجَبَ:
    0
    إبداءات عدم الإعجاب المتلقاة:
    0
    نقاط الجائزة:
    16
    رد: ر حلتى الى مصر ام الدنيا ( مدينة شرم _ القاهرة) صور رائعة

    اول يوم بالقاهره

    التاكسي شايل غراضنا

    [​IMG]

    رحنا فندقنا سوفوتيل خمس نجوم وراقي جدا..وله افرع كثير منتشره حول العالم

    [​IMG]

    الصور الجايه للامانه ماخذتهم من النت لان الوبي مصورته بس فيديو وماصورته فوتو

    [​IMG]

    لوبي الفندق

    [​IMG]

    [​IMG]

    [​IMG]

    [​IMG]


    فيه مسبح وسبا وجيم و3 مطاعم و بار ديسكو وصالة افراح وقاعات اجتماعات
    طبعا داخل الفندق فيه مكاتب لتاجير السيارات والرحلات ومصرف لتحويل العملات و ومكينتين سحب الي وصالون نسائي ورجالي وصيدليه ..انشاءلله مانسيت شي


    باخذكم اول شي لغرفتنا بالطابق 22

    [​IMG]

    تحت التلفزيون في الميني بار

    اللي طافنا اننا ما طلبنا منهم يشيلون المشروبات والمزات اللي فيه
    فيه مشروبات عاديه وفي مشروبات فيها كحول والمزيات بطاط ومكسرات
    ويحاسبونا عليهم اذا استخدمناهم وكانت اسعارهم غاليه ..واحنا استخدمناا الماي والمزات والبيبسي

    العوايل اللي جو بعدنا طلبو من الوبي ان يفضون الميني بار وما يحطون فيه شي

    [​IMG]

    قنوات التلفزيون حلوه وفي شوتايم وارتي

    تحت الجنطه في كبت حطيت فيه ملابسي

    طبعا فيه اول ما دشون الغرفه علاقه ودروج
    وحاطين لنا روب وشحاطه وادوات خياطه والحمام كامل بكل شي ..بس للاسف هم مصورتهم بس فيديو مو فوتو

    الصوفه

    [​IMG]

    البلكونه

    [​IMG]

    [​IMG]




    باجر باذن الله راح احط اتجول وياكم بالفندق واوريكم الاطلاله من بلوكونتنا عالنيل
     
  8. محبة للسفر

    محبة للسفر رحالة

    إنضم إلينا في:
    ‏16 ديسمبر 2012
    المشاركات:
    377
    الإعجابات المتلقاة:
    0
    أَعْجَبَ:
    0
    إبداءات عدم الإعجاب المتلقاة:
    0
    نقاط الجائزة:
    16
    رد: ر حلتى الى مصر ام الدنيا ( مدينة شرم _ القاهرة) صور رائعة

    باخذكم بجوله بارجاء الفندق الخارجيه

    هذي القعدات والمطاعم الخارجيه اللي عالنيل

    [​IMG]

    [​IMG]

    [​IMG]

    ممر بين المطاعم

    [​IMG]

    [​IMG]

    [​IMG]

    شوفو المنظر بلليل

    [​IMG]


    السبا
    جاكوزي..في بعد سوونا ومغربي..يقدمون برامج كامله تبدي اسعارهم من 30 دينار
    كل انواع المساجات

    [​IMG]

    اهني للاسترخاء الداخلي

    [​IMG]

    واذا حابين تسوون استرخاء وتان بوقت واحد بره

    [​IMG]


    للعنايه بالاقدام فقط

    [​IMG]

    بصراحه مادري هالغرفه حق شنو

    [​IMG]

    للمساج
     
  9. محبة للسفر

    محبة للسفر رحالة

    إنضم إلينا في:
    ‏16 ديسمبر 2012
    المشاركات:
    377
    الإعجابات المتلقاة:
    0
    أَعْجَبَ:
    0
    إبداءات عدم الإعجاب المتلقاة:
    0
    نقاط الجائزة:
    16
    رد: ر حلتى الى مصر ام الدنيا ( مدينة شرم _ القاهرة) صور رائعة

    بطلع وياكم فوق من بلكونة غرفتنا وبوريكم مناظر للنيل والقاهره صبح وليل

    طبعا الجو فوق بليل ولا اروع تسمعون صوت الاغاني بالمراكب والهوى عليل


    مسبح فندقنا من فوق

    [​IMG]

    هذا فندق جراند حياة وبمه فور سيزون بس ماطلع بالصوره

    [​IMG]

    فندق بيراميزا

    [​IMG]

    فندق الشيراتون

    [​IMG]

    ميدان التحرير

    [​IMG]

    الكوبري وجدامكم فندق شوبيرد

    [​IMG]


    النافوره بس مافتحوها الا بليل

    [​IMG]

    [​IMG]

    برج القاهره

    [​IMG]

    [​IMG]

    [​IMG]



    مرسى المراكب

     
  10. محبة للسفر

    محبة للسفر رحالة

    إنضم إلينا في:
    ‏16 ديسمبر 2012
    المشاركات:
    377
    الإعجابات المتلقاة:
    0
    أَعْجَبَ:
    0
    إبداءات عدم الإعجاب المتلقاة:
    0
    نقاط الجائزة:
    16
    رد: ر حلتى الى مصر ام الدنيا ( مدينة شرم _ القاهرة) صور رائعة

    قعدت وتكشخت ونزلت اشرب قهوتي كالعاده
    ومرتنا عالسفينه شكلها فرعوني..يكون فيها مطعم وتاخذكم رحله بالنيل مع الغدا او العشا

    [​IMG]

    ونزلنا للمكتبه نقرى كتب لحد ما يقعدون المفاطيس اخواني..صج كويتيتن يموتون عالنوم

    [​IMG]

    [​IMG]


    رحنا تغدينا بشيلز بمجمع ستي ستار
    وقتها كانت مبارة المانيا ومادري منو فلعموم كان مشدود الاعصاب وبالمجمع منتشره فيه الشاشات اللي تعرض المباراة وتسمعون فجاه صراخ وتشجيع

    وخواني كانو مواعدين ربعهم مصريين يعرفونهم
    فانا واختي استغلينا هالفرصه وقعدنا انتسوق
    اغلب المحلات نفس اللي عندنا باختلاف بسيط

    دشينا فيلم الديلر
    وبعدها طلعنا رحنا سهرنا لي س 3 الفجر بقهوة اسمها سوليدير.. بجامعة الدول العربيه

    *للاسف هاليوم مافي له صور اغلبه كنت مصورته فيديو

    ***


    اليوم الرابع

    نزلنا تغدينا وحلينا ببوفيه الفندق
    اكلهم لذيذ

    [​IMG]

    [​IMG]

    بعدها رحنا سوق روكسي جنه حوش السالميه
    ..شربنا قهوه بستار بوكس

    مناظر من منطقة روكسي

    [​IMG]

    [​IMG]

    سينما ما ينعرض فيها لا فيلمين

    [​IMG]

    ومرينا مجمع اسمه الحريه مو شي كلش

    [​IMG]

    ردينا للزمالك
    رحنا مجمع اركاديا حلو وتسوقت منه وشريت هدايا
    ..وجمبه على بعد عدة امتار تقريبا في مجمع فيه وسينما وكافيهات بس... ماذكر اسمه لكن حيل قريب منه نروح له مشي

    بليل خواني راحو يسهرون مع ربعهم المصاروه

    فنزلت انا واختي تعشينا ببوفيه الفندق على اطلالة النيل

    [​IMG]

    وحضرنا عرس هههههههههه نموت بالعروس

    [​IMG]

    صور المعاريس واهما صغار
    [​IMG]

    سهرت انا واختي بره بالقعده الخارجيه وشربنا شاي
    ويمرون علينا المراكب بالنيل حاطين اغاني شعبيه ..الجو كان روعه


    [​IMG]
     
  11. محبة للسفر

    محبة للسفر رحالة

    إنضم إلينا في:
    ‏16 ديسمبر 2012
    المشاركات:
    377
    الإعجابات المتلقاة:
    0
    أَعْجَبَ:
    0
    إبداءات عدم الإعجاب المتلقاة:
    0
    نقاط الجائزة:
    16
    رد: ر حلتى الى مصر ام الدنيا ( مدينة شرم _ القاهرة) صور رائعة

    اليوم الخامس والاخير

    قعدت الضحى وكالعاده نزلت تمشيت بالفندق وشربت قهوتي وقعدت اناظر النيل
    وتغديت ببوفيه الفندق

    وطلعت قعدت بالغرفه اشوف فيلم واتمتع باخر الحظات بهالفندق الحلو واطلالة النيل العجيبه
    نزلت اللوبي ولقيت عوايل كويتيه توهم واصلين وقعدت اسولف وياهم
    الميزه اللي استفدنا منها ان اسعارنا غير اسعارهم اهما ضريبه التامين زادة عليهم دبل الدبلات لان كل ماتدشون بشهر 7 تزيد الضريبه للتامين

    ..........................

    بعدين رحنا ملحق هلتون رمسيس(اهوا سوق) حق اللي تحب جناط تقليد ماركه وشوزاتهم بعد حلوه ومريحه....صج الملحق جنه النقره غمته بس اغراضهم حلوه

    دشينا فيلم المبي ومتنا ضحك وتعشينا ماك
    وردينا الفندق قطينا غراضنا وسكرنا جناطنا..بكره السفر

    وهم حضرنا عرس عالسريع ههههههههههه شنسوي نحب الطماشه ....عاد خواني دشو العرس ولا تشوفون اشكالهم منصدمين من الوضع

    ونزلنا انتمشى بالشوارع لي س 12 وردينا كملنا السهره بالبلكونه وليلتها مجانيش نوم

    ............................

    من الصبح قعدنا وسوينا شيك اوت وجو مصر الصبح عجيب براد...ورحنا للمطار

    وهذي صور المطار الجديد اللي تطير منه بس الطيران المصري
    لان ردينا بعد عالمصريه

    [​IMG]

    بوفيهات المطار

    [​IMG]

    [​IMG]

    السوق الحره

    [​IMG]

    [​IMG]

    [​IMG]

    صالة الانتظار لبوابتنا

    [​IMG]


    وجبة الطياره

    [​IMG]


    وبجذي انتهت سفراتنا
    كانت سفره ممتعه وتمنيت لو حاجزين ايام اكثر لان في اماكن واجد مارحنا لها

    الاهرامات ماقدرنا نروح لها لان الزياره لازم تكون الصبح واحنا يالله من فضلك ان بجرنا قعدنا س 11
    كنا مخططين نروح العين السخنه ببورتو وهم يبي لها قعده من الصبح واحنا كله نسهر بالقاهره
     

جاري تحميل الصفحة...