مخططي لقضاء اسبوع العسل بدبي

الموضوع في 'بوابة السفر إلى الإمارات' بواسطة مبارك البوعينين, بتاريخ ‏17 ابريل 2013.

هوتيل فور ارب | Hotel For Arab

دليل ماليزيا

?

رأيك بالمخطط من جميع النواحي

الإستطلاع مغلق ‏26 يوليو 2013
  1. جداً ممتاز

    0 صوت
    0.0%
  2. ممتاز

    50.0%
  3. جيد

    50.0%
  4. مقبول

    0 صوت
    0.0%
  5. ضعيف

    0 صوت
    0.0%
التصويت المتعدد مسموح به
  1. مبارك البوعينين

    مبارك البوعينين مسافر جديد

    إنضم إلينا في:
    ‏17 ابريل 2013
    المشاركات:
    1
    الإعجابات المتلقاة:
    0
    أَعْجَبَ:
    0
    Dislikes Received:
    0
    نقاط الجائزة:
    1
    بسم الله الرحمن الرحيم

    السلام عليكم و رحمة الله و بركاته


    المنتدى الجميل و المفيد جدا كيفكم اخباركم حبيت ابتدي مشواري في المنتدى بهذا التقرير عن مخططي للسفر في اسبوع العسل [​IMG] ما في شهر لا ما عندي رصيد اجازات << موظف مكروف بالهيئة الملكية [​IMG]خخخخخخ المهم ما علينا << لا تقلبون المواجع ههههههههههه

    نبتدي معكم هذا التقرير من حجز الطيران الى اخر شيء

    س1: لماذا تم اختيار دبي ؟؟
    ج : لسببين اول شيء مثل ما قلت قبل ماكو رصيد اجازات ثاني سبب اننا عرسان جدد و ما نعرف بعض عدل و احس ان البلاد العربية للعرسان الجدد افضل عشان ما يصير فيها يعني لخبطة و حركتات مني مني [​IMG]

    الموعد : كان من يوم الجمعة 03/05/2013 الى يوم الخميس 09/05/2013 بس تغيرت الرحلة لان عشاء بعد العرس ثاني يوم كنسلناه فصار من يوم الخميس 02/05/2013 الي يوم الخميس التالي 09/05/2013 .

    الطيران : الخطوط الجوية العربية السعودية ليش؟؟ لانها ارخص شيء و افضل من ناس احسها .
    حجزت عن طريق مو إكسبيديا << ترى جدا مجنون في حجوزات الطيران فقط جدا ممتاز متعامل معه اكثر من مرة و اكثر من وجهة يا شيخ يخترعون لك رحلة من تحت الارض و ارخص بكثير من سعر الشركة الناقلة نفسها. انا طلعت علي الرحلة من الرياض الى دبي و من دبي الى الدمام 1308 ريال شاملة الضرائب مع انها في نفس الوقت الي حجزت فيه كان في موقع الخطوط ب 1800 ريال او اقل شيء بسيط للمصداقية .
    س: تعديل الحجز كيييف ؟؟
    تعديل الحجز عن طريق نفس الموقع طبعا لازم اسأل في الخطوط اول و اسال هنا و اختار الافضل المفاجأءة هنا
    الخطوط = 1006 ريال سعودي بينما الموقع = 562 ريال الي اخذوها بالدولار 150.72 دولار .

    السيارة : بالنسبة للسيارة اجرت من موقع رينتال كوم و انصدمت من اسعار السيارات اكتشفت اننا مضحوك علينا في السعودية قسم بالله المهم ما لكم بالطويلة اجرت ميستوبيشي لانسر 2013 اوتوماتيك بحوالي 700 ريال شامل سعر التأمين الشامل من الحوادث و السرقة اعاذنا و اعاذاكم الله منها غير المبلغ الي يحجزونه من الفيزا .


    الفندق : يبوي على الفندق غيرته ثلاث مرات المهم رسيت على فندق في منطقة بر دبي اسمه ارابيان سويتس قريب من شارع الكويت و قريب بعد من المولات و الحركتات ذي و طلع علي ي طويلين العمر حوالي 1700 درهم اماراتي من غير رسوم الخدمة و مدري ايش كلها 20 بالمية المهم و هو جناح غرفة و صاله و حمام تكرمون و حجزت الفندق من العملاق و الشهير بوكينق .

    * ملاحظة : موقع إكسبيديا فيه طيران + فنادق + سيارات و يعطونك خصومات تصل الى 500 دولار اذا حجزت الثلاثة مع بعض بس انا شخصيا ما اعجبتني اسعارهم في الفنادق و السيارات مو غالية بس كذا ونت معي احجز في مواقع غير و ارخص بشيء بسيط ممكن 100 ريال لو تحسبها .

    الحين نجي حق المخططات و الملف الي سويته حق الرحلة عشان تعلقون عليها و تعطونا ارائكم ان كان يحتاج تعديل

    مخطط الرحلة لمدة 8 ايام و هاذي صورة منه

    http://im34.gulfup.com/s3Ivt.jpg

    قائمة التفقد او الي يسمونها التشيك ليست

    [​IMG]http://im34.gulfup.com/nVwnj.jpg

    و هاذي صور المواقع
    [​IMG]http://im34.gulfup.com/ZGi3K.jpg
    [​IMG]http://im34.gulfup.com/ztAb9.jpg
    [​IMG]http://im34.gulfup.com/41mhp.jpg


    السؤال الحين لجمعيع المسافرين الي بالمنتدى وش رايكم بالترتيب ارائكم مقترتحاتكم تعديلات لازم تصير و خصوصا الناس الي راحت دبي لازم يفيدونا [​IMG] و حبيت اسال عن كتاب التخفيضات كيف طريقته و كم سعره و هل هو مفيد ولا لا و دمتم سالمين ،،،،،،،،،،،،

    الرجاء من السادة المسافرين الكرام افادتنا باسرع وقت ممكن لانه قرب وقت السفر ,,,,,


    و على فكرة هاذي اول مشاركة لي في حياتي كلها بمنتدى فعشان كذا اعذروني على الاخطاء [​IMG]


    روابط المواقع الي استخدمتها في الحجز
    http://www.rentalcars.com
    http://www.booking.com
    http://www.expedia.com

    و دمتم سالمين و الي يبي نسخة من خطط الرحلة و قائمة التفقد يتفضل هذه هي الروابط
    http://www.gulfup.com/?ULeMjN
    http://www.gulfup.com/?4iNGPs
     
    الوسوم:

جاري تحميل الصفحة...