1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.

دليل السفر والحياة والاقامة واللجؤ في مملكة السويد

الموضوع في 'بوابة السفر الى الدول الاسكندنافية' بواسطة alyaa, بتاريخ ‏8 أغسطس 2014.

هوتيل فور ارب | Hotel For Arab

دليل ماليزيا

  1. alyaa

    alyaa مراقبة عامة

    إنضم إلينا في:
    ‏16 يونيو 2012
    المشاركات:
    7,692
    الإعجابات المتلقاة:
    6
    أَعْجَبَ:
    0
    Dislikes Received:
    0
    نقاط الجائزة:
    36
    الإقامة:
    malaysia





    دليل السفر والحياة والاقامة واللجؤ في مملكة السويد



    [​IMG]






    الفيزا و الإقامة
    تحتاج الى تقديم طلب في السفارة

    تكاليف الفيزا و الإقامة:الفيزا كتير صعبة حالياً للسورين ،كل المعلومات يلي بتحتاجها عن الفيزا للسويد بتتواجد بلموقع السويدي للهجرة و مكتوب كمان كتير شغلات بلعربي بتسهل هادا الموضوع هلأ أغلب العالم يلي عمتوصل علسويد عم تجي تهريب و بطريقة التهريب مافي شي مضمون و كلوا خطير و في احتمال انو تخسر مصاريك بس في احتمال تزبط كمان و فينا نقول 90 بلمية من العالم يلي عمتوصل جديد علسويد كلها تهريب هلأ الطريقة التانية يلي هي اقامة عمل و هي عم تظزبط كتير و في كتير عالم عم تأمن اقامات عمل و بس توصل علسويد بتقدم طلب لجوء و هي شفت عالم كتير عاملتها هلأ هي كمان بتكلف بس هي حلاوتها مضمونة يعني نظامية و عم تمرق هون منيح هلأ بس بدك يكون عندك معارف بلسويد بلأصل لحتى يأمنولك فيزة عمل

    نصائح بخصوص الفيزا أو الإقامة:

    أهم شي انو توصل علسويد بدون ماتكون باصم بأي سفارة ألا اليونان ماعم يرجعوا عليها و بس توصل بتقدم على طلب لجوء و بعد اجراءات روتينينة ممكن تاخد وقت من 3 شهور ل 9 شهور بتاخد اقامة ممكن تكون 3 سنين و بيقلولها مؤقتة اذا ماكان عندك قضية خاصة و شخصية و اذا كان عندك قضية خاصة بتتعلق فيك بشكل شخصي ممكن تاخد 5 سنين دائمة اسمها

    أفضل أنواع اللجوء ضمن هالبلد: انساني-سياسي.

    الاجراءات الخاصة باللجوء:

    أول شي اذا كنت اخد فيزا شنغن من سفارة غير السفارة السويدية لا تجرب لأنو حالياً عم يفحصوا البصمات الأيدين يعني اذا اخد فيزا شنغن من ايطاليا و بصمت بلسفارة بيرجعوك على ايطاليا و نفس الشي لكل البدان الأوربية ماعدا اليونان ماعم يرجعوا عليها بس تقدم طلب لجوء لحتى تاخد الاقامة ممكن هي الفترة تكون لحد ال 9 شهور او اقل او اكتر شوي بس المهم انو كل السورين عم يعطون اقامة قبل ماتاخد الاقامة بتكون الأوضاع صعبة شوي لأنو بيكون الراتب من الهجرة يلي بتاخد مشان يتكفل بلأكل و الشرب بس 350 دولار و هدول بيكفوك علحد و بيكون السكن بمساكن الهجرة و في احتمال ماتعجبك و هون المشكلة مافيك تقرر انت وين تسكن هنن ما بيخيروك بس انت اذا معك مصاري فيك تروح تستأجر لحالك بس المشكلة مو بس بلمصاري لازم يكون عندك معارف مشان يساعدوك بموضوع ملاقة السكن لأنو صعب كتير ،اذا كنت شب لحالك بتفرق لعيلة يعني اذا عيلة اكيد بيعطون بيت لحالون و بيكون وضعون احسن شوي بس بكل الحالات مساكن الهجرة تعبانة شوي يعني ممكن تكون لأنو بمناطق مافيها حدا بلريف يعني بس منيحة كوضع مؤقت و مابينقصك شي.

    الاقامة:ممكنة وميسرة.

    أفضل مناطق السكن التي تناسب السوريين:

    هي المدن الكبيرة "ستكهولم و مالمو يوتبوري أوبسالا "لأنو فرص الشغل بتكون بهي المدن افضل طبعاً و المدارس بتكون افضل طبعاً،السكن في ألوا كتير تعقيدات لح احكي بلمختصر اذا بدك تسكن بلعاصمة و ماعندك معارف و ماعندك حدا يساعدك لا تتأمل كتير يعني كتير صعب اذا ماكان مستحيل هون السويدي بيسجل بشركة السكن مشان يحصل على بيت بستكهولم بياخد بيت بعد 7 سنين وسطياً و في مناطق بدك تستنى 25 سنة حتى تحصل فيها على بيت اذا كنت شب لحالك ماعندك كتير مشكلة بتلاقي غرفة مشتركة مع شباب بتدبر حالك بس عيلة كتير صعب تلاقي بستكهولم مو بس بستكهولم بكل المدن الكبيرة أذا كان عندك شوية معارف كتير بساعدوك و بيدبرولك غرفة بشي مكان.

    الايجارات:

    اذا بدك غرفة لحالك بتدفع بحدود 550دولار بلشهر اذا عيلة بدك تقول غرفتين بستكهولم بدون يكلفوا شي 800-1000دولار بلشهر

    هلأ برات المدن الكبيرة بلضواحي أو بلمدن الصغيرة احتمال احسن انو تلاقي طبعاً عن طريق شركات السكن بتسجل فيها و بعد ماتسجل علموقع بتدور

    برات المدن الكبيرة غرفة لشخص واحد ممكن تكلف شي 400 دولار طبعاً بياخد عليها مساعدة منيحة من الدولة يعني بيدفع اخر شي 280 دولار و لعيلة غرفتين كمان بشي 1000دولار و بياخدوا عليها مساعدة منيحة كمان

    المنطقة هي Södertälje وسطي آجار استوديو780$-ستكهولم شب لحالوا فيك تاخد اذا لقيت ب 550 دولار بلشهر.



    العمل:

    من ناحية العمل في فرص عمل و يلي بيقلك غير هيك غلطان وفي تسهيلات كتير للقادمين الجدد علسويد مشان يأمنوا شغل بس في مشاكل أول شي لازم يكون الشخص متقن للغة السويدية و هي اول مشكلة يعني من اول يوم بتوصل فيه علسويد لازم تحط بباللك اللغة اهم شي بهالبلد اذا معك لغة كل البلد بتفتح بوبها قدامك و موضوع اللغة كمان كتير مسهلينوا يعني من اول ماتاخد الإقامة بيسجلوك بدورة لغة و بيحاولوا انو يأهلوا الأشخاص حسب مستواهم التعليمي يعني يلي مو دارس شي و مامعوا مصلحة بأيدوا بيسجلوا بمدرسة انو تدرسوا مصلحة و بنفس الوقت بيكون عم يدرس لغة سويدي و بلنسبة يلي دارس جامعة كمان بيسهلوا الموضوع كتير عليه أول شي بيطلب تعديل الشهادة مشان يحسن يشتغل على اساسها و بعدين كمان فيه يقدم على اي جامعة بلسويد و بيدرس ببلاش مابيدفع شي و حتى كمان هنن بيدفعولوا مساعدات دراسية و مساعدات سكن وقت يكون عم يدرس جامعة و فيه ياخد قرض دراسي كمان .

    طبيعة العمل في البلد:عادي

    معدل الرواتب:

    هون الراتب بيبلش ب 2800$ ولازم يدفع من هادا الراتب 30 بلمية ضرايب كمهندس لازم يبلش الراتب ب 3500$ و كمان بتحسم 30 بلمية ضرايب بس مو شرط يعني بلنسبة لموضوع التميز من ناحية الوظايف هادا شي موجود طبعاً بس مقارناً مع باقي بلدان اوربا هون اقل شي برأي بس طبعاً في تميز يعني في شركات بس تشوف اسم عربي بتكب الطلب مباشراً.

    وضع الراتب الراتب مع الحياة الاجتماعية: جيد.

    الدراسة:
    اشهر الجامعات مع ذكر المدينة التابعة إلها:https://www.universityadmissions.se/

    http://www.studyinsweden.se/

    موقع كتير بيساعد مشان الدراسة بلسويد التقديم علجامعات كتير سهل بس أول شي لازم تاخد الاقامة مشان تحسن تقدم علجامعات ببلاشhttp://www.webometrics.info/en/Europe/Sweden

    http://www.topuniversities.com/university-rankings/world-university-rankings

    هون مكتوب ترتيب الجامعات بلسويد و بلعالم.

    اللغات المطلوبة للدراسة: الانكليزية.

    المصروف:

    وسطي المصروف للشخص الاعزب من طعام وحاجات يومية: 350$شهريا.

    العملة المحلية:

    كرون

    الطعام:

    افضل مكان لشراء الطعام:الأكل الحلال كتير قليل يعني الواحد اذا بدو ياكل برات البيت صعب تلاقي محلات حلال و خصوصي بلمدن الصغيرة بس في محلات عربية كتير بالعاصمة و بتلاقي فيها لحم حلال و جاج حلال الأكل غالي بشكل عام و الخضروات غالية.

    الأسعار من محل لمحل بتفرق كتير المحلات الكبيرة Willys Lidl هدول فيك تقول فيون شغلات ارخص من غيرون

    محل الوليز معروف عندوا الحليب و البن و البيض رخاص -و المحلات العربية بتلاقي فيها شغلات رخيصة بستكهولم بكل منطقة بتلاقي محل عربي شارهولمن مثلا رنكبي يعني كل الأراني يلي فيها عرب بتلاقي محلات عربية بتلاقيها ارخص شوي من غيرها و في عندون شغلات اغلى، الواحد بدو يقارن يشوف هون و يشوف هون.

    اللحم والدجاج:اللحمة الحلال قليلة

    وسطي سعر الوجبة للشخص الواحد:20$.

    أفضل المراكز التجارية:

    https://www.willys.se/-عندوا يعني كتير شغلات رخيصة

    http://www.lidl.se/cps/rde/xchg/lidl_se في شغلات بتلاقيها هون ارخص

    http://www.coop.se/:هذا ياشباب غالي بس احيانا بينزل عروض ممكن تكون ارخص من غيروا

    الاتصالات والمواصلات:

    افضل شركات الخطوط الخليوية:Tele2 Comviq احسن شي

    افضل طريقة للواحد يتنقل بهالبلد:وسيلة نقل عامة – مترو.

    تكلفة رخصة القيادة: 1000كرون.

    حجز الطيران:eek:nline

    السفارة السورية: http://www.syrianembassy.se/Engelska/

    رقم الشرطة:112

    الصحة:

    المشافي الحكومية- مجانية.

    اوربرو:

    الفيزا: تحتاج الى دعوة

    تكاليف الفيزا و الإقامة:بتكلف 3 مليون ليرة تقريبا

    الإقامة: ممكنة وميسرة.

    نصائح بخصوص الفيزا أو الإقامة:

    اذا قدم السوري طلب لجوء بالسويد يحصل على اقامة مؤقتة لمدة 3 سنوات على الاغلب . البعض يحصل على الاقامة الدائمة،يمكن الحصول على الفيزا عن طريق الحصول على اقامة عمل , في حال الحصول على عمل بالسويد يتم تقديم الاوراق لدائرة العمل مباشرة و يقتصر دور السفارة على تسليم الاقامة في حال صدورها الصعب هوي الحصول على الفيزا , لكن الخطوات اللي بعدها تكون اسهل.

    أفضل أنواع اللجوء ضمن هالبلد:انساني.

    الاجراءات الخاصة باللجوء:الاشخاص المتورطين بأعمال عنف لا يقبل لجوؤهم جميع السوريين ما عدا المتورطين بأعمال عنف يحصلو على حق الحماية بالسويد لمدة 3 سنوات اللي يثبت وجود خطر شخصي عليهم يحصلون على حق اللجوء .

    اللي من مناطق متل حلب و حمص اذا جابو شي يثبت بيكون مليح لانو عم يعتبروا مناطق منكوبة

    http://www.migrationsverket.se/info/1050ar.html_

    أفضل مناطق السكن التي تناسب السوريين:

    كل مكان عدا الشمال ... و حسب طبيعة الشخص اذا ناوي دراسة او عندو عيلة.

    الايجارات:

    وسطي آجار استوديو:اوربرو 4000

    وسطي آجار غرفة نوم وصالة:اوربرو 5000 كرون

    وسطي آجار شقة من غرفتي نوم وصالة:اوربرو 6000 كرون

    العمل:

    طبيعة العمل في البلد:مريحة.

    معدل الرواتب:حسب الاشغال بس الدولة بتساعد اللاجئين و اللي عندن ولاد .

    وضع الراتب الراتب مع الحياة الاجتماعية.عادي ع القد

    الدراسة:

    اشهر الجامعات مع ذكر المدينة التابعة إلها:-lund –göteborg-stockholms universitet-umeå universitet-örebro uppsala universitet
    منح دراسية:http://www.migrationsverket.se/info/studera_en.html

    اللغات المطلوبة للدراسة: الانكليزية.

    المصروف:

    وسطي المصروف للشخص الاعزب من طعام وحاجات يومية:70-100كرون.

    وسطي سعر الوجبة للشخص الواحد:70كرون

    اللغة المطلوبة بالبلد:الإنجليزية

    الاتصالات والمواصلات:

    اهم وسيلة اتصال في البلد بين بعضهم البعض:الخطوط الخليوية

    افضل شركات الخطوط الخليوية:tele2

    افضل طريقة للواحد يتنقل بهالبلد:سيارة خاصة

    شهادة القيادة المعترف عليها:لمدة سنة بيمشي الحال بعدين بدك شهادة

    تكلفة رخصة القيادة:2000ومافوق.

    رقم الطوارىء:112

    الصحة:
    افضل المشافي : الحكومية- ويوجد ضمان صحي.

    غوتنبيرغ:

    الفيزا:تحتاج الى تقديم طلب في السفارة

    تكاليف الفيزا و الإقامة: هناك عدة امكانيات للحصول على الفيزا منها فيزا عمل او فيزا دراسية أو فيزا زيارة ولكل منها شروطه:فيزا العمل تحتاج لاثبات وجود فرصة عمل لديك بالسويد جاهزة عند أي رب عمل

    فيزا الدراسة تحتاج لاثبات قبول جامعي او في معهد او مدرسة مع اثبات مصدر التمويل خلال الدراسة

    فيزا الزيارة تحتاج لوجود اقارب لك في السويد يرسلون دعوة لك بحكم ظروفنا كسوريين بهذا الوقت فقد اصبح الحصول على هذه الفيز صعب في معظمها ولعل اصعبها فيزا الزيارة حاليا،لذلك توجه اغلب السوريين للقدوم بصورة غير شرعية للسويد والتقدم بطلب لجوء بغية الحصول على الاقامة،اما طلب اللجوء فلا يحتاج سوى لاثبات الجنسية السورية اما بهوية او اخرج قيد نفوس ويفضل مع صورة شخصية والافضل ان يحمل معه الشخص ما تمكن من

    شهاداته ان وجدت ليتمكن من العمل بمجاله لاحقا ياخذ الرد على طلب اللجوء تقريبا شهرين ريثما ياتي الرد وهو غالبا بالايجاب بالنسبة للسوريين ويتضمن اقامة لمدة ثلاث سنوات بالسويد لكن لا يحق للشخص طلب لم شمل عائلته ان كان لديه عائلة ما زالت خراج السويد في سوريا او في دول جوار سوريا

    أفضل أنواع اللجوء ضمن هالبلد: الاتينن.

    السكن:

    أفضل مناطق السكن التي تناسب السوريين:

    وسطي آجار استوديو:غوتنبيرغ 4000 كرون...باقي المناطق 2500 كرون.

    وسطي آجار غرفة نوم وصالة:غوتنبيرغ 5500 كرون..باقي المناطق 3500 كرون.

    وسطي آجار شقة من غرفتي نوم وصالة:غوتنبيرغ 6500...باقي المناطق 4500 كرون.

    المصروف:
    وسطي المصروف للشخص الاعزب من طعام وحاجات يومية:8000 كرون

    الطعام:

    افضل مكان لشراء الطعام:في المدن الرئيسية متل استكهولم مالمو غوتنبيرغ ...مليانة محلات اكل عربي ولحم حلال ومو غالي..بالمدن الصغيرة صعب تلاقي اكل عربي او لحم حلال والاسعار اغلى بتكون لو لقيت.

    اللحم والدجاج:محل اسمو الاورينت في غوتنبيرغ.

    وسطي سعر الوجبة للشخص الواحد:70كرون.

    الاتصالات والمواصلات:
    افضل طريقة للواحد يتنقل بهالبلد:وسية نقل عامة – باص.

    شهادة القيادة المعترف عليها:لازم يكون معك شهادة سواقة دولية تسوق عليها بشكل مؤقت.

    تكلفة رخصة القيادة:10000 كرون.

    حجز الطيران:eek:nline.
    رقم هاتف السفارة السورية:004686221870

    نصائح عامة لكل سوري جاية جديد:

    -لاتسمع شائعات من اول يوم بتوصل فيه علسويد العالم بتعبي راسك حكي لاتسمع لحدا بدك معلومة روح و سأل عليها من المصدر

    2-لاتسمع للعالم يلي بيحبطوك بلأخير اذا انت كنت مؤهل بهلبلد احتمال كبير انك تشتغل و تنجح بحياتك في تميز ماحدا بيقول لأ بس بكل العالم في تميز يعني بسوريا كان في تميز و اكيد بتعرفوا مين كان المميز

    3-ركز من اول يوم بتوصل فيه على موضوع اللغة لأنها مفتاح البلد و اذا اتقنت اللغة ممكن تلاقي شغل و بتفرق حياتك كلها

    4- المواصلات سهلة بس أحسن شي يكون معك سمارت فون هاتف ذكي مشان تحسن تتنقل بسهولة

    هون اهم شغلة انك تدفع ضرايب و من الأخير العرب هون كل همون شلون ينصبوا علدولة و مايدفعوا ضرايب و انت لازم بس تجي لهون ما كتير ترد عليهون في اساليب نصب علدولة كتير انت ركز على مستقبلك و ركز على تعليمك اهم شي و لا تخلي حدا يحبطك.

    و اهم شغلة لاتستسلم للبطالة هون لأنو بيدفعوا مساعدات اذا ماكان عندك شغل تقريبا 1000 دولار بلشهر بس لاتقول هادا الشي بيكفي خلي أملك كبير و خليك عم تتعلم و تدور على شغل و شو ماصحلك تشتغل اشتغل هون مافي و الله تميز بين المهن انو الزبال متلوا متل الوزير بلحقوق والواجبات اهم شي تشتغل و دفاع ضرايب و لا تكذب علدولة.

    من الافضل ان يخطط الشخص للذهاب للسويد بصحبة عائلته من البداية .

    خلال السنتين الاوليتين يتلقى الشخص مساعدة من الدولة بالاكل والمسكن والمواصلات بما يقارب ستة الاف كرون سويدي وهي تكفي لشخص ليس لديه مصاريف اخرى كالسجائر والنوادي خلال هذه السنتين على الشخص ان يتعلم السويدية ويتقنها ليصبح قادرا على ايجاد فرص عمل مستقبلا على الرغم من ان 90 بالمئة من السويدين يجيدون الانكليزية الا ان السويدية شرط لازم لاكمال الدراسة او حتى للعمل يستثنى من ذلك فرص العمل عند عرب بالمطاعم او التنظيف فهم ممكن ان يتغاضون عن شرط اللغة الا ان الانسان يبقى رهنا لصاحب العمل بسبب عدم وجود فرص اخرى للعمل نظرا لنقص درايته باللغة السويدية نصيحة لا تنغر بالحصول على عمل وراتب عند وصولك للسويد ففي هذه الحالة تكون قد خسرت مساعدة الدولة اللتي كانت ستقدم لك خلال السنتين الاوليتين

    والاهم من ذلك لا يتبقى لديك وقت لتعلم اللغة السويدية بسبب انشغالك بالعمل.

    سمعة السوريين. عادي

    الاجراءات الخاصة باللجوء:سؤال و جواب / من مصلحة الهجرة السويدية حول طلبات اللجوء والفيزا ولم الشمل التي يتقدم بها السوريون *** هل سيحصل جميع الاشخاص من سوريا على تصاريح الاقامة الان ؟

    كلا. الوضع الخطير في سوريا لا يعني أنه سيُسمح لجميع طالبي اللجوء بالبقاء. إذ ستقوم مصلحة الهجرة بدراسة حاجة كل طالب لجوء من سوريا للحماية بشكل فردي.

    *** من الذي سيُسمح له بالبقاء؟

    لأن العنف في سوريا اليوم يُمارس بشكل متطرف وعلى نطاق واسع في جميع أنحاء سوريا ، تُقيّم مصلحة الهجرة أن أغلبية من سيعودون اليوم الى سوريا معرضين للخطر. لهذا السبب فسيتم الموافقة على منح تصريح اقامة لأكثر الاشخاص من سوريا الذين تقدموا بطلبات اللجوء في السويد.

    *** من هم الذين لن يحصلوا على تصريح الاقامة؟

    ستقوم مصلحة الهجرة بدراسة حاجة كل طالب لجوء للحماية بشكل فردي. والشخص الذي يدان بتهمة جرائم الحرب، ارتكاب جرائم ضد السلم أو الانسانية، أو ارتكب جرائم آخرى قبل مجيئه/مجيئها الى السويد، قد لايمكنه على الرغم من ذلك من الحصول على حماية في السويد.

    *** لماذا يحصل البعض على تصاريح مؤقتة؟

    سيحصل عدد كبير من الاشخاص من سوريا على تصاريح مؤقتة بسبب تصاعد واتساع العنف بشكل متطرف في سوريا، الأمر الذي يعرّض جميع العائدين الى الخطر. ومن الصعب في الوقت الراهن معرفة كيف سيتطور الوضع. والتصريح المؤقت هو للسماح لطالب اللجوء بالسكن بأمان في السويد حتى تتحسن الاوضاع في سوريا.

    *** ماذا يعني تصريح الاقامة المؤقت؟

    يعني تصريح الاقامة المؤقت بأن من حقك السكن، والعمل والدراسة في السويد طالما كان تصريح اقامتك سارياً. ومن حقك التسجيل في سجل النفوس والحصول على رقم شخصي.

    *** من هم الذين يمكنهم الحصول على تصريح اقامة دائمة؟

    الشخص الذي لديه أسباب فردية للحصول على حماية، وليس الشخص الذي فقط يمكن أن يتعرّض الى العنف العام الذي قد يُصيب كافة المدنيين، سيحصل على تصريح الاقامة الدائمة.

    عند دراسة الطلبات المقدمة من عوائل لديها أطفال فإن مصلحة الهجرة سترّجح الموافقة على منح الاقامة الدائمة حتى لو لم يكن لديهم أسباباً فردية للحصول على حماية.

    *** هل يمكنني الحصول على تصريح اقامة مؤقت حتى لو لم أكن حائزاً على جواز سفر؟

    يتطلب الأمر أن يكون المرء حائزاً على جواز سفر ليستطيع الحصول على تصريح اقامة مؤقت، ولكن لايحتاج أن يكون جواز سفر صادر من البلد الأم. اذا لم تكن حائزاً على جواز سفر من بلدك الأم، ولا يمكنك الحصول على جواز سفر، فيمكنك بدلاً من ذلك التقدم بطلب للحصول على جواز سفر الاجانب.

    *** صدر قرار بالطرد بحقي وقدمت طلباً بخصوص وجود موانع تحول دون تنفيذ القرار. ماذا سيحدث معي الآن؟

    ستأخذ مصلحة الهجرة الأوضاع الامنية في سوريا بنظر االاعتبار عندما نقوم بدراسة طلبك بخصوص وجود موانع تحول دون التنفيذ.

    *** صدر سابقاً قرار بالطرد بحقي، ولكن مصلحة الهجرة أوقفت تنفيذ القرار مؤقتاً. ماذا سيحدث الآن؟

    ستقوم مصلحة الهجرة بدراسة جميع القضايا المؤجلة وتتخذ قراراً قي تلك القضايا. ستأخذ مصلحة الهجرة الأوضاع الامنية في سوريا بنظر االاعتبار عندما نقوم بدراسة طلبك.

    اذا كانت لديك ظروف جديدة ترغب بأن نأخذها بنظر الاعتبار عند دراسة القضية فيمكنك الكتابة الى مصلحة الهجرة.

    *** قمت بالطعن لدى محكمة الهجرة بقرار الطرد الصادر بحقي. كيف تتأثر قضيتي بالتقييم الجديد لمصلحة الهجرة؟

    اذا كانت قضيتك قد سُلّمت لمحكمة ما فإن المحكمة ستتخذ موقفاً من الطعن الذي تقدمت به على ضوء المعلومات عن الأوضاع الراهنة في سوريا ستتأكد مصلحة الهجرة من أن يكون للمحكمة علم بالتقييم الخاص بمصلحة الهجرة حول الاوضاع الامنية في سوريا.

    *** هل سيكون من الأسهل لصديقي في سوريا أن يحصل على تصريح الإقامة بغرض العمل، أو لعائلتي المجيء إلى السويد والحصول على تصريح الإقامة بغرض الارتباط العائلي في الوقت الحالي؟

    .لا، الوضع المتدهور في سوريا لا يؤثر على دراسة الطلبات المقدمة من سوريا للحصول على تصريح إقامة العمل أو إقامة بغرض الدراسة أو الارتباط العائلي. هذا الأمر يؤثر على قضايا الأشخاص الموجودين في السويد فقط.

    *** أنا لم أقدم على اللجوء، بل حصلت على قرار التسفير لأسباب أخرى. هل يمكن أن يتم ترحيلي إلى سوريا؟

    لا، بسبب الوضع الحالي في سوريا لن يتم ترحيل أي شخص إلى هناك.

    *** هل سيحصل الأشخاص الذين يأتون من سوريا ويقدمون طلب للحصول على تصريح الإقامة بغرض العمل أو الارتباط العائلي على ثلاثة سنوات إقامة على الأقل؟

    لا، من يحصل على تصريح الإقامة بغرض العمل أو الارتباط العائلي، يحصل عادة على تصريح إقامة مؤقت ساري المفعول لمدة سنتين.

    *** هل صحيح أن الشخص الذي يسكن في سوريا لا يستطيع الحصول على تأشيرة الدخول (الفيزا) من أجل زيارة السويد؟

    من حق الجميع تقديم طلب للحصول على تأشيرة لزيارة السويد. يستطيع الشخص الذي يسكن في سوريا تقديم طلب للحصول على تأشيرة الدخول لدى السفارة السويدية في عمان، الأردن.

    ولكن يحصل المرء على تأشيرة الدخول إذا كان من المحتمل أن هذا الشخص سيعود إلى وطنه بعد الزيارة. لا يحصل الشخص على تأشيرة الدخول إذا كان هناك شك في رغبته في البقاء في السويد. ونظرا لصعوبة الوضع في سوريا، وكون الأشخاص القادمين من سوريا يمثلون حاليا ثالث أكبر مجموعة من طالبي اللجوء في السويد، يتطلب الأمر في الوقت الحالي أسبابا خاصة جدا من أجل الحصول على تأشيرة الدخول للزيارة.

    *** لقد سمعت أن الأشخاص من سوريا يمكنهم تقديم طلب اللجوء لدى السفارة والقنصلية السويدية في تركيا. هل هذا صحيح؟

    لا. لا يمكن تقديم طلب اللجوء لدى السفارة السويدية أو القنصلية العامة في تركيا. يمكن للأشخاص القادمين من سوريا تقديم طلب من أجل الحصول على الإقامة بغرض العمل أو الدراسة أو الارتباط العائلي في تركيا. أما طلب اللجوء فيمكن تقديمه في السويد فقط. ينبغي تقديم طلب اللجوء شخصيا لدى إحدى وحدات استقبال إدارة الهجرة.

    *** لقد حصلت على تصريح إقامة مؤقتة بسبب الوضع السائر في بلدي سوريا. هل يمكن أن أستأنف قرار الإقامة المؤقتة بدون التعرض لخطر فقدانها؟

    إذا حصلت على تصريح إقامة مؤقتة، يمكنك استئناف القرار وطلب الحصول على تصريح إقامة دائمة. لن تفقد تصريح الإقامة المؤقتة إذا قمت بالاستئناف. لكي تحصل على تصريح اقامة





    [​IMG]



    [​IMG]










     
    جاري تحميل الصفحة...