لو انت مصري وفكرت تسافر ( موضوع مهم جدا )

الموضوع في 'بوابة المسافرون العرب العامة' بواسطة سامح, بتاريخ ‏16 فبراير 2016.

  1. سامح Egypt

    سامح أدارة المنتدي طاقم الإدارة

    إنضم إلينا في:
    ‏8 يناير 2011
    المشاركات:
    452
    الإعجابات المتلقاة:
    79
    نقاط الجائزة:
    190
    الجنس:
    ذكر
    الوظيفة:
    مدير العرب المسافرون
    الإقامة:
    جدة
    الصفحة الرئيسية:
    البنوك غيرت قواعد ومحددات التعامل بالعملات الاجنبية فى اول فبراير الجارى. كنت بتروح البنك تاخد بالالف دولار والاتنين بموجب التأشيرة وتذكرة السفر. دلوقتى البنك حايماطل فيك ولازم تتخانق علشان تاخد 500 دولار. وغالباً لو انت مش عميل او ماحدش موصى عليك, حاتاخد صابونة. ده بالنسبة لقبل السفر, تعالى بقى بعد ماتوصل بالسلامة. طبعاً حاتستخدم كروت الإئتمان. خد عندك بقى!
    مش حاتسحب كاش من ماكينات الصراف الآلى برة بأكتر من 200 دولار فى اليوم! والجديد انهم غير الـ 3% فايدة على المبلغ المسحوب ورسوم استخدام ماكينة السحب, اللى هى حوالى 25 ج.م, فيه بقى عمولة تحويل جديدة 3.5%. ممكن تسحب كاش اربع مرات بس فى اليوم. وبرضة آخرك الـ 200 دولار!
    نيجى للمشتريات | مسموحلك بعشر مشتريات يومية فقط! يعنى انت مزنوق ما بين كاش مش معاك وعمليات إئتمانية محدودة! دى حلها يبقى معاك اكتر من كارت او تسافر فى مجموعات وتخمس فى المصاريف. حايتحسب عليك نفس عمولة التحويل اللى فوق وسعر الفايدة لمبلغ المشتريات, ده غير فايدة الساحب Merchant Interest لو بتستعمل كارت إئتمان (خصم-مباشر). اما لو بتستعمل كارت Debit فا آخرك بالعملة مايعادل 16000 جنية حتى لو فى حسابك اللى يكفى وزيادة. وبرضة هما العشر مشتريات فى اليوم! لو انت بقى حاتطول برة مصر, خد بقى القاضية. العشر مرات دول مش معناهم 300 مرة فى الشهر. ليك حد اقصى 150 مرة شراء باستخدام الكارت سواء Debit او Credit طول الشهر!
    تعالى للتجارة الإليكترونية | مشترياتك على الانترنت مش حاتعدى الـ 6000 ج.م يومياً, يعنى بسعر النهاردة 660 دولار. حتى لو رصيدك يكفى. ده ممكن يعملك مشكلة قبل السفر اساساً.
    الزتونة | 1) الـ 200 دولار اللى حاتاخدهم من المكنه, قبل ماتمسكهم فى ايدك حايكونوا اتحسبوا عليك بـ 1888 ج.م غير الفوايد! يعنى, بفرض انك حاتسدد فى نفس اليوم, الدولار واقف عليك برة بـ 9.45 جند سعر النهاردة! 2) معتادى السفر اللى كانو بيدفعوا برة تذكرة القطر وفلوس التاكسى والمتاحف والسينمات وكله كله بالكارت, الكلام ده خلاص. حاول تشوف بقال جنب الفندق تعمل عندة ابونية! 3) مافيش طريقة اقتصادية لتمويل نفقاتك خارج مصر من مدخرات محلية فى الفترات الطويلة. الـ 150 مرة شراء دول ممكن يجوعوك بجد. ومن ناحية تانية مش كل البلاد بتسمحلك تفتح حساب بنكى محلى لو انت زائر. اذا حاتسافر فترة طويلة خد جزء من مدخراتك وحطة فـ اى بنك فى جزر الكنارى! 4) علشان تاخد تأشيرة اصلا بتكون مضطر تحجز الفندق والطيران, غالباً بتعمل كدة عن طريق الانترنت. المبلغ المتاح ليك مايكفكيش تحجز عشر تيام فى فندق بسعر الليلة 70 دولار – اللى هو متوسط السعر فـ اوروبا- وبالتالى ممكن يسخفوا عليك فى السفارة ومايدوكش غير تأشيرة 9 تيام. وطبعاً 6000 جنية دول, لوبتحجز بيهم طيران اونلاين, مايودوكش تنزانيا.
    الحل تتعامل مع شركات السياحة, اللى طبعاً حاتستغل الفرصة وتعورك.
    رحلة سعيدة! وتروح وماتجيش بالسلامة.
    *تتغير المبالغ واسعارالفائدة بحسب البنك.

     
  2. ابوثامر Saudi Arabia

    ابوثامر مراقب عام

    إنضم إلينا في:
    ‏24 مارس 2015
    المشاركات:
    135
    الإعجابات المتلقاة:
    1
    نقاط الجائزة:
    16
    الوظيفة:
    مهندس
    الإقامة:
    المملكة العربية السعودية ( الشرقية)
    رد : لو انت مصري وفكرت تسافر ( موضوع مهم جدا )

    لا حول ولا قوة الا بالله


    ايش هذا النظام الخنفشاري
     
  3. شوشيته Saudi Arabia

    شوشيته رحالة

    إنضم إلينا في:
    ‏19 ابريل 2015
    المشاركات:
    94
    الإعجابات المتلقاة:
    0
    نقاط الجائزة:
    16
    رد : لو انت مصري وفكرت تسافر ( موضوع مهم جدا )

    شكراااااااااااااا
     
  4. شوشيته Saudi Arabia

    شوشيته رحالة

    إنضم إلينا في:
    ‏19 ابريل 2015
    المشاركات:
    94
    الإعجابات المتلقاة:
    0
    نقاط الجائزة:
    16
    رد : لو انت مصري وفكرت تسافر ( موضوع مهم جدا )

    موضوع هاااااااااام
     
  5. براءة الورد Egypt

    براءة الورد رحالة

    إنضم إلينا في:
    ‏21 مارس 2016
    المشاركات:
    2,458
    الإعجابات المتلقاة:
    9
    نقاط الجائزة:
    38
    رد : لو انت مصري وفكرت تسافر ( موضوع مهم جدا )

    موضوع مفيد وهام جدا يعطيك الف عافية
     

مشاركة هذه الصفحة