1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.

أماكن سياحية جزيرة منعزلة جميلة في البحر الأحمر قريب من الغردقة :أورانج باي

الموضوع في 'بوابة السفر إلى مصر Egypt' بواسطة menna, بتاريخ ‏12 يوليو 2016.

هوتيل فور ارب | Hotel For Arab

دليل ماليزيا

  1. men

    menna رحالة

    إنضم إلينا في:
    ‏18 يونيو 2016
    المشاركات:
    874
    الإعجابات المتلقاة:
    1
    أَعْجَبَ:
    0
    Dislikes Received:
    0
    نقاط الجائزة:
    18
    الجنس:
    أنثى
    الإقامة:
    cairo
    [​IMG]


    لو بـ ترتب لرحلة في البحر الأحمر، الغردقة، يبقى جزء أساسي من تجربتك لازم يبقى رحلة بمركب لجزيرة جفتون، وهي جزيرة محمية على بعد 40 دقيقة من خليج الغردقة. جزيرة جفتون هي جزيرة كبيرة جدًا وهي أول محمية طبيعية تحت إشراف وزارة الدولة لشئون البيئة، وفيها شاطىء محمية، جزيرة برادايز، وأورانج باي.

    على حسب المكتوب على موقع «أورانج باي» المنطقة بـ تغطي أكثر من 3000 متر مربع، وتم بناؤها باستخدام خامات صديقة للبيئة بالتعاون مع "منظمة حماية البيئة والحفاظ على الغردقة"، وده بـ يبين قد إيه اللي شغالين على الخليج واخدين الموضوع بجد.

    رحلة لمدة يوم للجزيرة بـ تقوم الساعة 9 صباحًا من ميناء خاص بالغردقة اسمه "سانتا مارينا" شاطىء رقم 9. المركب الكبير اللى يأخذ 20 فرد مستريحين هـ يوديك لمرسى «أورانج باي» في أقل من 40 دقيقة، والرحلة المركبية دي نفسها تجربة ممتعة جدًا، بـ تبحر فيها في مياه البحر الأحمر الجميلة، بعيد عن تلوث ودوشة فنادق الغردقة.

    أول ما بـ توصل لـ «أورنج باي»، جهز الكاميرا بتاعتك، المنظر بـ يبقى جميل ومبهر: مياه البحر بلون التركواز بـ تمتد لحوالي كيلو متر لغاية ما المياه تبدأ تعلى عن ركبتك، والرمال الذهبية عليها شمسيات خشبية، كراسي بحر، كراسي البين باجز، سجاجيد عجمي، وكبائن خشبية.

    كابينة منهم عبارة عن البار اللي بـ يخدم الشاطىء، وفيها مشروبات غازية وكحولية لكن بأسعار عالية (علبة البيبسي بحوالي 25 جنيه). ولمّا تتعمق أكثر في الجزيرة، هـ تلاقي مطعم مفتوح على ساحة خشبية، الوجبات فيه بوفيه مفتوح وفيه خضروات طازجة مطبوخة بالروزماري، فيليه سمك أبيض مشوي، سلاطات، مكرونة، أرز، ولحوم وفراخ. تقدر تملأ طبقك كذا مرة زي ما أنت عاوز، والشيف الودود هـ يساعدك ويوصل لك حاجتك لترابيزتك ويسألك عن رأيك أول ما تخلص أكل.

    في ركن من الشاطىء، فيه دورات مياه للرجال ودورات مياه للسيدات داخل أكواخ خشبية، والمرافق اللي موجودة بدائية وأساسية، لكنها تقضي الغرض ليوم واحد على البحر.

    فيه مشروبات ترحيب (كركديه) قُدمت لمجموعتنا أول ما وصلنا، وبعدها سابونا نسترخى على الشاطىء. الجرسونات جابوا لنا المشروبات لغاية شمسيتنا، وبغض النظر عن مزيكا البوب اللي كان صوتها عالي جدًا كان اليوم مهدىء جدًا للأعصاب.

    لو هـ تقضي يوم في «أورانج باي»، يبقى المفروض تجيب معاك فوطتك وكريم واقي من الشمس، وننصحك أنك تجيب فلوس زيادة، لأن الشاطىء هناك مش بـ يقبل الدفع بكروت الفيزا، وأنت أكيد هـ تحتاج تشرب هناك حاجات ساقعة كثير جدًا علشان ما يجيش لك سكتة قلبية.

    ولو بـ تحب الغطس وخصوصًا أن المياه مشجعة هناك، ممكن تجيب بدلة الغطس بتاعتك وتتفق مع مدير القارب من قبلها علشان تنزل في منطقتين خلال الرحلة البحرية من أو إلى "أورانج باي".

    المركب بـ تمشي من «أورانج باي» بالكثير الساعة 5:30 مساءً، أو عامة وقت غروب الشمس. رغم أنه ممنوع أنك تفضل قاعد بالليل في الجزيرة المحمية، لكن «أورانج باي» بـ يقدم برنامج ليلي تقدر فيه تشاهد غروب الشمس وترجع ثاني للمركب اللي هـ تقضي فيها الليلة. بعد كده بـ ترجع الصبح للشاطئ مرة ثانية علشان الإفطار وقضاء يوم كامل مرة ثانية.
     
    جاري تحميل الصفحة...