1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.

مطاعم ومقاهي سانتوريني - Santorini

الموضوع في 'مطاعم مصر' بواسطة menna, بتاريخ ‏13 يوليو 2016.

هوتيل فور ارب | Hotel For Arab

دليل ماليزيا

  1. men

    menna رحالة

    إنضم إلينا في:
    ‏18 يونيو 2016
    المشاركات:
    874
    الإعجابات المتلقاة:
    1
    أَعْجَبَ:
    0
    Dislikes Received:
    0
    نقاط الجائزة:
    18
    الجنس:
    أنثى
    الإقامة:
    cairo
    عارفين كده الإحساس اللى بـ تحسه لما يكون أمامك أكلة حلوة جدًا وعمال تستمتع بكل قضمة فيها وأنت مغمض عينيك، مزيج من إحاسيس النشوة والاستمتاع مع شعور بأن الدنيا جميلة بجد، هو ده اللى حسيناه لما ذوقنا الأطباق اليونانية اللى موجودة فى مطعم "سانتوريني – Santorini" فى أمريكانا بلازا بالشيخ زايد.

    لما تدخل من الباب الخلفي لأمريكانا بلازا اللى عند محل الزرع والورد "خضرة – Khadra" هـ تلاقيه أول مطعم على اليمين جنب المطعم اللبنانى "تبولة - Taboula"، ألوانه رائعة نفس ألوان جزيرة سانتوريني الأبيض والأزرق (سانتوريني من أكثر الجزر جمالًا فى اليونان ومشهورة بمأكولاتها الرائعة وغروب شمس ما يتنسيش)، وفيه منطقة داخلية فيها المطبخ وأرفف على الحائط فيها زيوت بكر للطبخ وديكورات رقيقة وبره قعدة ثانية فيها كراسي ملونة ومبهجة.
    [​IMG]
    المنيو أطباقها أو أغلب أصنافها جديدة علينا فعلًا وهـ تربي عندك فضول أنك عاوز تجربها كلها من حلاوة مكوناتها، كمان مطعم سانتوريني بـ يقدم وصفات من تدريب الشيف اليونانية ومقدمة برامج الطهي على التليفزيون اليوناني "ميرسيني لامبراكي" اللى ألفت 24 كتاب طهى على مدار الـ 15 سنة الماضية منها كتاب عن مطبخ جزيرة سانتوريني"،
    من قسم الشوربات اختارنا شوربة يوفارلاكيا Youvarlakia ودي عبارة عن كرات اللحم المفروم بالأرز والليمون (24 جنيه)، ومن المقبلات الباردة أخذنا بوتيتو سالاتا Patatosalata بـ (25 جنيه) وده عبارة عن سلاطة بطاطس معاها شرائح بصل أخضر وزيت زيتون وليمون وكايبرز، ومن الأطباق الرئيسية موساكا (58 جنيه) اللى هي عندنا بـ نقول عليها "مسقعة" ودي كانت شرائح باذنجان وكوسة وبطاطس معاها صلصة لحم مفروم والطماطم وعليها من فوق بشاميل وجبنة بارميزان، وأخيرًا سولومو Solomo اللى عندنا بـ نقول عليه "سلامون ستيك" (125 جنيه).

    أول حاجة نزلت لنا كان سلة عيش ومعاها معجون زيتون مقطع صغير بزيت الزيتون ونعتقد الجبنة الفيتا، طعم العيش مع الزيتون والجبنة كان خرافي، ده غير أن رائحة العيش كانت حلوة أوى، مسكنا نفسنا من أكل العيش علشان ما نشبعش بدري، بعد كده نزل لنا الشوربة، دي أول مرة فى حياتنا نأكل شوربة فيها قطع لحم Meatballs، القطع كانت صغيرة الحجم "كفتة أرز" وفى صوص أبيض خفيف وفيه طعم الليمون، الشوربة دي خرافية، لدرجة أننا عملنا Search عليها فى اليوتيوب علشان نعرف بـ تتعمل إزاى، طعم كرات الكفتة مع الصوص الليمونى وقطع الجبنة الفيتا –وده الجديد- كانت رائعة، وكميتها كمان عجبتنا جدًا.

    نيجي بعد كده لسلاطة البطاطس، يا نهار على الحلاوة، على الرغم من بساطة مكوناتها إلا أنها كانت امتياز فى طبق، طعم البصل مع الليمون والكايبرز كان مزيج موفق، البطاطس مستوية كويس وعليها من فوق نعتقد بابريكا، الطبق ده تأكله وقت لما تكون نفسيتك متضايقة، أكيد هـ يحسنها كثير.

    السلامون اللى بـ يُقدم مع أرز بالسبانخ وبنجر (استبدلنا البنجر بالبروكلى) كان امتياز برضه، معاه صوص ليمون، السلامون كانت تسويته وطعمه ولونه ورائحته رائعة، عامة الأطباق هنا هـ تشم رائحتها قبل ما تدخل فمك، لكن اللى كانت نجمة الترابيزة الصراحة –ثاني برائحتها الأكثر من رائعة- المسقعة، طبقات من البطاطس والكوسة والباذنجان متخللها صوص لحمة مفرومة بالطماطم ومن فوق بشاميل مع جبن البارميزان، أول ما ذقنا أول قضمة وشمينا الرائحة، قفلنا عيوننا ورجعنا بالذاكرة لذكريات جميلة فى طفولتنا، الطبق ده رحلة فى سانتوريني شخصيًا وفى حياتنا كمان.. أكثر من رائع.

    بعد ما خلصنا أكل ومسحنا الأطباق -بمعنى الكلمة- طلبنا من الحلو حاجة اسمها غليكو بوكييس Glyko Boukies بـ (28 جنيه) ودي ببساطة بروفيترول، ومشروب أزرق عجبنا شكله فى المنيو اسمه بلو شوور Blue Shore بـ (23 جنيه) وده عبارة عن مستخلص قشر البرتقال، الحلو ما أخذش وقت، الجديد هنا أن البروفيترول من غير صوص شوكولاتة، عبارة عن العجينة الهشة الجميلة وجواها كريمة يشبه طعمها الكاسترد ومرشوش عليها سكر من فوق، أخف تحلية ممكن تختم بها قعدتك، كانت فكرة جديدة وخفيفة أننا نجربها من غير شوكولاتة، ومشروب البلو شوور برضه كان حلو أوى وكنا نتمنى أن ما يكونش فيه ثلج كثير وتكون كمية العصير أكثر.


    بعد تجربتنا فى سانتوريني، من الآخر إحنا بـ نرشح المكان ده لو عاوز تخرج خروجة حلوة مع حد عزيز عليك وتدفع فلوس فى أكل يستحق هـ يغذى حواسك، طاقم العمل هناك مهذب جدًا ومحترف، كمان المكان ده من الأماكن اللى لازم ترجع لها تجربها ثاني، يا إما تسافر سانتوريني شخصيًا
     
    جاري تحميل الصفحة...