لو بأروح على حسابي ٣ شهور تعلم لغة ،، ايش...

A

Aalaa Ahmad

:: مسافر ::
لو بأروح على حسابي ٣ شهور تعلم لغة ،، ايش رأيكم ؟؟ وايش أفضل ولاية ؟؟
((للمعلومية أنا غير مبتعثة ))
 
À

ÀĿĵÙmÅĺăŋ MŌĥĂmMĕď

:: مسافر ::
اختي
اول شي انتي حددي الي تبينه مثال : انتي تبين الجو بارد او حار تبين معهد اكاديمي او تجاري
 
A

Aalaa Ahmad

:: مسافر ::
شكرًا على الرد
باروح اجازة الصيف يعني يكون الجو حلووو ... وابغى ولاية رخيصة
 
A

Aalaa Ahmad

:: مسافر ::
ولكن كنت أبغى أعرف يعني كويس ٣ شهور عشان أتعلم لغة ؟؟
 
À

ÀĿĵÙmÅĺăŋ MŌĥĂmMĕď

:: مسافر ::
امم يا الاء
ابحثي عن معهد مدته 4 شهور < سمستر لان بعض المعاهد كوارتر شهرين
 
A

Almutairi Meshari

:: مسافر ::
انا اشوف من الأفضل انك تتعلمي بالسعودية الأساسيات لان الدراسه هنا الصفر ماراح تضيفلك شي كثير لكن لو كان معاك أساس بيكون أفضلك بكثير
حاولو انك تتعلمي من النت او معهد سعودي الين تعدي المرحلة الأولي
 
A

Almutairi Meshari

:: مسافر ::
دام كذا ممتاز
انا عني ارشحلك فيلادلفيا اولا شعب ماهو عنصري
المعيشه متوسطه
جنبك نيويورك تبعد ساعتين بالباص لو حبيتي تغيري جو
وواشنطن تحتك بأربع ساعات بالباص
المواصلات متوفره
ديره ماهي حاره جدا بصيف
في طلبه سعوديين كثير
يقدرون يفيدونك بأمورك حياتك او انك تبين تمشين امورك
عندك معهد اليوبن افضل معهد بولاية بنسلفانيا
ويكلف بحدود ٦ الاف دولار لسمستر اللي هو ٧ أسابيع
في عندك معهد خاص كابلان ويكلف بحدود ٢٠٠٠ دولار للشهر
خيارات لك كثيرة.
ثلاث شهور تسكنين مع عائلة ومع دراسة والاجتهاد ان شاءلله بتكون مفيدة لك كثير
وبتوفيق ان شاءلله
وأي استفسار عن مدينة فيلادلفيا انا موجود
 
A

Ahmad Al-Mutairi

:: مسافر ::
انا عندي لغه ورحت ثلاث شهور وما استفدت قضيتها سياحه
 
À

ÀĿĵÙmÅĺăŋ MŌĥĂmMĕď

:: مسافر ::
Sarah Soعلى حسب الشخص هل هو يبي يتعلم او لا
الفرق بين السعوديه وامريكا الشعب فقط اما الدارسة تقريبا تكون واحده
حتى هنا تطير اذا ما مارسة الشي يطييييير
انصح باخذ القليل من السعوديه
ثانيا الدراسة سمستر يعني اذا جيت تدرس لغة ابحث عن معاهد تدرس 4 اشهر شهرين
مدة قصيرة وراح تكون ضغط ع الشخص ولا راح يفهم الطلاب الي م عنده لغه
لانه مدة الفصل قصير جدا
 
A

Aalaa Ahmad

:: مسافر ::
راح نأخذها من الناحيتن ، تعلم ووناسة ،، ولكن ابغى اركز على اللغة أكثر ،،
إن شاء الله ربي ييسرها
و شكراً على الرد ،، والله ما قصرتم
 
A

Ahmad Alshuqiaqi

:: مسافر ::
بالنسبة لي اشوف ثلاثة شهور قليلة جداً جداً في انك تتعلمين لغة ..
 
K

Kimo Algosaiar

:: مسافر ::
انا اشوف اقل شي هنا ٦ شهور وهذي تعلمك شلون تتقني اللغه لو شديتي ع نفسك مره
انما ٣ شهور ما تسوي شي اسمعي من مجرب
 
A

Ali Al Jamaan

:: مسافر ::
ثلاثه شهور حلوه مع الاجتهاد والتمشيه وتفيدك اكثر اذا سكنتي مع عائله
 
S

Saleh Alsari

:: مسافر ::
٣ شهور قليل اذا بتختلطين مع عرب ، بس اذا بتختلطين مع امريكان بتكون مفيده جدا وتكسبين لغه انا لي ٣ شهور وجيت وصفر لغتي والان ماشاء الله بس لانك بنت فراح تكون صعبه لان اهم شي الممارسه وجوء الامريكان مره خايس بس نصيحه ادخلي معهد جامعه واسكني مع عايله وخلي المعهد يشوفون لك وحده تبي تتعلم عربي وتعلمك انقليزي او تبي تعلمك انقليزي لانها تدرس تاريخ الشرق الارسط او اي شي تحتاجه ، منها تتعلمين انقليزي وتعلمينها عربي وتساعدون بعض بلغه او تعلمك انقليزي وتبي منك بس تسولفين معها بتتعبين اول شهرين لكن الشهر الثالث يكون عندك الاسبيكنق كويس ومع التركيز ع دراستك السياحه جيتك ل امريكا سياحه ما يمديك تطفشين من الديره الي بتروحين لها عشان تفكرين بديره ثانيه
 
أعلى