السلام عليكم ورحمة الله وبركاته كل عام وانتم بخير وتقبل الله منا ومنكم...

A

Abdullah Alomari

:: مسافر ::

السلام عليكم ورحمة الله وبركاته

كل عام وانتم بخير وتقبل الله منا ومنكم صالح الأعمال وجعلنا جميعا من المقبولين...

بالنسبه لموضوع مصادقة الشهادات و المعادلة... وش الفرق بينهم... وهل اصلا فيه فرق؟ و أيضا وش الخطوات المهمه اللي المفروض نسويها بهالخصوص بعد التخرج وقبل إنهاء البعثة و الرجوع للوطن الحبيب؟ وكم يأخذ طلب إنهاء البعثه لحد ما ينتهي ويصرفوا التذاكر؟

شاكر لكم تفاعلكم سلفا...
 
A

Awadh Alhelaisi

:: مسافر ::
مصادقة الشهاده من المحلقيه تختم لك عليها. ترسلها بريد وترجع لك وهذي تسويها في بلد الابتعاث.
معادلة الشهاده من الوزاره اللي تعادلها لك بالمرحله اللي انت فيها ولها شروط خاصه تحصلها في موقعهم.
الخطوات اللي تسويها قبل تقفل الملف تاخذ مستحقاتك.
 
A

Abdullah Alomari

:: مسافر ::
تعلقنا بين الجامعة والملحقيه... الجامعه ما راح تسلم الوثيقه إلا بعد شهرين والملحقيه بهالطريقه ما راح تغلق الملف وتصرف لي التذاكر....
 
A

Awadh Alhelaisi

:: مسافر ::
صرف التذاكر ماله علاقه باقفال الملف
اصلا تقدر تسافر وتخلي ملفك مفتوح فتره
هذا الكلام ايام الترقيه موجوده مادري الان وش الوضع بس جرب اطلب التذاكر اذا عندك خطاب اكمال المرحله من الملحقيه
وشهاداتك خلها تنرسل لاي اح من اخوياك او توكله يستلمها من الجامعه وانت سافر وهو يصدقها عادي
وبعدين اطلب اقفال الملف واستلام حقوقك.
 
S

Sultan Mohammed

:: مسافر ::
المشكلة الملحقية تقفل الملف بعد ٥ ايام تقريبا من تاريخ التخرج. اتذكر وصلني إيميل يقول كذا
 
A

Awadh Alhelaisi

:: مسافر ::
اللي اعرفه يوقفون الصرف بس اقفال الملف عادي انت تقفله وياهذ عاده وقت لانه اهم ماعندهم انك ماتاخذ راتب.
بس يمكن الاوضاع تغيرت مع عزام الدخيل.
 
A

Abdullah Alomari

:: مسافر ::
لازم يكون عندي طلب انهاء بعثه عشان تذاكر التخرج ولازم احط رقمه في الطلب...
ولما اجي ابي اطلب إنهاء للبعثة... لازم يكون عندي رقم طلب الأطروحة.... وهذا الطلب جالس احوس مو لاقيه...
 
A

Abdullah Alomari

:: مسافر ::
الله يعين عليهم... من بكره عندهم إجازه عشر ايام... وراح يلطعونا فتره بعد ما يرجعون.. وعندي ارتباطات بالسعودية
 
A

Abdullah Alomari

:: مسافر ::
يا جماعه... احد يعرف شي عن موضوع طلب الأطروحة؟؟
 
A

Abdullah Alomari

:: مسافر ::
طيب يا شباب... وش الأفضل... استعجل في إنهاء البعيه واقفل الملف ولا لا.... وليش؟
 
M

Mosha Alharbi

:: مسافر ::
بخصوص المعادلة انا تخرجت من سنة وصحبتي استلمت شهادتي بعد تاريخ التخرج ب 6 شهور
وارسلتها للملحقية. وبعد البهدله دي الملحقية تقول النظام الجديد مايحتاج تختيم شهادة بس معادلة. هذا بايرلندا. الافضل تسال ملحقيتك.
 
M

Mosha Alharbi

:: مسافر ::
وبرضو بملحقية ايرلندا. طالما الملف مفتوح تنزل مكافئة. واي مكافئة تنزل لك بعد تاريخ التخرج تخصم من مكافئة التخرج وبدل نقل العفش.
 
أعلى