• لأن اعضاء المسافرون العرب هم القيمة الاكبر بالنسبة لنا فقد قررت ادارة الموقع وقف كافة الاعلانات لكل الاعضاء

كنت عند الطيار اللي بالرياض واعطوني هذا التعميمم من الملحقيه

S

SoSo Suliman

Original poster
السلام عليكم مبتعثين ومبتعثات كنت عند الطيار اللي بالرياض واعطوني هذا التعميمم من الملحقيه بخصوص استرجاع التذاكر
11226185_793526710744766_839037937029236231_n.jpg
 
A

Abdullah Al-Sawad

Original poster
لو يريحون بالهم ويصرفونها مبالغ مالية بدال التذاكر ...
 
F

Fawaz Altamimi

Original poster
ماهي من صالح الطالب صرف البدل لتذاكر! خاصه المبتعثين المتزوجين،، المشكله في نظام استحقاق التذاكر لا يناسب الخطة الدراسية بسبب اشتراطهم لتواجد المبتعث/المبتعثة مدة ٩ اشهر من يوم وصوله لدولة الابتعاث! مما يعارض شهر رمضان لدى الاغلبية وكذلك هناك استثنائات لبعض الحالات التي تجعل الطالب يمكث في بلدة الابتعاث لظروف دراسية او اجتماعية

لهذا اذا كان هناك اي تعديل سوف يكون من مصحلة الطالب ، فيجب عليهم النظر في آلية الإستحقاق وحالة المتقدم وظروفه قبل رفض الطلب او البت في استحقاقه!
 
A

Abdullah Al-Sawad

Original poster
بس مالهم حق يمنعون التعويض .. فيه طلاب مايناسبهم وقت الاستحقاق .. او يكون حصل له ظرف خلاه ينزل ع حسابه وبالتالي تجيه ظروف تجبره ع الجلوس او ظروف ماديه يحتاج فيه لمبلغ التعويض
 
F

Fawaz Altamimi

Original poster
صحيح أتفق معك ولكن هذه اللوائح التي تعارف عليها الجميع من بداية برنامج الابتعاث ، لهذا تغيره شبه مستحيل ولكن النظر في آلية الاستحقاق ليس بأمر مستحيل!

على سبيل المثال لدي سناريو بسيط لحالتين:

الاول: الطالب لن يعود للممكلة خلال السنه ٢٠١٥م يخيل لما يلي;

١- الحصول على فرصه للعوده للمملكة مرتين في السنه المقبله
٢- يسقط عنه شرط المدة المحدده ٩ اشهر ويحز وقت ما يناسبه
٣- يمنح تذكره مفتوحه داخليه في بلد الإبتعاث

الثاني: الطالب في خلال فترة ابتعاثة لم يستحق اي تذكره او استحق تذكره واحده

١- يعوض عنها في مكافئة نهاية البعثة
٢- تصرف له في سفره بحيث يرقي مسار الرحله للبزنس او الدرجة الأولى

المهم انه يمكن ان يستفيد من مخصصات التذاكر الخاصه به والتي تصرف بشكل سنوي لكل طالب
 
A

Abdullah Al-Sawad

Original poster
حلو التفكير وطرح الراي ... والله اني اشوف في شباب بلدنا قوة تفكير وابداع في طرح الاراء والافكار والحلول اللي ترتقي بالعمل في اي مجال .. لكن استغرب من محدودية تفكير بعض المسئولين للاسف ... انا ثقة تماما بان برنامج الملك عبدالله للابتعاث الخارجي سيخلق جيلا تواقا لايجاد الحلول المناسبة لجعل البلد افضل بكثير في المستقبل ،،،
 
M

Mohammed A Alsubaie

Original poster
فيه طريقه تقدرون تستفيدون من مبلغ التذكره بدون سفر
وسهله جدا
 
M

Mosha Alharbi

Original poster
انا الان طالعة استراليا. واجازة الصيف بعد 5 شهور باستراليا. وما اكون مستحقة للتذكرة. المرة الجاية الي اقدر انزل فيها ديسمبر 2016 موو منطقي نظامهم المعاق هذا.
أحد عندو طريقة اقدر اقدم فيها طلب التذكرة ؟
 
M

Mohammed A Alsubaie

Original poster
اخوي عبدالله ما فيه شيء سري وايضا ما فيه لعب ع المكشوف
 
H

Hassan Al-sultan

Original poster
نظام صرف التذاكر احسه نظام معقد وماشوف فيه استثناءات
ع سبيل المثال انا ماعندي صيفي الان واخر تذكرة طلبتها ف 15/08/2014
والتذكرة الي استحقها السنة راح تكون ع الشهر الجاي 15/07/2015
ف لو ابي اطلب تذكرة وانزل الان ما اقدر ،، والسبب ان التذكرة المستحقة الشهر الجاي
بكذا الاجازة خلصت ونا لسه جالس ولاشغل ولامشغله ف خيار صرف بدل تذاكر للي حاب كثير اشوفها احسن
يعطوك مبلغ وقدرة ونت تتصرف نفس اخواننا الكويتيين
بينزل او لا يعطوه بدل تذكرة
احنا خلاص تروح عليك
والشكوى لله
 
E

Emad Al-saeed

Original poster
حنا عندنا حرامية ما يرتاحوا حتى يسرقوا والدولة والشعب تحت مسمى العميل لا يعرف حقه فنأكله ونضيعه
اتمنئ ان يعلمونا اين تروح هالمبالغ لمفقودة فأين هي الرقابه او الجهات الرقابية
 
J

Jamaan AK

Original poster
تدرون لو فيه استرجاع لقيمة التذاكر الطيار هو المستفيد لأنه يخصم ٢٠٪ من قيمتها كرسوم ، يمكن وزارة التعليم رافضه التعويض لهذا السبب.
 
E

Emad Al-saeed

Original poster
ليس لهذا السبب وانما الحرامي الذي يريد ان يلعبها صح ويأخذ المبلغ كامل بدون اي خصم
 
H

Hassan Al-sultan

Original poster
طيب بما ان الموضوع عن تذاكر الطيران ف احد صادف نفس حالتي او لا

نهايه البعثه في ديسمبر نهايه السنه هذي ومقدر اطلب الا ذهاب فقط . والان طالب تعديل نهايه بعثه وراح اطلب عودة بس يتم تعديل الطلب فــ هل احد مر بنفس حالتي او لا

علماً اني اخبرت مسؤول التذاكر عن مشكلتي ورد علي : ارفع التذكرة من خلال نوع سنوية(ذهاب فقط) وفي حال الاستحقاق سيتم تعديل التذكرة الى ذهاب وعودة واصدارها.
 
J

Jamaan AK

Original poster
الحرامي اللي تقصده كيف ممكن يلعبها صح ويأخذ المبلغ سواء كامل أو جزء منه !
 

Similar threads

Similar threads