هام جداجدا للمسافرين علي الطيران القطري :...

H

Haytham Sleem

عضو

هام جداجدا للمسافرين علي الطيران القطري :

تحديث:

ايه السيناريوهات المتوقعة و الحلول :

اللي مسافر في مده اقل من شهر لاي مكان يلغي الحجز فورا ويعمل طلب الاسترداد .

اللي مسافر في مدة اكتر من شهر يستني اسبوع لغاية ما توضح الرؤية. ( علي امل اعادة العلاقات الدبلوماسية وده احتمال صعب علي المدي القريب ). بس حصل قبل كده .

اللي حاجز بكريدت كارد للأسف عملية الاسترداد حتكون اطول من اللي دافع كاش لان المبلغ بيرجع في نفس البطاقة المدفوع بيها للاسف. المدة ممكن توصل ل ٢٥ يوم.

اي شخص عنده خطط سفر لا يمكن تأجيلها ( علاج. شهر عسل . تعليم ) يبدأ فورا بالبحث عن تذاكر مع شركة تانية بدون إنتظار استرداد المبلغ المدفوع مع القطرية.

المتوقع .حدوث زيادة كبيرة جدا في أسعار التذاكر الفترة الجاية.

ايه الحل لو عايز اسافر من والي قطر :

وده السؤال الاهم النهاردة المصريين العاملين هناك.

السفر حيكون اجباري عن طريق طيران زي الطيران الكويتي او العماني أو الاردني.

مش واضح لسه حيسمح للشركات دي بالسفر لقطر ولا لأ.
يعني لو حاجز من القاهرة علي الاردنية ترانزيت عمان.

حيتم السماح اساسا بإعلان الوجهة النهائية قطر؟ الله اعلم

لو مسمحوش لازم تكون الرحلة

القاهرة .عمان
عمان.الدوحة
تذكرتين منفصلين! !

انصح ببدا الحجز فورا لتجنب ارتفاع الاسعار المتوقع.

...

قرار قطع العلاقات مع قطر ، أكيد حيأثر علي الطيران القطري
بشكل مباشر. القرار حيكون حصار جوي وبحري وبري .!

أعتقد ان القرار ده حيكون نهاية الشركة . لان اغلب عملياتها بينطلق من الخليج ومصر مرورا بالدوحة كمحطة ترانزيت.

أي حد حاجز مع الشركة من مصر الامارات أو السعودية او البحرين يتواصل معاهم فورا لمعرفة الموقف.واسترجاع قيمة التذاكر. في حال تاكيد الغاء الرحلات من الدول المذكورة.
qE0nyxme6KOjvJVlJ08fdndBY0zV2QLy.jpeg

qE0nyxme6KOjvJVlJ08fdndBY0zV2QLy.jpeg
 

ا

الخليفة عبدالله

عضو
بفعل القرار جه بمنع اي تواصل منه قطر والأكثر السعودية قطعت كل حاجه لدرجه مقطعه المنتخب السعودي ب بن سبورت والأندية فسخت التعاقد مع شركات قطرية
 
I

Israa Atef இ

عضو
صاحبتي مضيفه في مصر للطيران قالتلي ان مفيش رحلات لقطر او حتي ترانزيت
 
م

مصطفى محمود

عضو
طيب أنا في قطر حاليا وحاجز عودة لمصر
إيه اللي ممكن يتم !
 
A

Ahmed Sabra

عضو
يا جماعه هي المشكله في الغاء الحجز انت عارفين عشان تحجزوا تذكره تانيه دلوقتي الاسعار بقت قد ايه
 
K

Khaled Ahmed Fathy

عضو
لا الله الأمر من قبل و من بعد .. احنا مش عارفين الوضع هيكون ايه .. احنا مش عارفين هنسافر ازاي .. بقينا مش عارفين
 
H

Hajar Ahmed Sultan

عضو
القطريه تقريبا لغت كل الرحلات عشان مش مستعدين ينزلو رحله اللي فيها يتمنعو من الدخول ويتزنقو هما مش عارفين يعملو ايه، ده للبحرين لحد الان
 
R

RaNa Elkady

عضو
Ma skyscanner لسة فيه رحلات للدوحة من القاهرة على القطرية
 

المواضيع المشابهة


أعلى