اهلا بيكم فى سلطنة بروناي: سلطنة بروناي دي...

Y

Yousef ELmasry

:: الكاتب ::

اهلا بيكم فى سلطنة بروناي:

سلطنة بروناي دي عبارة عن جزء صغير اوى من جزيرة اسمها بورنيو و حواليها ماليزيا من كل ناحية الا البحر خاص ببروناي

عملتها اسمها دولار بروناي و هي نفس قيمة عملة سنغافورة حوالى ١٣ جنيه مصري

اسم الدولة بروناي دار السلام و بيحكمها السلطان الاغنى فى العالم حسن البلقية الى عامل قصور من دهب و املاكه فى بلاد العالم لا تعد ولا تحصى و بالصدفة النهاردة عيد ميلاده و المحلات و المصالح كلها بتقفل اجباري و الزينة مالية الشوارع

عاصمتها اسمها بندر سري بيجاوان و دي المدينة الى انا عايش فيها حاليا
هنا الجو غريب جدا
حر و مطر طول اليوم.. ميعروفش حاجة اسمها تراب.. نباتات و غابات فى كل مكان
المكان المتواجد فيه القرود بتمشي فى الشارع عادي جدا زي الكلاب و القطط عندنا فى مصر
مستوى المعيشة مرتفع جدا .. لدرجة تلاقي الواحد شغال عامل نظافة مثلا و راكب عربية فخمة جدا
و دة لأنه مفيش ضرايب على الحاجات دي هنا فسعر العربيات و اللبس بالذات رخيص جدا

الدولة هنا بتحكم بالشريعة الاسلامية و مفهاش اى نوع من الجرائم غير مشاكل الزواج و الطلاق و الميراث و كدة

المساجد هنا بجد عبارة عن متاحق...تحف معمارية رهيبة مشوفتش زيها فى حياتي و تحببك فى الصلاة فى المسجد من فخامة البنيان و التجهيزات

كل يوم خميس بين المكغرب و العشا يقرؤا

الدولة بتعتمد بالكامل فى دخلها على البترول و الغاز الطبعي و لكن حاليا المخزون الاستراتيجي بتاعها ابتدا استخدامه و بدا يقل فبقى في ركود اقتصادي

طب هل فى فرصة شغل للمصريين هنا و رواتب كويسة ولا ضعيفة؟؟

انا المصري رقم ١٧ فى بروناي و إجابة السؤال دة هنعرفها

و لكن بعد الفااااااااصل (بصوت مدحت شلبي)
#بروناي
 

المواضيع المتشابهة

N

Nana Mohamed

:: الكاتب ::
طيب ايه السبب انها دولة غنية كده ؟ اقتصادها قايم على ايه ؟
 
S

Sohair Nour

:: الكاتب ::
فعلا كنا عايزين نعرفها، معلوماتنا مش عنها كتير
 
L

Lamiaa Abdullah

:: الكاتب ::
كنت اتفرجت علي فيديو فرح ابن ملك بروناي.كان حاجة فشيخة كدة
 
A

Ahmed Haleem

:: الكاتب ::
ابقا نزل لينك بوست التكملة في الكوننتات واقفلها بعد ما تنزلة
 
E

Eman Mohamed

:: الكاتب ::
طيب هل في دراسة للطب هناك لو حبيت ابعت ابني للسفر من أجل التعليم
 

الأعضاء النشطين حاليآ الذين يشاهدون هذا الموضوع 1 ( 0 عضو و 1 ضيف )