الموضوع ده فقط للناس اللي معاهم جنسيات اجنبية...

[Samy Moustafa]

الموضوع ده فقط للناس اللي معاهم جنسيات اجنبية مع المصرية.. بعد اذنكم يا جماعة اللي يرد يكون بيرد من خلال تجربة شخصية مش اجتهادات او يكون على دراية تامة بالقوانين.
* امتى وانتوا خارجين من مصر اتطلب منكم اثبات شخصية او جواز مصري؟
* هل حد منكم جرب السفر لبلد محتاجة تصريح امني..وايه اللي تم في المطار اثناء الخروج من مصر؟
* في حالة انك مستخرج جواز سفر اجنبي جديد من السفارة لم يستخدم ومفيش عليه اختام...هل بيسمح بالسفر بيه من مصر؟
* هل بيتم ختم جواز سفرك في بلدك التاني (الاجنبي) ولا لا؟
انا شخصيا سافرت كتير لأماكن مختلفة ومعرفتش اجاوب على الاسئلة دي لأن في كل مرة اثناء الخروج من مصر اللي بيتطلب بيكون مختلف عن المرة اللي قبلها

 

[Mohamed Ghazi]

لو انت دخلت مصر بالمصري، لازم تخرج بالمصري...لو دخلت بالباسبور الاجنبي، تخرج بيه.
لو جواز اجنبي لسة ابيض وانت مدخلتش بيه مصر، مينفعش تخرج بيه.
بتختم خروج ف مصر بالباسبور المصري، ولما توصل بلدك التانية بتختم دخول بباسبورك التاني.

 

[Sara Ghanem]

بيطلب اثبات للباسبور المصري لو التاشيرة بتاعة دخول مصر علي الباسبور الاجنبي انتهت
لا مينفعش تطلع بالباسبور اجنبي طالما ما دخلتش بيه فبتطلع بالمصري

 

[Heba Taha]

اهم نقطة الجواز اللي تدخل بيه لازم تخرج بيه.. ولو دخلت بالاجنبي توريهم المصري بس عشان ما يطلبوش فيزا
ممكن يطلب منك المصري وانت خارج عشان مفيش إقامة على الاجنبي

 

[Samy Moustafa]

شكرا يا جماعة على الردود ...بس يا ترى كل الردود من اصحاب جنسيات اخرى وبناءا على تجارب فعلية؟ لأني فيه بعض الردود مش سليمة وخصوصا حتة الباسبور اللي دخلت بيه لازم تخرج بيه ...مليون مرة ادخل بالجواز المصري واخرج بالاجنبي...المهم عندهم ان الاجنبي يكون عليه اختام دخول وخروج وخلاص

 

[Ahmed Samir]

المدام معاها جنسيتين، زمان كانت بتسافر بسبور بلدها و بيشوفوا الرقم القومي بس.. النظام اتغير من ٣ سنين و بقى لازم يكون معاها الباسبور المصري عشان تسافر من هنا

 

[Fadi Elbaz]

مش مهم تدخل بجواز و تخرج بالتاني، المهم يكون معاك الجواز اللي عليه ختم الدخول حتي لو مش هاتخرج به. و الاقامه مش مهمه علي الباسبور الاجنبي، وجود البطاقه المصري معاك سواء في الدخول او الخروج كافي جدا. التصريح الامني مش مطلوب لو خارج بالحواز الاجنبي، و عامه مش بيسألوا عليه لو انت خارج بالجواز المصري و باسبورك مختوم من دول كتير. بمعني اخر بتسافر كتير او عندك تاريخ سفر.

 

[Sharif Katcho]

انا بنتي مش مصريه بس و هي داخله مصر بالباسبور الأجنبي بتاخد زي فيزا مفتوحه بصوره البطاقه بتاعتي و هي خارجه محدش بيكلمها ، اخر مره بقالها اكتر من سنه و لسه هناك مارجعتش لسه

 

[Islam El Mantawi]

عن تجربه
تدخل باي باسبور و تطلع باي باسبور مفيش اي فرق - لو بس داخل او خارج بالأجنبي بيسأل علي الباسبور المصري علشان يعديه علي الكومبيوتر عنده - الظابط بيختم علي الباسبور اللي يعجبك - خليك بس مؤدب و ذوق و مبتسم.
دخول البلد التانيه ملوش دعوه بختم الخروج من بلدك - دلوقتي اكثر بلاد العالم بتستخدم بوابه إليكترونية يعني مفيش ختم اساسا علي الباسبور - محدش بيبص علي الأختام غير في مصر بس.
معنديش اجابه عن موضوع التصريح الأمني لاني باسافر من الامارات.
انا باسبوري مصري
زوجتي و أولادي الاثنين باسبور أمريكي.

 

[Omar Abdalla]

استاذ سامي انا ليا صديق دخل بالجواز الحنوب افريقي لمصر و جوازه انتهي وحب يطلع بالبريطاني عملوله قصه طويله جدا وقالوله الجواز اللي دخلت بيه تخرج بيه وبعد زعيق وحوارات ختومله علي البريطاني .اما تجربتي الشخصيه انا بطلع من بلدي الاجنبي بالبسبور الاجنبي و بدخل مصر بالمصري وبخرج من مصر بالمصري و بدخل بلدي الاجنبي ببسبوري الاجنبي .بنتي مفيش معاها بسبور مصري لكن بتدخل مصر بالاجنبي وبتطلع شهاده الميلاد المصريه في المطار وبتختم دخول لمصر علي البسبور الاجنبي

 

[Amal Haab]

ايوه لما تخرج بالمصرى بتظهر الاجنبى بدل الفيزا ولما بتدخل اى بلد بره مصر بتدخل بالاجنبى ولتدخل مصر بالمصرى يعنى الخروج والدخول من مصر بالمصرى والإختام على المصرى اما اذا دخلت بالاجنبى فلازم تروح الجوازات ولو طلعت صوره بطاقه معاه فده بيديك ختم دخول لمده 6 اشهر من أصل مصرى فعلى ايه التعب ادخل بالمصرى وأخرج بيه

 

[Ayed Yasser]

موضوع مهم فعلا

 

[Samy Moustafa]

شكرا للجميع على الردود المفيدة.....جميع الردود اكدتلي اللخبطة اللي دايما بشوفها يعني مفيش قاعدة ثابتة...
لما بسافر..دايما بسافر بالاجنبي ودايما الظابط بيختم على الاجنبي....ماعدا مرة او مرتين رفض اني اسافر بالاجنبي علشان كنت لسه مطلع جواز السفر الجديد من السفارة ومفيش عليه اختام... وفي كل المرات اللي كنت بطلع فيها من مصر بالاجنبي كان بيطلب يشوف البطاقة المصرية لأنه بيبص على اخر ختم دخول بالاجنبي ولما بيلاقيه معدي 6 شهور بيسأل عن الاقامة في مصر....بالنسبة لدخول مصر...في جميع المرات بلا استثناء كنت بدخل بالاجنبي .. دايما اللخبطة واختلاف الاراء بتبقى عند الخروج...علشان كده دايما نبقى مجهزين جواز السفر المصري معانا حتى لو مبنستخدمهوش خالص...خليه معاك احتياطي في جيبك.
بالنسبة لموضوع التصريح الامني محدش جاوب عليه..واعتقد انه لو طلب اثناء الخروج من مصر الخروج بالجواز المصري يبقى حيطلب تصريح امني ودي طبعا حاجة رخمة...لكن لو خرجت بالاجنبي مش من حقه يسأل على تصريح امني...ده مجرد تخمين.... بالنسبة لموضوع الاختام دول كتير حاليا بتختم على الجوازات وبتستخدم البار كود في نفس الوقت ... وفيه دول مش بتختم وخصوصا لو انت مسافر بلدك الاجنبي لأنك كمواطن بيحاولو يوفرو عليك عناء الوقوف في طوابير الدخول... ده فعليا بيحصل معايا.... واعتقد فيه دول خلاص بطلت تستخدم الاختام وبتشتغل بالباركود بس.
لو حد عرف حاجة عن موضوع التصريح الامني اثناء الخروج بجواز اجنبي ياريت يبلغنا..
وشكرا للجميع

 

[Samy Moustafa]

سؤال تاني بعد ردود حضراتكم المفيدة .... دلوقتي لو عايز تسافر بلد محتاجة تصريح امني بجواز سفر اجنبي ... ومدة اقامتك في مصر تجاوزت 6 شهور ...يعني وقت الخروج حتى لو حتخرج بالاجنبي لازم حيسألك اذا كنت من اصل مصري او لا ..... ازاي تقدر تطلع تصريح سفر من مجمع التحرير علما بأن شرط من شروط استخراج التصاريح الأمنية وجود تأشيرة على الجواز المصري للبلد المطلوب استخراج تصريح امني ليها ..... ازاي تتعمل دي لأن طبعا الجواز الاجنبي بيدخلني اي بلد انا عايز اروحها من غير تأشيرة ... واكيد مش حروح اطلع فيزا على الجواز المصري اللي انا اساسا مبستخدموش في دخول اي بلد اجنبية...تتعمل ازاي دي وهل في حد جربها ؟ هل ممكن يطلع التصريح الامني لو عرف ان جنسيتك التانية تدخل البلد دي من غير تأشيرة ؟

 

[Azuz Salama A. Saleh]

تجربتى: خروج و دخول بالاجنبى مع بطاقة الرقم القومى لاثبات الجنسية المصرية. خروج من الدولة الأجنبية اتسالت مرة ازاى هدخل مصر لرفض ماكينة إلكترونية لل checkout الباسبور الأجنبى. وريتهم اثباتات باللغة العربية ووافقوا. انا مش معايا باسبور مصرى. ختم اول دخول لمصر على الباسبور الأجنبى وفيزا ٣ شهور فى مصر ده اللى مكتوب على النت من وزارة الداخلية. و بعد كدة المفروض اجدد الفيزا. بس انا عملتها مرة و بعد كدة ببطاقة الرقم القومى.

 

[afadly]

هل من حق ضابط الجوازات اصلاً انه يسأل أذا كنت مصرى ام لا عند الخروج بالجواز الأجنبى؟

 

[Hoss]

لو سمحت ينفع اخرج من مصر بجواز سفر اجنبى بس جديد من السفاره معلهوش اختام بس معايا الباسبور القديم معاه ختم خروج ودخول للعلم انى ماعيش جواز سفر مصرى