مساء الخير عليكم هند ادمن الحروب كانت طلبت...

M

Mariana A. Hassaballa

عضو
#1

مساء الخير عليكم
هند ادمن الحروب كانت طلبت مني احكي عن موقف حصل معايا في مطار هولندا اه هو من ٤ سنين بس هي قالتلي لازم تكتبيه عشان الناس اللي بتقاوح ان لازم الدخول الاول للبلد اللي صادر منها الفيزا الشنجن
ومش معني ان كام حاله فرديه بتعدي لكن احنا معدناش بسهوله وكانت هتحصل مشكله كبيره لولا ان الظابط عمل سيرش علي الكلام اللي قولناه ووجد انه تقريبا صحيح مع طبعا الثقه في النفس وانت بتتكلم معاه
في سنه ٢٠١٣ اخنا قدمن فيزا اسبانيا وكنا تقريبا ١٠ افراد بس كل كابل قدم لوحده وكتا عاملين خطه للسفر سوا المهم في ناس اتقبلت مننا وانا وجوزي كنا منهم وناس اترفضت ودخلنا ساعتها اسبانيا لان انا كنت اخداها قبل كده وكنت اخده هولندا وخوفت الحقيقه ادخل هولندا تاني اترفض لان وقتها اسبانيا كانت اسهل
المهم بعد ما الخطه باظت قررنا انا وجوزي نسافر هولندا لواحد صاحبنا حجزنا وسافرنا في المطار في الجوازات الظابط وقفنا قالنا انتوا جايين هولندا ليه ومعاكم فيزا اسبانيا؟؟؟؟؟قولتله كله شنجن قال لا طبعا انتي كده مش بتحترمي البلد اللي انتي اخده الفيزا منها وانا مقدرش كمان محترمش دوله داخل منطقه الشنجن وادخلك البلد دي انتي لازم تسافري اسبانيا.....طبعا قولنا بس كده هنترحل
قولتله طيب انا هحكيلك اللي حصل وليه جينا هولندا وماروحناش اسبانيا ....حكيتله القصه اننا قدمنا واترفض مننا مجموعه وساعتها طلب مني اقول اسماء الناس اللي كانت مقدمه واترفضت وكل ده وهو بيكتب علي الكومبيوتر قدامه ....سكت وبعدين دخل بيتكلم تقريبا مع رئيسه وبما اني مفهمش هولندي كان قلبي هيقع ....حكيتله قصه خياليه طبعا وانا حاطه ايدي علي قلبي قولتله احنا هنروح اسبانيا فعلا مع واحد صاحبنا هنا في هولندا اتفقنا معاه اننا نيجي هولندا ونروح نتفسح سوا ...طبعا طلب مني حجز الفندق قولتله لا هو عنده ستديو هناك بتاع واحد صحبه هيستقبلنا فيه طيب حجز التنقلات قولتله هو اللي هيرتب كل شئ اول ما نوصل وفي خلال الكلام ده هو بيكتب علي الكومبيوتر انا طبعا جري اتصلت بصاحبنا وقولتله انا قولت كذا عشان يقول زيي عشان مانطلعش كدابين ويرجعونا ...الظابط قالي هاتي رقم تليفونه ادتهوله وفعلا اتصل بيه وقاله تعالي ادخل الجوازات ...في الوقت اللي احنا منتظرينه كان في واحد ياباني او صيني واقف شيكوا علي حجز الفندق بتاعه مالقهوش confirmed رجعوه واتنين تانين معرفش جنسيتهم كانوا جايين شعر عسل رجعوهم برضه معرفش ليه
دخل صاحبنا وسألوه عن باسبوره الهولندي ادهولهم وسألوه اذا كان مقتدر انه يستقبلنا الفتره كلها قالهم اه طبعا ماسكتوش اخدوا منه الفيز بتاعته بتاعت البنك ودخلوها علي السيستم عشان يتأكدوا انه مقتدر ولما اتأكدوا ان كله تمام وان قصتنا واحده اننا جايين نتفسح وهنروح اسبانيا ونرجع علي هولندا ونسافر منها دخلنا وقالنا لازم تسافروا اسبانيا بعد مش اكتر من ٤٨ ساعه طبعا احنا لا سافرنا ولا اي حاجه ....بعد ٣ ساعات من العناء دخلنا الحمد لله
اسفه البوست مطول لكن انا حبيت اكتب تحربتي في مطار schiphol netherlands عشان بس اقولكم ان ممكن تتفتش عادي ويشوفوا ان الفيزا مش بتاعت البلد يرحلوك او ممكن تعدي عادي بس وقتها هتبقي حظ الكلام ده من ٤ سنين لما كانت الدنيا اهدي تخيلوا دلوقت الدنيا بقت اصعب
دمتم مسافرين
 

J

Jan Makram

عضو
#2
طب ليه بعد 48 ساعة؟ ولما ماروحتوش اسبانيا هل فيه أي ضرر لو حبيتوا تروحوا تاني؟ سواء هولاندا أو اسبانيا؟
 
I

Ivan Enrique Gomez Castro

عضو
#6
حيخش واحد يقولك انا بقالي مية سفرية بخش من بلد تانية ومحدش كلمني
 
T

Taher Derbala

عضو
#8
والله تعبت من كتر ما قولت اللي ياخد فيزا بلد يدخل منها الأول ماحدش بيقتنع
 
H

Hend Salem

عضو
#9
انا كان معايا سورى جاى من القاهرة لميونخ ... هو كان معاه اقامة هولندى ... فيما يبدو انه لاجئ او شئ لان الظابط برضو وقفه فى مطار ميونخ و رفض يدخله ... كان جاى يزور بنته المتزوجة و المقيمة فى المانيا ... و بعدين هيروح هولندا
الوقت اللى وصلنا فيه كان مافيش طيارات كتير و الجوازات فاضية ... و غالبية الناس اللى معانا كانوا ترانزيت ميونخ ... و بالتالى ماكانش فيه غيرنا فى الجوازات ... انا خلصت و الراجل كان مش بيتكلم انجليزى ... و بالتالى مش عارفين يتفاهموا معاه ... و ندهولى عشان اترجم مابينهم و اشرح لهم انه جاى يزور بنته و يشوف حفيده المولود و يسافر بعدها هولندا ... ترجمت و خرجت و ماعرفش سمحوا له بالدخول و لا لأ ... تانى ... معاه اقامة ... مش فيزا سياحة
 
G

Gabi Mounir

عضو
#10
عندي سؤال لصاحبة البوست، هل شكل الشنط اللي معاكوا كانت كتيرة؟
أنا بأسأل لأني المرة اللي رحت فيها أوروبا كانت مارس 2013 وما حدش سألني على حاجة تقريباً غير بس وأنا خارج من الطيارة واحدة شرطية سألني رايح فين وقلت لا على اسم المدينة، كان معايا شنطة مش كبيرة
 
F

Faried Mohamed Ayad

عضو
#11
الحقيقة انا مش عارف الموضوع ده حصل ليه .. مطار أمستردام من أسهل المطارات اللي إتحركت منها أو ليها وأشيك الناس في التعامل و لطاف جداً يمكن اللي حصل مع حضرتك موقف فردي مش أكتر .
 
A

Ahmed Aly

عضو
#12
الموقف ده نادر و فردى و مش مقياس.
لو كنتم رايحين اسبانيا و معاكم اى حجز هناك كان الموضوع هينتهى بسهولة.
 
M

Mariana A. Hassaballa

عضو
#13
والله ده اللي حصل سواء شككتوا فيه او موقف فردي او خلافه انا كتبت بوست تنبيهي اللي حابب ياخد باله ويمشي في السليم براحته واللي حابب يدخل باي فيزا شنجن اي بلد تاني براحته برضه ....سواء كان مطار امستردام اسهل اشيك احسن اغرب اي حاجه من دول فده اللي حصل فعلا باللغه العربيه حدث بالفعل
 
A

Ahmed Hassanen

عضو
#14
مرتين اخد الفيزا من المانيا وادخل من هولندا وخدش في ايد ظابط الجوازات 10 ثواني عشان يختم جاي ليه انا مسافر المانيا عندي شغل طيب شكرا ...والله بس كدة بس لزوم الامانة بعت ايمليين واحد لسفارة المانيا و واحد لهولندا وسالتهم في مشكلة لو دخلت من هولندا لان مفيش طيران دايركت علي البلد الي انا رايحها ...المانيا ردت قالتلي روح عادي وهولندا برضه قالت روح عادي بس لو الظابط سالك وريله حجز الفندق او تذكرة القطر
 
H

Hazem Mohamed Zaki

عضو
#15
اللي اعرفه و انا اخدت شينجن ٥ مرات انك يا اما تدخل البلد اللي اخدت منها الفيزا او بلد تانيه بس تثبت انك هتقعد فيها فتره اطول
مثلا اخدت الشينجن من اسبانيا بس هتقعد في اسبانيا يومين و المانيا ٥ ايام
كده ممكن تطلع علي المانيا علطول
 
H

Hazem Mohamed Zaki

عضو
#16
نصيحه يا جماعه انا باحب السفر جدا و سافرت كتير.
كبروا دماغكم من اوروبا الكام سنه دول
الاوروبيين مذعورين من قصص اللجوء و التأشيرات بقت سخيفه
انا باقول الكلام ده بالذات للي اخد شينجن قليل او ما خدهاش خالص
اللي يقدر يقدم في امريكا
مش هتصدقوا امريكا و في عهد ترامب فيزتها ممكن تكون اسهل من الشينجن دلوقتي
و فيه بلاد منتهي الروعه بتدخل المصريين بدون فيزا زي ماليزيا و اندونيسيا و هونج كونج وكوريا الجنوبيه
 
C

C Mustafa Helal

عضو
#17
كلامك صحيح مليون في الميه
الحالة الوحيدة اللي بيعدوا فيها ان يكون الدخول ترنزيت وبيتم الختم دخول لان اغلب رحلات الداخلية من مطار مختلف فبيضطر يختم
بس لو اخر محطة في التذكرة غير دولة الفيزا بيرخموا جدا
وبرضوا مطارات و مطارات
 
S

Sam Salah

عضو
#18
طبعا الكومينت ده بكتبه للمره ال ١٠٠ تقريبا ^^ .. قانون فيزا الشنجن وأضح ومفيش حاجه فيه اسمها ( لازم ) تدخل البلد ال اصدرتلك الفيزا الاول .. مفيش حاجه كده خالص وشرط الاقامه فى الفيزا واضح ومش محتاج جدال .. حضرتك لو معاكى فيزا مثلا من اسبانيا وعايزه تدخلى هولندا مثلا الاول لازم يكون معاكى ما يثبت انك حتزورى اسبانيا بعد زيارتك لهولندا وان اسبانيا هى ال حتكون ال main destination فى رحلتك بعنى الدوله ال حتقيم فيها اكتر عدد ايّام فى. رحلتك غير كده ظابط الحوارات من حقه يرفض دخولك لأنك خالفتى شروط الافامه فى الفيزا وحضرتك كنتى رايح اصلا هولندا ومفيش معاكى ما يثبت ان اسبانيا هى ال Main destination فى رحلتك فشىء طبيعى .. واى حد عموما رجع سواء فى ألمانيا او فى اى دوله شنجن تانيه وكان رايح بفيزا شنجن من دوله تانيه بسبب انه كان مفيش معاه ما يثبت انه حيزور الدوله ال أصدرتله الفيزا وأنها حتكون الدوله ال حيقضى فيها اكتر عدد ايامً فى رحلته و ألمانيا اكتر دوله ناس بترجع منها لانها اكتر دوله بطبق قانون الفيزا بحذافيره ولو مخالف لشرط الاقامه فى الفيزا حترجع بنسبه ٩٩ ٪‏ .
 
M

Mariana A. Hassaballa

عضو
#19
انا مابقولش حضرتك لازم ...انا بوجهه كلامي للناس مثلا اللي معاها فيزا بلد وعايزه تروح بلد تاني ....وحضرتك يعني انا اقدم في المطار حجز فندقي في اسبانيا بمده طويله يبقي كده هعدي ....يعني هو مش عارف ان ممكن يكون الحجز fake .....وبعدين لو انا في حالتي وعندي اصحاب في اسبانيا وهولندا حضرتك احجز فندق كونفيرميد في اسبانيا وانا رايحه اقعد عند صحابي
 
A

Adel Taha

عضو
#20
علي فكرة هي مش مقاوحة عن جهل دا خوف علي الناس اللي ممكن ماتستحملش البهدلة في المطارات. ولمعلوماتك في منشور رسمي من غرفة شركات السياحة طلع بالكلام ده صريح من فترة قصيرة وهما طلعوه بناءا علي تنويهات جاتلهم من كذا قنصلية برا. وفي الآخر انت حر تاخد المجازفة وتتحمل احنا مش هنكسب حاجة من انك تعدي او ترجع