تقرير مصور البوسنة والهرسك المسافرون العرب

سامح

أدارة المنتدي
طاقم الإدارة
إنضم
8 يناير 2011
المشاركات
489
مستوى التفاعل
147
النقاط
205
الإقامة
جدة
الموقع الالكتروني
www.arabtravelers.com

عاصمتها سراييفو
العملة مارك
1 يورو يساوى 2 مارك
البوسنة تبع دول البلقان وبتتقسم جزئين
الشمالى وهو البوسنة وأهم مدينة فيه هى العاصمة سراييفو
الجنوبي وهو الهرسك وأهم مدينة فيه هى موستار
كود مطار سراييفو SJJ
السياحة فى البوسنة تعتبر كلها طبيعة وبيقولوا عليها الطبيعة العذراء لأن كلها زى ما ربنا خلقها مفيش فيها تدخلات بشرية كتير زى سويسرا مثلا
الشعب البوسنى طيب ومسالم جدا 50% مسلمين و50% مسيحيين (كاثوليك وارثوزوكس)
فى البوسنة الاسعار تعتبر رخيصة جدا مقارنة بأوروبا وتركيا سواء فى اسعار الفنادق أو المطاعم أو الشوبينج
الأكل هناك ياجماعة جميل بطريقة لا يتخيلها شخص في حياته وخاصة اللحوم لأن فيها مراعى طبيعية وتعتبر الوجبة الاساسية هناك هى الكباب ومحلات الكباب منتشرة فى كل مكان هناك وخاصة المدينة القديمة (باشارشيا)
التأشيرة
لو انت فى مصر ادامك طريقتين
الاولى تاخد تاشيرة شنجن وبيها تدخل البوسنة من اى دولة اوروبية (طيران او برى) اقامة لمدة 15 يوم
التانية تاخد تأشيرة للبوسنة وفى الحالة دى لازم دعوة مش شخص مقيم فى البوسنة
لو انت مقيم فى دولة خليجية تقدر تقدم فى السفارة على تاشيرة سياحة بتجيب خطاب تعريف من العمل وكشف حساب بنكي وأصل دعوة من فندق خلال فترة اقامتك فيها وحجز الطيران وبنسبة كبيرة بتقبل
الطيران الدولي
تعتبر الخطوط التركية هي الافضل للسفر للبوسنة والرحلة من القاهرة لاسطنبول حوالي ساعة ونص ومن اسطنبول إلى سراييفو ساعة وربع
وفي طيران تركي اسمه بيجاسوس Pegasus بيطلع من شرم الشيخ والغردقة بيكون ترانزيت اسطنبول مطار صبيحة وللعلم فى بعض الاحيان بيكون الخطوط التركية ارخص
أنا كنت مسافر على بيجاسوس من البحرين
أهم المدن السياحية
سراييفو هي العاصمة بتتقسم جزئين
الجزء الأول المدينة القديمة (بارشاشيا)
ودى تعتبر قلب سراييفو وهى عبارة عن منطقة مشاه وكلها محلات تجارية بتبيع الهدايا وأكتر حاجة هتلفت نظرك هناك هى بقايا الاسلحة اللى كانت مستخدمة فى الحرب خدوها وعملوا منها انتيكات .. وفيها كافيهات ومطاعم ومقاهي وطبعا في مدخلها سبيل الماء الصورة المشهورة جدا عن سراييفو ومنطقة بارشاشيا فيها خليط من الطراز العثمانى والطراز النمساوى وعلى فكره المكان ده اللى تم فيه اغتيال ولي عهد النمسا وقامة بسببه الحرب العالمية
الجزء التاني منطقة إليجا
وهى منطقة تعتبر حديثه وفيها منتزهات وحدايق وأهم حاجة فيها منطقة vrelo ودى منطقة منبع نهر البوسنة من اروع الاماكن اللى لازم تشوفوها فى سراييفو
وفي بعض المبانى اللى كانت ادارية واتحولت حاليا إلى فنادق زى فندق استريا
التنقلات في سراييفو بالترام بس هو قديم شويتين والتاكسي وعلى فكره التاكسي هناك مش غالى لكن الصعوبة هناك بصفة عامة هى التعامل مع الاشخاص لأن قليل اوى اللى بيعرف انجليزي
للشوبينج في مول BBi , Sarajevo city center , Alta
الاماكن السياحية فى سراييفو
جبال ياهورينا وجبل ترافافيتش يفضل تطلع المنطقة دى بسيارة خاصة وهى منطقة جبلية منها بتشوف كل سراييفو وفيها ثلوج وكافيهات وطبعا اللى بيحب التزلج والثوج هيتبسط فيها جداا
محمية بينباري دى محمية فيها طيور ونباتات لما بتدخلها ممكن تتجول فيها عادى او تأجر عجلة .. ولو مجموعة ممكن تأجروا قطار صغير بيتجول بيكم فى المحمية وفي اخر المحمية في كهف داخل جبل
منابع نهر البوسنة في منطقة اليجيا بيكون فيها ممر طويل وعربيات اللى بتجرها خيول وداخل الحديقة مناظر طبيعية جميلة
المدينة القديمة طبعا منطقة بارشاشيا هتلاقي نفسك كل يوم بالليل رايح هناك من جمال المكان وروعته
الرافتج أو التجديف دى من أشهر الحاجات اللى ممكن تعملها فى البوسنة جميلة وشيقة جدا بتروح مدينة اسمها كونيتس بعيدة عن سراييفو ساعة تقريبا وفى مناطق تانية كتير ممكن فيها رافتج بس كونيتس افضلهم تكلفتها 100 دولار تقريبا ومدتها حوالي ساعة الى ساعة ونص ولازم يكون الجو كويس لأنهم بيمنعوه لو في مطر
الفنادق بقى
الخمس نجوم فندق يوروبا هو أفضل فندق 5 نجوم فى المدينة القديمة وراقي جدا
فندق رادون بلازا 5 نجوم فى منطقة إليجا فندق راقي جدا
فندق بريستول مصنف 4 نجوم علشان ممنوع فيه الخمور لكن فى التقييم يعتبر 5 نجوم وكموقع رائع جدا على نهر البوسنة وفيه ممشي بعد الساعة 5 تقريبا بيتمنع فيه مرور العربيات وفيه كافيه بريستول الفندق دا حكاية في كل حاجة افضل مكان ممكن تسكن فيه فى سراييفوا بلا منازع ومكانه بين اليجيا وبين بارشاشيا
فى فنادق تانية زى بريزدنت في المدينة القديمة وفندق هوليود اليجا فنادق 4 نجوم اقتصادية
إن شاء الله فى التقرير الجاى هتكلم عن باقي المدن السياحية موستار ويايتسه وبيهاش وازاى نروحها واهم المناطق السياحية فيها


16711908_10154671159563580_7525835766340690249_n.jpg
16722425_10154671161513580_7897187208358519555_o.jpg
16797162_10154671162573580_2370053360216759909_o.jpg
16807497_10154671180133580_5532510822896562711_n.jpg
16819504_10154671161683580_6515080305997929413_o.jpg
16832214_10154671179973580_8726628121361754731_n.jpg
16832300_10154671159788580_5816754097979410020_n.jpg
16835764_10154671181013580_1777056483880732133_o.jpg
16864190_10154671160773580_7925344925176989069_n.jpg
 

jalmodk

مسافر جديد
إنضم
24 نوفمبر 2018
المشاركات
2
مستوى التفاعل
0
النقاط
1
العمر
29
ممكن معلومات عن نظام الاقامة والعمل؟

كمان سمعت ان الذهب رخيص في البوسنة هل صحيح الكلام؟
 

أعلى