تقرير مصور احب اسيا وبالاخص تايلند

دودى

رحالة
إنضم
6 نوفمبر 2018
المشاركات
1,007
مستوى التفاعل
3
النقاط
36
العمر
35

بوابة السفر الى تايلند

بوكت ... رحلة سريعة لكن ممتعة بقلم احلى من العقد



picture.png


يسعد أيامكم




سفرة لم يتم التخطيط لها

ولا التفكير فيها



ولم تخطر في البال ولا على الخاطر



نعم احب البحر



احب الجزر



احب اسيا



لكن كانت بالنسبه لي غائبة عن تفكيري لان اعرف ان صعب تحقيقها على الاقل في هذه الفتره


في يوم من الايام



كلمتنى خالتي وقالت شوفي لنا حجوزات لتركيا


وفجأه وبدون تخطيط سابق


ردت قالت لي شوفي لنا في بوكت


وليش ماتجون معانا


تعالو نروح كلنا جماعه نستانس


طبعا



انا ماصدقت خبر ووافقت حتى قبل مااشاور اهلي خخخ


عقب تذكرت لازم اشاورهم



والحمدالله الامور تسهلت والاهل وافقو



وخلاص كلها كم يوم ونطير الى بوكت
013.gif




رتبنا الحجوزات


واخترنا فندق كانت ساكنته خالتي وعائلتها من قبل ومدحت لي اياه وطبعا مافي وقت للبحث


وجاء موعد السفر



وطرنا الى بوكت بالخطوط القطرية دايركت الى بوكت مروراً بكوالالمبور والتوقف لمدة ساعة واحدة بدون النزول من الطائرة ...


بدت ملامح بوكت تبين بين الغيم والبحر جزر خضراء رائعة الشكل



picture.jpg





picture.jpg




ونزلت الطيارة في مطار بوكت ...




picture.jpg






خلصنا الاجراءات بسلاسه وخذنا الشنط وتوجهنا للباب عشان ندور تاكسي وشفنا شركات عند الباب توصل الى الفندق يا إما بمواصلات خاصه او بمواصلات مشتركه (( باص)) وكان عددنا كبير
ومافي سيارة حاليا خاصه فقلنا بنروح بالباص المشترك وسعر الشخص 180 بات (( مايعادل 19 ريال قطري))



ركبنا الباص و حظنا كان حلو بنفس اللحظه الي ركبنا فيها الباص حرك على طول وكان في واحد اجنبي قاعد بالكرسي الي جدامي وقال انتو محظوظين اول ماجيتو مشى الباص انا صار لي ناطر ربع ساعة ...


بعد مامشى الباص وعبرنا شوارع وطرقات توقف الباص عند محل تابع لشركة سياحيه هي نفسها الي أجرنا منها الباص المشترك الي راكبينه حاليا


وقالو لنا شخص واحد من كل قروب ينزل عشان ناخذ معلومات الفندق الي تبون تروحون له


نزلت انا من قروبنا لان الاوراق كانت عندي وانا مسويه الحجوزات


واستقبلوني داخل وخذو عنوان الفندق وقامو يعرضون علي عروض سياحيه


عجبني عرض للجزر وطبعا انا ماعرف الاسعار برع شلون بس قررت احجز لبكره من عندهم


ودفعت لهم مقدم سعر 1300 بات (( يعادل 140 ريال تقريبا )) لشخص واحد و الباقي بندفعه لهم بكره قبل مانروح للرحله .. وطبعا هم راح يمرون علينا الفندق ياخذونا ...


وعقبها ركبت الباص وكان الكل ينطرني والبعض كان يتحلطم اني وايد تأخرت داخل
010.gif



الاجنبي الي قالي انتو محظوظين يقول ان هالشركة ماتعتبر ارخص شركه وكان ممكن نلقى خيار ارخص اذا دورنا في الشركات الي في الباتونق .. بس الوقت ضيق واحنا نبي نروح بكره للرحلة فمافي وقت للبحث ...


المهم


وصلنا الفندق ...


حجزنا كان في فندق اسمه


Le Flora Resort


موقعه على شاطئ الباتونق مباشرة على الشاطئ بدون مايفصل بينه وبين البحر شارع
وحوله محلات مساج ومطاعم و مغاسل واسواق وشارع حي وجميل جدا جدا جدا



يعني بختصار الجهه الاماميه للفندق هي على شارع حي والجهه الخلفيه مباشرة على الشاطئ الرائع




picture.jpg






يمين الفندق مطعم ماكدونلدز ويساره ستاربكس





picture.jpg






وامامه مباشره شارع جميل ياخذكم الى فندق كي ومنه الى شوارع متفرعه حيه جدا






picture.jpg





picture.jpg






وهاي واجهة الفندق من الخارج






picture.jpg





picture.jpg





picture.jpg





دخلنا الفندق .. وكان الاستقبال مفتوح ومكشوف





picture.jpg





picture.jpg





والموظفين كانو وايد بشوشين ورحبو فينا وقالو لنا ساديكااااا مادري شنو يعني بس اعتقد مرحباااا وقالو لنا تفضلو جلسو هنا واحنا بنجيب لكم الاوراق وكل شي لين عندكم




wol_error.gif
هذه الصورة تم تصغيرها . الحجم الافتراضي لها هو 815x611.
picture.jpg




الفندق يصنف بأنه ذو 5 نجوم ... لمعرفة المزيد عن الفندق وعن الرحلة تابعو الجزء القادم


013.gif

  • picture.png
 

دودى

رحالة
إنضم
6 نوفمبر 2018
المشاركات
1,007
مستوى التفاعل
3
النقاط
36
العمر
35
مرحبا جميعاً


شلونكم ان شاء الله بخير


بصراحه دام ان عندي وقت بكمل التقرير وان شاء الله اقدر اكمله بسرعه


لاني اخاف انشغل عقب ومااحب اتأخر عليكم احس ينقطع حبل افكاري


المهم


اخر شي وصلنا له ان احنا دخلنا الرسبشن وقعدونا على الكراسي الي راويتكم اياها


وقدمولنا اطواق الياسمين وعصير انناس بااااارد ومنعش يبرد عالقلب وفوطه بارده منعشه



picture.jpg




بعد ماخلصنا اجرائات الشيك ان اخذنا موظف الى غرفتنا ..وقبل مااكمل خلوني اقولكم انواع الغرف


توجد 3 انواع للغرف


النوع الاول وهو الارخص .. غرفة تطل على المسبح وفيها بلكونه بالطابق الثاني
النوع الثاني الاغلى من الاول .. غرفة مباشرة على المسبح وفيها شكل ماتقولون بلكونه عليها كراسي شيزلو عالمسبح وتقدرون تطبون بحمام السباحه مباشرة وهالغرفة بالطابق الارضي وجزء من المجموعه كان ساكن بهالغرفه وهي غرفة واسعه .((الليله بـ 961 ريال قطري ))
النوع الثالث .. غرفة بالدور الثاني بإطلالة على الشاطئ والبحر وهاي كانت غرفتي وهي اغلى من الغرف الي فوق سعر الغرفة ((الليله ب 1259 ريال قطري ))
النوع الرابع .. فيلا بغرفة نوم واحده مع مسبح خاص.
النوع الخامس .. فيلا بغرفتين نوم مع مسبح خاص (( اعتقد هالخيار موجود اذا انا مب غلطانه))


---------------


شكل ماقلت لكم ان غرفتي كانت من النوع الثالث والي تقع في الدور الثاني وهي غرفة باطالاله مباشره على الشاطئ كنت متخيله انام عالسرير وافتح الستاره واشوف البحر جدامي لان الطوفه كلها قزاز واشوف الشروق او الغروف والمنظر الخلاب ... المهم


رحنا ورا الموظفه الي بتراوينا غرفتنا وركبنا السلم وراها


وكانت تعرفنا على مرافق الفندق





picture.jpg





picture.jpg




ووصلنا الغرفة ..




picture.jpg




وافتحت الباب واول شي لما شفت الغرفة فرحت وعجبتني
012.gif



و دخلنا الغرفة وكانت واسعه وشرحه وأول مالتفت يمين الا القى الجاكوزي جمب الطوفه ومافي طوفه تستره عن الغرفة



picture.jpg




يعني عندي خيار من اثنين يا اما اطرد اختي واخذ راحتي بالجاكوزي
او اني اطب في الجاكوزي بكامل ملابسي خخخخخ


وهاي المكتب وعنده في باب اعتقد بلكونه تطل عالشاطئ بس تصدقون اني ماخذت بالي من الباب الا الحين كنت مصدومه من الجاكوزي والحمام




picture.jpg




نظرة اخرى على الجاكوزي وتلاحظون ان الي يفصل الجاكوزي او الحمام بالاصح عن الغرفة عباره عن خزانه او ارفف صغيره وقصيره




picture.jpg




وهاي السرير .. واذكر اني طلبت سريرين ف الغرفة بس ردو علي بإيميل اعتذار ان هم ماعندهم سريرين منفصلين في كل الغرف لكن الموظفة قالت لي ان احنا عوضناكم وعطيناكم لحافين و 4 مخدات منفصله وكان خيار جيد وفكره ممتازه



picture.jpg



وهاي المغاسل و ادوات الحمام والفرشاه والمعجون وشغلهم مرتب



wol_error.gif
هذه الصورة تم تصغيرها . الحجم الافتراضي لها هو 815x611.
picture.jpg




picture.jpg



وهاي الميني بار وكان مجانا الجمل بما حمل كل الي فيه مجاني وفوقه غلاية ماي وشاي وقهوه وحليب وسكر وكوفي ميت وكل يوم فوق ال6 غراش ماء مجانا وطبق فواكه


picture.jpg



مستعدين للمفاجئة ..


شوفو الحمام


picture.jpg


الجاكوزي والشاور و المرحاض وانتو بكرامه مفتوحين عالبحري لاطوفه تستر ولا ستاره تفصل ولا حتى بارتشن وفوق هاي كله مافي شطاف او هوز للغسيل والمغاسل بعيده جداً انصدمت صدمت حياتي


وقمت اقول للموظفة


How >>How can i use the toilite
HOw How How Hooooowwww


قمت انابح هاو و هاو خخ


قامت اعتذرت لي وقالت كل الغرف الي تطل على البحر بهالطريقه سوري


قلت لها ماااقدر شلون استخدم الحمام


جيبي لي بارتشن او اي شي يستر


الموضوع صعب


وكان يوجد امامنا حلين لا ثالث لهم


الحل الاول يا إما اختي تطردني برع الغرفة عشان تستخدم الحمام ..


او انها


تراويني درس عملي عن طريقة استخدام الحمام
000.gif



الموظفة حست ان قلبي الصغير لايتحمل هالحمام


وقالت لي دقيقه بتصل اسأل اذا في امكانيه نبدل الغرفة


واجرت اتصال وعقب قالت اوكي عندنا غرفة فاضية بس انتظرو 10 دقائق في الاستقبال لين يجهزونها لكم ..


ونزلنا الاستقبال ننتظر الغرفة الجديده تجهز ..


في الجزء القادم .. تفاصيل الغرفة الجديدة ...








 

دودى

رحالة
إنضم
6 نوفمبر 2018
المشاركات
1,007
مستوى التفاعل
3
النقاط
36
العمر
35
قلت لكم ان في ناس من ضمن مجموعتنا كانو حاجزين غرفة مباشرة على المسبح ..

خلوني اتكلم عن غرفتهم

للاسف ماصورتها

بس حمامهم مستور ويتغطى وعادي خخخخ

والسرير يشبه سريرنا وعندهم سوفا كبيرا في الغرفة تتحول سرير للشخص الثالث .. بختصار هالغرفة المباشره على المسبح تستوعب 3 اشخاص وطبعا ككل غرف الفندق الغرفة كبيرة وشرحه و عندهم بلكون فيه شيزلونين مباشرة على المسبح وفي الليل يغطون رجولهم من بلكونتهم في المسبح ..


اما الان


بقولكم عن غرفتنا الجديدة ...

قالت لنا الموظفة الغرفة جاهزه تعالو معاي

ومروراً بحمام السباحه الجميل الي يتوسط كل غرف الفندق وفي نهايته تشوفون البحر بس يمكن مايبين في الصوره




picture.jpg




و دخلنا لغرفة في الدور الارضي وعلى حمام السباحه مباشرة


وانا حدسي يحدثني ويقولي يا ترا هل هاي الفيلا
011.gif


ووقفنا عند الباب وقالت لنا الموظفة نعتذر عن حمام الغرفة السابقة و عملنا لكم ترقية وعطيناكم فيلااااا بمسبح خاااااااااص


ياحلاوه يا بقلاوه
013.gif
012.gif
014.gif
011.gif


بصراحه اهل شرق اسيا وايد اجاويد ويكرمون الضيف والزباين ويحبون يحافظون عليهم تخيلو عطونا فيلا مقابل الغرفه وبنفس السعر

حسيت انهم فعلا يهمهم سعادة العميل اكثر من الاستغلال المادي خلونا نشوف الغرفة .. وطبعا مثل ماقلت لهداوه في ردي عليها ستايل الفندق عصري تايلندي .. ستايل فنادق الجزر

المهم

هاي هو السرير ويحليلهم حاطين بعد لحافين و مخدات ومجهزينه بشكل جميل




picture.jpg




وطبعا في هالوقت كنت مهتمه جداً اطمن عالحمام وانتو بكرامه ورحت له

شوفو هناك ممر مؤدي للحمام مفتوح مافيه باب بس فيه ستاره تتسكر والحمام صاد يعني فيه خصوصيه

يوجد مغسلتين وحده يمين ووحده يسار



picture.jpg




وهاي الحمام المرحاض وجزء من الجاكوزي




picture.jpg




ملاحظين ... الله عوظنا بحمام مستور و فيلا وفوق هاي كله الحمام فيه شطاف او هوز للغسيل




picture.jpg




وهاي الجاكوزي




wol_error.gif
هذه الصورة تم تصغيرها . الحجم الافتراضي لها هو 815x611.
picture.jpg




تصدقون اكتشفت اني مصوره خرابيط ماصورت الحمام عدل ولا غرفة النوم عدل كله سريع سريع ماصورت لكم الشاور وللعلم الحمام يطل على بركة الفيلا ويفصل بينهم حاجز زجاجي ... يعني شفاف يعني اذا حد يبي يروح الحمام الي في البرجه يدشون داخل لين الانسان يخلص شغله من الحمام .. بس هالشي كلش ماكان مزعج بالنسبه لنا وماصادفنا هالشي الا مره وحده ..

المهم

عقب ماتطمن قلبي بالحمام وفرح بوجود الهوز

قمت اركز شوي عالغرفة لقيتهم حاطين عالسرير ضفدع خشبي
و في حلجه ورقه كل يوم تتغير فيها حالة الطقس والانشطه المقترحه لهذا اليوم




picture.jpg




اما الخزانات فتحتها اشوف اش فيها

لقيت في الاولى صندوق امانات ومضلات و مصباح كهربائي وارواب وسليبرز و فوط



picture.jpg





والخزانه الثانيه وفيها الميني بار الي هو مجاني و ادوات اعداد الشاي والقهوة مجانا

وكما في كل الغرف على الاقل 6 غراش ماي في اليوم مجانا



picture.jpg




مقابل الكبتات يوجد سلم خشبي للاعلى




picture.jpg




ركبنا السلم ووصلنا فوق




picture.jpg




غرفة جلوس وفيها ساوند سستم وتلفزيون و مشغل ام بي ثري وميني بار ثاني مجاني وكراسي فات بوي عالارض





picture.jpg




رحت افتح الستاير عشان اشوف المنظر طلع المنظر مش بطال بس ممكن نشوف البحر اخر شي




wol_error.gif
هذه الصورة تم تصغيرها . الحجم الافتراضي لها هو 815x611.
picture.jpg




wol_error.gif
هذه الصورة تم تصغيرها . الحجم الافتراضي لها هو 815x611.
picture.jpg






وعقب ماشفنا الصاله نزلنا مره ثانيه ورا الموظفة وودتنا عند المكان الجميل ...






picture.jpg





حمام السباحة الصغير الخاص بالفيلا

014.gif




picture.jpg




ماتتخيلون شلون كنا مستانسين وحسيت ان هاي مفاجئة و خيره من الله ان الحمام في الغرفة القديمه كان مب جميل.
البنات ماصدقو راحو شرولهم مايوهات ايشي احمر وايشي اصفر وايشي فسفوري خخخخ من المحلات الي عالشارع وعاشو حياتهم وخصوصيتهم التااااامه في حمام السباحه
واذكر يوم من الايام شرينا عشا متأخر من ماكدونلز و اجرنا فلم و تجمعنا في الصاله فوق نشوف الفلم وقبل العشا والفلم تسبحنا في البرجه الخاصه ...
007.gif


الجدير بالذكر .. ان الانترنت مجاني في الفندق
012.gif


وبهاي اكون خلصت معاكم جزء الغرفة الجديدة .. القاكم لاحقاً​








 

دودى

رحالة
إنضم
6 نوفمبر 2018
المشاركات
1,007
مستوى التفاعل
3
النقاط
36
العمر
35
بعد مادخلنا الفندق وريحنا شوي وصلينا ونعنشنا


تجهزنا ورحنا ندور لنا مطعم ناكل فيه


وبدأت متعت التمشي في شوارع بوكت ..

picture.jpg



هالمحل للمساج من جيت وانا حاطه البال عليه وابي اجربه بس يعتبر غالي يمسجون الساعة بـ 40 ريال بس كل مكان الساعة ب 30 او حتى 25


picture.jpg



وقفنا عند اول مطعم قريب من الفندق وفيه عزف حي بس مادش قلبنا وكملنا مشي بس عقب اكتشفنا انه تابع لفندقنا



picture.jpg



picture.jpg



wol_error.gif
هذه الصورة تم تصغيرها . الحجم الافتراضي لها هو 815x611.
picture.jpg




طول ما احنا ماشيين نشوف اشكال والوان من الناس ونسمع اصوات مره موسيقى ومرى سوالف ومرا دعايات عندهم سيارات تمر تسوي دعايه لمنتج ويتكلمون بالمغرفون المكان مفعم بالحياه



wol_error.gif
هذه الصورة تم تصغيرها . الحجم الافتراضي لها هو 815x611.
picture.jpg



picture.jpg



وهاي فندق قريب من فندقنا وايضاً مباشر على البحر بس ماعرف شلون غرفه



picture.jpg




لقينا هالمطعم وخالتي كانت مجربته وتمدحه .. قلنا يالله نجرب بالذات ان بطنا خاااالي ويصفر من الجوع




picture.jpg



عاد احنا ماشاء الله علينا قدم الخير عالمكان الي ندشه ... اي مكان فاضي ندشه نلقى ورانا عشره داشيين


007.gif





picture.jpg



المطعم كان فاضي .. بس عقب مادخلنا جو الناس وقعدنا على طاوله مطله عالشارع والمطعم مفتوح فنسمع اصوات الشارع والحمدالله ماحسينا بالحر او الرطوبه كان الجو زين


هاي المنظر من طاولتنا


picture.jpg




جاتنا القرسونه خذت الطلبات




picture.jpg



وهاي الطاوله خخ



picture.jpg



واول طلب شوربة توم يوم بالربيان
لذييييييييييييييييييييييييييييييذه وتفتح الخشم والبلعوم


picture.jpg



picture.jpg



نراقب الشارع في انتظار الاكل



picture.jpg




وبينما نحن نراقب الشارع الا نسمع حشره و صوت هبان جاي من بعيد وواحد يتكلم يقول ثيرزدي نايت (( توموووووورووووونايت )) تووووومووووروووو نايت وصوت هبان


واخر شي يجينا هالبيكم وحاط فوقه هنود معصقلين ماسكين القفاز مال البوكسنج وطلعت هالحشره دعاية لمباريات يوميه لرياضة البوكسنج تصير في بوكت


wol_error.gif
هذه الصورة تم تصغيرها . الحجم الافتراضي لها هو 814x504.
picture.jpg



ووصل الاكل


طلبي الاول ارز مقلي بالخضار فقط وكااااااان لذيييذ ويذوووب في الحلج ولو طلبته بروحه كنت باكله بتلذذ



picture.jpg




كاري اخضر بالربيان بيني وبين خالتي




picture.jpg




ربيان مقلي بالثوم والفلف الاسود لذذذذذذذذذذذذذذذذذذذذذذذذيذ بعد كان بيني وبين خالتي




picture.jpg



وهاي اطباقي انا و خالتي



picture.jpg




وهاي ام الربيان مقليه بالمكسرات بعد لذييييييييييييييذه مع رز ابيض




picture.jpg



وهاي طبق ربيان ماعرف اسمه حلو بس حاااااااار فلفل بطريقه الواحد مايقدر يطعم الاكل يذوق بس فلفل



wol_error.gif
هذه الصورة تم تصغيرها . الحجم الافتراضي لها هو 802x415.
picture.jpg



ام الربيان مشويه



wol_error.gif
هذه الصورة تم تصغيرها . الحجم الافتراضي لها هو 852x616.
picture.jpg



المائدة كامله



picture.jpg




طلعت الفاتوره تقريبا 650 ريال قطري اعتقد السعر معقول مقارنة بكم الطلبات وكلها اكل بحر ويقولون ان اكل البحر غالي .. بس للعلم هالمطعم مايعتبر مطعم رخيص في بوكت ..


عقب الاكل والاستمتاع بمذاق الاكل التايلندي ... قمنا نتمشى في الشارع وندخل المحلات الالوان جذابه كلشي ملون وفسفوري او ابيض زاهي لامكان للالوان الغامجه والكاتمه



picture.jpg




خذتلي مليون نظاره من هالنظارات كل يوم البس لون في بوكت


النظاره الوحده ب 20 ريال تقريبا تقليد درجه مليون لري بان بس حلوه الالوان وبما اني بستخدمها في بوكت فقط فمافي مانع
013.gif





picture.jpg




وبعد المشي والمناقز من محل لي محل ورحلة الطياره الطويله قررنا نروح نسوي مساج ونختم يومنا لان بكره ورانا قومه من الصبح والساعة قريب ال 10 دخلنا محل مساج وقلنا لهم الي يبي مساج للرجل والي مساج بالزيت والي مساج تايلندي .. واسدحونا كلنا جمب بعض وبينا ستاره كل شوي نطل على بعض وهاتها ضحك و المساج بدال مايكون للاسترخاء صار للضحك حتى الي يمسجونا كانو هبلات يستهبلون ويضحكون ويضحكونا معاهم ويسوون حركات هبله بصراحه ذاك اليوم فطسنا من الضحك وكل شوي احاول اندمج واركلس الا يصير شي يضحك وانفجر من الضحك معاهم


picture.jpg



و عقب ساعه خلصنا المساج وطلعنا وهاي الاسعار



picture.jpg



<B>


بصراحه استانسنا وايد في هالمحل بس قررنا مانروح لهم مره ثانيه لانهم هبلات مايخلونا نسترخي طول الوقت ضحك



وعقب المساج خذو كروت تيلفون للبلاك بيري (( نسيت اسم الشركه )) مسبقة الدفع والاتصال محلي فقط ولازم تفعيل خدمة البلاك بيري عن طريق الاتصال بمركز الاتصال والضغط على رقم 77 للتحدث بالانجليزيه وعقب تطلبون منهم يفعلون النت او البلاك بيري مقابل مبلغ معين لمدة معينه وخلاص ماتمر ساعة الا البلاك بيري شغال ان شاء الله ...



وعقبها ردينا البيت ننام ونرتاح لبكره ... لان ورانا مغامره جديده ..



قبل ماانهي هالجزء



خلوني اوضح لكم نقطتين



الاولى : عدد ايام السفر كانت فقط 4 ليالي 5 ايام


الثانيه : سفرتنا لبوكت كانت لكسر الروتين و الاسترخاء وتغيير الجو



وللسببين الي فوق يمكن راح تشوفون التقرير مش مليان بالفعاليات والمعلومات بس قد يعطيكم فكره بسيطه عن اجواء بوكت



وسلامتكم
</B>
 

دودى

رحالة
إنضم
6 نوفمبر 2018
المشاركات
1,007
مستوى التفاعل
3
النقاط
36
العمر
35
أعتذر عن التأخير ..



اليوم هو يوم جديد في بوكت يوم خاص للجزر حجزت امس رحلة ل 4 جزر من ضمنها جزر جمس بوند وزيارة الكهوف والتجديف في البحر .. الشخص بـ 1300 بات مايعادل تقريبا 140 ريال ومدة الرحلة يمكن اكثر من 7 ساعات يعني يوم كامل تقريبا شامله الغداء ..

وقت الحجز دفعت لشخص واحد فقط واليوم دفعت باقي المبلغ للمندوب الي جاني الصبح من الشركة ..

اول ماقمنا من النوم الصبح الساعة 7 ونص لبسنا وتجهزنا ورحنا نفطر من بوفيه الفندق وللعلم حجزنا شامل الفطور ... مكان المكعم جميل يطل عالمسبح


wol_error.gif
هذه الصورة تم تصغيرها . الحجم الافتراضي لها هو 1023x767.
picture.jpg



wol_error.gif
هذه الصورة تم تصغيرها . الحجم الافتراضي لها هو 1202x1203.
picture.jpg




وهالصباح كان هادي جدا جدا



بالنسبه لاختيارات الفطور في البوفيه بصراحه كل دول شرق اسيا بصراحه الفطور مايعجبني وذلك لقلة الجبن الي فيه وانا وجبتي ماتحلو الا بالجبن .. البوفيه منوع بس ماعجبني فماتريقت فيه الا مره وحده والباقي كنت اخذ لي كورواسون جبن من ستاربكس


wol_error.gif
هذه الصورة تم تصغيرها . الحجم الافتراضي لها هو 819x548.
picture.jpg



بعد الفطور قعدنا في اللوبي لين وصل الباص و اخذنا

picture.jpg



وانطلق الباص و اليوم هو اول يوم نشوف شوارع بوكت و شواطئها وغاباتها نهارا


picture.jpg




شوفو معاي الشوارع والشواطئ و الغابات .. المناظر جميله ولا تخلو من البدائية الجميله


picture.jpg




picture.jpg




picture.jpg




picture.jpg





picture.jpg




هاليوم هو اليوم الوحيد الي شفنا فيه الشمس وكانت خجوله تطلع شوي وتختبأ وراء الغيم شوي







picture.jpg





picture.jpg




picture.jpg





picture.jpg







وبعد رحلة بالباص حول بوكت وصلنا لمكتب استقبال انتظرنا فيه الى ان يحين موعد انطلاق السفينة يمكن انتظرنا فيه ربع ساعة قعدنا اهني






picture.jpg




وأكمل لاحقاً
 

دودى

رحالة
إنضم
6 نوفمبر 2018
المشاركات
1,007
مستوى التفاعل
3
النقاط
36
العمر
35
جلسنا ننتظر بدء الرحلة في الجلسات الخارجية للاستراحه





picture.jpg




قلنا نغير جو وندخل سوبرماركت الاستراحه نشوف ايش يبيعون




picture.jpg




كانو يبيعون ملابس بحر وملابس صيفيه خفيفه و قبعات و اكلات خفيفه وشاي وانصح وبشده انكم تشترون قبعات عن الشمس الي من تحت فيها لاستيك يمسك القبعه عشان ماتطير



picture.jpg




وحان وقت الرحله وقال لنا واحد من الموظفين الحقوني ولحقناه باتجاه البحر و الاكشاك الي تبيع القبعات والمرطبات والاكسسوارات الخفيفه طول الطريق


picture.jpg


وبين البحر الجميل





picture.jpg

وصلنا لجسر يمر وسط البحر ومشينا عليه باتجاه السفن





picture.jpg




picture.jpg




picture.jpg

البحر مغري





picture.jpg




picture.jpg

منظر الميناء والبحر والسفن والجبال في الخلف روعه




picture.jpg




wol_error.gif
هذه الصورة تم تصغيرها . الحجم الافتراضي لها هو 979x419.
picture.jpg




picture.jpg

ووصلنا عند السفن وركبنا سفينتنا




picture.jpg




picture.jpg

ودخلنا سفنا بسلاسه ويسر





picture.jpg




picture.jpg



و لما قعدنا شفناهم حاطين لنا فواكه مجانا و ماء وبيبسي وعصير مجانا وشاي وقهوه مجانا و للبيع شبس برنغلز و مشروب غريب ماعرفته


picture.jpg


قعدنا ننتظر المركب يتحرك وكانت الشمس موجوده فكنا نحس بالحر ...


اراكم لاحقا
 

دودى

رحالة
إنضم
6 نوفمبر 2018
المشاركات
1,007
مستوى التفاعل
3
النقاط
36
العمر
35
وركبنا المركب ..

و مشى المركب


ومن مشى هب علينا ذاك الهوا الزين ماناقصنا الا فراش وننام فوقه ونمخ مخ


wol_error.gif
هذه الصورة تم تصغيرها . الحجم الافتراضي لها هو 851x619.
picture.jpg




wol_error.gif
هذه الصورة تم تصغيرها . الحجم الافتراضي لها هو 908x541.
picture.jpg




بعد مامشينا بشوي جانا مدير الرحلة وقام يشرح لنا عن الاماكن الي بنروحها وقال ان احنا بنوقف في 4 جزر وبندخل كهوف وبنقوم بتجديف المراكب الصغيره الي يسمونها كانوي و قال ان راح يكون هناك غداء من ضمن الرحله والماء والمشروبات الغازيه ببلاش والفواكه ببلاش
و اول جزيرة راح نوصل لها بعد 45 دقيقه ...



picture.jpg



هاي خريطة رحلتنا




picture.jpg



وبعد ماخلص مدير الرحله بدأنا بالاسترخاء والاستمتاع والتصوير



picture.jpg



البحر حلو .. والجزر البعيده رائعه مناظر جدا جميله العين والروح تفرح لما تشوفها .. قمة الاستمتاع والهدوء النفسي



picture.jpg




wol_error.gif
هذه الصورة تم تصغيرها . الحجم الافتراضي لها هو 854x680.
picture.jpg




picture.jpg




wol_error.gif
هذه الصورة تم تصغيرها . الحجم الافتراضي لها هو 843x820.
picture.jpg




picture.jpg



سبحان الله الي عطانا هالجمال شيء يبهر العين ويسعد القلب



picture.jpg




picture.jpg




picture.jpg




picture.jpg




كل ماتأملنا الغيوم .. شفنا فيها اشكال مختلفة مره ورده ومره حصان ومره وجه بنت ونفس الشي الجبال والصخور في وسط البحر كل ماشفناها وتأملناها شفناها تكون اشكال غريبه كلن وخياله وحده تخيلت الجبل كأنه انسان منسدح والثانيه وجه يطالع السماء



picture.jpg




picture.jpg




picture.jpg




picture.jpg



لحضات سعيده عشناها في التأمل ..​

 

دودى

رحالة
إنضم
6 نوفمبر 2018
المشاركات
1,007
مستوى التفاعل
3
النقاط
36
العمر
35
وصلنا لاول محطة





picture.jpg




picture.jpg




picture.jpg




picture.jpg




picture.jpg




توقف المركب .. ونزلونا منه بس ركبونا على قواب صغيرة فيها واحد يجدف




picture.jpg




picture.jpg




picture.jpg




ركبنا في المركب الصغير بحذر و بدينا نبتعد عن مركبنا



picture.jpg




picture.jpg




picture.jpg



واقتربنا من الصخره الكبيره او بالاصح الجزيرة الي على شكل صخرة كبيره



picture.jpg



وقربنا من الكهف شووووفووووه



picture.jpg




picture.jpg



شوفو شلون الفتحه ضيقة والدخول كان بالنسبه لنا تحدي شلووون بندش



wol_error.gif
هذه الصورة تم تصغيرها . الحجم الافتراضي لها هو 851x682.
picture.jpg




خلاااص بيننا وبين الدخول للكهف مسافة قريبه جدا جدا




picture.jpg



<B>
واكمل بعدين
</B>
 

دودى

رحالة
إنضم
6 نوفمبر 2018
المشاركات
1,007
مستوى التفاعل
3
النقاط
36
العمر
35
وبدت المغامره



و خلاص بندخل الكهف



شلون... شلون



picture.jpg



يدوووووب السقف شوي ويطق راسنا من كثر ماهوقريب



picture.jpg




picture.jpg




picture.jpg



وعلى قولت محمد عبده ( جاك علم صحيح وراح هرج المزوحي ) صار لازم ننفذ الخطه الخماسيه وقال لنا الي يجدف سليب سليب .. يعني انسدحو عشان ماتطق الصخره راسنا



picture.jpg




picture.jpg




picture.jpg




كل شوي نشوف صخره جدامنا نازله جدا و احساسنا يقول مافي مجال نمر واختي قاعده جدام كلش هي كل مالاحت صخره في الافق تنبهنا وتقول نو نو .. ويه ويه ماقدر اخااف ويه ويه ماحب ماحب خخخخخخخ





picture.jpg




picture.jpg



بصراحه مادري شلون كنا نمر الصخور نازله مرينا على صخوركنت احس لو رمشت رموشي بتطق الصخره من قربها



picture.jpg



ولمحنا النور من بعيد واخيرا بنطلع للوسع من عقب الضيق



picture.jpg



وقربنا من النور اكثر



picture.jpg



وطلعنا ..


الا ذاك المنظر العجيب الغريب الصخور محاطة فينا على شكل دائرة و الاشجار تغطي الصخور ومن فوق السماء الزرقاء تبين



picture.jpg




picture.jpg




picture.jpg




picture.jpg



شوفو المكان .. بصراحه الطبيعه مبهره سبحان الله



picture.jpg




picture.jpg





المياه اهني ضحله يعني مب عميقه لو ملاحظين الناس واقفين على رجولهم واعتقد لما يرتفع منسوب المياه مستحيل هالمراكب الصغيره تقدر تمر تحت الكهوف الضيقه




picture.jpg




picture.jpg





picture.jpg





شوفو سبحان الله





picture.jpg







واكمل لاحقاً​
 

دودى

رحالة
إنضم
6 نوفمبر 2018
المشاركات
1,007
مستوى التفاعل
3
النقاط
36
العمر
35
ومازالت المناظر الجميله والعجيبه الي وراء الكهف تبهرنا كل ماتأملناها




picture.jpg




picture.jpg




picture.jpg




picture.jpg




picture.jpg




picture.jpg



شوفو شلون جذور الاشجار كبييييره




picture.jpg





picture.jpg




picture.jpg





picture.jpg





picture.jpg




الخضره حلوه





picture.jpg




picture.jpg



وحان الوقت للعوده للمركب طبعا لازم نمر تحت الكهف .. مستعدين



picture.jpg

<B>
يتبع ...​
 

دودى

رحالة
إنضم
6 نوفمبر 2018
المشاركات
1,007
مستوى التفاعل
3
النقاط
36
العمر
35
و إلى الكهف مره ثانيه




picture.jpg




ودخلنا الكهف وحسيناه صار نازل اكثر من لما جينا




picture.jpg



وطبعا صار مافي مجال اصور اخاف ارفع يدي وتضربني الحصاه .. لين بين النور




picture.jpg




picture.jpg



لين بين المنظر الخارجي .. كان منظر وااااو رائع صخور خضرا ومراكب ماشيه وامواج منظر فعلا رائع



picture.jpg




picture.jpg





picture.jpg



وخلاص طلعنا



picture.jpg




picture.jpg



باي باي يالكهف



picture.jpg
 

دودى

رحالة
إنضم
6 نوفمبر 2018
المشاركات
1,007
مستوى التفاعل
3
النقاط
36
العمر
35
خلونا نكمل ...

ركبنا المركب واتجهنا الى نقطتنا الثانيه و الجو زان والغيم ترس السما


picture.jpg




picture.jpg




picture.jpg




picture.jpg




picture.jpg




picture.jpg




wol_error.gif
هذه الصورة تم تصغيرها . الحجم الافتراضي لها هو 915x263.
picture.jpg




wol_error.gif
هذه الصورة تم تصغيرها . الحجم الافتراضي لها هو 815x611.
picture.jpg




picture.jpg




picture.jpg




picture.jpg




picture.jpg




picture.jpg




picture.jpg




picture.jpg



يتبع


 

دودى

رحالة
إنضم
6 نوفمبر 2018
المشاركات
1,007
مستوى التفاعل
3
النقاط
36
العمر
35
وصلنا لمحطتنا الثانيه وهي ركوب مراكب الكياك او الكانيون الصغيره وكل 2 او 3 في مركب مع شخص يجدف فينا ..



picture.jpg




picture.jpg




picture.jpg



واتجهنا جهة كهف اخر



picture.jpg




picture.jpg




والي يجدف قال لنا هير نو سلييب خخ يعني ماراح ننسدح والكهف مش نازل علينا

والمكان حولنا اكيد جميل والجو غائم جميل


picture.jpg



الصخور والجزر مهيبه



picture.jpg



ووصلنا الكهف

صحيح مانمنا بس كان ضيق


picture.jpg




picture.jpg




picture.jpg



كنت ادور خفافيش يقولون هالكهوف فيها خفافيش



picture.jpg



بس مالقيت او يمكن من الظلام ماشفتهم



picture.jpg




picture.jpg



وبان لنا المخرج من بعيييد واشوفه صغغغير قمنا نتسائل شلووون بنطلع مايكفي صغير



picture.jpg



وقربنا اكثر واكثر للمخرج



picture.jpg



اشوه كبير نسبيا نقدر نعدي منه
005.gif




picture.jpg



وطلعنا على مكان اخر محاط بالصخور والنباتات



picture.jpg




picture.jpg




picture.jpg


ا
هني مدينا ريولنا ودلدلناها في البحر وشغلنا اغاني من التيلفون و كنا مستمتعين جدا بالاجواء



picture.jpg



وبانت لنا جزيرة جمس بوند (( تم تصوير مقطع فيها لجزء من اجزاء فلم جمس بوند))



picture.jpg




picture.jpg




picture.jpg




picture.jpg




picture.jpg




picture.jpg




picture.jpg




picture.jpg



وعدنا بعد ذلك للكهف و رحنا بالاتجاه المعاكس وماقدرت اصول الا لحضة اقترابنا من المخرج



picture.jpg



وطلعنا للنور



picture.jpg



واتجهنا لمركبنا الاساسي الكبير للإنتقال الى جزء جديد من برنامج الرحلة



picture.jpg


يتبع​





  • icon_share.gif

    • digg.gif
    • delicious.gif
    • technorati.gif
    • twitter.png
معجبون بهذا.


آخر مواضيع فريق التطوير
-
-
-
-
-
user_offline.gif
quote.gif





post_new.gif
01-06-2015, 03:53 AM #



حيث يعمل المبدعون

star2.gif
star2.gif
star2.gif
star2.gif



avatar1046_4.jpg




تاريخ التسجيل : Jan 2015

رقم العضوية : 1046

الجنس : ذكر

المشاركات : 712




icon1.gif
رد: بوكت ... رحلة سريعة لكن ممتعة بقلم احلى من العقد



ومازلنا في المراكب الصغيره متجهين بإتجاه المركب الاساسي


picture.jpg





picture.jpg




ووصلنا لمركبنا


picture.jpg




واول ماوصلنا شفناهم مجهزين لنا الغداء ومجهزين السفرا كااامله وطبعا الغداء شامل الرحله و كنا نقول ماراح ناكل من اكلهم مايندرا شلون طابخينه واكيد مب حلو .. لكن مع هالوقت جعنا ومن شفنا الاكل ماتناقشنا على طول للصحون وقمنا ننجب لنا


picture.jpg






picture.jpg







كان الغداء عباره عن تشكيله من الارز والنودلز و الدجاج المقلي والخضار المقليه و السمك المقلي و ربيان مقلي .. كان الغداء جيد جدا واكثر شي عجبني الدجاج


كان الوقت الخاص بالغداء 45 دقيقه ... كنا نبحر متجهين لوجهتنا الثالثه وهي جزيرة جمس بوند .. كنا ناكل ومستمتعين بالمنظر والهوا الحلو



picture.jpg



picture.jpg




picture.jpg




وبانت جزيرة جمس بوند من بعيد


picture.jpg



picture.jpg


وقف المركب الكبير و بدلنا وقعدنا في مركب صغير عشان يكون اسهل لنا الوصول للجزيرة


picture.jpg



picture.jpg



قعدنا في المركب


picture.jpg




ومشى المركب الصغير



picture.jpg




الى ان وصلنا لشاطئ جزيرة جمس بوند


picture.jpg




picture.jpg




ونزلنا للجزيرة الصغيره ذات الشاطئ الرملي الصغير و تمشينا بين سوقها وصخورها



picture.jpg




picture.jpg





picture.jpg





picture.jpg



فترة مكوثنا في الجزيرة كانت نصف ساعه تقريبا وهي كافيه لستكشاف الجزيرة و انا استغليت الفرصه ودخلت الحمام العمومي .. بصراحه بغيت ارجع يلوع الجبد بس كنت مجبوره عشان ابدل ملابسي والبس ملابس السباحه (( المايو الاسلامي )) لاني ناويه اسبح في المحطه القادمه


في الجزيرة صخور وتجويفات صخريه غريبه عجيبه


picture.jpg



picture.jpg



picture.jpg



picture.jpg


ومرت النصف ساعه ورحنا لنقطة الالتقاء عشان ناخذ المركب الصغير ونعود لمركبنا الكبير .. واختم هالجزء بصورة تشتهر فيها جزيرة جمس بوند




 

دودى

رحالة
إنضم
6 نوفمبر 2018
المشاركات
1,007
مستوى التفاعل
3
النقاط
36
العمر
35
بعد ماترسنا بطونا قررنا نكمل تمشي ..

وتذكرنا ان احنا شفنا مول تجاري واحنا جايين الفندق فقررنا نركب تاكسي يودينا للمول ..

وطبعا تكاسي بوكت غير

عباره عن سياره بيكم او بيك اب او عراوي ويقعدونكم في الدبه مثل الغنم خخخخخ


picture.jpg




سألنا التاكسي بكم تودينا المول التجاري وكنا مانعرف اسمه بس هو عرف وقال ب 100 بات يعني حول ال 10 ريالات

وافقنا وركبنا في الدبه

و مشى التكسي والهواء يلعب بالقدله و بعينه تلوق الكحله خخخ
004.gif


وناسه لما نركب في الدبه هواء واكشن وحركات خخخخخ

ووصلنا للمول وعطيناه ال 100 بات

picture.jpg





picture.jpg




picture.jpg




وهاي صور متفرقه للمول

حاولو تنقشون اسم المول ماعرف اسمه بس شي قريب من جنغل خخخ


picture.jpg





picture.jpg





picture.jpg





picture.jpg





picture.jpg





اكثر شي عجبني في المول محل مكياج وايد حلو قريب من ستايل ماك بس فيه اشياء وااايد تجنن وحلوه وفي نص المول مجموعه كبيره من البضائع المخفظه بس فيها اشياء حلوه وايد وملابس جميله وخفيفه .. بس من ذكائنا كنا جايين وجايبين معانا شوي فلوس وماجبنا بطاقات البنك .. فتقريبا ماشرينا شي





picture.jpg






picture.jpg







picture.jpg






وعقب ماطلعنا من المول كان في عربات بجانب المول يبيعون فيها اكل وشفنا وحده تبيع كريب نوتيلا فقررنا نشتري من عندها كريب نوتيلا ...





picture.jpg






وبجانبها عربه ثانيه ... يبيعون فيها فيران مشويه و لا مسلوقه و مسلوخه لاااااعت جبدي وحسيت ان الكريب فيه نكهة فيران و كلت يمكن لقمتين كريب وتم واقف على جبدي واحس بلوعه منه والسبب عربة الفيران ... تلقون الفار مسلوخ ومسوينه مثل الدجاج المسحب وذيله يتدلدل من تحت وعععع





picture.jpg






كل شي ياكلون يلوعون الجبد ...


وعقب قررنا نرجع لمنطقة الفندق بتاكسي وقمنا نسوم التكاسي كلهم قالو لنا نرجعكم ب 200 بات يعني 20 ريال ... ولا واحد فيهم رضى بسعر اقل حسينا ان التكسي الي جابنا مسكين رخيص خخ وركبنا في الدبه وبدأت المتعه ومره ثانيه ..

الهوا يلعب بالقدله وبعينه تلوق الكحله خخخ




picture.jpg






picture.jpg






picture.jpg






صورة تذكاريه لبيكمنا





picture.jpg






ولما وصلنا قلنا بنروح نختم اليوم ونسوي مساج بس في محل ثاني غير محل الميانيين


واخترنا اليوم مساج للقدم فقط

و دخلنا محل مقابل لمحل المجانيين الي مسجونا امس ..

وماكان في مساجات على عددنا فأستعارو مساجات من محل المجانيين الي يتضحكون

مقرر علينا انهم يمسجونا

بس اليوم لان مب في محلهم فكانت صاحبة المحل واقفه لهم بالمرصاد اذا ضحكو تخزهم بنضره يصطلبون ويمسجون بهدوء

وبينما كانو يمسجون ريلي خذت لي غفوه

وعقب قمنا بخطى متثاقله ورجعنا طحنا على فرشنا ونمنا

وخلص ثاني يوم في بوكت ..

القاكم في ثالث يوم لنا في بوكت







 

دودى

رحالة
إنضم
6 نوفمبر 2018
المشاركات
1,007
مستوى التفاعل
3
النقاط
36
العمر
35
في نقطه مهمه نسيتها ...


بعد المساج وقبل ما نرجع الفندق مرينا على احد المكاتب السياحيه المنتشره في بوكت كل مترين تلقون مكتب او كشك سياحي فلا تحاتون وتفكرون شلون تلقونهم ..

حجزنا رحلة سفاري منهم والسعر مااتذكر كم بالضبط بس اقل من 200 ريال نقول 150 ريال بهالحدود .. و اخترنا وقت الرحله الساعه 2 الظهر .. لاننا ماكنا حابين نقوم من الصبح ونبي نريح ونقوم على راحتنا بالذات ان هالرحله هدفها الاساسي الاسترخاء والاستجمام ..

نمنا ...


وصار الصبح ...

وقمنا على الساعة 12 لين ماتجهزنا ولبسنا طلعنا الساعه 1 الظهر

ومبين ان اليوم الجو راح يكون غائم واحتمال ينزل مطر اصلا طول الليل كان المطر يصب صب



picture.jpg



طبعا انتهى وقت الفطور واحنا مالنا نفس غدا نبي شي مثل الريوق فرحنا ستاربكس نقند راسنا بكراميل مكياتو و ناكل اي شي خفيف ...


picture.jpg





وتمينا في ستاربكس ننطر لين يمرون علينا ياخذونا .. ووصلو وكانو جايينا في بيكم خخخخ

و مره اخرى .. الهوا يلعب بالقدله وبعينه تلوق الكحله



picture.jpg




picture.jpg




picture.jpg



بس عاد في النهار وناسه تشوفون كلشي والهوا هوانا
والطريج هالمره مختلف كله صاعد مثل طريق الجبل والخضره حولنا والبحر نشوفه هناااك




picture.jpg




picture.jpg




picture.jpg




picture.jpg




picture.jpg




picture.jpg





picture.jpg





picture.jpg




picture.jpg



وبينما انا اصور الشارع صورت سيارة الشرطه الا يوقفنا التاكسي وكلم السواق مادري اش قال له وعقب خلاه يروح عاد مادري وقفه لاني صورته ولا لسبب ثاني مادري والله ..


picture.jpg




picture.jpg




picture.jpg



ووصلنا لمحطة انطلاق رحلات السفاري ... ونزلنا من البيكم ... وهاي بيكمنا صوره للذكرى



picture.jpg




يتبع






 

دودى

رحالة
إنضم
6 نوفمبر 2018
المشاركات
1,007
مستوى التفاعل
3
النقاط
36
العمر
35
نزلنا من سيارة التاكسي




picture.jpg



وقالو لنا روحو ذاك الصوب



picture.jpg




و قالو لنا اول شي بتسوونه رحلة سفاري على ظهر الفيل



picture.jpg



واتجهنا باتجاه مكان صعود الفيل



picture.jpg




picture.jpg



محل لبيع الهدايا


picture.jpg




picture.jpg




picture.jpg



ووصلنا لين المكان المخصص لركوب الفيل


picture.jpg




وكانو واقفين طابور ناس ينزلون وناس يركبون
ومن ظمن الناس كان فيه صينيين

لما شافوونا هدو الفيل وهدو الطبيعه وهدو كلشي وقامو يصوروونا حسسونا ان احنا احد معالم البلد خخخخخ
قمنا نستهبل ونسوي حركات هبله عشان تطلع الصور مب حلوه خخخخخ


picture.jpg




وقلنا لما بيشوفونا نستهبل عليهم بيتفشلون ومابيصورون الا استانسو وزادو جرعة التصوير وهم فرحانيين خخخ هبلان هالصينيين
المهم

كل اثني ركبو فوق ظهر الفيل

وتميت انا بروحي اخر وحده كله منكم اقعد اصور لكم


وهاي ناس ثانيين يركبون


picture.jpg



وهاي ناس ثانيين يركبون



picture.jpg




مشى الفيل وحسيت المقعد ثابت وآمن اكثر من الي ركبته في الهند وهالبنت واقفه تصورك وعقب تبيع عليك صورتك


picture.jpg



ودخلنا الادغال



picture.jpg




picture.jpg



جولتنا حجزناها لمدة ساعة على ظهر الفيل بس ترا لو تاخذونها لمدة نصف ساعة كفايه لان المسار واحد بس الفرق ان السايس يترك الفيل واقف كل شوي ومايمشيه احس عشان يمر الوقت

اهني لاحظت ان الي جدامي سوو دراما وكانو خايفين بس مادريت ليش



picture.jpg





والحين دوري عرفت ليش الخوف فيه غصن طايح عالارض والفيل لازم يشقح فوق الغصن ياااويليييي



picture.jpg




وبينما انا على ظهر الفيل الا اسمع صوت الاذان مادري من وين طالع بالضبط في هالمكان كان الاحساس حلو سبحان الله




picture.jpg




مافي مسجد في الافق بس الصوت كان جدا واضح ومن اكثر من مكان



picture.jpg




وبينما انا على ظهر الفيل .. السايس هد الفيل يمشي بروحه طبعا مايحتاي اقولكم اني تخرعت ... شوي الا الفيل يروح عند شجره في الطررررف ويلزق في الشجره ويتحكك فيها ينزل ويطلع وانا فوق ظهره ميته من الخوف وانادي السايس الي مايدري شالسالفه ومب مستوعب ليش انا متخرعه .. بالله الفيل افرطت ريله ماغير اتدربح انا والفيل من فوق لين تحت ... وعقب السايس مسك الفيل وودانا مكان ثاني ..


picture.jpg




كنا في مكان مرتبع وقاعدين ننزل كان يخوف بصراحه



picture.jpg




والفيل ماييوز عن حركاته قام يختار الاعشاب الي في الطرف وتحت الجبل وينزل راسه لين تحت عشان ياكل الاعشاب وجسمه كله يصير مايل على جدام مثل الناقه اول ماتبرك او تقعد اهني انا صادني عقر بقر حتى ماعرفت شلون انادي السايس الغبي




picture.jpg





وبعد ذلك جاني السايس وقعد فوق ظهر الفيل وطلع لي من جيبه صندوق فيه اساور من صدف وقالي الواحد ب 100 بات قلت له مابي بفكر لي بعدين .. واصلا ماكنت ابيهم بس قلت بفكر عشان مايحن علي ...

وعقب رجعنا لمكان النزول والصعود ونزلنا من ظهر الفيل ...

يتبع ..







 

دودى

رحالة
إنضم
6 نوفمبر 2018
المشاركات
1,007
مستوى التفاعل
3
النقاط
36
العمر
35
ركبنا في دبة البيكم الي بيرجعنا لين الباتونق ..

picture.jpg




picture.jpg




picture.jpg




picture.jpg




picture.jpg


رجعنا البيت وبدلنا ملابسنا لانها تبهدلت بالبطين .. وكنا ميتين من الجوع فقررنا ناكل في المطعم المجابل المطعم الي كل مره ناكل فيه

مشينا باتجاهه

picture.jpg




picture.jpg




وصلنا وهاي النافوره موجوده عند المدخل


picture.jpg




ودخلنا

picture.jpg




picture.jpg




دخلنا واخترنا اقرب طاولة للمسرح

picture.jpg




picture.jpg




يوجد في المطعم عزف حي و مطرب ومطربه

picture.jpg





طلباتنا .. ليمووون بارد يروق الدم



picture.jpg




دجاج ستاي ... كان حلو



picture.jpg




شوربة توم يوم زفرة وتلوع الجبد كلش ماحبيتها وكرهت ام الربيان بسبتها



picture.jpg





ربيان تمبورا .. عادتاً يكون حلو بس في هالمطعم ماله طعم ولا لون ولا نكهه كأنكم تاكلون قراطيس
يعني كلش مب حلو

picture.jpg




عيش او رز بالانناس .. حلو

wol_error.gif
هذه الصورة تم تصغيرها . الحجم الافتراضي لها هو 927x699.
picture.jpg




ام الربيان بالبشمل .. ماذقتها

wol_error.gif
هذه الصورة تم تصغيرها . الحجم الافتراضي لها هو 927x699.
picture.jpg




لازانيا .. ماذقتها

picture.jpg




باستا حمره .. ماذقتها

picture.jpg




باستا بيضه بعد ماذقتها

picture.jpg




كاري اخضر .. اقل من عادي

picture.jpg




قضينا وقت حلو في هالهمطعم بس الاكل كلش كلش ماعجبني وماانصح فيه

يتبع


 

دودى

رحالة
إنضم
6 نوفمبر 2018
المشاركات
1,007
مستوى التفاعل
3
النقاط
36
العمر
35
مستعدين للمشي ..

من الحين ورايح كل سوالفنا واحنا نمشي
012.gif


بعد ماخلصنا عشانا قررنا نقضي الليله مشي نكتشف الجزيرة مساءاً

picture.jpg




picture.jpg




ودخلنا اللفة المؤديه لفندق ذا كي



picture.jpg




هدايا تذكاريه .. للي عايز

picture.jpg




شفنا مكان كله ليتات و موسيقى وحشره حسينا ان المكان ونيس كأنه كرنفال قلنا يالله نروح نشوف شالسالفه

picture.jpg




picture.jpg



الشارع كان على الجانبين كله بارات وناس رافعين لافتات




كانو ماشيين جدامي وانا كنت اصور لكم فطبيعي كنت متأخره عنهم الا يطلع لي واحد يقولي تفضلي اشتري بيره ولج دقيقه مجاناً
خخخخ

اخاف انحذف من المنتدى خخخخ

المهم

قلت له بكل براءه نووووو انا ماشرب بيره ماشرب كحوليات قالي مب مشكله تعالي دقيقه مجاناً

ماقص عليكم

افتكرت انه في عرض لكريمات او مقشر للبشره او شي من هالسوالف قلت اروح اشوف

الا يدخلني دكانهم المغطى بالستائر السوداء

وكان فيه طاوله مثل طاولة البليارد في النص خفت حسيت ان الموضوع مب كريمات وخرابيط قمت ابي اشرد الا اسمعه ينادي حد

ما وعيت الا 8 ايادي تسحبني خارج المحل

وصراخ بصوت واحد هبله انتي

شمدخلج

ولين الحين ماعرفت شنو الشي الفري
005.gif


المهم جب عاشه

picture.jpg




خلص هالشارع ودخلنا شارع ثاني

picture.jpg






الا نلاقي 5 بنات طوااال كاشخين لابسين ملابس استعراضيه الي على شكل سندريلا والي على شكل باربي وطوااااال التايلنديين عادتاً قصار بس هذولا طوااااااال

المهم قالو لنا بكل ما آتاهم الله من رقه

تعالو صورو معانا الصوره ب 100 بات

قلنا اشكالهم تشجع

وصفينا جمبهم نصور

المهم

عقب عطيناهم 100 بات

الا تقولي اطولهم 100 للشخص يعني عطوني 200 زياده

جيت ابي اتحاجج

الا تقولي بليييييز وتنحني

الا اسمع همسات الي حولي ان هذولا يطلق عليهم ليدي بووووي

قلت وع وع وع

قطيت الفلوس عليها او عليه ورحنا بعيد وتمينا نعقر فيهم لين الحين وانا اعقر فيهم معاكم خخخخ

((عاشه جب ))

المهم

نكملل

picture.jpg




وكملنا مشي

picture.jpg




picture.jpg





شوارع تنبض بالحياه




picture.jpg




picture.jpg




picture.jpg





شفنا اشكال والوان من البشر

ماشاء الله عندهم تنوع خخ

picture.jpg




picture.jpg




picture.jpg




ووصلنا لين المول ..

ها تبون تدخلون المول ؟؟؟

لاااااا نبي نكمل مشي اونس خخخ

picture.jpg




picture.jpg




يتبع

 

دودى

رحالة
إنضم
6 نوفمبر 2018
المشاركات
1,007
مستوى التفاعل
3
النقاط
36
العمر
35
وبعد ان انهد حيلنا من المشي لقينا سبا شكله راقي دخلناه




picture.jpg







وقررنا نسوي مساج فيه




وكانو يسون مناكير وبدكير وكل انواع المساج و تنظيف البشره وكل شي تقريبا مثل الصالونات


اخترنا انواع المساج الي نبيها واول شي ودونا للمغاسل واغسلو اقدامنا​


wol_error.gif
هذه الصورة تم تصغيرها . الحجم الافتراضي لها هو 927x699.
picture.jpg






وعقب توزعنا في غرف المساج و قامو يمسجونا ..​



وهاي غرفتي​


picture.jpg





picture.jpg




وعقب ماخلصنا مساج عطونا شاي اعشاب وماء​




picture.jpg






وطبعا سعر المساج اهني اغلى من الاماكن الثانيه بس حبيت مساج الاماكن الثانيه اكثر​



عقب ماخلصنا قررنا نرجع البيت مشي


picture.jpg





picture.jpg





picture.jpg





picture.jpg





picture.jpg







وبعد مامشينا وانهد حيلنا وراح المساج والاسترخاء عالفاضي بسبت هالمشي الي مشيناه رجعنا البيت​



ونمنا نومه عمييييييييييييييييييييييييقه​

 

دودى

رحالة
إنضم
6 نوفمبر 2018
المشاركات
1,007
مستوى التفاعل
3
النقاط
36
العمر
35
اليوم هو يوم جديد في بوكت ...

اليوم هو يوم السباحه في البحر ...

قمنا على راحتنا ولبست المايو الاسلامي

وبما اني في بوكت فاي شي تلبسونه عادي ... رحت ستاربكس بالمايوه الاسلامي

وقندت راسي بكراميل مكياتو و كرواسون جبن ...

وعقب رجعنا الفندق ومن الفندق الى الشاطئ مباشرة



picture.jpg



اجرنا لنا كرسيين بحر ومضله ب 100 بات اعتقد ولو ملاحظين المكان شبه فاضي لاننا لسنا في موسم السياحه .. موسم السياحه عادتاً يكون في شهر 12 و 1 و2 ميلادي لان الجو بهالفتره يكون مشمس فالانجليز يحبون يروحون بوكت في الاجواء المشمسه بينما في الفتره الي احنا كنا فيها كانت فترة ركود سياحي لان موسم الامطار قد بدأ فالدنيا تقريبا على طول مغيمة بالنسبه لنا هاي احسن من الشمس




wol_error.gif
هذه الصورة تم تصغيرها . الحجم الافتراضي لها هو 991x699.
picture.jpg




picture.jpg




picture.jpg




picture.jpg



قعدنا نركلس شوي على كرسي البحر ونسولف وكل شوي حد مار مره الي يبيعون ماي ومره بياعين الفواكه ومره بياعين الدجاج القلي والربيان المقلي ... وناسه والاجواء وااايد تبعث الراحه والسعاده



picture.jpg




picture.jpg




picture.jpg



و قريب منا في ناس كانو يطيرون بالبرشوت وعندهم البرشوت حلو ومب حلو حلو انه في رجل يركب معاكم وهو يتحكم بالبرشوت متى ينزله ومتى يشده ومب حلو ان احنا البنات (( على الاقل عن نفسي )) مانقدر نركب البرشوت و هالريال معانا



picture.jpg




picture.jpg




picture.jpg




picture.jpg




picture.jpg




امام الشاطئ يحطون علم يدل لونه على مدى امان البحر في هاليوم مثلا اذا كان العلم اخضر فالبحر هادئ يصلح للسباحه بأمان واذا كان العلم اصفر فهو هائج و فيه خطوره اما اذا كان احمر فخطر السباحه وممنوعه ..

في الوقت الي كنا فيه العلم كان اصفر ... والموج عالي

بصراحه ماقدرت اقاوم البحر اكثر نزلت اتسبح والموج كان عالي وقوي

كانت السباحه في البحر الهائج متعه جديده بالنسبه لي فكأني طول الوقت في عراك مع الامواج

اترقب الموجه تجي .. والموج احيانا يوصل نص متر اعلى مني ومن تجي الموجه اقفز معاها واطيييييير فوووووق واذا بالغفله جات الموجه بدون ماانط معاها تدفعني جداااااااااااام بالقووووووه

متعه ووناسه ورهبه بنفس الوقت ... وبعد السباحه يمكن لمدة ساعه رجعت استرخي على الكرسي واشوف البحر وشغلت اغاني فيروز و عشت حياتي



wol_error.gif
هذه الصورة تم تصغيرها . الحجم الافتراضي لها هو 927x699.
picture.jpg





wol_error.gif
هذه الصورة تم تصغيرها . الحجم الافتراضي لها هو 927x699.
picture.jpg





wol_error.gif
هذه الصورة تم تصغيرها . الحجم الافتراضي لها هو 927x699.
picture.jpg





وبعدين دخلت البحر مره ثانيه والموج يسحبني ويردني بقوه قمت اتفكر بتسونامي وحسيت ان فعلا شي يخوف




wol_error.gif
هذه الصورة تم تصغيرها . الحجم الافتراضي لها هو 1072x699.
picture.jpg




شوفو المكان من البحر ماقدرت اصور داخل اكثر اخاف اتشوط




wol_error.gif
هذه الصورة تم تصغيرها . الحجم الافتراضي لها هو 1163x699.
picture.jpg




wol_error.gif
هذه الصورة تم تصغيرها . الحجم الافتراضي لها هو 1507x699.
picture.jpg




wol_error.gif
هذه الصورة تم تصغيرها . الحجم الافتراضي لها هو 1574x699.
picture.jpg




wol_error.gif
هذه الصورة تم تصغيرها . الحجم الافتراضي لها هو 1127x699.
picture.jpg




wol_error.gif
هذه الصورة تم تصغيرها . الحجم الافتراضي لها هو 1146x699.
picture.jpg




wol_error.gif
هذه الصورة تم تصغيرها . الحجم الافتراضي لها هو 927x699.
picture.jpg




wol_error.gif
هذه الصورة تم تصغيرها . الحجم الافتراضي لها هو 927x699.
picture.jpg




wol_error.gif
هذه الصورة تم تصغيرها . الحجم الافتراضي لها هو 927x699.
picture.jpg





wol_error.gif
هذه الصورة تم تصغيرها . الحجم الافتراضي لها هو 927x699.
picture.jpg





wol_error.gif
هذه الصورة تم تصغيرها . الحجم الافتراضي لها هو 927x699.
picture.jpg




قضيت وقت رائع على البحر ...

وعقب رجعت الغرفة ابدل ملابسي

تمنيت اني سبحت اكثر من مره في البحر​
 

أعلى