تقرير مصور اجتماع البراكين بالثلوج

دعاءء

رحالة
إنضم
3 ديسمبر 2018
المشاركات
1,000
مستوى التفاعل
0
النقاط
36
العمر
35

picture.png




بوابة السفر الى الدول الاسكندنافية


ايسلندا ... اجتماع البراكين بالثلوج بقلم احلى من العقد


picture.png


يسعد أيامكم




picture.jpg
ايسلندا ... اقرب بلد للقطب الشمالي ..



تقع بين قارة اوربا وامريكا الشمالية ..


ليس لها حدود برية مشتركة مع اي دولة ...



تعتبر قطعة ارض متكونة حديثاً مقارنتاً بباقي الاراضي



اشياء كثيرة تميزها عن باقي دول العالم ...



فهي ملتقى الجليد والبراكين ...



رغم قساوة الطبيعة فيها ....



الا اننا لمسنا فيها رقة وجمال طغى على قساوتها ...



و انعكس الجمال على اخلاق وطباع شعبها ... فوجدناهم من اطيب الشعوب و اكثرهم بشاشتاً وامانتاً


وجودنا كان بالنسبه لهم غريب حيث ان امي وخالتي كانو يتجولون بالعباية ... لكن لم نجد الا ابتسامات رقيقه منهم ومبادرة في المساعدة ولو ان ملامح الدهشه قد تبدو احيانا على وجوههم لمعرفة من اين نحن ...


لدي الكثير من السوالف ارويها لكم عن ايسلندا ...



انها كما يقال عنها ...


ليست كأي مكان اخر


Iceland ... Like no where else




وللحديث بقية ..

picture.png







 

دعاءء

رحالة
إنضم
3 ديسمبر 2018
المشاركات
1,000
مستوى التفاعل
0
النقاط
36
العمر
35
خلوني اقولكم فكرة السفر الى ايسلاند

بالنسبه لي كنت اعرفها كأسم ... واعرف ان فيها بركان يثور و يمنع الطائرات من الطيران

في يوم من الايام .. بينما كنت افكر بمخطط الصيف ... كنت حابه ان احنا نجرب شي جديد وقمت افكر وافكر .. وجات ايسلاند في بالي .. قلت يا بنيه ليش مانروح نشوف اش سالفة هالبلاد الي كل ماقرب الصيف ثار بركانها ومنع الطيارات من الطيران

بديت ادور في المنتدى .. لقيت تقرير مااذكر لمن بالضبط بس التقرير يحكي فيه صاحبه قصته في ايسلاندا والتقرير قديم يمكن من 2008 و صاحب التقرير زار ايسلاند من زمااااان يمكن في اوائل التسعينات .. كنت وانا اقرا تقريره وكلامه (( كان التقرير بدون صور )) كنت اتخيل المكان ببالي وكنت انبهر حسيت اني اقرا قصة خياليه لمكان خيالي بعيد عن الارض .. كان يمدح اخلاق الشعب وطيبهم وتعاملهم و كان يقول ان الايسلنديين ضخمين وطوال وعراض (( مع احترامي له )) لكني اعتقد انه من اصحاب البنيه الضئيلة لاني ماحسيت هالشي فيهم ... صحيح اغلبهم اجسامهم رويانه لكن مافيهم طول غريب و عرض عجيب كانو عاديين في الحجم .. لكن بالضبط اخلاقهم كما ذكرها عاليه وتكاد تقول عنهم انهم اخلاقهم هي الاخلاق الي يوصي بها الدين الاسلامي ... واذكر ان صاحب التقرير قار ان نسائهم مايبين فيهم العمر لان الجو شديد النقاوة فمافي تجاعيد في وجوههم .. لكني ماحسيت بهالشي بالعكس العمر يبين عليهم في ملامحهم لكن ليس في جسدهم .. حيث ان الاغلب حتى العياييز والشياب يمشون بظهر صلب مستقيم تحس فيهم قوة البركان ولكن بشراتهم ممتلئة بالتجاعيد .. واكيد السبب جفاف وبرودة الجو عندهم ..

الكلام جدا شدني ... حاولت ادور تقرير ثاني بصور ... مالقيت

قلت مافي الا الترب ادفايزر صديقي الثاني في السفر واحيانا ابديه على العرب المسافرون لان احس ذوقي في السفر يميل للاجانب اكثر من ذوق العرب ويمكن لاحظتو هالشي في سفراتي وواجهت وايد انتقادات بسبب اسلوب السياحه الي اتبعه ...

لكن الناس اهواء وفي ما يعشقون مذاهب

المهم ..

دخلت الترب ادفايزر
وقمت اقرا واقرا واقرا عن ايسلاند

حبيت البلد اكثر وانشديت لها اكثر

ووسعت بحثي قمت ادور في المواقع الرسميه للسياحه في ايسلاند

وكلها كانت مشجعه جدا جدا جدا ..

خوفي كان ان الاهل ماتعجبهم الفكره

سالت اخواني عن رايهم ... قالو لي اش عاد خل نروح نشوف
سالت خالتي .. لانها بتكون معانا وقلت لها نبذه مختصره ماحبيت احرق البلد عليها ... قالت كيييييييييييفج احنا نثق فيج وفي اختياراتج

وهاي الي احبه في اهلي

يثقون فيني ويؤمنون بقدراتي السياحيه

007.gif


لما شفت الكل موافق بديت اراسل صاحب احد الشركات السياحية .. اسمه يكتب ymir
وينطق امير

بعثت له في البداية ايميل كتبت فيه اني قريت اشياء عجيبه وجميله عن ايسلاند خلتني اتمنى ازورها و حطيت في بالي العديد من الاماكن الي ابي اروحها واشوفها و اتمنى انك تساعدني في التنظيم والتنسيق و تودينا رحله خاصه يوم 17 -8 .. المهم بعد مابعثت الايميل جاني الرد الي سرني وحسيت ان صاحب الشركه انسان حبوب وطيب ومتحمس لخدمتنا وهاي هو الايميل الي جاني منه



picture.jpg




ترجمة الايميل :

عزيزتي عائشة

شكرا على الكلام اللطيف الي كتبتيه في ايميلج !
انا دائما اعتقد ان حظي زين يجيب لي ناس زينين في جولاتي السياحيه
بكل سعاده وتواضع احب اعرض عليج الي اسويه في يوم واحد . في الواقع ان اعمل عمل التريب ادفايز في ايسلاند وهذا يعني ان مهمتي هي التخطيط للناس و مساعدتهم في اختيار الشركات السياحيه الي ممكن تاخذهم للرحلات الي حابين يروحونها . انا كنت ادير مكتب سياحي خاص فيني لمدة 3 سنين وتوقفت في سبتمر الماضي والحين انا اقوم بهالمهمه عن طريق الويب سايت الخاص فيني

من هالموقع تقدرين تلقين معلومات عن الرحلات الي انصح فيها ورايي يكون من خلال خبرتي وخبرات الغير.
وعشان اقدر انفعكم اكثر في رحلتكم احتاج اعرف بعض المعلومات عنكم ..
1- ماهو غرضكم من السفر ؟
(( رديت عليه للسياحه وعشان نشوف ايسلاند ونتعرف عليها ))

2- كم نفر انتو وشنو نوع قروبكم ؟
(( قلت له عائلة من 8 اشخاص معانا اطفال ومراهقين وكبار شوي في السن و شباب ))

3- ايش فكرتكم وخطتكم والاشياء الي تبون تسوونها في ايسلاند ؟
(( كتبت له مقاله عن كل الاماكن الي فيخاطري ))

4- هل عندكم سكن اذا ماعندكم خذو فكرة عن شققنا الفندقيه ..

(( رديت عليه ان احنا خلاص حجزنا السكن و مانحتاج نحجز سكن وطبعا شكرته ))

وبعدين قال في الايميل اذا كان هاي اول زيارة لنا لايسلاند ينصحنا بقراءة الفاك الي في موقعه عشان ناخذ معلومات اكثر .. وهو يسعده ان يعطينا اختيارت مختلفه لرحلتنا بناءا على رغبتنا وميزانيتنا.
واخر شي ختم الايميل وقال : تحياتي الدافئة من ريكفيك ذات الرياح ( الجو غريب اليوم وكأن الصيف ذهب لاجازه و ترك الشتاء بداله )

-------

بعد ماقريت الايميل اعلاه حسيت اني قاعده اقرا ايميل من صديق قديم ابتسمت بسعاده

ورديت عليه ..

وقدرت انسق معاه جدول رحلاتنا كل يوم في ايسلاند .. واتفقت معاه اني اروح معاه رحلة ثاني يوم لنا في ايسلاند و الباقي مع شركات اخرى هو نسق لي الحجوزات معاهم طبعا بدون ماياخذ أي ربح له هو ربحه من الرحله الي قدمها لنا . بل بلعكس جاب لي خصومات من بعض الشركات ...

بعد ماصار المخطط كامل في بالي ..

سالت امير متى لازم ادفع فلوس الرحلات .. بعتبار ان كل الشركات تطلب دفع مسبق للتاكيد..

قالي بكل طيبة الايسلنديين وحسن ظنهم بالاخرين .. من قال لازم تدفعين الحجز تاكد خلاص ولما تجين وبتروحين أي رحله دفعي بنفس اليوم ... يالهم من خلوقين وطيبين وحسنين ظن بالناس ..

012.gif


رسمت خطة سير سفرتنا النهائي ... حجزت الفنادق وحان وقت حجز وسائل المواصلات من بلد لاخر ..

و حجزت على الطيران الايسلاندي وكان خط الرحلة كالاتي

ستوكهولم - ريكافيك تاريخ 16-8-2013
ريكافيك - امستردام تاريخ 21-8-2013

5 ليالي في ايسلاند ..خفت ازيد .. لاني مب متاكده اذا البلد فعلا تستاهل نتم اكثر او لا .. وكلكم تعرفون اسلوبنا في السفر نمل ان طولنا بنفس المكان حدنا اسبوع ...

وتم حجز الطيران 7 كبار وطفله ب 18144
يعني متوسط سعر الشخص بـ 2268 ريال قطري

طبعا حسيت ان السعر مرتفع نسبيا للتذكره .. لكن هاي هي وسيلة المواصلات الاريح والاسرع والواحد مب كل يوم يروح ايسلاند
smile.gif



picture.jpg




وسعر الطيران عطانا مؤشر ان الاسعار لن تكون رخيصه في ايسلاند ...

-----------

في تاريخ 16-8- 2013

توجهنا الى مطار ستوكهولم في السويد وخلصنا اجرائات السفر الي كانت اليكترونيه والتعامل جدا بسيط مع الجهاز الالكتروني وتوجهنا للطائرة ..

خريطة الرحلة وشوفو ايسلاند بعيده وفي مكان معزول عن الباقي ..


picture.jpg


طيران ايسلاند

هو طيران غير اقتصادي لكن لايقدم وجبات مجانيه فالي حاب ياكل يشتري .. والي حاب يسمع يشتري سماعات عشان التلفزيون وايضا في افلام مجانيه وافلام بفلوس ..

مدة الرحلة من ستوكهولم الى ايسلاند تقريبا 4 ساعات وشي مب متذكرة بالضبط .. والطيارة عاديه مافيها مميزات



picture.jpg



وبعد مدة من التحليق فوق الغيوم .. بدأنا الهبوط .. وبانت لنا ايسلاند .. وكنت متحمسه اشوف شنو الي بيبان من الطيارة اول شي وقمت اصور لعل وعسى اصور معلم مشهور



picture.jpg




لاحظت ان اشهر معلم هو انه لاتوجد مدن كثير والمكان كله اخضر بدون مرتفعات او اشجار او غابات وحسيت الارض كانها ملعب كرة قدم

picture.jpg



picture.jpg




الساعة تقريبا 3 ونص العصر ودرجة الحرارة 11 .. بالنسبه لنا قمة الحماس

picture.jpg


ونزلت الطيارة ...



picture.jpg



واكثر الاشياء مثيرة للدهشة في ايسلاند ..
ليس .. الجمال والطبيعه والشلالات
في الواقع .. ان رقم ريئس الوزراء موجود في كتاب دليل الهاتف ..

(( وللعلم .. حتى رئيسهم ممكن زيارته في مكتبه بكل سهوله و رحنا مكتبه بس مازرناه بس خذنا لفه في المكتب ))

نزلنا للمطار ..

والمطار كان غريب نوعا ما ... القادمون مع المغادرون ونمر على بوابات الطيارات و الي كانو واصلين مثلنا يمرون على بوابة المغادرون اعتقد لو واحد بيدش ببوابة الطيارة محد دره عنه ..

وعقب ماخلصنا من اجرائات المطار .. لاحظنا عيون الناس .. نظراتهم باستغراب مرفوقه بابتسامه ترحيبيه ..

و قمنا ندور السواق الي حجزته مسبقاً من النت كالعادة .. و كنت مشدده على هالنقطه بالذات في ايسلاند حبيت ان نروح ايسلاند وكل شي محجوز مسبقا ومترتب مسبقا وماتركنا شي للصدفه والحظ لان طبيعة البلد مجهوله بالنسبه لنا ...

لقينا عيوز حاملة لوحة عليها اسمي ... قمنا نطالع بعض قلنا هاي وين فيها شده ترفع حقائبنا النفاثه وتدخلها السيارة ... المهم ان احنا مشينا وراها وطلعنا من باب المطار الى المواقف وقمنا نتلفت حولنا

المكان ذكرني بالشتاء في البر .. كلشي حولي هادئ وفارغ والارض مسطحه مانسمع الا صوت الريح ...

كان المكان مثير للدهشة والتسائل



picture.jpg



وهاي السيارة وصلنا لها و جينا لين اللحظه الحاسمه .. لحظة ادخال الحقائب ... ومامدانا الا ماشاء الله عليها العيوز

قامت ترفع الشنط بكل سهوله ويسر وتدخلها الباص ماشاء الله عليها قويه



picture.jpg



وبعد ماقعدنا في الباص ... او الفان ... تحركنا للخروج من المطار



picture.jpg




وهاي حجز السيارة

من موقع فياتور

picture.jpg



سعر التوصيل من المطار الى الفندق 735 ريال ... ومدة الرحلة تقريبا 45 دقيقه ..

وللحديث بقية​








 

دعاءء

رحالة
إنضم
3 ديسمبر 2018
المشاركات
1,000
مستوى التفاعل
0
النقاط
36
العمر
35
كل واحد منا قعد بمقعد .. داخل الباص ..


ومشى الباص وبدينا نطلع من حدود المطار وشدني هالمجسم ..


picture.jpg






قمت ادقق فيه واتسائل ايش هاي ؟؟



قنبله ... لا مااعتقد في حد يسوي مجسم لقنبله جدام المطار ..


زيتونه ... يمكن بس اش دخل الزيتون بايسلاند ..


باذنجانه ... لا اش دخل الباذنجان في المطار ..


وبعد التعمق بالشكل اكتشفت انه بيضة ديناصور وذيل الدايناصور طالع من البيضه .. يعني البيضه قريب تفقس
smile.gif



picture.jpg






وطلعنا من حدود المطار ... ومشينا في طريق طووويل مافي شي حولنا لايمين ولا يسار اللهم بين فتره وفتره تمر سياره جنبنا


picture.jpg






ساد الصمت المكان عيونا على الشبابيك نشوف وندور ... المكان كما قلت لكم سابقا .. كانه ملعب كورة قدم كبيييييييييييييييييييييييييييييير مافيه الا حشيش وغيوم ..


picture.jpg






بين فتره وفتره نلمح بنايات بعيده وبسيطه .. المكان خالي من معالم الحضارة ...


picture.jpg





حسيت الكل ساكت ومنصدم ... حاولت اكسر الصمت الرهيب و اجس النبض ، قلت لهم جنه مافي شي حولنا ... الا ترد علي خالتي وتحاول تلطف الجو .. عادي الزين في سفرنا ان احنا مانطول في المكان سواء كان حلو المكان ولا مب حلو بنقعد كم يوم وبنروح مابتضيع السفره كامله .. قلت لها ان شاء الله المكان بيكون حلو وبتستانسون ... اضحكت ضحكت مجامله ههه ان شاء الله وعينها على الشباك


picture.jpg






رجعت تسندت وكملت تأملي بالشارع والمكان حولي



من بعييييد كنا نمر على كم بيت بس مانشوف حركة ملحوظه


picture.jpg




picture.jpg






شفت بعيد مجسمات كبيره من الصخور في مكان مافي شي غير هالمجسمات


picture.jpg





تدرون شنو هاي ... هاي لافته عليها اسم قريه او مدينة ... نعم هذه مدينة .. لكنها خاليه تماماً مافيها الا حشيش ولافته









وانا قاعده اشوف واحاول ادور شي من الاشياء الي تعودت عليها في كل المدن الي زرتها ... مثل الاشجار ، البيوت ، الجسور ، ليتات الشوارع .. السيارات أي شي ... مالقيت شي يشبه أي دوله اخرى ...








وتذكرت كلام صديقتي ... لما قلت لها اني بروح ايسلاند ... قالت لي بتروحين ايسلاند ...؟؟؟ عاد تعرفين اش بتسوين وين بتروحين هناك ولا بتوقفين في الشارع تتلفتين تدورين شي تسوينه ...



حسيت هاي الي قالته واقع ... يحكي لسان حالي


picture.jpg





picture.jpg






وشوي قمنا نشوف المسطاحات المائية مخلوطه ببحيرات صغيره .. كان شي مختلف


picture.jpg





ومن بعييييد بدت معالم الحضارة تبين لنا .. بيوت وبنايات واحنا نتجه لها قلت اكيد قربنا من العاصمة


picture.jpg




picture.jpg




لما قربنا من المدينة .. نطقت خالتي وقالت .. باين ان البلد كلش مب متطورة

picture.jpg





قلت لها .. لا هي مب متطوره من حيث البنيان .. هم ناس بسيطين وحياتهم بسيطه العاصمه مافيها عمارات و فن عمارة و هالسوالف .. عايشين بإسلوب بسيط وعادي


picture.jpg



picture.jpg




مرينا ببحيره جدا جميله ... ورايقه


picture.jpg



picture.jpg




وقربنا من سكنا الكائن في وسط العاصمة ..








العاصمة هي ريكافيك ... ماكنت اعرف انطق الاسم الى ان وصلت ايسلاند وسمعت الناس شلون ينطقونها .. لانها تكتب بهالطريقة ..



reykjavik



جزء قصير ... تقبلوه مني لهذا اليوم ..



وللحديث بقيه







 

دعاءء

رحالة
إنضم
3 ديسمبر 2018
المشاركات
1,000
مستوى التفاعل
0
النقاط
36
العمر
35
ودخلنا للعاصمة الصغيره ريكفيك .. وبدأت مضاهر الحياه تكون واضحة .. وشفنا باص سياحي مكشوف ...


picture.jpg



البيوت والبنايات كلها شبه بعض تقريبا بس الوانها تختلف المكان كأنه لعبه


picture.jpg





وواضح جدا ان الجو بارد وجميل كما نحبه

picture.jpg




picture.jpg




ووصلنا لين الفندق ..



في ريكافيك اغلب الفنادق على هيئة شقق فندقية ... مستواها جيد والفنادق قليله ...


كنت باحجز غرف في فندق .. بس فكرت ان الاكل لو ماكان كما يجب في المدينة ... افضل ان يكون عندنا شقة فندقيه فيها مطبخ صغير نقدر نجهز لنا اكلات بسيطه وايضاً عشان الوسع ...



الشقق اسمها ..


home luxury apartment


موقعها بالضبط في نص السنتر وشارع التسوق والي هو افضل شارع في ريكافيك العاصمه بجانبنا على طول ...


picture.jpg





شكل ماتشوفون ان حجزنا 3 غرف بسعر 2355 يورو لمدة 5 ليالي يعني سعر الليله للغرفة 157 يورو لليله يعني مايعادل تقريبا 780 ريال قطري لليله للغرفة الواحدة ...



الشيك ان كان في مدخل شقق فندقيه اخرى واعتقد انهم كلهم واحد بس باختلاف الاسماء اسم الشقق الاخرى K apartment لما دخلت اسوي شيك ان عندهم لقيت طابور طووووووووووووووووويل



كلهم صينيين ومسوين ازعاج ويسولفون بصوت عالي



ولين شفت الموظف على طول جاني وقالي نعم راويته حجزنا وقال جدامك كل هالصينيين وكانو فوق ال 40 واحد .. وبعدين اقترح انه يجدمني عليهم بما اني اقل منهم



سألهم بصوت عالي ممكن اخلصهم قبلكم وقام المترجم ترجم للصينيين السالفه



الا كلهم قالو اووكي اوووكي اووووكي



وخلصنا وعطونا المفاتيح ورحنا لين غرفنا ...



صار موقف طريف



الصينيين صار بينهم لخبطه في موضوع الحجوزات وفي ناس تلخبطو وصارت مشكله بسيطه لاتذكر ..



لكن بالنسبه للايسلنديين ان هاي مشكله غريبه



تخيلو ثاني يوم لين جانا امير ياخذنا يسيحنا ..



قال لنا بستغراب



يقولون ان امس صارت مشكله مع قروب الصينيين صج ولا لا ..



005.gif




ضحكني حسيتهم يحليلهم متخرعين ماتصير عندهم مشاكل ترا الي صار شي لايذكر ابدا خخخخخخ



المهم ...



لين رحنا نستلم غرفنا خالتي كانت بالدور ال2 ومافي اسنسير فضطرو بمساعدة بعض العمال حمل حقائبهم الى الاعلى وهاي اسوء شي



اما احنا غرفتنا كانت في الدور الاول ونصعد سلالم بس قليله ..



خلوني ارويكم غرفنا



هاي سريري انا واختي


picture.jpg





وهاي طاولة الاكل و السوفا بد وفوقهم تلفزيون بالنسبه لنا ماحتجنا السوفا بد ولا التلفزيون


picture.jpg






وهاي المطبخ .. فيه فرن ومايكروويف و ثلاجه و غلاية ماء و توستر وكلشي ممكن تحتاجونه


picture.jpg






اما الحمام فقصته قصة ... اتذكر اول مادخلت غرفة خالتي شفتها متضايقه وتقولي سكري باب الحمام فييه ريحه مب نظيف .. رحت طليت فيه شكله نظيف لكن ريحته خايسه وشغلنا المروحه الشفاطه عشان الريحه تخف وعقب طلعت رحت غرفتنا ولين رحت اشيك الحمام .. شميت نفس الريحه ونفس الشي فتحت المروحه الشفاطه و انا من طبعي لازم اودي معاي لين اسافر مبخره الكترونيه وعود او شمعة بريحة وكنت موديه معاي مبخره الكترونيه رحت فتحتها وحطيتها في الحمام ... ولما رحت اشيك حمام امي نفس الشي الريحه نفسها موجوده وهم ايضا فاتحين الشفاطه .. ففسرت الموضوع ان المجاري عندهم ريحتها فايحه و من خبرتي في الحمامات خخخ ان الحمام اذا كان نظيف والريحه من المجاري فان الشفاطه تزيد الطين بله وتطلع ريحة المجاري اكثر فنصحت الكل انهم يسكرون الشفاطات ... وفعلا لما سكرنا الشفاطات الريحه خفت بس مازالت موجوده ... و اليوم الثاني لين طلعنا مع امير اخبرنا ان مياه الصنبور هي مياه معدنية طبيعيه وان مياه الصنبور الساخنه تجي مباشرة من تحت الارض الى الحمام وهذا يعني ان المياه كبريتيه مسخنه عن طريق البراكين الموجوده تحت الارض ... وهذا الي يفسر ريحة الحمام ... ريحة الحمام هي ريحة المياه الكبريتيه .... لما عرفنا السبب تقبلنا الموضوع و توقفنا عن التذمر ... بالذات ا المياه الكبريتيه مفيده جدا للبشره وللاستشفاء من الام المفاصل ...


picture.jpg






الدوش ماعجبني بس كان ممشي حاله


picture.jpg






انا عادتا احب البانيو بالذات في البرد احب اخذ حمام ساخن في البانيو بس يالله شنسوي بعد ..



وهاي السوفا بد والقعده ..


picture.jpg






المطبخ


picture.jpg





طاولة الكي والمكواه والمكنسه الكهربائية


picture.jpg







وغرفتنا لين نفتح الباب نشوف حوش صغير والشارع الي جدامنا هاي هو


picture.jpg






كل الغرف بنفس الموديل مع اختلافات بسيطه مثلا هاي سرير امي


picture.jpg




تصنيفي للشقق انها جيده .. مساحتها جدا معقوله .. نظيفه .. وممكن ان احنا نطلب خدمة الغرف كل يومين مره وهاي عيب طبعا مب ميزه ان غرفنا مب كل يوم تتنظف بس واحنا هناك ماخليناهم ينظفونها لان ماتصلنا لهم ماكنا فاضيين .. الانترنت في الغرف مجاني .. وحولنا كلشي تتخيلونه مطاعم وكوفي شوبات ، سوبرمركتات مغسلة ملابس موقف للتكاسي .. يعني الموقع سوبر .. بس مستوى الشقق جيد



ايضا يوجد في الغرف تقريبا 4 مدفئات وواحده في الحمام المجموع 5 دفايات في كل غرفه ومافي مكيف هواء لان اصلا مافي داعي للمكيف كنا احيانا نفتح الدفايه وننام



في هذه الاثناء بعثت رسالة بالجوال لامير اخبره ان احنا وصلنا الفندق فرد علي خلاص نص ساعة وبكون عندكم ...



والسبب هو الله يسلمكم ... من كثر ماهو متحمس للقائنا عرض علي انه ياخذنا لجولة بالاقدام في العاصمة ريكفيك يعرفنا على اهم معالمها و يحكيلنا بعض قصص الشعب الايسلاندي وهذا الشي ببلاش وراح يكون هديه منه لنا ... تخيلو جولة سياحية بالاقدام مع مرشد محترف ببلاش وبدون أي مقابل ... وقالي بالايميل ان احنا نختار الوقت الي يناسبنا واذا كان العرض عاجبنا .. فطبعاً رديت عليه بايميل ان هاي كرم منه واكيد بنقبل هديته ... وعلى قولت القايل انا غنيه واحب الهديه خخخ


.....



في موضوع حابه اذكره



بينما انا وامير كنا نتفق على الرحلات بالايميل .. تذكرت طبع الاجانب ... ان هم لما يقابلون أي حد عادي يسلمون عليه باليد ويحتضنونه عند الوداع .. وطبعا لاني مابي انحط في هالموقف المحرج قررت اخبره مسبقاً بهالشي



وارسلت له بالايميل اني حابه اقوله معلومه تخص ثقافتنا وعاداتنا واتمنى انه يتقبلها بصدر رحب وهي ان الحريم عندنا والرياييل مايتصافحون باليد ... وان أي نوع من التلامس الجسدي بين الحريم والرياييل غير الاهل يعتبر غير مقبول ابدا ابدا ... وايضاً اخبرته اننا لانشرب أي نوع من الكحوليات ولا ناكل أي شي فيه نسبه من الكحول او لحم الخنزير او أي منتج من منتجات الخنزير


رد علي بصدر رحب انه سعيد باني اخبرته بهالمعلومه وانه يحترم عاداتنا و بيحط هالنقطه في باله وشكرني لاني خبرته هالمعلومه ....



وفعلا طول الفتره الي كنا فيها مع بعض ابدا ما تعدى هالخط الاحمر الي رسمته له بالعكس تقبل من امي تصرفات تجيب العيد هههههههه



وللحديث بقيه







 

دعاءء

رحالة
إنضم
3 ديسمبر 2018
المشاركات
1,000
مستوى التفاعل
0
النقاط
36
العمر
35
استعدينا كلنا سريعاً وريحنا لين وصلتني رساله من آمير كاتب لي فيها ان انا راح اكون عندكم عقب 10 دقائق ..


وفعلا ماصارت 10 دقائق الا وامير اسفل البيت انا كنت كل شوي اطل من باب البيت اجيك اذا وصل ولا لا .. وطبعا لما وصل اتصلي وانا رديت وطلعت له ... ويحليله كان في قمة الاحترام والتواضع والسعادة برؤية سياح من بلد بالنسبه له لم تكن من ظمن خارطة البلدان الي يعرفها ...



ناديت امي واخواني وخالتي وبناتها وتجمعنا كلنا عند الباب نعرف امير علينا ...



قبل مانجي لايسلند كنت افكر اجيب لامير هديه معاي من قطر وكنت حابه اجيب له شي يرمز لطبيعة حياتنا ... فقلت اكيد في فالمطار شي عليه كلمة قطر ..



وفعلا لما رحت المطار قلت لخالتي الفكره وقالت خلاص انا بعد بشتري له هديه .. فقلت لها اوكي ..



اختارت هي تشترله تمر بالسمسم ..



وانا شريت له جمل مكتوب عليه قطر .. و مثل الصحن الصغير الي يحطون عليه الكوب على شكل رجل لابس غتره وعقال وثوب ..



----



بعد ماعرفنا امير علينا ... عطيته الجمل و الصحن الصغير وقلت له هاي هديه بسيطه منا لك ... وخالتي عطته التمر ... مبدأيا ماعرف التمر قام يشوفه ويقلب العلبه .. قمنا شرحنا له ان الي داخل تمر بالسمسم والعسل وانه حلو ..


شكرنا وكانت تعابير وجهه كانه فرحان ومنحرج وحسينا انه طيب مسكين وخجول ههههه



واستانس وايد على الجمل وقال انه بيعتبره جمل الحظ وبياخذه معاه في كل رحلاته ...



012.gif





وبدأنا الجولة التعريفيه في العاصمة مشياً على الاقدام .. طلعنا للشارع الرأيسي ونزلنا للجنوب


picture.jpg






ولو ملاحظين لوحة مكتب السياح .. وهو قريب جدا جدا من بيتنا
picture.jpg





لو اتجهنا شمال نروح للسوق و شارع المشاه واذا رحنا للجنوب نروح جهة المطاعم والكافيهات



واحنا رحنا جنوب


picture.jpg



picture.jpg




picture.jpg




عدد سكان ايسلند تقريبا 310 الف نسمة .. لذالك مانشوفها مزدحمه والكل عايش بسلام ووئام ... تدرون تذكرت قطر قبل ... كنا 300 نسمه الشوارع فاضيه ومافي زحمه ننام واحنا مطمئنين وكل واحد يعرف الثاني .. ننام وبيبانا مفتوحه لا عمرنا سمعنا عن سرقة ولا جريمه ولا أي شي من هالسوالف ... وكانت اكبر حادثه نسمع عنها ان فلان دعم بسيارته و تعور ...



بالضبط هم نفس الشي ويمكن احسن



آمنين في بلدهم .. سماههم على وجوههم طيبين وخلوقين جدا جدا .. على فطرتهم وعفويتهم ... مايأذون بعض و لايقلون ادبهم على بعض .. المهم



وصلنا لين منتصف المدينة بالضبط وفي حديقة صغيره فيها كراسي للاطفال





picture.jpg




وبعض النصب التذكاريه الي نسيت هي تذكار لايش












وهاي هو امير وشايل الجميل بايده ويشرح لنا الاماكن






ومازلنا نمشي وراه












وهاي امي و بنت اخوي الصغيره في اخر الركب .. اهني توقفنا مع امير وقام يكلمنا عن البلدية والحكومه الايسلندية .. وامي ماكانت فاهمه لانها ماتتحجى انجليزي فتركتنا وقعدت على احد الكراسي هي وبنت اخوي اشوي الا اشوف شايب ايسلندي راح لهم وقام يلعب بنت اخوي ويبتسم لها ... عادتا الاجانب مايسوون هالشي لكن الايسلنديين غير بسيطين






وهاي هو مبنى البلدية او الحكومة ..

picture.jpg





يقول امير .. ان الدولة تحكمها الكنيسة والكثير من القرارت تخرج من الكنيسة .. وانه بعد ازمة البنوك في الفتره بين 2008 و 2010 وعند خسارة 3 بنوك ايسلندية كانت مملوكه للحكومه صارت الدولة في ازمة اقتصاديه لحد الحين يعانون من هالازمه .. واصبحت الديون على ايسلندا اكثر من السيوله الي عندهم ... و يقول ان بريطانيا احد الدول الي تطالب ايسلندا فلوس .. وقال لنا بكل زعل واسف واحراج ... ان الشعب الايسلندي لن ينسى الاهانه الي جاتهم من رءيس الوزراء البريطاني (( اعتقد مااذكر بالضبط من )) يوم طلع في التلفزيون وقال


Iceland we want cash not ash



يعني ايسلاند نبي فلوس مب رماد ... قصده ردولنا فلوسنا الي نطالبكم اياها بدال ماتعطونا رماد البركان ...



ويعتقد الايسلنديون ان هالشي غير لائق وانه جرحهم ...



الشعب الايسلندي ايضاً تعب من سالفة الديون .. ويطالب الحكومه توقف الضغط عليهم في سالفة الضرائب وهالاشياء عشان تسدد الديون بالمقابل ...


picture.jpg






ويقول امير .. ان مره من المرات الشعب ثار على الحكومه وسوو مضاهرات .. وبدال مايرمون بعض بالقنابل قامو يرمون مبنى الحكومه بالعصي والفؤوس (( حمع فأس )) كما كانو يعملون الفايكنج اجدادهم
picture.jpg





وهاي مبنى البلدية من الخلف .. وتوجد في الخلف حديقة على شكل الشمس

picture.jpg





يقول امير ان الديانة الرسمية للبلد هي المسيحيه ولكن هناك قله وهو واحد منهم وقع في الكنيسه انه ليس مسيحياً و اتبع دين اجداده الفايكنج وصار يعبد اله قوى الطبيعه الي هو في اعتقادهم يسمونه ثور THOR ,, وفي افلام وايد نازله باسم ثور الي هو اله الطبيعه ..


والشمس هي رمزهم ويقول رغم ان البلديه لاتعترف الا بالمسيحيه كدين رسمي لكن رمز اله الطبيعه الي هو الشمس مرسوم في حديقتهم ..


picture.jpg






و كملنا طريقنا لزيارة مكان اخر

picture.jpg





والجدير بالذكر انه راح يتزوج وحده مسيحيه وهاي اول مره تصير عندهم ان مسيحيه تتزوج واحد من دين الفايكنج فهو اقترح يجيبون مطوع مال دين الفايكنج ومطوع مسيحي ويتزوجون بالطريقتين المسيحيه والفايكنجيه

picture.jpg





الجو صار بارد وصوت النورس والبط حولنا و بحيرة جميله بجانبا


picture.jpg




picture.jpg




picture.jpg




توقفنا عند البحيره .. وقال لنا امير انه يجيب بنته (( هو مب متزوج بس عنده بنت من صديقته القديمه خخ )) تاكل البط والعصافير دائما ..



ويقول لو عندنا خبز جان اكلناهم ... ولما شاف بنت اخوي .. قال تدرون بنعطيهم من الاكل الي جبتوه ... عاد انا استغربت ماخبرت البط ياكلون تمر .. فتح العلبه و اكل حبه و انبهر بالطعم وقال وااااااو هاي لذيذ جدا واخذ التمره الثانيه واكلها وتم يطالع التمره ومستغرب وقال شنو هاي تين ..خخخ الله يهديك يا امير من الصبح نقولك تمر مع سمسم وعسل ومكسرات واخر شي تقول تين .. قلنا له لا هاي الي ينبت من شجرة النخيل واعتقد فهم لكنه الظاهر اول مره يشوف وياكل تمر لانه جدا انبهر بالطعم وقال بعطي البط بس حبه وحده اخاف يخلص .. و فعلا تجمعو الطيور ونتف لهم التمره و عطاهم وكانت لحظات بارده وحلوه ..


picture.jpg






هاي ماري اش سالفته


picture.jpg




picture.jpg




picture.jpg




picture.jpg




picture.jpg




picture.jpg




picture.jpg





هاي البطه مصره على انها تاخذ تمره زياده ..





picture.jpg



picture.jpg






وبعد البحيره .. دخلنا امير الى احد المباني وقال لنا ان مكتب الرئيس يقع في هالمبنى في الطابق الثاني واذا كان موجود بنشوفه ... يعني الموضوع بسيط عندهم ولا في حراسه ولا غيره وهاي خريطة ايسلاند في النص وراونا مكانا في الخريطه ووين بكره بيودينا


picture.jpg





وقال انه من المتوقع غداً يثور بركان ... وان شاء الله اذا ثار البركان بياخذنا عنده عشان نشوف ثورة البركان ... كنت بتشقق من الوناسه
013.gif
بشوف بركان ثائر يا حلاوة يا بقلاوه .. واستأذنا انه يجيب بنته اذا ثار البركان في الايام الجايه لانه حاب يراويها ثورة البركان وبيمر علينا وبيودينا معاه .. قلنا له أي عادي جيبها تشوف ... مسكين بيودينا على حسابه وبعد يستأذن انه يجيب بنته .. بس للاسف ماثار البركان خيب ضننا فلاتستانسون مابتشوفون بركان ثاير

picture.jpg




picture.jpg




واتجهنا مشي باتجاه المدينة القديمة

picture.jpg




picture.jpg




picture.jpg




picture.jpg




شوفو هاي البيت الاصفر هو بيت امير و الحديقه هي حديقة الفريج .. وهم كلهم يهتمون بالحديقة

picture.jpg






وقفنا عند الحديقة و قال لنا ان الناس في ايسلند يؤمنون بوجود الإلف (( الاقزام )) والعمالقة وهاي شكل الالف



وللتوضيح الالف ELF هو عقلة الاصبع او الاقزام الي قد عقلة الاصبع والجاينت هم العمالقة



picture.jpg






picture.jpg





picture.jpg





ولان الايسلنديين يؤمنون بوجود الالف والجاينت فهم يحترمونهم جدا ويعتقدون ان الاقزام والعمالقه هم اصحاب ايسلاند الاصليين و ان الفايكنج لما جو ايسلند وسكنو فيها مامانعو الاقزام والعمالقه واسمحو لهم بالسكن في ايسلند معاهم لهالسبب هم يحترمونهم ومستحيل يشيلون أي حجر في حفر من مكانه لانهم يؤمنون ان هالحفر هي بيوت الالف او الاقزام ولازم مايخربونها وان انوجد الحجر في نص الارض يبنون البيت حوله بطريقه ان الحجره او الصخره ماتخترب ولاتنشال احتراما للالفس

picture.jpg





وهاي البيت الاصفر بيت امير

picture.jpg





وقال انه ساكن في جزء والباقي مسويه مثل شقق مفروشه يسكن فيهم السياح وكان بيسكنا في بيته لو كنا ما حاجزين فندق .. طبعا بيسكنا بفلوس مب ببلاش خخخخ لاتفكرون انه بيسكنا ببلاش خخخ

picture.jpg






و انتهت جولتنا التعريفيه في ريكافيك ودلانا على مقهى غسيل الملابس كما يسميه .. وعلى السوبرماركتات والمطاعم الي يحبها وعرفنا على المدينة .. و قبل مايودعنا قلنا له احنا ميتين من الجوع وخاطرنا ناكل شي من المطبخ الايسلندي ... قال انصحكم بالسمك فايسلند مشهوره جدا باسماك بحر الشمال ... مع ان اغلبنا مايحب السمك قلنا نجرب وين ممكن ناكل سمك ؟ وبنفس الوقت الي حاب شي غير السمك يطلب له يعني مانبي مطعم بس للاسماك .. قال لنا انه يعرف مطعم طبخه يذكره بطبخ جدته خخ واتصل يسأل اذا في حجز لان عادتا يكون المطعم مليان .. ومالقى حجز ل8 اشخاص .. فقال بدخلكم مطعم ثاني واخذنا لهالمطعم

picture.jpg







ولما وقفنا عند الباب كان ريحته سمج ماحبينا الريحه بس ايضا كان المطعم مليان وقال لنا انتظرو دقايق نجهز لكم طاوله .. وبهالوقت جى اتصال لامير من المطعم الي يطبخ اكل نفس اكل جدة امير خخ وقال جهزنا لهم مكان اذا حابين .. وقال لنا امير جهزولكم مكان و اتحمسو بالذات لين عرفو انكم جايين من مكان بعيد
smile.gif




ورحنا مشي للمطعم الثاني



وبينما احنا نمشي للمطعم الثاني مرينا على هالصخره المقسومه بالنص .. ومحطوطه امام دار البلدية

picture.jpg





وقال لنا امير ان هو يفتخر انه من الناس الي شالو هالصخره وحطوها جدام دار البلديه عشان يذكرون الحكومه ان مهما ادعت الحكومه انها زينه وديمقراطيه تضل هناك فجوه بين الحكومه والشعب

يتبع








 

دعاءء

رحالة
إنضم
3 ديسمبر 2018
المشاركات
1,000
مستوى التفاعل
0
النقاط
36
العمر
35
ووصلنا للمطعم


picture.jpg



picture.jpg



دخلنا امير ونادا الموظفين في المطعم وقال هاي الي قلت لكم عنهم وودعنا راح ..وتمنى ان احنا نستمتع بالاكل ..


قعدونا على هالطاوله وكانت اجواء المطعم حلوه كانه بيت قديم فيه حميميه بس الطاولات جدا قريبه من بعض .. واذكر الكل كان يطالعنا

picture.jpg




picture.jpg




picture.jpg




picture.jpg



كنا يواعه وايد والصغيره وصلت حدها وتمت تقول ابي اكل ونفسيتها اختربت مشكله احنا ناس اذا جعنا نعصب خخخخخخ واخيرا جات اطباقنا .. للعلم كانت الخيارات في المنيو جدا قليله


مع اني ماحب السمك بس قلت اذوق سمكهم وطلبت سمك

picture.jpg




ولاني ماحب السمك فماحبيت الاكله وخالتي لين ذاقت قالت مب مطبوخ عدل مسلوق سلق خفيف .. الظاهر هم يحبونه بهالطريقه


والباقيين طلبو ستيك لحم .. كانو يقولون انه نص ونص واحلى من السمك


picture.jpg




ولين خلصنا وجينا نبي ندفع ونطلع طلبو منا ان احنا ننتظر قليلا لان المطعم حاب يقدم لنا سويت هديه من المطعم .. قلنا لهم مب لازم لان احنا كنا تعبانيين ندور الفراش .. بس اصرو وقالو 5 دقايق ويجهز هاي حلا ايسلندي مصنوع من الروب والفواكه ... وجابوه ... كان طعمه حلو وشيرته خفيفه وفيه طعم روب


picture.jpg





وبعد ماخلصنا اكل وحاسبنا شفت فاتورتي ل 4 اشخاص تقريبا ب 4000 كيرونا وماكنت اعرف كم بالضبط تساوي حسيت بالصدمه وقلت في قلبي واااايد 4000 ودفعت بالبطاقه لاني مالقيت فلوس ايسلند عند الصراف ولين رجعت وشيكت مع البنك لقيتهم تقريبا يطلعون 120 ريال فقلت زيييييييين مب وايد .. وطلعنا من المطعم وكان الجو بااااااارد اسنانا قامت تطاقق

picture.jpg



ورجعنا لفندقنا وهاي بيتنا الباب الي على اليمين غرفة امي والي على اليسار غرفتي والشباك الي فوق غرفتي هو شباك خالتي ..


picture.jpg




picture.jpg



ورجعنا تدفينا وفتحنا كل الدفايات ... ونمنا ...


وللحديث بقيه









 

دعاءء

رحالة
إنضم
3 ديسمبر 2018
المشاركات
1,000
مستوى التفاعل
0
النقاط
36
العمر
35
اليوم هو ثاني يوم لنا في ايسلند ..​


رن المنبه على الساعة 9 لان الاتفاق اليوم مع امير ان جولتنا تبدأ الساعة 10 الصبح .. قمنا نتجهز .. و قلت اشيك على درجة الحرارة وكانت

picture.jpg






ووصانا امير امس ان احنا ناخذ جاكيتاتنا معانا دائما لان المكان قد يكون بارد جداً ..



لبسنا وتجهزنا وعلى الساعة 10 بالضبط امير وصل جدام البيت مع سواق في سيارة فان ..



دخلنا السيارة وكان الجمل باستقبالنا

picture.jpg





خلوني اعطيكم فكرة عن رحلة اليوم ..



الرحلة اليوم هي من اختصاص امير وهو الوحيد الي يسويها



اسمها Private Gourmet Day Tour



الترجمة : رحلة سياحيه مرفهه خاصه



كان سعر الرحلة في البدايه اكثر من المبلغ الي اقولكم عليه لكن قلت لامير ان السعر عالي فقال بيسوي لي خصم 10 بالاميه وفي المقابل هو لن يحضر معانا فقط السواق بيكون موجود .. وافقت لكن اخر يوم من حماسه قال انا متحمس القاكم وباجي اخذكم للجوله السياحيه لكن مابي الـ 10 بالاميه وراح اخذ فقط مبلغ الرحله بدوني ... وافقت وشكرته ..



سعر الرحلة ل 8 اشخاص في سياره فان خاصه هو 270000 كرونا ايسلنديه يعني تقريبا 8100 ريال قطري يعني سعر الشخص هو 1012 ريال قطري ..



اكيد بتقولون ان السعر مرتفع ... نعم انها اسعار الجولات السياحيه في ايسلند كلها تقربيا مرتفعه ... الاكل معقول .. الفنادق معقوله .. لكن الرحلات السياحيه مكلفة ...



مشت السياره وابتعدنا عن العاصمة و هاي الطريق .. كلشي حولنا اخضر


picture.jpg




picture.jpg




picture.jpg




هالجزء مافيه كلام وايد ...


picture.jpg




picture.jpg




picture.jpg




picture.jpg




picture.jpg




picture.jpg





لو تلاحظون الارض والجبال كلها خضراء لكن مافي اشجار عاليه صح ولا لا ؟


picture.jpg



picture.jpg






سألت امير عن سبب عدم وجود اشجار في ايسلاند الانادرا ...



وقالي ان فالواقع فعلا مافي اشجار عاليه في ايسلند ... علمياً مانعرف ليش ومافي شي اكيد لكن هو حاليا يحظر للدكتوراه وهاي هو بحثه ... وهو يعتقد ان عدم وجود الاشجار راجع للإلفس او عقلة الاصبع او الاقزام الي هم سكان ايسلند .. و الاقزام بالنسبه لهم هالحشيش كأنه غابه عاليه و هاي لانها ارضهم فغاباتهم صغيره مثلهم وبالنسبه لنا هالغابات مجرد حشيش ... جاتني الضحكه في قلبي على موضوع بحثه وعلى تفسيره هههه ... لكن بيني وبين نفسي فكرت و اعتقد ان السبب قد يرجع الى ان الماي الموجود تحت الارض في ايسلند يغلي من البراكين والبراكين قريبه فالاشجار الكبيره اكيد جذورها كبيره تموت وماتنبت من حرارة الماي ... والسبب الثاني اعتقد ان الشجره مايمديها تنبت الا جى الثلج جمدها وذبحها ...



اش تعتقدون السبب ؟؟ ماتعتقدون ان اسبابي مقنعه اكثر من سبب امير ؟؟



مرينا ببحيره حلوه يقول امير ان نصها حلو ونصها مالح


picture.jpg





picture.jpg




picture.jpg




picture.jpg




picture.jpg




picture.jpg





يا سلام على الهدوء والطبيعه الصافيه


picture.jpg





كل الاراضي في ايسلند حتى الجبال و الشواطئ اغلبها اذا مب كلها مملوكه لاشخاص ومزارعين .. ويقولكم مايستغنون عن الارض ولا يبيعون الارض مهما صار



مثلا شوفو هالجبل وهالارض الكبيره وهالخضار كله .. ملك لشخص

picture.jpg




picture.jpg




واحيانا نشوف بعض الناس يملكون شلالات مع الجبال ... وبحيرات

picture.jpg





شوفو بيت صاحب الارض بعد مشي مده بالسياره نشوف مبنى بالنص وهو مبنى صاحب المزرعه


picture.jpg




picture.jpg




picture.jpg




picture.jpg




و توقفنا عند استراحه قال لنا امير ان هاي الاستراحه فيها دورات مياه اذا حابين تنزلون لان بعدين مافي حمامات ودربنا طويل وقال تقدرون تشترون ماي من الجمعيه ...
picture.jpg




انا كنت محتاجه اسحب فلوس للرحله وعشان ادفع لامير لان ماعندي كاش .. رحت للصراف الالي وسحبت وجاني مسج تم الخصم من حسابك .. لكن ماطلعت لي الفلوس والكرت طلع حاولت يمين يسار ماقدرت اعرف ولا افهم الي مكتوب ورحت اكلم الموظفين في الجمعيه .. قالو احنا مانعرف الحل بس عطوني رقم البنك وقالو كلميهم وعطوني عنوانهم عشان اعطيهم اياه في حالة اسألوني باي فرع سحبتي .. وتميت متوتره لان المبلغ مب قليل .. وخفت يكون راح علي ... قلت بكلم البنك اسأل ..



لما سألت بنك قطر قالو لي مومبين ان في عملية سحب صارت اليوم ... و الحمدالله رصيدي كامل مانخصم منه شي .. الحمدالله طلع الصراف مخرف ...



وعقب رجعت السياره ولين رديت لقيت امير يوزع جزر وقالي اخذي جزر ايسلندي ..


picture.jpg





وكملنا طريجنا ..

picture.jpg




picture.jpg




picture.jpg




wol_error.gif
هذه الصورة تم تصغيرها . الحجم9.​



وكملنا طريجنا ..

picture.jpg




picture.jpg




picture.jpg




wol_error.gif
هذه الصورة تم تصغيرها . الحجم الافتراضي لها هو 959x719.
picture.jpg




wol_error.gif
هذه الصورة تم تصغيرها . الحجم الافتراضي لها هو 959x719.
picture.jpg




wol_error.gif
هذه الصورة تم تصغيرها . الحجم الافتراضي لها هو 959x719.
picture.jpg




wol_error.gif
هذه الصورة تم تصغيرها . الحجم الافتراضي لها هو 959x719.
picture.jpg




wol_error.gif
هذه الصورة تم تصغيرها . الحجم الافتراضي لها هو 959x719.
picture.jpg



picture.jpg



picture.jpg




picture.jpg
picture.jpg




wol_error.gif
هذه الصورة تم تصغيرها . الحجم الافتراضي لها هو 959x719.
picture.jpg




wol_error.gif
هذه الصورة تم تصغيرها . الحجم الافتراضي لها هو 959x719.
picture.jpg




wol_error.gif
هذه الصورة تم تصغيرها . الحجم الافتراضي لها هو 959x719.
picture.jpg




wol_error.gif
هذه الصورة تم تصغيرها . الحجم الافتراضي لها هو 959x719.
picture.jpg




wol_error.gif
هذه الصورة تم تصغيرها . الحجم الافتراضي لها هو 959x719.
picture.jpg




wol_error.gif
هذه الصورة تم تصغيرها . الحجم الافتراضي لها هو 959x719.
picture.jpg




wol_error.gif
هذه الصورة تم تصغيرها . الحجم الافتراضي لها هو 959x719.
picture.jpg






شوي ووقف امير وقام يدلي السواق الطريج


picture.jpg





وشوي الا يقول لنا : الحين بندخل حقل بركاني قديم مستعدين ..



قلنا نعم مستعدين ..



وقال بشغل لكم موسيقى الغناء على طريقة اصوات مبهمه مالها معنه مجرد إيمائات وتأوهات واصوات الطبيعه عشان تعيشون بحاله نفسيه متناسقه مع المكان .. وافقنا ..



وشغل لنا المسجل .. كان موسيقى هاديه وصوت بنت تقول مممممممممممممهممم مههه واااا ييييي مممممووووو كااااااا تتتتييييييي يعني كلام مش مفهوم .. بس صوت هادئ وجميل



ودخلنا حقل البركان

wol_error.gif
هذه الصورة تم تصغيرها . الحجم الافتراضي لها هو 959x719.
picture.jpg




طبعا الحمم البركانيه بردت خلاص وصارت كانها صخور متعرجه ومدببه احياانا بدون اشكال ثابته


وكنا رابطين حزامات الامان لان السياره كانت تناقز

wol_error.gif
هذه الصورة تم تصغيرها . الحجم الافتراضي لها هو 959x719.
picture.jpg




wol_error.gif
هذه الصورة تم تصغيرها . الحجم الافتراضي لها هو 959x719.
picture.jpg





ومازال اليوم في اوله ..



وللحديث بقيه​
 

دعاءء

رحالة
إنضم
3 ديسمبر 2018
المشاركات
1,000
مستوى التفاعل
0
النقاط
36
العمر
35
مرحبا اعزائي ..

اخر شي قلته لكم ان احنا دخلنا حقل حمم بركانيه .. طبعا من البروده والزمن تحولت الحمم الى صخور متعرجه ومازلنا نشاهد المكان باستغراب

picture.jpg




سبحان الله منظر الماء دائما يبعث السعادة .. اعتقد الماء احد مصادر الطاقة الاجابية

picture.jpg




picture.jpg




picture.jpg




picture.jpg




picture.jpg



الصور كثيرة والكلام قليل .. اتمنى ماتتمللون

picture.jpg




picture.jpg




picture.jpg




picture.jpg




picture.jpg




picture.jpg


كنا نمشي وسط حقل الحمم البركانيه و مافيه شارع واضح كان امير هو الي يدلي السواق ويقوله لف يمين امش زياده وهكذا

picture.jpg




picture.jpg




picture.jpg



الى ان وصلنا لنقطة ... وقفنا فيها وامير قال لنا نزلو انتو الان في وسط المجهول in the middle of no where

اول مانفتح الباب كان الهواء بااااااااااااارد وصوت الريح يصفر في المكان و الورود البرية منتشرة على الارض ... مكان قمة في الجمال .. لاتشوفون حد حولكم ولا حد يشوفكم



picture.jpg



المشي على الحمم البركانيه شوي صعب


picture.jpg



هاي سيارتنا​

picture.jpg



مشينا ورا امير​

picture.jpg



وودانا عند هالنبع او البحيرة​

picture.jpg



وقال لنا هاي هي البحيرة الي قلت لكم عنها ووصيتكم تجيبون معاكم ملابس سباحه عشان تسبحون فيها ..​

picture.jpg


طبعا بتستغربون ... شلون نتسبح ودرجة الحرارة اقل من 9 درجات يعني بررررد​

picture.jpg



الكل كان متردد .. يقولون شلون نسبح وشلون نبدل صعبه ..​

picture.jpg



أي صح نسيت اقول لكم اهم نقطة ... هالنبع هو نبع ساخن يعني البركان يسخنه تحت الارض ويطلع لنا دااااااافئ وحلو نشوف الفقاقيع تطلع منه وشوية ابخرة ..

picture.jpg



picture.jpg



ماستحملت على طول قعدت عالحشيش وحطيت رجلي سبحان الله حسيت بالدفئ يسرسح على جسمي وقلت لهم حلووووو دافي والكل يطالع الا اخوي ماتعطل فسخ ملابسه ونزل وانا اطالعه وودي انزل وراه بس امير واقف على جبدنا ويصورنا خخ

picture.jpg



اشوي الا اشوف امي تروح له .. وتاشر له بيده وتقوله قو قو go go وتاشر على حجابها ووتقول نو نو وترد تاشر وتقول قو قو هالانغليز مايستحون ههههه​

picture.jpg



فهم امير ان احنا ماقادرين ننزل لانه هو موجود على طول راح وقال للسواق يحرك السيارة وراحو وقفو بعيد ورا الجبل عشان يخلونا ناخذ راحتنا اميه بالاميه​

picture.jpg


طبعا احنا ماصدقنا و لبسنا لبس السباحه المايو الاسلامي الي تخبرونه مايو الفقمه خخخ وقلنا لاخوي لاتلف صوبنا عطنا ظهرك عشان بنات خالتي ياخذون راحتهم ونزلنا بدون حجابات حتى ومافي طير في المكان بس احنى​

picture.jpg


المكان جميل يبعث الهدوء والاسترخاء والسعاده في النفس​

picture.jpg


هاي اخوي مسكين كلش مالف صوبنا​

picture.jpg


وهاي احنا​

picture.jpg



تعرفون الاحساس لما يكون الجو باااااااارد وانت في ماي دافي وحواليكم طبيعه تجنن والمكان مافيه غيركم و 100 بالاميه خصوصيه في وسط الطبيعه ... اكيد ماتعرفون الشعور لانكم ماجربتو

picture.jpg




picture.jpg




السما تجنن​

picture.jpg



فكرنا نستفيد من التربه البركانيه الي تحتنا و نحط ماسكات في وجوهنا واخوي تحمس قام دهن جسمه كله بالبطين البركاني​

picture.jpg



اخوي في لحظة تأمل وصمت​

picture.jpg


يمكن تمينا في البحيرة قريب الساعة ... وعقب قررنا نطلع لان متنا من الجوع السباحه تجوع
005.gif

picture.jpg


لبسنا وتنشفنا بعناء وتكاسل وثقل

picture.jpg



picture.jpg


الواحد ماوده يتحرك من هالمكان الزين​

picture.jpg


وركبنا السيارة الا نشوف امير يحليلاته مجهز لنا سندويجات روست بيف اعتقد اسمه لحم مدخن الي من طخة المرتديلا بخبز ايسلندي ومن الجوع حسيت ان هالسنوديجات جدا لذيذه وكلنا منها بشراهه وكنا في البدايه مستحيين نطلب سندويج ثاني لين قال لنا امير اخذو قد ماتبون هاي كله لكم ... وفعلا كله راح في بطنا خخخخ

picture.jpg



وقال لنا تبون اصب لكم شامبين ... قلت له احلى يا شامبين ... اسقني من هذا يا غلام ...
013.gif


لالالا

الحقيقه ضحكنا يوم قال لنا هالكلمه وقلنا له لا شكرا احنا مانشرب كحوليات قال لا شوي بس شربو لاتكثرون ... قلنا له احنا مانشرب بالمره ... قال اكيد هاي نوع طيب ... قلت في قلبي لو شاريلنا ماي احسن وارخص له ولنا ... لكن لما شاف اصرارنا فهم انه ممنوع منع قاطع ومانتغشمر في هالموضوع خخ

وللحديث بقية​






 

دعاءء

رحالة
إنضم
3 ديسمبر 2018
المشاركات
1,000
مستوى التفاعل
0
النقاط
36
العمر
35
ومشت السيارة فينا مره ثانيه في حقل الحمم البركانيه

picture.jpg




picture.jpg



التربه البركانيه لونها احمر غامج والعشب لما ينبت على الحمم ينبت كأنه سجاده من العشب

picture.jpg




picture.jpg




picture.jpg




picture.jpg




picture.jpg




picture.jpg




picture.jpg





picture.jpg



وطلعنا من الحمم البركانيه ومشينا في الشارع الرئيسي

picture.jpg




picture.jpg





picture.jpg



وبعد مامشينا فتره من الزمن .. وصلنا لمحطتنا الجديدة .. وتوقفنا امام البحر ...

picture.jpg




نزلنا والجو بااااااااااااااااااااااااااااارد

picture.jpg



وزع علينا امير لحافات وقال تدفو فيهم وكلنا خذنا لنا لحافات وتلففنا فيهم

picture.jpg



وبدأت رحلة اكتشاف المكان




picture.jpg



شوفو الطاوله اش حلوها تشجع ان الواحد يحط اكله وياكل
picture.jpg



picture.jpg




المكان جدا جميل وهااااادئ ككل الاماكن في ايسلند والهوا بارد ..

picture.jpg




picture.jpg




picture.jpg



قال لنا امير امشو سيده وعقب بتشوفون جدول صغير عليه جذوع شجل على شكل جسر اعبرو الجسر وتأملو البحر من ذيج الجهه وبتشوفون حيوانات مختلفه واهم حيوان حاولو تشوفونه هو كلب البحر ..

picture.jpg




picture.jpg




picture.jpg



شوفو البركان بعييد الفوهه من فوق تبين انها بركان



مشينا بنفس الاتجاه الي قال لنا امير عنه

picture.jpg




picture.jpg



ووصلنا الى الجدول و الجسر المكون من جذوع الشجر

picture.jpg



وقتها هلت العبرات وتذكرت المثل القائل عصفورة ووردة و جدول صغير ونسمت الموده من حولنا تطير الحمد لك والشكر لك يا الله (( ماهلت العبرات بس الاحساس كان لايوصف ))

picture.jpg




picture.jpg




picture.jpg



من كثر ما هيضني الجدول او النبع قمت اصوره من كل الاتجاهات

picture.jpg




picture.jpg




picture.jpg




picture.jpg




picture.jpg



ومازلت مستمره اصور الجدول والجسر وكل شوي اغير الاغنيه الي اسمعها مره فيروز ومره صباح

picture.jpg



و عقب ماحسيت اني مسختها من كثر ماصورت الجدول قلت اكمل طريجي لين البحر

picture.jpg




picture.jpg




picture.jpg



picture.jpg




picture.jpg



خبراء علم الطاقة دايما ينصحون بالجلوس امام البحر او الاستحمام في البحر لانه ياخذ الطاقه السلبيه الي في جسمنا ويعطينا طاقه ايجابيه تبعث فينا الراحه والسعاده

picture.jpg



قعدنا على الصخور نتأمل البحر وندور كلب البحر

picture.jpg




picture.jpg




picture.jpg



متلكوتين باللحافات وقاعدين نسولف ونتأمل الدنيا الحلوه

picture.jpg



شوي الا شفنا راس كلب البحر وشفنا راس واحد ثاني

picture.jpg



شوفو في النص دائرة هاي راس كلب البحر كان كل شوي ينط يطلع ويدخل بس يخاف يقرب منا

picture.jpg



حاولو تدققون بشكله .. يشبه الكلب العادي بس املط

picture.jpg




picture.jpg

هاي صورة لكلب البحر من النت ... ترا ينابح هوهوهوو الدبدوب



7a9beb2aa993606d6eff2a9941de777a.jpg



و للحديث بقية​







 

دعاءء

رحالة
إنضم
3 ديسمبر 2018
المشاركات
1,000
مستوى التفاعل
0
النقاط
36
العمر
35
اخر شي قلته لكم ان احنا قعدنا ندور كلاب البحر و نسولف ونسمع فيروز على شط البحر ...


picture.jpg



picture.jpg



picture.jpg

مانسمع حولنا غفير صوت الهوا والماي

picture.jpg




picture.jpg



picture.jpg




قررنا العوده الى امير عشان انشوفه اش قاعد يجهزلنا
picture.jpg




وصلنا عنده وبطني قام يصوصو الريحه كانت لذييذه
picture.jpg





كان قاعد يشوي لنا اكل ويجهز لنا اكل بالطريقة الايسلنديه






عيني قامت تتطاير بين المواعين والطاوله والاكل






اتذكر انه سألني اذا في شي معين ماتحبون تاكلونه .. فقلت له بالايميل ان احنا مانحب السمك وممكن ناكل ربيان او ام الربيان والدجاج واللحم وفقط هاي الي ناكله من اللحوم .. مانحب البيض ونعشق الجبن
smile.gif




فكان اول طبق قدمه لنا هو ربيان مشوي ومتبل بطريقة معينه .. لكن الطعم يهبل حلووووو احلى ربيان مشوي كلته بحياتي صج صج صج لذيذ والتتبيله لذيييييييذه






وبينما كنا ناكل الربيان المشوي كان امير يشوي بمساعدة السواق ويجهز باقي الاكل واحنا كلنا فضول نعرف شنو الي بيجهز وتحمسنا نذوق باقي الاكل بالذات من عقب ماذقنا الربيان

picture.jpg




picture.jpg




يعيني يا ليلي ... كشته جميله كانت






جهز الطبق الثاني .. سندويج لحم خرفان ايسلنديه بالتتبيله والصلصه الايسلنديه المعده منزليا ..







ماتتخيلون شلون اللحم لذييييذ وطري ولين .. وطعم السوس اااه يا طعم السوس والمشروم عذاب من حلاته

picture.jpg





بعضنا لاهي ياكل وهو قاعد عالارض والبعض ياكل وهو واقف والبعض واقف مع امير ..

picture.jpg




يبيله سندويج ثاني

picture.jpg




ودجاج مشوي ... لذييييذ وناااطع ولا يعرف للزفر طريق (( يعني كلش كلش مب زفر ))

picture.jpg




وايضا سندويج ثالث
007.gif
مع قطع مقطعه صغيراً من الستيك الطري اللذيذ المغروس باعواد صغيره

picture.jpg




picture.jpg




بالنسبه لي كان احلى لحم كلته بحياتي ماعمري كلت بطراوته ولذته ... وخلص المالح وجاء الحلو على الطريقة الايسلنديه ... روب بالفواكه بالطريقة الايسلنديه

picture.jpg




picture.jpg




وايضاً طعمه حلو وخفيف

picture.jpg





وبهذا انترست بطونا بألذ الاكلات الايسلنديه اللذيذه والمشويه في الهواء الطلق ... وقعدنا متنحين جدام البحر .. لين جانا امير وقال يالله نكمل رحلتنا عشان نشوف كلشي حسب الخطه ...




وللحديث بقية​






 

دعاءء

رحالة
إنضم
3 ديسمبر 2018
المشاركات
1,000
مستوى التفاعل
0
النقاط
36
العمر
35
تحركت السيارة ... ومشينا باتجاه احد المزارع المسورة الي يربون فيها خيول
و يقول امير انه عنده اذن ان احنا ندخل لين داخل السور ونمسك الحصن الايسلنديه المميزة ..

picture.jpg




picture.jpg


picture.jpg


يختلف الحصان الايسلندي عن غيره ..
فهو قصير القامة و شعره جميل وطويل وقوي جدا ويستحمل البرد الشديد .. وبصراحه جميل جدا ..


picture.jpg



كلهم دخلو داخل السور الا انا .. بصراحه ماامن للحيوانات ومااحبهم واخاف منهم

picture.jpg




picture.jpg



كانو مستأنسين عالخيول .. ياكلونها ويمسكونها وانا كنت اراقب خارج السور


picture.jpg




picture.jpg



توجد رحلات على ظهر الخيول الايسلندية .. ياخذونكم في جولات في براري ايسلند ويسون لكم برامج سياحيه كامله على ظهر الحصان


picture.jpg


picture.jpg



امير شكله معجب بالوالده .. يصورها كل شوي خخ


picture.jpg




picture.jpg



واشقر على اشقر
مثل ما الحر الاشقر
يجمع معاني الزين
كامل معانيها ..
متميزن بالوصف
مخضر ومنظر
اجمل وصوف الحسن
متجمعه فيه


picture.jpg



ملابس امير كانت كيوت وظريفه .. هاي هي الازياء الايسلندية تلقون ناس وايد يلبسون بنفس هالستايل


picture.jpg




picture.jpg



ياخي الناس لي صورو الحصن او الخيول تطلع الصور جميله ... لكن صوري اجمل

picture.jpg




picture.jpg




picture.jpg




picture.jpg




picture.jpg




picture.jpg




picture.jpg




picture.jpg




picture.jpg




picture.jpg




picture.jpg



وبعد ان اطعمو الخيول ومسكوها و بالغصب امير قال لهم يالله نروح عشان نكون عالجدول حسب المخطط .. وهم ماودهم يروحون مافي الا انا احس ان خلاص لازم نروح وهم ودهم يتمون اكثر
ركبنا السيارة وحركنا



picture.jpg



شوفو الطبيعه لين نوصل الى محطتنا القادمة
picture.jpg




picture.jpg




picture.jpg




picture.jpg


picture.jpg




picture.jpg




picture.jpg




picture.jpg




picture.jpg




picture.jpg


.. وللحديث بقية







 

دعاءء

رحالة
إنضم
3 ديسمبر 2018
المشاركات
1,000
مستوى التفاعل
0
النقاط
36
العمر
35
تحركت السيارة ... ومشينا باتجاه احد المزارع المسورة الي يربون فيها خيول
و يقول امير انه عنده اذن ان احنا ندخل لين داخل السور ونمسك الحصن الايسلنديه المميزة ..

picture.jpg




picture.jpg


picture.jpg


يختلف الحصان الايسلندي عن غيره ..
فهو قصير القامة و شعره جميل وطويل وقوي جدا ويستحمل البرد الشديد .. وبصراحه جميل جدا ..


picture.jpg



كلهم دخلو داخل السور الا انا .. بصراحه ماامن للحيوانات ومااحبهم واخاف منهم

picture.jpg




picture.jpg



كانو مستأنسين عالخيول .. ياكلونها ويمسكونها وانا كنت اراقب خارج السور


picture.jpg




picture.jpg



توجد رحلات على ظهر الخيول الايسلندية .. ياخذونكم في جولات في براري ايسلند ويسون لكم برامج سياحيه كامله على ظهر الحصان


picture.jpg


picture.jpg



امير شكله معجب بالوالده .. يصورها كل شوي خخ


picture.jpg




picture.jpg



واشقر على اشقر
مثل ما الحر الاشقر
يجمع معاني الزين
كامل معانيها ..
متميزن بالوصف
مخضر ومنظر
اجمل وصوف الحسن
متجمعه فيه


picture.jpg



ملابس امير كانت كيوت وظريفه .. هاي هي الازياء الايسلندية تلقون ناس وايد يلبسون بنفس هالستايل


picture.jpg




picture.jpg



ياخي الناس لي صورو الحصن او الخيول تطلع الصور جميله ... لكن صوري اجمل

picture.jpg




picture.jpg




picture.jpg




picture.jpg




picture.jpg




picture.jpg




picture.jpg




picture.jpg




picture.jpg




picture.jpg




picture.jpg



وبعد ان اطعمو الخيول ومسكوها و بالغصب امير قال لهم يالله نروح عشان نكون عالجدول حسب المخطط .. وهم ماودهم يروحون مافي الا انا احس ان خلاص لازم نروح وهم ودهم يتمون اكثر
ركبنا السيارة وحركنا



picture.jpg



شوفو الطبيعه لين نوصل الى محطتنا القادمة
picture.jpg




picture.jpg




picture.jpg




picture.jpg


picture.jpg




picture.jpg




picture.jpg




picture.jpg




picture.jpg




picture.jpg


.. وللحديث بقية







 

دعاءء

رحالة
إنضم
3 ديسمبر 2018
المشاركات
1,000
مستوى التفاعل
0
النقاط
36
العمر
35
ومازلنا في السيارة نتأمل الطبيعة الغريبه بالنسبه لنا .. خضراء .. لكن بدون اشجار
picture.jpg




picture.jpg




picture.jpg



picture.jpg


كل شوي كنا نشوف شلال

picture.jpg




picture.jpg



شفتو هاي الشلال


picture.jpg




هو محطتنا القادمة .. هو ملك لسيدة .. ويعتقد الايسلنديون ان مياه هذا الشلال شافيه من العديد من الامراض ويحبون يشربون من هالشلال للاستشفاء .. و ماي هالشلال احد انقى المياه في ايسلند و امير قال لنا جهزو غراشكم (( قاروراتكم )) عشان تملؤنها من ماي الشلال بننزل عنده عشان تذوقون طعم الماء وتاخذون لكم منه وتملؤن غراشكم


picture.jpg




نزلنا من السيارة


picture.jpg




ورحنا صوب مجرى الشلال


picture.jpg




picture.jpg






قعده جميلة


picture.jpg




ورحنا نذوق ماي الشلال قربت للماي


picture.jpg




حطيت يدي داخل الماي كاااان باااااااااااااارد


picture.jpg




الماي شفااف


picture.jpg




شربته ... صج صج صج حلو ... تحسونه على قولت القايل عذب فرات باااارد يبرد عالقلب ومثل ماي الصحه كلش مافيه طعم ترسنا اغراشنا و شربنا لين ارتوينا و قمنا
وكملنا طريقنا للمحطة القادمة


picture.jpg




picture.jpg




picture.jpg



picture.jpg



picture.jpg




picture.jpg


خرفان ايسلند ايضاً مميزه ... بيييضه ودبببه و فروها حلوووو ومدوره ولين تركض تحسونها تتفرفر تجنن كان خاطري الم لي خروف وافرك فروه بس الخرفان مع انها دبه بس سريعه

picture.jpg


شوفو هاي الجبل الي فوقه ثلج ... هاي فوهة بركان مسدودة بالثلوج


picture.jpg




picture.jpg




هالبركان قد ثار من قبل و بتلاحظون الحمم البركانيه عنده تحسون الحمم واصله لييييييييييييييين مكان بعييييد


picture.jpg




picture.jpg



picture.jpg


وللحديث بقية ..







 

دعاءء

رحالة
إنضم
3 ديسمبر 2018
المشاركات
1,000
مستوى التفاعل
0
النقاط
36
العمر
35
ومازالت مناظر حمم البركان القديمة تملئ الارض والشارق يمر وسط الحمم ..





picture.jpg







picture.jpg







picture.jpg







picture.jpg







picture.jpg



هاي فوهة البركان الي مسدودة بالثلج .. سبحان الله من تحت بركان يغلي ومن فوق ثلج قاسي





picture.jpg







picture.jpg







picture.jpg





لفينا باتجاه البحر





picture.jpg




وصلنا ونزلنا ..





picture.jpg







picture.jpg





واول مكان اتجهنا له هو تمثال الباردور الكبير .. وهاي نوع من انواع البشر الاسطوريين الي يؤمنون فيهم الايسلنديين وهانوع من البشر يعتبرون محاربين


picture.jpg




نبذه عن التمثال للي بيفهم ..





picture.jpg




بعد ماصورنا عند التمثال قال لنا امير تعالو معاي برويكم اشياء حلوه ولحقناه





picture.jpg







picture.jpg





مستعدين عشان تشوفون اغرب المناظر الطبيعيه واجملها ...
يالله
1

2


3

شوفو الكهوف والتكونات الصخريه الي صايره من تلاقي البركان بالبحر
شوفو لون الرمل والماء والكهف الصخري





picture.jpg







picture.jpg







picture.jpg






كان امير يحذرنا ويقول لنا على الاقل اتركو مسافة متر بينكم وبين المنحدر عشان ماتطيحون ماقدر اضمن لكم قوة الصخور على الاطراف





picture.jpg







picture.jpg



واهني الامواج نشوفها ناحته خطوط على الصخور بشكل غريب وجميل





picture.jpg







picture.jpg




بعدها مشينا باتجاه هالمنصه لمشاهدة مايوجد خلفها وطول الوقت امير يذكرنا بوجوب ترك مسافة متر على الاقل بينا وبين الحافه





picture.jpg




وقربنا من المنصه




picture.jpg



وشفنا منظر اخر مدهش وغريب ... منظر الصخرتين الي يبوسون بعض




picture.jpg




حسيتهم اكثر كانهم جملين يبوسون بعض خخخ





picture.jpg




والمناظر الجميله تستمر





picture.jpg







picture.jpg







picture.jpg




ووصلنا الى لافته مكتوب عليها هاربور يعني الميناء .. وقال امير هاي وجهتنا



وللحديث بقية ..


 

دعاءء

رحالة
إنضم
3 ديسمبر 2018
المشاركات
1,000
مستوى التفاعل
0
النقاط
36
العمر
35



الطريق طويل ...
المناظر غريبه جداً و تستحق التأمل بصمت


شوفو مجرا النهر وسط الحمم البركانيه الباردة ... هالبركان من قوته غطى مساحات كبييييييييييييييييييييييييييرة وشكله يخوف


picture.jpg




picture.jpg




picture.jpg




picture.jpg




picture.jpg




picture.jpg




picture.jpg




picture.jpg




picture.jpg




picture.jpg


كان احساسي بذاك الوقت اني على القمر .. احس التضاريس تشبه تضاريس القمر (( القمر الي في خيالي ))

picture.jpg




picture.jpg




picture.jpg




picture.jpg




picture.jpg




picture.jpg




picture.jpg




picture.jpg




picture.jpg




picture.jpg




picture.jpg


سكه طويله
والبراري قفار
ودار تشكي
من جفى الزوار

picture.jpg




picture.jpg




picture.jpg




picture.jpg




picture.jpg




picture.jpg


يعتقدون ان هالمكان هو معبد قديم للعمالقة ..

picture.jpg




picture.jpg




picture.jpg


يتبع ..


 

دعاءء

رحالة
إنضم
3 ديسمبر 2018
المشاركات
1,000
مستوى التفاعل
0
النقاط
36
العمر
35
ومازلنا ماشيين متجهين الى وجهتنا القادمة وهي الوجهه الاكثر اثاره وتشويق وغرابه ..


picture.jpg




بدأت ملامح الجليد بالازدياد


picture.jpg




picture.jpg




picture.jpg




picture.jpg




picture.jpg




picture.jpg




picture.jpg



وها هي بحيرة الجليد بينت


picture.jpg




واسمها بالايسلندي
Jokulsarlon Glacial Lagoon
هذه البحيرة من مياه عذبة مفتوحة على المحيط وعليها اجزاء متكسرة كبيرة من الجليد الضخم يطفو على البحيره ويمشي لين البحر ويذوب .. ومع ارتفاع درجات الحرارة في الكرة الارضيه كل سنه تنفصل كميات اكبر من الجليد و تمشي في البحيرة وثم الى البحر وتذوب .. الله يعين
و طبعا راح ناخذ نا جولة في البحيرة باستخدام المركب الي يمشي في الماي والبر شوفوه


picture.jpg




picture.jpg




هاي كشكات يبيعون فيها سناكات واكلات خفيفه ومشروبات وهدايا تذكاريه


picture.jpg




وهاي المركب الي قلت لكم عنه
كل 45 دقيقه يحمل ناس ويدخل البحيره


picture.jpg




picture.jpg



والان اترككم مع صور لبحيرة الجليد العجيبه والمدهشه


picture.jpg




picture.jpg




picture.jpg




picture.jpg




picture.jpg





لون البحيرة صاير ابيض من انعكاس الجليد


picture.jpg




picture.jpg




picture.jpg




picture.jpg




picture.jpg




picture.jpg




طبعا عطونا وقت محدد لازم منكون فيه متواجدين عند المركب عشان ياخذنا للبحيره الموضوع مب عشوائي .. ولازم الحجز مسبقاً


picture.jpg




البحيرة جدا مدهشه في الواقع واول مره اشوف شي هالشكل


picture.jpg




picture.jpg



picture.jpg





ولما قرب موعدنا رحنا صفينا جدام الموظفة مالت المركب عشان ندخل اول شي


picture.jpg




وصل المركب واكتمل عدد الناس


picture.jpg




وزعو علينا لايف جاكيت


picture.jpg




ولبسنا الايف جاكيت


picture.jpg




picture.jpg





وهذا هو المرشد يكلم السواق يقول له صارت المجموعة جاهزه للانطلاق


picture.jpg




وانطلقنا في البر

picture.jpg



ودخلنا البحيرة


picture.jpg


وبدأت الدهشة الحقيقية ...
وللحديث بقية ..







 

دعاءء

رحالة
إنضم
3 ديسمبر 2018
المشاركات
1,000
مستوى التفاعل
0
النقاط
36
العمر
35
ومشى المركب في البحيرة ..





picture.jpg







picture.jpg







picture.jpg







picture.jpg







picture.jpg



يقول المرشد اننا لازم نترك مسافه بيننا وبين الجليد على الاقل 10 امتار





picture.jpg







picture.jpg







picture.jpg







picture.jpg







picture.jpg


والسبب الي يخلينا لازم نترك مسافة 10 امتار بيننا وبين الجليد هو ان الجزء الي احنا نشوفه طالع يمثل فقل 10% من حجم الجليد و 90% من الحجم الكلي غايص في الماء فاحتمال يكون من تحت الجليد كبير مما يؤدي لكسر المركب وبعدين نكرر قصة تايتنك
وهالكلام ينطبق على كل جبال الجليد او احجار الجليد او كتل الجليد الموجوده على الماء لازم مانقترب منها لان الجزء الخارج الي نشوفه فقط 10 بالاميه من اجمالي الحجم ..





picture.jpg







picture.jpg




شوفو هناك .. هالجليد الي هناك هو عباره عن ارض من الجليد وكل سنه ينكسر جزء من الجليد ويتحرك في البحر ... يعني الي هناك مش ارض من رمل وحجر وفوقها جليد لا مجرد كتل قديمة من الاف السنين من الجليد الصلب





picture.jpg




وهاي كتل الجليد المتناثرة





picture.jpg







picture.jpg



لو لاحظتو بعض كتل الجليد عليها لون اسود .. هاي بقايا رماد بركاني





picture.jpg







picture.jpg




وهاي المرشد .. وقف يشرح لنا شلون يعرفون عمر الجليد و سولف لنا شوية سوالف عن البحيرة وعن قطعة الجليد الي ماسكها





picture.jpg







picture.jpg




ولان قطعة الجليد الي ماسكها كانت قاسيه جدا جاب دريل وكسرها قطع صغيره ووزعها علينا اذا حابين نذوقها





picture.jpg







picture.jpg



واخيرا جا دوري وعطاني


picture.jpg




وانا انسانه احب الثلج واكله خالي فعدلت مزاجي بالثلجه





picture.jpg




وخذت وحده ثانيه .. للتحليه





picture.jpg




والمناظر الجميله والغريبه مازالت حولنا في البحيره





picture.jpg







picture.jpg







picture.jpg







picture.jpg







picture.jpg







picture.jpg







picture.jpg







picture.jpg




طبعا الماء هنا باااارد الانسان مايقدر يستحمل برودته فلايمكن السباحه فيه





picture.jpg







picture.jpg







picture.jpg







picture.jpg







picture.jpg



وعدنا للبر





picture.jpg







picture.jpg



نزلنا من المركب واحنا بردانيين ومحتاجين شي دافئ نشربه فتوجهنا للاكشاك





picture.jpg



وخالتي عزمتنا على هوت شوكلت ماحبينا نقعد عالطاولات


picture.jpg



وقررنا نتمشى ونشرب الهوت شوكلت الدافئء في هالجو الباررد


picture.jpg



وهاي نوع من انواع الطيور الايسلنديه


picture.jpg




picture.jpg


وانتهت المده المخصصه لبحيرة الجليد وركبنا الباص




picture.jpg



وانطلقنا





picture.jpg



وللحديث بقية ..
 

دعاءء

رحالة
إنضم
3 ديسمبر 2018
المشاركات
1,000
مستوى التفاعل
0
النقاط
36
العمر
35

ووصلنا الاستراحه


picture.jpg




قالت لنا المرشدة ان يمكنكم تناول اكلات خفيفه او شرب أي شي او دخول الحمام .. وايضا يمكنكم الذهاب باتجاه الشاطئ
لكن حذرتنا حذر شديد من الاقتراب من الامواج والبحر ..
تقول ان الماء باااارد جدا جدا جدا
وهي تشدد تحذيرها وتقول
ان مره من المرات في سائحة طنشت التحذيرات واقتربت من الموج وفجأه جات موجه قوية وضربتها ومن برودة الماء السائحة شكل ماتقولون اتيبست مكانها مثل لين تفتحون الماي البارد مره وحده عليكم تحسون الجسم ينصدم ويتيبس مكانه ...
وبعدين اسحبتها الموجه لين داخل البحر وغرقت
البحر باااارد وموجه عالي وعميق لانه من ماء المحيط الهادي الشمالي .. فحذاري من الاقتراب من الماء او الموج والرجاء عدم الاستهانه ..


picture.jpg




كلام المرشدة يخوف .. بس شدنا اكثر ان احنا نروح للشاطئ نشوفه ..


picture.jpg




طنشنا الاستراحه و رحنا باتجاه الشاطئ


picture.jpg




picture.jpg




picture.jpg


وصلنا للشاطئ
هل تعلمون ان الشواطئ في ايسلند ايضا مميزه ومختلفة ...
تخيلو ...
الرمل ناااعم
لكنه اسسسسسسسسسسسسسسسسود


picture.jpg




اليوم بطولة مناكيري خخخخ امي تكره هاللون تقول كانه زواع بريعصي خخخخخ (( ترجيع ابو بريص خخخخخ )) ماشاء الله احنا عائلة الفاضنا رقيقه


picture.jpg




شوفو الشاطئ وركزو على الموج ... كان عالي وسريع واحيانا تجي موجه اعلى من غيرها وتوصل لييييييييييييين جدام فكنا نحاور الامواج نشرد عنها


picture.jpg




picture.jpg




picture.jpg




picture.jpg




picture.jpg




picture.jpg



شوفو الصخور من بعيد اشكالها غريبه


picture.jpg




picture.jpg




picture.jpg




picture.jpg




picture.jpg




picture.jpg




picture.jpg




picture.jpg




picture.jpg




picture.jpg




picture.jpg




picture.jpg




picture.jpg




picture.jpg


وقربت الفتره المخصص لهالمكان على الانتهاء فقررنا نرد الاستراحه ونشوف اش فيها و اش مافيها


picture.jpg




picture.jpg





الحمدالله ماتحسفنا ان احنا هديناها ورحنا الشاطئ لان مافيها شي .. بس شفنا ناس غريبيين يخوفون استغفر الله خلقت الله بس اشكالهم تخووووف اتحسونهم يصرخون مع انهم ساكتين
عمااااااااااااااااالقة
عراااااااااااض
يمكن وجه الواحد فيهم طوله نص متر كان خاطري اصورهم لكم بس خفت منهم
حتى خفت اشوفهم واتمقل فيهم لايفعصوني بيدهم ... ضخمين بشكل مخيف لو قالو لي ان هذولا هم العمالقه الي في ايسلند كنت بصدقهم طول بعرض بارتفاع..
وللحديث بقية ....


 

دعاءء

رحالة
إنضم
3 ديسمبر 2018
المشاركات
1,000
مستوى التفاعل
0
النقاط
36
العمر
35
بعد ان رجعنا الشقه لنستريح من الرحلة البحرية ..
حان الوقت للرحلة الثانيه ..
وهي رحلة داخل البركان ...
النص الثاني من اليوم راح نقضيه داخل فوهة البركان الي ثار من 4000 سنه .. وراح ننزل 120 متر تحت الارض ...
كلنا حماس لهالرحلة .. لكن امي ماجات عشان تقعد مع الصغيره .. وخالتي كانت تعبانه من البحر فقررت ترتاح ..
اما احنا فكنا ناطرين الباص الي بيودينا للبركان ...
حجزنا كان مسبق الدفع ل6 اشخاص .. وخالتي ماجات فراحت عليها فلوسها سعر الشخص 1100 ريال قطري ..

انتظرنا طويلاً والمفروض هالدقيقه الباص يكون موجود جدام باب الشقه .. لكن ماجاء
ولمحنا باص مر بسرعه وماوقف .. حسيت ان الباص تأخر قلت مافي الا امير ..
اتصلت استفسر منه ... واستغرب ان الباص ماوصل لين الحين ..
لين كلمهم راعي الباص قال جيتهم ومالقيتهم .. خل يجون لين الموقع الخاص برحلة داخل البركان بالتاكسي .. اعتذر امير وجانا لين الشقه وقال الحل يااما تلحقونهم بالتاكسي او ماتروحون .. قلت لا طبعا نلحقهم بالتاكسي ..
وركبنا التاكسي .. واخذ العنوان ومشى ومشى وفي اقل من نص ساعة وصلنا ...
تدرون كم كلفنا التاكسي ..
101000 كيرونا ايسلنديه .. تدرون يعني كم ريال .. يعني مايقارب ال 3000 ريال قطري
صدمني السعر
بس دفعت زي الشاطره خخ
وهاي قريب من نقطة تجمع رحلة البركان


picture.jpg




وهاي هو التاكسي


picture.jpg





جانا المرشد وقال تعالو معاي بنمشي مسافة مادري كم كيلو داخل الحمم البركانيه .. ومشينا وراه


picture.jpg




picture.jpg





كانت الدنيا تمطر قبل مانجي فالارض صايره جدا صعبه متعرجه وزلقة وصخور واشياء تحسونها مثل الطحالب مستويه لين اندوس عليها تغوص ريلنا .. كان المشي على طريق صاعد .. و صوت الريح يصفر حولنا ... كانت تجربه جميله ومتعبه ..تعبنا وايد واحنا نمشي ونقاوم الريح والجاذبيه واللزوجه ..


picture.jpg




طبعا في هالاماكن لازم تلبسون اقوا واحسن واريح جوتي عندكم على الاطلاق ولازم تلبسون ملابس شتويه ثقيله لان البرد بررد مايلاعب


picture.jpg




شفنا تجويفات في حقول البركان ويقول المرشد هاي بيوت الاقزام


picture.jpg




والجدير بالذكر ان ايسلند مافيها ثعابين وعقارب وهالسوالف


picture.jpg




مغارات كثيره الحرص واجب لاحد يتهور ويطب داخل


picture.jpg




picture.jpg




مشينا مشي وتعبنا وكل شوي نصبر روحنا ولين سألنا المرشد وين المكان قال عند ذاك الجبل


picture.jpg




يالله قونا .. بس احس هاليوم حرقت سعرات صح


picture.jpg




picture.jpg





ووصلنا للشلخ الي يفصل بين قارة اوربا وقارة امريكا الشمالية .. كنا في اوربا ورحنا امريكا


picture.jpg




عميق ويخوف

picture.jpg




لازم نعبر فوق هالجسر واحد ورا الثاني ..


picture.jpg




picture.jpg





وكملنا مشي ..


picture.jpg




وخلاص وصلنا تقريبا وشفنا هاليكوبتر .. وسألنا المرشد يصير نرجع بعدين بالهاليكوبتر ولا لازم مشي .. قال طبعا يصير بالهاليكوبتر بس برسوم .. وقال ترا مب رخيص ... قلنا يا حبيبي اسأل بكم مافينا شدة نطقها مشي .. المسافه بعيده جدا وتعب متعب و تفدانا الفلوس .. قال زين بسأل لكم وبقولكم السعر وردو علي خبر عشان نتصل نحجز لكم هذولا حق ناس غيركم .. قلنا زين ..


picture.jpg




والله كنت متحمسه للهالوكوبتر تجربه جديده بالنسبه لي
شوفو الارض شلون مبلوله من المطر


picture.jpg




ومازلنا نمشي


picture.jpg





وبينت الكبينه من بعيد


picture.jpg





سألنا المرشد بننزل للبركان من الكبينه .. قال لا بتحتاجون تمشون شوي بعد اكثر وعقب بتنزلون البركان


picture.jpg




ومابذني ماي ناويه على الهاليكوبتر


picture.jpg




انا ماحب الحيوانات واخاف منهم .. ماشوف جدام الباب الا هالحيوان ..


picture.jpg




نعم انه ثعلب ... كنت متخرعه لكني صامده اسوي نفسي مب خايفه عشان مايشم ريحة الخوف قاعد يحوس حول المكان


picture.jpg






دخلنا داخل الكبينه نتدفى ونرتاح من المشي

picture.jpg



بينما احنا قاعدين نشرب شاي .. حاطين عالطاولات شاي وقهوه مجانا للي حاب .. وريحة المكان مرق لحم ..
المهم بينما احنا قاعدين نتدفى ونتحدث دشو 3 بنات اجانب شقر ورشيقات ودلوعات وكل وحده لابسه كعب طول ضرسها في هالمكان الي كلش مايصلح ان أي حد يلبس كعب .. واخر وحده لابسه كعب لوبيتان اش طوله


picture.jpg




وكعبها كان يغرز في الطين وهي تمشي وتتمايل وتدلع واول مادخلت رفعت يدينها وصرخت قالت وووهوووو ... قلت في قلبي اش هالدلوعات يبيلهم كف يسنعهم
عقب مادخلو دخل وراهم واحد مسوي اكشن ويستهبل ويتكلم بصوت عالي بلكنه امريكيه ويأشر اهني وهناك ويقول ييياااي و مادري شنو وتحسون كأنه يبي يلفت الانتباه ... واحنا مثل أي مواطن قطري مانحب نراوي أي حد ان احنا نشوفه فكنا شاغلين روحنا بروحنا بس نشوفهم من تحت لي تحت وكأننا مانشوفهم ..
الا الريال الشايب الي اذا صغرته عطيته 45 سنه قام يبوس البنات الثلاث بطريقه مش ولا بد وحده تلو الاخرى .. وانا اقول في قلبي وااخزياه شنقايل هاي المايستحي ..
ومازالو هالاربعة (( الرجل والثلاث بنات )) يسوون حركات بصوت عالي ويسولفون بطريقه تافهه .. اخر شي اختي قالت احس اني شايفه هالشايب مادري وين ..
وخوي قال بعد انا ويهه مب غريب ...
الا قالت بنت خالتي اييييي عرفته ... هاي ممثل امريكي ..
يااااراااااااااجل ....
قلت لها أي واحد ذكريني .. قالت ماتذكر اسمه وقامت تقولي وين مثل .. لكني لين هاللحظه ماعرفته .. بس المهم انه طلع ممثل امريكي مشهور وكلهم عرفوه الا انا مفهيه .. بس استمرينا مانعيره أي اهتمام ...
حسيت الريال شك بشهرته ..
تخيلو جى لين عندنا وقال استمتعو المكان اميزنق ويتميلح على قولت السعودييين يبينا نحسسه انه مشهور .. قلنا له اوكي ثانكيو وابتسامه بسيطه ... وتم يتكلم عن المكان ويفتح يده ويقول استمتعو والمكان رائع .. واحنا بس ...
مسكين سنوات شهرته ضاعت سداً جدامنا .. اخر شي راح مكسور الوجدان هو وحبيباته مادري صديقاته مادري زوجاته (( هين )) وركب الهاليكوبتر وطلع هو الي حاجز الهاليكوبتر ورااااااح ....
وعقب جانا الموظف وقال مستعدين قلنا ايوه ... لبسنا خوذه عليها ليت .. وربط خصرنا و لبسنا مثل الي بينطون في قفزالمضلات الحبل من تحت ومثل تسلق الجبال ومشينا ورا المرشد ..
المنظر جدا جميييل و مهيب


picture.jpg




picture.jpg




picture.jpg


ربطو الحبل الي على خصرنا بهالجسر وقال المرشد واحد واحد مرو على الجسر ودخلو لين اللفت الي بينزلنا الى الاسفل ..


picture.jpg





عقب مادخلنا اللفت كلنا ربطنا باللفت .. وبدا ينزل اللفت داخل البركان ..


picture.jpg




picture.jpg




picture.jpg




picture.jpg




بدأت الرهبه تحل بالمكان ... اثار البركان والمعادن واضحة على الصخور داخل جوف البركان


picture.jpg




picture.jpg




picture.jpg




picture.jpg




picture.jpg



يتبع ..

 

دعاءء

رحالة
إنضم
3 ديسمبر 2018
المشاركات
1,000
مستوى التفاعل
0
النقاط
36
العمر
35
ومازال اللفت ينزل وينزل الى 120 متر تحت الارض


picture.jpg




picture.jpg




وصلنا للقعر المخيف ... المكان له هيبه ويخوف


picture.jpg




picture.jpg





طبعا فقدنا الارسال في الجوالات ..


picture.jpg


تقول المرشدة الي كانت موجوده في الاسفل .. ان هناك بركان اخر تحت هالبركان وراوتنا حفرته ... المكان يخوف وايد ... وتحسون بالرهبه ... المرشدة قالت تقدرون تغنون لان بتسمعون الصدى يغني معاكم ... لكننا خجولين خخخخ ماغنينا وتمت مصره ان احنا نغني واحنا نطالع بعض خخخخ


picture.jpg




picture.jpg



المكان جدا جميل وغريب ومخيف الصور مب مبينه شي من الواقع اخخخخ بس لو اعرف اصور مثل خلق الله جان علووم


picture.jpg




picture.jpg




picture.jpg




picture.jpg




picture.jpg




picture.jpg




picture.jpg



بعد ما خلصت جولتنا في الاسفل كنا اخر مجموعه تدخل البركان ركبت اللفت المرشده معانا ورحنا فوق ... ولما طلعنا كان المكاان باااااارد والسماء صارت مغيمة بغيم غامج و دخلنا الكبينه الا قدمو لنا شوربة لحم .. دافيه


picture.jpg




من الجوع والبرد شربتها كلها عشان ادفى وشوي اترس بطني


picture.jpg



قال لنا واحد من الموظفين اذا تبون بنطلب لكم هالكوبتر بس بتنتظرون لين يوصل .. قلت له كم السعر قال السعر 38000 كيرونا يعني تقريبا 1000 ريال للشخص .. يعني خمستنا ندفع 5000 ريال عشان نركب الهاليكوبتر ونرجع ... طالعتهم قلت جنه وايد ... اختي قالت وااااااايد واااايد ... هالخمستالاف نخشها نسوي فيها شوبنج احسن لنا ... قلت لها زين ... وزي الارنب رجعنا مشي


picture.jpg


سيداتي انساتي سادتي ... كنت قاعده امشي ورا المرشد واخواني وكنت اخر وحده لاني كل شوي اوقف واصور وقفت اصور كم صوره .. وكنت احس شوي والدنيا تظلم ويطق مطر شوفو


picture.jpg




picture.jpg




فجأه ... اختفو كلهم ... مااشوف حد حولي ... مافي الا انا وبس شمال جنوب يمين يسار مافي الا انا والغيييييييم
تصرقعت وقمت امشي احاول اشوفهم ولا شفتهم ..


picture.jpg



وايقنت اني ضعت في حقل البركان

picture.jpg



كل شوي اصبر نفسي واقول لاتخافين امشي سيده الا بتوصلين ... وفجأه من بعيييييييييييييييييييييييد شفت شارع .. بس ماعليه البيت الي راويتكم اياه فوق .. قلت دخيل الله خل اروح امشي عالشارع اسهل من هالصخور وعالاقل لي طق المطر ماازلق .. وتذكرت الثعلب المكار
ومشيت ومشيت ومشيت ومشيت ... والدنيا كل مالها تظلم والريح تقوى والمكان يصير يخوف اكثر ... فجأه اسمع صوت وحده تقول هااااالووووووووووو هل تسمعني ...
الف يمين يسار فوق تحت ..مافي أي بني ادم ...
قلت اييييوه اسمع وانا خايفه وشكيت ان هاي صوت الجن ...
ويرد الصوت هل تسمعني ...
وانا اقول ايوه ....
قلت يمكن جني محتاج مساعده ويطلع مثل المارد يحقق احلامي ..
ويرد يقول هل تسمع ....
يا بابا والله اسمع ...

picture.jpg



وفجأه تطلع لي وحده من بعيد تقول وينج انتي بخير ... قلت ايوه بس ضعت و خذتني معاها لين الباص .... و الحمدالله ماضعت
ورجعنا لين العاصمه ... واحنا كلنا بدون استثناء نتراجف جوعاً وبردا وقلنا بس مب لازم نروح للشقه اكيد امي وخالتي دبرو عمرهم وكلو ... خلونا نروح ناكل ومشينا باتجاه المطعم الي عليه العين


picture.jpg




picture.jpg




ووصلنا لمطعم شاليمار الباكستاني ... ابشركم جميعاً هناك اكل يترس البطن والعين والانف


picture.jpg



دخلنا وقلنا طاوله ل 5 لوسمحتو ..


picture.jpg



الموظفين استانسو لين شافو وجوه تشبههم ... طول الوقت يشوفون هالشقر البيض الي مافيهم لون .. اخيرا شافو الوان قريبه منهم خخخخ وقعدونا فوق


picture.jpg




وفي ذاك الوقت كنت مستعده اكتب قصيده بحب الاكل الهندي المفلفل واللذيذ الساخن في هالجو البارد وهاي الطاوله



picture.jpg



انا شرابي لاسي منجا (( شكل ماتقولون عصير منجا بالروب )) وبنت خالتي عصير منجا والباقي طلبو لهم كوكاكولا


picture.jpg




وعقب الاسي طلبت شاي اعشاب .. احب اشرب شاي مع الاكل


picture.jpg




وهاي اكلنا .. خبز براتا


picture.jpg



خبز نان بالجبن


picture.jpg



وهاي طبقين صورتهم الباقي ماقدرت استحمل وهجمت عالاكل


picture.jpg




picture.jpg



انصحكم تقولون للموظف نبي الاكل بدووون فلفل .. لانه مهما قلتو مانبي فلفل يحط فلفل ... انا قلت له ابيه شوي مفلفل جابه لي نار الله الموقده من حرارته حرق لهاتي ...
وعقب الاكل ... الي ماتذكرت اصور سعره ... رحنا بخطى ثقيله للشقه ... ونمنا ... وانتهى يومنا الرابع ..
وللحديث بقية ..

 

أعلى