معلومات عامة تأجير السيارة في سويسرا

ياراا

رحالة
إنضم
15 يناير 2019
المشاركات
1,000
مستوى التفاعل
1
النقاط
36
العمر
35

السلام عليكم ورحمة الله وبركاته ،،

اسعد الله (مساكم / صباحكم ) أخواني وأخواتي الكرام ..

اليوم بأذن الله راح أتكلم عن تجربتي بتأجير السيارة في سويسرا ( مطار جنيف ) أو أوروبا بشكل عام لان نفس الخطوات تماماً ،


***( خطواتنا قبل السفرة )

* 1

- بعد الأتكال على الله أخترنا الوجهة المراد السفر لها (سويسرا).



* 2
- بحثنا في النت عن شركة لتأجير السيارات عالمياً
( Europcar , Avis , Hertz , sixt )


* 3
- وتم اختيار شركة Avis واختيار مدة التأجير وكانت المدة 7 ايام.



* 4
- لم نظمن الحجز من النت فتوجهنا إلى مكتب الشركة في الكويت ( وطبعاً مكتب التأجير موجود في أغلب دول الخليج)



*5
- تم أختيار حجم المركبه لثلاثة اشخاص مع ثلاثة حقائب والموظف لم يعطينا نوع السياره لان أغلب شركة التأجير تعطيك عدد الركاب و عدد الحقائب وهم يختارون نوع السيارة .



*6
- تم دفع مبلغ السياره لمدة 7 ايام وطلع تقريباً السعر = 125 دينار كويتي.




*7
- بعد الإنتهاء من دفع المبلغ اعطانا الموظف ورقة تأكيد الحجز ( ولازم تحتفظ فيها علشان تسلمها لمكتب تأجير السياره الموجود في المطار عند وصولك إلى أوروبا)



*8
- لابد قبل الذهاب إلى اوروبا
1: ليسن دولي
2: ليسنك المحلي
3: بطاقة فيزا أو مستركارد ( علشان يسحبون منك مبلغ بسيط ويرجعونه بعد ماتخلص من السياره)



*** ( خطواتنا بعد الوصول إلى مطار جنيف )



*1
- بعد الوصول إلى مطار جنيف ولله الحمد ،، خلصنا من أمور الجمارك توجهنا إلى مكتب Avis الموجود في مطار جنيف واذا ماعرفتو شلون تروحون لمكتب التأجير تحصلون علامة داخل المطار على شكل (سيارة وفوقها علامة مفتاح ) وهذي العلامة توصلكم إلى مكاتب التأجير في المطار.

699736 المسافرون العرب تأجير السيارة في سويسرا



*2
- وصلنا حق الموظفه وعطيناها الورقة اللي استلمناها من مكتبهم في الكويت وطبعاً كل أمورنا مشت بسلاسه ولله الحمد وحبيت أنبهكم على شغلات مهمه ( اذا تبون حماية شاملة للسياره لازم تضيفون مبلغ )
- واعطتنا هذه الورقة وكما تشاهدون رقم 1 سعر المبلغ المراد سحبه من بطاقة الفيزا ورقم 2 مكان توقيعك

699737 المسافرون العرب تأجير السيارة في سويسرا
هذه الصورة تم تصغيرها . الحجم الافتراضي لها هو 1280x960.
699738 المسافرون العرب تأجير السيارة في سويسرا







*3
- اذا تبي ترتاح لما تأجر السياره قول حق الموظف عند اعطأه الورقه كلمة وحده وهو راح يفهم ماتريد وحتى لو ماتعرف انجليزي اكتبها بالعربي وهذي الكلمة ( سوبر انشورنس ) ومعنى الكلمة حماية شاملة للسياره علشان ترتاح من الحوادث لاقدر الله.



*4
- خلصنا من امور الدفع وطبعاً اخذو مبلغ من بطاقة الفيزا وهو تقريباً نفس سعر حجز السياره 125 دينار (وبعد الانتهاء من ارجاع السياره يرجعون المبلغ لك )


*5

- اعطتنا الموظفه مفتاح السياره ورقم المصفط ومكان المواقف وطبعاً كل شي تسجله لك بورقه علشان لاتضيع وكان رقم المصفط 386 ومكان المواقف p51 ،، وخلصنا من المكتب وتوجهنا الى الباص وثم الى مكان المواقف p51 ووصلنا الى رقم المصفط وحصلنا السياره وكانت جيب مرسيدس 2016 .

699739 المسافرون العرب تأجير السيارة في سويسرا





( نصائح قبل الحجز )

- يفضل اختيار السياره ديزل (لان اوفر من ناحية الصرف)
- اختيار سياره اكبر حجماً لكي تتسع للحقائب.




وفي الختام ان شاء الله اني وفيت بالشرح وأي سؤال ان حاضر وبالخدمة
699740 المسافرون العرب تأجير السيارة في سويسرا