معلومات عامة استخراج شنغن فرنسية

ياراا

:: الأعضاء ::
إنضم
15 يناير 2019
المشاركات
1,000
مستوى التفاعل
2
النقاط
36
العمر
35

السلام عليكم
حبيت اطرح لكم تجربتي لعلها تكون مفيدة للجميع.
في البداية كنت متخوفة ان الاحداث الي صارت لفرنسا تأثر على اجراءات الفيزا او لا سمح الله تنرفض لكن توكلت على ربي وقدمت عليهم والحمدالله تسهلت الامور.

اولاً تم حجز الموعد بتاريخ 10 اوقست الساعة 11:45 في المركز الموحد بالرياض لعدد 5 اشخاص ودفع رسوم الموعد اون لاين.

بعدين جهزت الاوراق في ملف لكل جواز وكانت كالتالي:
ابلكيشن معبأ وموقع من صاحب الجواز
الشيك ليست
صورتين شخصية
صورة من الجواز
صورة من التأشيرات السابقة وكانت البريطانية وشنغن فرنسية وامريكية
تعريف عمل الخاص بي
كشف حساب لاخر 3 شهور
التأمين الطبي
حجز القطار من لندن لباريس
وحجز الفندق

واختي الصغيرة اقل من 18 مسافرة معانا ف ارفقت معاها خطاب موافقة من الوالد والوالدة موقع ومرفق معاه صور جوازاتهم


بعدها فتحت موقع السفارة الفرنسية اتأكد اذا المستندات المطلوبة كاملة او لا ولاحظت انهم مجددينها بشهر جون الماضي وصارو يطلبون كشف الحساب وحجز الطيران صاروا شيء اساسي



يوم التقديم :
رحت للمركز قبل موعدي بساعة ورفضو يدخلوني الا قبل الموعد بعشر دقائق واخذت رقم ودخلت على طول وربي بلاني بموظفة الله لا يوريكم ايش سوت فيني اول شىء رجعت لي صور اختي الصغيرة قالت مو مقبولة روحي تحت قولي صور الفرنسية وبيعرفون شلوون واحنا مصورين كلنا نفس الشروط الي يبون بس واضح انهم يبون ننزل تحت نصور عندهم وياخذون مبلغ عليها.
بعدين قالت وين كرت العائلة مترجم !! نعم من متى تطلبون كرت العائلة ليش مو كاتبين في الموقع والحمدالله كان كرت العائلة معاي.
الشيء الثالث قالت الحساب 3 شهور واحنا نبي 6 شهور روحي عدلي اوراقك الصور واخذي رقم وارجعي لي
2.png
2.png



طبعا اول شىء سويته اخذت رقم وطلعت من المركز رحت للمحلات الي في الشارع المقابل وصورت اختي وترجمت البطاقة ورجعت لها قالت ايش يثبت لنا انهم اخوانك ومتكفلة فيهم طيب وكرت العائلة الي جايبته مترجم وش فايدته ؟ وخلوني اكتب تعهد انهم اخواني واتحمل المسؤولية واخر شيء قالت لي ترا احتمال تنرفضون لان الاوراق غير مكتملة قالت قدميها وان شاءالله ماراح ننرفض.

عطتنا الاوراق وقالت روحو بصمو مع اني بصمت العام بس قالت بصمي مره ثانية المهم انتظرنا تقريبا ربع ساعة ودخلنا عند غرف التبصيم وطمنتني الموظفة قالت مستحييل تنرفضون
55.png
55.png
ممكن يكلمونك يطلبون تغيير كشف الحساب بس.

بنفس يوم التقديم 10 اوقست بالليل جاني مسج ان الجوازات ارسلوها للسفارة .
ثاني يوم جاني انه جاري العمل عليها ويوم 15 اوقست جاني مسج انها جاهزة للاستلام يعني بالضبط اخذت 3 ايام عمل.


والحمدالله كانت على المدة المتبقية في الجواز البعض كان 3 سنوات والباقي 4 سنوات.



وعذراً على الاطالة اتمنى تفيدكم تجربتي وشكرا لكم
e306.png
 


أعلى