معلومات عامة استخراج فيزا سياحية من فرع القنصليلة بالظهران

رقية يوسف

رحالة
إنضم
21 يناير 2019
المشاركات
250
مستوى التفاعل
0
النقاط
16
العمر
35

السلام عليكم ورحمة الله وبركاته

مثل ما وعدتكم بعطيكم تفاصيل استخراجي للفيزا انا وعائلتي الصغيرة

اول شي خطوات الاستخراج مثل ماهي معروفة

1- تعبئة نموذج DS-160 من موقع القنصليلة واتبعت فيه موضوع الاخ (مسافر معكم ) وهذا رابط الموضوع
ماشاء الله عليه موضح فيه التفاصيل



وعملت مثل ماهو شرح طريقة الملف العائلي عشان تكون النماذج كلها مع بعض و التعبئة بشكل اسهل .


هو في الموضوع اختار فيزا B2 وانا عملت مثله بالضبط ولكن اشوف ناس كثير تختار نوع B1 , B2 والظاهر ان السفارة بعدين تعطيك حسب ماهي ترى حسب التجربة اللي انا مريت فيها .


2- بعد ما خلصت تعبئة رحت بنك سامبا ودفعت رسوم الفيزا , مع ملاحظة ان المواعيد ما تتفعل لك الا بعد دفع الرسوم والانتظار الى يوم ثاني يتم ارسال لك رسالة ع الايميل انه تم تفعيل الرسوم و بامكانك تحديد موعد .


اخذت موعد يوم الاثنين 9 ابريل


3- يوم الاثنين موعدنا جهزنا كل شي كالتالي :

جوازاتنا

صورتين لكل شخص مقاس 5*5 نفس اللي دخلناها في الموقع


تاكيد تعبئة النماذج ( الورقة اللي يكون فيها صورتك )

تاكيد الموعد

ايصال دفع رسوم الفيزا

تعريف من العمل لي ولزوجي

كشف حساب لي ولزوجي لثلاث اشهر

جوازاتنا السابقة


توكلنا على الله ورحنا ووصلنا قبل الموعد بنصف ساعة , فيه بوابة اول شي تعطيهم ورقة الموعد عشان يدخلونك ويسالون عن الوقت فاذا وصلت قبل بواجد ما يدخلونك .


دخلنا واول شي تفتيش و انا ماوديت معي شنطة فقط المستندات وزوجي نفس الشي ما معه الا المستندات ومحفظة و مفتاح السيارة فيه ريموت . طلبوا منه يحطه في كيس عندهم بالامانات .



المهم دخلنا وكل شوي ينادون على رقم واول شي نافذة يشيكون ع الجواز ويلصقون عليه كود وبعدها نرجع ننتظر ينادون على الرقم مرة ثانية عشان يسجلون البيانات في الكمبيوتر وبعدها نادوا علينا مرة ثالثة عشان المقابلة وكل عائلة مع بعض مقابلتهم


في المقابلة سالتنا الموظفة بابتسامة لطيفة نفس الاسئلة الروتينيه

1- وش تفضلون لغة المحادثة . قلنا لها عربي

2- ماالهدف من زيارتكم ؟ السياحة . هل هذه اول مرة تزورون امريكا ؟ نعم

3- مالمدن اللي بتزورونها ؟

4- كم نيتكم للجلوس في امريكا ؟ شهر

5 _ اين ذهبتم في الخمس سنوات الماضية ؟

زرنا دول اوروبا هولندا المانيا النمسا فرنسا سويسرا بريطانيا _ دول عربية امارات البحرين

6-سالتنا عن الدول الممنوع زيارتها ( واحنا قد زرناها فبل سبع وقبل عشر سنوات ) وقلنا لها نعم زرناها قبل سنوات لما كانت مسموحة .


7- سالتنا هل انت موظفة وزوجك موظف اجبنا نعم سالت اين ؟ جاوبنا عليها حكومي في كذا و كذا .


طبعا طول الوقت هي مبتسمة و تطقطق في الكمبيوتر


واخيرا بابتسامة قالت اهنئكم تاشيرتكم مقبولة وستستلمون جوازاتكم بعد اربعة ايام من ارامكس

يوم ثاني في المغرب وصلت لنا رسالة ان تم وصول جوازاتنا الى ارامكس للاستلام

يوم الاربعاء 11 ابريل رحنا ارامكس بالخبر و استلمنا جوازاتنا والحمد لله اعطونا الفيزا لمدة خمسة سنوات من نوع B1-B2 رغم اني اخترت في التعبئة B2 .


* مااخذوا ولا طلبوا منا شيء سوى الجوازات و تاكيد الابليكيشن والموعد .

* ما طلبوا تعاريف العمل ولا كشوفات الحساب ولا الجوازات السابقة


* الفيزا اخذت يوم واحد فقط من بعد المقابلة .



هذي تجربتي والحمد لله كانت سهلة وميسرة و ان شاء الله ربي ييسر لكم ولنا كل امورنا باذن الله
701413 المسافرون العرب استخراج فيزا سياحية من فرع القنصليلة بالظهران
 

المواضيع المشابهة