امثال وحكم عراقية

الموضوع في 'أخبار المسافرون العرب' بواسطة قالب طوب, بتاريخ ‏3 يوليو 2011.

هوتيل فور ارب | Hotel For Arab

دليل ماليزيا

  1. لو جريت جري الوحوش غير رزقك ما تحوش

    الزنابير ما ترفع أثقال

    لكل داء دواء يستطب به إلا الحماقة أعيت من يداويها

    مصارين البطن تتعارك

    إذا هذه مثل ذيج لا خوش بطه وخوش ديج

    تجيك التهايم وانت نايم

    على حس الطبل خفي يارجليه

    بخيرهم ماخيّروني وبشرهم عمّوا عليّة

    من شاف احبابه نسى اصحابة

    رضينه بالبين و البين ما رضى بينا

    تحزم للواوي بحزام سبع

    ناس تاكل دجاج وناس تتلكه العجاج

    السبع يعبي بل السكله ركي

    لويشوف حدبته جان انكسرت رگبته

    الذهب زينه وخزينه

    حجيك مطر صيف ميبلل أليمشون

    باجر شبر وأربع أصابع

    امشي شهر ولا تعبر نهر

    ايسوي الشط مرﮒ و الزور اخواشيك

    لا تكول سمسم الا تلهمه

    نقوله ثور يقول احلبوه

    ما لقو بالورد عيب قالو خده احمر

    مليوصة يا حسين الصافي

    الحرامي إللي ما تلزمه جم عصا إتضربه؟

    حبايه ومفشوكه باالنص

    من قلة الخيل ،شدو عل الجلاب سروج

    للزنكين يكولوله بالعافيه وللفقير يكولوله هذا امنين

    ياكلون تمري ويضربوني بالنوة

    أِتعِب أجدامك ولا تتعب ألسانك

    صخّر الواوي ذيله

    صيط الغنى ولا صيط الفكر

    كام يخلط شعبان برمضان

    صام صام و فطر على جرّية

    حجارة المتعجبك تفشخك

    جبّنا الاكرع يونسّنا طلّع صلعيته و خوفنا
     

    الوسوم:
  2. رد: امثال وحكم عراقية

    1- يتعلم الحجامة بروس اليتامى
    2- اطعم الحلك تستحي العين
    3- يحفر البير بابرة
    4- النادرة تغزل بعود والجايفة تكول الشج معووج
    5- عند البطون تعمي العيون
    6- سبع صنايع والبخت ضايع
    7- لسان الطيب يطلع الحية من الزاغور
    8- مو كل من صخم وجهة كال اني حداد
    9- كلمن يحود النار لكرصتة
    10- صفي النية ونام بالبرية
    11- احاجيج يابنتي واسمعج ياجنتي
    12- هم نزل وهم يدبج عالسطح
    13- ايدة بالماعون واصابعة بالعيون
    14- بيضة اليوم احسن من دجاجة باجر
    15- شين التعرفة احسن من زين المتعرفة
    16- تدهدر الجدر لكة قبغة
    17- بير التشرب منها مي لتذب بيها حجارة
    18- الما يسوكة مرضعة ضرب العصي ما ينفعة
    19- الدنيا كون كلمن همة لون
    20- كل لشة تتعلك من كراعها
    21- كلمن ذنبة على جنبة
    22- الشبعان ميدري بدرد الجوعان
    23- ياحافر البير لاتغمج مسا حيها خاف الفلك يندار وانت تكع بيها
    24- المبلل ميخاف من المطر
    25- اللي يريد شىء يفوت شىء
    26- المينوش العنب يكول حامض
    27- ورة مخلص العرس اجتي الرعنة تهلهل
    28- الديج الفصيح من البيضة يصيح
    29- صانع الاستاذ استاذ ونص
    30- لو ردت صديقك دوم حاسبة كل يوم
    31- صاحب صنعة ولاصاحب قلعة
    32- سد بابك امن جارك
    33- طلعها من حلك السبع خشت ابطن الواوية
    34- انهزم من جوة المطر وكع جوة المرزيب
    35- بالوجه مراية وبالكفة سلاية
    36- من السكوتي طكي وموتي ومن الورواري خلي وفوتي
    37- جدرة على نارة وعينة على جارة
    38- نست مرة العم جانت جنة
    39- ياعجوز ما جنتي جنة
    40- الشادي بعين امة غزال
    41- حتى القمر بي لولة
    42- ودع البزون شحمة
    43- من تكثر الملاليح تغرك السفينة
    44- مكدي ميحب مكدي
    45- ظل البيت لمطيرة طارت بي فد طيرة
    46- الميعرف تدابيرة حنطتة تاكل شعيرة
    47- المفلس بالقافلة امين
    48- موت يا زمال لمن يجيك الربيع
    49- عيش يا كديش لمن يطلع الحشيش
    50- خلي المر جوة والحلو فوك
    51- غاب القط العب يا فار
    52- جا يكحلها عماها
    53- يشتري سمج بالشط
    54- حجارة الما تعجبك تفجخك
    55- ها لباب على ها الخرابة
    56- ما تضيك الا تفرج
    57- العاضتة الحية يخاف من مسحالها
    58- كلمن دك طبلة هو كبلة
    59- مو كل مدعبل جوز
    60- مد رجلك على كد غطاك
    61- اذا لم تستطيع ان تعض فلا تظهر اسنانك
    62- لو تفك بابك وتفتخر لو تسد بابك وتنستر
    63- رومانتين بفد ايد متنلزم
    64- خاشوكة خاشوكة تنترس البستوكة
    65- يوم كيمر وعسل يوم خبز وبصل
    66- دخانك عماني وطبيخك ما جاني
    67- الرحية دايرة والبركة طايرة
    68- كلمن بعقلة راضي لكن برزقة لا
    69- اتعب يا شجي للنايم المنتجي
    70- يوم لك ويوم عليك
    71-هم مدت الخنفسانه رجلها و كالت نعلوني
    72- لاابو علي و لا مسحاته
     
  3. رد: امثال وحكم عراقية

    معاناة العراقيين







    من تمشي تتعثر بيه .. ومن تريده ما تلكيه / الشرطة

    غراب يكول لغراب وجهك اسود / اتهامات بين اعضاء الحكومة

    طابوك نام ، شكنك كام / الاساتذة و العلماء ماتو ... و الحرامية صارو فيكه

    لا خبر لا جفيه لا حامض حلو / جية بوش و رامسفيلد كلها مفاجئة

    يركض و العشا خباز / العراقي الشريف

    المنحوس منحوس حتى لو حطوا براسة فانوس / معاناة العراقيين مع الفيز و الاقامات

    الچبير چلب .. الصغير چلب ابن چلب / بوش الاب و بوش الابن


    بيدر الذهب هم يحتاج بيدر الدخن / احنا اهل النفط ... نستورد مشتقاته ؟؟؟

    جيب ليل .. وأخذ عتابه / اذا عندك معتقل اتريد تعرف وين و ليش ؟

    حضٌر المعلف .. گبل الزٌمال / المعلف ما حظروه بس جابولنه زمايل

    حظي بكل شي اسود بس بالرگي أبيض / عراقي مو بالحكومة

    حمارة القاضي .. عزيزة / اخت صولاغ بيومين جابوها .. والبقية الهم الله

    عداوة البزون والجريدي / امريكا صارلها شكد اتدك علينا واكو ناس يكولون تحرير

    عباس المستعجل / بصرف الفلوس و الرشاوي


    عيسى اتچل على موسى وضاعــت الجـاموسـة / الشيعة والسنة يتمالخون و امريكا ماخذه النفط

    صيف وشتا . . على فد سطح ؟ / لا كهرباء لا بانزين لا مي صيف وشته


    الفكر فوك البعير و عضه الجلب / عراقي راح للصومال ما حصل فيزا

    ما لقوا بالورد عيب قالوا خده احمر / الكهرباء تنتل مو زينه عليكم

    ابن خالت الخياطة اللي خيطت بدلت العروس / حتى هذا حصل وظيفة من يم المسؤولين

    أبن الحلال بذكره / الانفجار

    أنطي الخبز لخبازه / اهل النفط صاروا ضباط

    إيطلّع من الحافي نعال / ابو البلدية

    اسمه بلحصاد ومنجله مكسور / ناس اتداوم بالبيوت ويستلمون رواتب

    أحبك وانت لابسني / التبريد

    أتعلّم الواوي على أكل الدجاج / شوكت يعوفون الكراسي

    أكل ومرعى وقلة صنعه / البرلمان و الوزارات

    باب النجار مخلوع / ناس تحجي بالدين و لا دين لهم

    تمخض الجبل فولد فارا / صرفوا مليارات و الكهرباء بالقطارة

    حجيك مطر صيف ميبلل أليمشون / القمم العربية

    درب الجلب علقصاب / الاردن

    راح الاكو و الماكو / العراق و ثرواته

    راح دمه هدر / الشعب العراقي

    رزق الشباب ورا الباب / الاحزاب هيه الابواب لأن ماتشتغل الا بتزكية

    روحه بلا رده / انسحاب اي شخص من الحكومة

    شوفوني نجوم الضحى / خطط امنية خمس نجوم

    اللي يشوف الموت يرضى بالصخونة / شطلعنه لغير بلاد لوما الوضع ؟

    زاد الطين بله / كل مسؤول يصرح يزداد الوضع سوء

    الزمال ذاك الزمال ، بس الجلال مبدل / صبغوا دباباتنه و باعولنياها

    عامي شامي / رصاصات الجيش و الشرطه

    شتحط الها حتى تطيب؟ / الوضعية

    شرادين بحلوك واويه / المتاحف العراقية

    شعره من جلد خنزير / الحصة التموينية

    شعيرك ولا حنطتهم / عدنه شعير و نستورد الحنطه من استراليا (ابعد مكان)
    شفت بعيني محد كلي / ابو غريب

    الركعه زغيره ، والشك جبير / توحيد صفوف العراقيين

    شكينا الدف ، وبطلنا الغنا / بعنا بيوتنا وسافرنه

    الشمس ماتتغطى بالغرابيل / يطلعون دعايات (يمضون و نبقى)

    شنو هل اللذة من هالفكر / حواجز كونكريتية و فردي وزوجي

    شوفته حزن، و فراكه عيد / السيطرات مال علاسه

    صار تاليها انكس من اولها / والحمد لله

    الصبر مفتاح الفرج / حتى المفتاح مولس

    ضرطه و ضايعه بسوك الصفافير / حقوق العراقيين

    الطباخ ما ياكل من طبخه / طبخولنا حياتنا و ماضاكوها

    الطبيعة تغلب التطبع / كركوك عراقية

    طرطميس لا جمعه و لا خميس / الجامعه العربية

    طماطه، ترهم على كل شي / تغيير التشكيلة الحكومية مجرد مداورة الاسماء

    عادت المياه الى مجاريها / و كل المجاري طايفه

    علج المخبل ترس حلكه / كل مسؤول شكد حاط حماية

    عند البطون تعمى العيون / من يلغفون كلها تغمض

    غاب القط العب يا فار / و الله دتلعب الجريدية

    فص ملح وذاب / عزة الدوري

    فوك حكه دكه / يخطفون و ياخذون الفدية و يكتلون

    كل لشه متعلكه من كراعينها / بلكي يسمعون الحكومة


    كومة حجار و لا هل الجار / ايران

    ياكلون تمري و يضربوني بالنوه / الاردن

    يشتري من عدّنا ثلح و يبيعلنا مي بارد / كل الدول المجاورة

    تالي الليل تسمع حس العياط / الله يدري شظاميلنه بعد
     
  4. رد: امثال وحكم عراقية

    أمثال عراقية شعبية


    *العاضته الحية يخاف جرة الحبل
    *ها الكعك من هالعجين
    *الفوك نقشه نقشه والجوا خرك محشة
    *أطعم الحلك تستحي العين
    *ما تضيك إلا تفرج
    *ما تغيم إلا تصحي
    *النادرة تغزل بعود والجايفة تكول الشج معووج
    *عند البطون تعمه العيون
    *سبع صنايع والبخت ضايع
    *نواية تسند حب
    *اللسان الطيب يطلع الحية من الزاغور
    *موكل مدعبل جوز
    *موكل ما يلمع ذهب
    *موكل من صخم وجهه كال آني حداد
    *كلمن يحود النار لكرصته
    *أحاجيج يا بنتي واسمعج يا جنتي
    *هم نزل وهم يدبج عالسطح
    *ايده بالماعون واصابعه بالعيون
    *بيضة اليوم أحسن من دجاجة باجر
    *الشين التعرفه أحسن من الزين الماتعرفه
    *تدهدر الجدر ولكه قبغه
    *هالباب عالهالخرابه
    *بير التشرب منها مي لا تذب بيها حجر
    *مركته على زياكه
    *كثر الدك يفك اللحيم
    *الماتسوكه مرضعه ضرب العصا ما ينفعه
    *مد رجلك على كد غطاك
    *ما يفل الحديد إلا الحديد
    *حضر المعلف قبل الحصان
    *باع السمك وهوه بالشط
    *يسوي الشط مرك والزور خواشيك
    *الترك داره قل مقداره
    *مال اللبن للبن ومال الماي للماي
    *كل لشة تتعلك من كراعينها
    *كلمن ذنبه على جنبه
    *إذا كثر مالي كل الناس خلاني
    *يا كثرة أحبابي يوم ظرفي دبس يا قلةاحبابي من ظرفي يبس
    *الشبعان ما يدري بدرد الجوعان
    *يا حافرالبيرلاتغمج مساحيها خاف الفلك ينداروانت التكع بيها
    *المبلل ما يخاف من المطر
    *اللي يريد شي يفوت شي
    *دخانك عماني وطبيخك ما جاني
    *اسمه بالحصاد ومنجله مكسور
    *ناس تاكل دجاج وناس تتلكى العجاج
    *كلمن بعقله راضي لكن برزقه مو راضي
    *من ينطي يندهش ومن ياخذ ينتعش
    *يامن تعب يامن شكى يامن على الحاضر لكى
    *أتعب يا شجي للنايم المنتجي
    *موت الزمال عرس الجلاب
    *تموت كحيلة من بخت جلب
    *جبل ويه جبل ميتلاكى آدمي ويه آدمي يتلاكى
    *ألف سنة والوجوه تتلاكى
    *الدنيا دواره والوجوه تتلاكه
    *ماحد يعرفك يالبن إلا اللي بيده مردك
    *رزق البزازين عالمعثرات
    *درب الجلب عالقصاب
    *تموت الدجاجة وعينها عالزباله
    *الباب التجيك منه الريح سدها واستريح
    *سد بابك آمن جارك
    *يخلص من الكوم تتلكاه السريه
    *طلعها من حلك السبع خشت ابطن الواوية
    *انهزم من جوه المطر وكع جوه المزريب
    *بالوجه مرايه وبالكفا سلاية
    *يشوف البكه ويعوف الجمل
    *يهد الجلج ويلزم الباكه
    *حرامي الهوش يعرف حرامي الدواب
    *حجارة الماتعجبك تفجخك
    *التفكه العوجه تصح بيها رميه
    *من السكوتي طكي وموتي ومن الثرثاري خلي وفوتي
    *دجاجة الجيران وزة
    *مركه الجيران طيبة
    *جدره على ناره وعينه على جاره
    *تحزم للواوي بحزام سبع
    *أواعدك بالوعد واسكيك يا كمون
    *البعير يشيل كل شي وعالمنخل يبرك
    *يحشمون الجلب لخاطر أهله
    *آني مير وانت مير منو يسوك الحمير
    *لو تفك بابك وتفتخر لو تسد بابك وتستتر
    *رمانتين بفد ايد ما تلزم
    *ما يحك جلدك إلا ظفرك
    *الما يلزم الجدح بيد ما يروي
    *اللي يولد عنزته بيده يولدها توم
    *الماينوش العنب يكول حصرم
    *الما يعرف يركص يكول الكاع عوجه
    *لمن تعصبت الرعنه فل سوك الغزل
    *الجدر ما يكعد إلا على ثلاثه
    *صانع الاستاد استاد ونص
    *يوم الك ويوم عليك
    *الدنيا مثل ديلاب الهوه يوم فوك ويوم جوه
    *يوم كيمر وعسل ويوم خبز وبصل
    *حباية حباية تصير كبايه
    *كطره كطره تمتلي الجره
    *خاشوكه خاشوكه تنترس البستوكه
    *القرش الابيض ينفع بيوم الاسود
    *إمشي شهر ولا تطفر نهر
    *ياعجوز ما جنتي جنه
    *نست مرة العم جانت جنه
    *جا يكحلها عماها
    *جا الجمل يسوي له كرون كصوا اذانه
    *ماكو زور يخلى من واويه
    *اصبر عالحصرم تاكله عنب
    *الماينوش العنب يكول حصرم
    *من تكثر الملاليح تغرك السفينه
    *مكدي ما يحب مكدي
    *حرامي ما يبوك من حرامي
    *احلى الحلو خل ابلاش
    *خلي المر جوه والحلو فوك
    *تريد ارنب اخذ ارنب تريد غزال اخذ ارنب
    *ظل البيت لمطيره طارت بيه فد طيره
    *الما يعرف تدابيره حنطته تاكل شعيره
    *المفلس بالقافله امين
    *موت ياحمار لما يجيك الربيع
    *عيش يا كديش لما يطلع الحشسش
    *كالوالبوالجنيب ليش تمشي أعوج كال كلمن يمشي باليصرفله
    *صيف وشتا فد سطح
    *يوديه للشط ويرجعه عطشان
    *الله ينطي جوز للماعنده سنون
    *انطي الخبز لخبازه
    *الشادي بعين امه غزال
    *الحمه تجي من الرجلين
    *يا مسعده بيت على الشط منين ما ملت غرفت
    *باجه والكرون تتحاجه
    *يمه زوجيني بعشر فلوس كبل ماكبر واكسر الناموس
    *جت الحزينه تفرح ما لكلتلها مطرح
    *الطول طول النخله والعقل عقل الصخله
    *خمسه وخميسه بعينك يا حسود
    *عين الحسود بيها عود
    *ودع البزون شحمه
    *صام صام وفطر على جريه
    *جحا أولى بلحم ثوره
    *مصارين البطن بيناتها تتعارك
    *خلي عقلك براسك تعرف خلاصك
    *آني واخويه على ابن عمي وآني وابن عمي عالغريب
    *الظفر ما يطلع من اللحم
    *لاتخلي البيض بسله وحدة
    *يطلع الشعرة من العجين
    *يسد ضوه الشمس بمنخل
    *مفتح باللبن
    *سمعة البنيه مثل عود الشخاط
    *المرة مثل الرقية إنت وحظك عالسكين
    *يبيع بالسكله ركي
    *من شاب ودوه للكتاب
    *حمص بكل جدر ينبص
    *مثل الطماطه بكل جدر حاطه
    *كير ولصك بثوب أبيض
    *القاضي راضي انت شعليك
    *الطوب أحسن لو مكواري
    *إذا غاب القط العب يا فار
    *الكوم التعاونت ما ذلت
    *يا فقير إلك ألله
    *لا تحير إلها مدير
    *نايم ورجليه بالشمس
    *غرقان بالماي ويصيح آني عطشان
    *جنه ياكل بالدين
    *شيفيد الندم بعد خراب البصرة
    *إذا حضر الماي بطل التيمم
    *الغايب حجته وياه
    *ذيل الجلب أبد ما ينعدل
    *من عاشر القوم اربعين يوم صار منهم
    *لو دامت لغيرك ما وصلتلك
    *من لكى احبابه عاف صحابه
    *يركض عالتفله عباله درهم
    *فطير جنه شجر
    *بنت الشيخ لابن الشيخ ردناها
    *يتمسكن لما يتمكن
    *عدو واحد ولا ألف صديج
    *ماكو دخان بليه نار
    *سرك اببير
    *شيمه واخذ عباته
    *يغطي راسه ويكشف ساسه
    *كلبك صخر جلمود ماحن عليه
    *البنات أشكال وألوان مثل الجفافي بيهن التخون بساع وبيهن التوافي
    *الجمل من يوكع تكثر سجاجينه
    *النار ولا العار
    *الجار قبل الدار
    *في التأني السلامة وفي العجلة الندامة
    *لا خبر لا جفيه لا حامض حلو
    *بالنار جووني وبالماي دعبلوني
    *دكتور جرحي الأولي عوفه
    *يا غريب اذكر هلك
    *ثلثين الولد عالخال
    *بدر ابن اربعطعش
    *يرعى ويه الغنم وياكل ويه الذياب
    *ابن عمي شيال همي وابن خالي داري بحالي
    *مايه من تحت تبن
    *يا ما تحت السواهي دواهي
    *الدرب التودي ما تجيب
    *عصفور كفل زرزور والثنين طياره
     
  5. رد: امثال وحكم عراقية

    يسلموووووووووووو
     
  6. رد: امثال وحكم عراقية

    يدللوو عيوني نورتو لموضوع
     

جاري تحميل الصفحة...